Shqipëria modeste, sfidon “205 mln euro” të Anglisë

Pas kombëtares A, që u bërballë mbrëmjen e të enjtes me Andorrën në sfidën kualifikuese, të premten në mbrëmje një tjetër sfidë është rezervuar për kuqezinjtë. Në stadiumin “Loro Boriçi” në Shkodër, kombëtarja U-21 e drejtuar nga Alban Bushi do të përballet me Anglinë, në sfidën eleminatore e vlefshme për Grupin 3.

Ndeshja në letër është shumë e vështirë për skuadrën tonë, pasi Anglia vjen në Shqipëri me shumë yje, talente që luajnë në ekipet e Premier League. Megjithatë, duket se të tilla ndeshje shërbejnë edhe si motivim për skuadrën tonë, duke pasur parasysh nivelin e kundërshtarit. Aktualisht, kuqezinjtë e drejtuar nga Alban Bushi ndodhen në vendin e katër me 5 pikë.


Shanset për kualifikim ekzistojnë, pavarësisht sesa e vështirë është. Shqipëria ndodhet në grup me Kosovën, Turqinë, Andorrën, Austrinë dhe Anglinë, këto dy të fundit janë dhe skuadrat që kryesojnë grupin me nga 9 pikë secila.

Kombëtarja U-21 e Anglisë vlen 205 milion euro, pasi në skuadër kanë yje që kushtojnë deri në 35 milion euro, si Reyan Sessegnon, që aktivizohet për Tottenham. Ndërsa kombëtarja U-21 e Shqipërisë kushton rreth 3.8 milion euro, shifër e papërfillshme, ose thënë ndryshe sa lojtari më pak i kushtueshëm i Anglisë U-21. Ndërkohë, Kosova U-21 do të përballet mbrëmjen e të premtes me Austrinë.


UEFA heton Bullgarinë dhe Anglinë. Pranga 6 tifozëve

Policia bullgare identifikoi 15 tifozë, të cilët dyshohet se shkaktuan koret raciste në takimin Bullgari-Angli të disa ditëve më parë, në eleminatoret e Euro 2020. Policia arrestoi 6 prej personave të identifikuar, ndërsa tre janë shpallur në kërkim. Ndeshja, që Anglia fitoi 6-0 ndaj Bullgarisë në Sofje, u ndal dy herë në pjesën e parë pas koreve raciste të tifozëve vendas.

“Ne nuk do tolerojmë një sjellje të tillë”, tha një përfaqësues i Ministrisë së Brendshme të Bullgarisë. Ndërkohë, ky skandal, u shoqërua me dorëheqjen e Presidentit të Federatës Bullgare të Futbollit Borislav Mikhailov. Koret raciste të tifozëve bullgarë nuk u pritën mirë as nga përfaqësues të futbollit në këtë vend. Ish-futbollisti Hristo Stoichkov, u bë emocionues kur u pyet në televizion se si mund të parandalohen akte të tilla të shëmtuara.


Ai u shpreh se “tifozët nuk duhet të lejohen në stadium, dhe të përballen me ndëshkime më të rënda”. Ndërkohë, UEFA lajmëroi se nisi hetimet ndaj Federatës Bullgare të Futbollit  në disa drejtime; për koret raciste, hedhjen e sendeve të ndaluara në fushë dhe prishjen e himnit kombëtar. Nën hetim është vënë dhe Federata Angleze e Futbollit për prishje të himnit kombëtar të ekipit kundërshtar, ndërsa pritet që çështja të trajtohet nga Komisioni i Disiplinës.


Koret raciste, rrezikon të ndërpritet Bullgari-Angli

Dy herë u ndërpre ndeshja mes Bullgarisë dhe Anglisë në Sofje për shkak të thirrjeve raciste të tifozëve vendas. Herën e parë ndeshja u ndërpre në momentin që Anglia udhëhiqte me rezultatin 2-0. Megjithatë, arbitri vendosi të lejohej vazhdimi i ndeshjes, por kjo gjë nuk solli ndryshim.

Kështu, arbitri paralajmëroi se nëse nuk do të ndërpiteshin thirrjet raciste, ai do të pezullonte ndeshjen. Stadiumi “Levski” ishte i mbyllur në një pjesë të tij në këtë ndeshje, pasi Bullgaria u ndëshkua nga UEFA për shkak të koreve raciste në kualifikueset ndaj Kosovës dhe Republikës Çeke. Nëse koret raciste vazhdojnë dhe gjatë pjesës së dytë, takimi rrezikon të mbyllet përfundimisht.


UEFA ka një protokoll tre-hapësh për t’u marrë me racizmin në ndeshje. Për hapin e parë, gjyqtari do të flasë me spikerin e stadiumit dhe do të kërkojë ndërprerjen e sjelljes raciste. Nëse vazhdon, gjyqtari mund t’i dërgojë lojtarët në dhomat e zhveshjes për një periudhë kohe dhe spikeri i stadiumit do të bëjë një athirrje tjetër. Nëse vazhdon akoma, ndeshja ndërpritet.


Dokumentet sekrete, Anglia në prag të katastrofës

Dokumente sekrete të qeverisë britanike paralajmërojnë paralizim në gjithë vendin në rast se Britania largohet më 31 tetor nga Bashkimi Evropian pa një marrëveshje. Dokumentet u publikuan nga gazeta “The Sunday Times” dhe sipas burimeve qeveritare që nuk pranuan të identifikohen, ato janë dhënë shtypit nga një ish-ministër.

Britania pritet të përballet me probleme të mëdha nëse largohet nga Bashkimi Evropian pa një marrëveshje tregtare, thuhet në disa dokumente të publikuar nga gazeta “The Sunday Times”.


Në në rast të tillë vendi do të përballej me ndërprerje të furnizimeve me ilaçe, ushqime e karburant, që mund të zgjasnin deri në gjashtë muaj.

“The Sunday Times” shkruan se “dosja ofron një vështrim të rrallë mbi një plan sekret të qeverisë për të shmangur një kolaps katastrofik në infrastrukturën e vendit”.

Dokumentet ku detajohet ndikimi negativ në vend në rast të një Brexit-i pa marrëveshje, janë nxjerrë nga një ish-ministër në një përpjekje për të ndikuar negociatat e qeverisë me Bashkimin Evropian, tha një burim qeveritar të dielën.

Sipas të njëjtit burim “dokumenti i përket kohës kur ministrat po bllokonin atë që duhej bërë për t’u përgatitur për largimin dhe fondet nuk ishin në dispozicion”, siç tha ai.

Megjithëse skenarët e zymtë, që përshkruhen në dokumentet që kanë rrjedhur prej qeverisë, janë diskutuar prej kohësh nga akademikët dhe ekonomistët, ato janë hedhur poshtë si përhapëse të paniku nga përkrahësit e largimit të Britanisë nga BE-ja.

Kryeministri britanik Boris Johnson ka thënë se vendi do të largohet nga Bashkimi Evropian më 31 tetor pa një marrëveshje edhe nëse nuk do të mundet të rinegociojë marrëveshjen e paraardhëses së tij Theresa May me bllokun.

Megjithatë zyrtarët e kanë paralajmëruar kryeministrin Boris Johnson se dalja pa marrëveshje nga Brexit, do të vendoste në rrezik bashkëpunimin për ndarjen e informacionit që u nevojitet forcave të zbatimit të ligjit si dhe industrinë e shërbimeve financiare.

Dokumentet e publikuara nga “The Sunday Times” citojnë gjithashtu zyrtarët të paralajmërojnë se deri në 85 për qind e kamionëve nuk do të ishin gati për të kaluar doganat franceze në vendkalimin kritik, Kanalin e Lamanshit në 31 tetor, duke shkaktuar radhë që mund të zgjasnin me ditë. Rreth 75 për qind e të gjithë ilaçeve që vijnë në Britania arrijnë përmes këtij vendkalimi, thuhet në dokumente.

Zyrtarët parashikojnë prekje të “elementëve kritikë” të zinxhirit të furnizimit me ushqime “që do të krijonin mungesa në treg e do të rrisnin çmimin, me pasoja tek grupet më të prekshme”. “The Sunday Times” nuk e ka shpjeguar se si i mori dokumentet edhe qeveria nga ana tjetër nuk i është përgjigjur kërkesave për komente./VOA/


Holanda në finalen e Nations League, Anglia turpërohet nga gafat e lojtarëve

Holanda ka thyer Anglinë me rezultatin 3-1 në gjysmëfinalen e dytë të Grupit A në Nations League, duke prerë një biletë për finalen ku do të përballet me Portugalinë. “Tulipanët” kanë përmbysr gjithçka, teksa skuadra e Southgate kaloi në avantazh në minutën e 32, pas një gabimi të De Ligt. 19-vjeçari bëri një ndërhyrje të gabuar ndaj Rashford, teksa arbitri akordoi penallti, e cila u shênua po nga Rashford.

Megjithatë, skuadra holandeze ka reaguar dhe në minutën e 73′ Mathijs De Ligt ka shlyer gjithçka duke barazuar shifrat me një gol me kokë. Anglia kaloi në avantazh pak minuta para fundit por goli i Lingard u anulua nga VAR. Një gabim i John Stones i kushtoi Anglisë, pasi topi i lejuar prej tij u bë autogol nga Kyle Walker.


Por gafat nuk sosën me kaq, pasi Barkley i dhuroi një pasi Debayt, me këtë të fundit që i dha topon Promes, ndërsa ky shënoi golin duke vulosur shifrat në 3-1. Kështu Holanda shkon në finalen e Grupit A të Nations League ku do të përballet me Portugalinë, që dje mundi Zvicrën po me të njëjtin rezultat që fitoi Holanda sot. Ndeshja do të zhvillohet në orën 20:45 në “Estadio do Dragao”.


Angli-Hollandë, Southgate lë në stol dy kapitenët e finalistëve të Champions League

Anglia do të barballet me Hollandën në gjysmëfinalen e Nations League këtë të enjte në mbrëmje, nga ku ekipi fitues do të luajë në finalen e Grupit A ndaj Portugalisë, që mundi të mërkurën Zvicrën.

Skuadra e Gareth Southgate pritet të ketë dy mungesa të rëndësishme, të paktën në formacionin titullar.


Sky Sport raporton se dy kapitenët respektiv të dy ekipeve finaliste të Champions League, Harry Kane i Tottenham dhe Jordan Henderson i Liverpool, nuk do të jenë titullar të enjten në mbrëmje me Anglinë përballë Hollandës.

Në mungesë të Harry Kane, do të jetë Raheem Sterling ai që do të mbajë shiritin e kapitenit për anglinë, në ndeshjen e tij të 50-të me kombëtaren.

Kapiteni i Liverpoolit, Henderson dhe ai i “Spurs”, Kane, luajtën 90 minuta në finalen e Ligës së Kampiopnëve në Madrid, dhe si rezultat u bashkuan me kombëtaren këtë javë.

Kane është trajnuar me pjesën tjetër të skkuadrës së drejtuar nga Gareth Southgate, ndërsa Henderson, i cili është stërvitur vetëm, ishte i vetmi i munguar në sesionin para përgatitor që Anglia zhvilloi për ndeshjen gjysmëfinale të së enjtes.


Britania i bashkohet zërave ndërkombëtar: Ulu në dialog pa kushte

Përveç informimeve që ka bërë me ndërkombëtarët në lidhje me situatën në vend, Basha ka marrë edhe një “shuplakë” nga ato gjatë vizitës së tij në Angli.

Basha ka zhvilluar një takim me drejtorin për Ballkanin Perëndimor në Britaninë e Madhe, Andrew Page ku i ka kërkuar “të ulet në negociata me kryeministrin Rama pa parakushte, përndryshe zgjedhjet e 30 qershorit do të njihen edhe sikur të gjitha bashkitë të fitohen nga PS” raporton Report TV. Ndërkohë që ky takim nuk është bërë i ditur nga Basha.


Më herët Basha tha se nuk do të ketë dialog me Ramën kryeministër, ndërsa zyrtarët britanik i bën thirrje për dialog për zgjidhjen e krizës duke iu bashkuar zërave të tjetër ndërkombëtarë, përfshirë dhe SHBA.


UEFA dënon Malin e Zi, Kosova “fërkon” duart!

Federata e Futbollit të Malit të Zi është dënuar nga Komisioni i Disiplinës në UEFA, me këtë të fundit që e detyron federatën e shtetit fqinj të Shqipërisë, të luajë ndeshjen e ardhshme në shtëpi të ekipit kombëtar me dyer të mbyllura dhe të paguajë 20 mijë euro gjobë.

Ky dënim i rëndë vjen pas sjelljeve antisportive të tifozëve malazez ndaj lojtarëve të ekipit anglez, në ndeshjen që Mali i Zi luajti kundër Anglise, në takimin e vlefshëm për eleminatoret e europianit gjatë muajit mars.


Sipas vendimeve të publikuara sot në faqen zyrtare të UEFA-s, gjatë ndeshjes Mali Zi-Angli, tifozët vendas kanë hedhur mjete piroteknike në fushë, objekte dhe sende të forta, janë thirrur kore raciste dhe janë thyer masat e sigurisë në stadium.

Megjithatë, lajmi më i rëndësishëm është fakti se nga ky dënim i Malit të Zi përfiton Kosova, pasi “Dardanët”, janë ekipi i radhës që Mali i Zi pret në shtëpi në ndeshjen e ardhshme të kualifikueseve të Euro 2020.


Skip to toolbar