Tag: Argjentina

Dënohet Messi, përjashtohet nga kombëtarja dhe gjobitet me 50 mijë dollarë

Lionel Messi nuk do të jetë në gjendje të grumbullohet me kombëtaren e Argjentinës për tre muajt e ardhshëm, pasi është dënuar nga Konfederata e Futbollit në Amerikën e Jugut. Sulmuesi argjentinas është dënuar pasi akuzoi për “korrupsion” drejtuesit e Konfederatës së Futbollit në Amerikën e Jugut, gjatë zhvillimit të kompeticionit të “Copa America”.

Messi është lënë jashtë, së bashku me futbollistin e Kilit, Gary Medel, me të cilin pati një grindje gjatë ndeshjes Argjentinë-Kili, në play-offin për vendin  e tretë, ku Messi doli më karton të kuq. Pas përfundimit të kësaj ndeshje, Messi nuk doli në fushë për të marrë medaljen e vendit të tretë në  “Copa America”, duke krijuar habi.

Më pas, sulmuesi sqaroi edhe arsyet pse nuk ishte në ceremoni, duke treguar se nuk dëshironte të “ishte pjesë e këtij korrupsioni, kjo është mungesë respekti për të gjithë në Copa America”, tha Messi. Ai gjiashtu akuzoi gjyqtarët për anësi në ndeshjen gjysmëfinale midis Argjentinës dhe Brazilit, ku fitues doli Selecao duke shkuar në finale. Messi u shpreh se arbitrat e ndihmuan Brazilin të shkonte në finale.

Si ndëshkim për shpërthimet e tij, Messi do të vuajë një pezullim tre mujor nga njoftimi i së premtes, duke e përjashtuar atë nga ndeshjet e Argjentinës deri në nëntor. Kjo do të thotë se ai do të humbasë miqësore kundër Kilit, Meksikës dhe Gjermanisë, ndërsa Messi gjithashtu është gjobitur me 50,000 dollarë.

Messi(a) e djallos, por Argjentina merr medalje në Copa America

Argjentina ka shpëtuar nderin në Copa America, duke fituar kundër Chilit për vendin e tretë, me ndeshjen që u mbyll 2-1 për skuadrën e Leo Messit, pavarësisht se kapiteni nuk arriti të shijonte “suksesin” për vendin e tretë.

Ndeshja për vendin e tretë në Copa America, mes Argjentinës dhe Chilit ka prodhuar spektakkël dhe tension gjatë pjesës së parë. Argjentina, si për të shfryr për humbjen ndaj Brazilit në gjysmëfinale, ka shënuar dy gola të shpejtë në pjesën e parë.

Aguero në 12` shënoi golin e avantazhit, i asistuar nga Leo Messi, ndërsa Dybala 14 minuta më vonë dyfishoi rezultatin për skuadrën e tij. Por momentin më dramatik i ndeshjes ishte në minutën e 37`.

Leo Messi dhe kundërshtari i tij Medel përplasen me njëri-tjetrin. Ka qenë ish-futbollisti i Interit, ai që ka nisur i pari zënkën, pasi ka provokuar kapitenin e Argjentinës. Leo Messin nuk e kanë mbajtur nervat dhe në atë moment e ka gjuajtur me kokë, ndërsa Medel ka reaguar duke e sharë dhe kërcënuar.

Arbitri i ndeshjes më pas i ka ndëshkuar të dy futbollistët më kartonë të kuq, duke i nxjerr jashtë nga fusha e lojës. Ndërkohë, gjatë pjesës së Arturo Vidal ka shënuar golin që ngushtoi shifrat në 2-1 për Chilin në minutën e 59`, pas gjuajtjes së një penalltie.

Por kampionët në fuqi të këtij kompeticioni, e patën të vështirë të shkonin më tej, megjithëse kanë dominuar lojën në kontrollin e topit. Të dielën do të luhet finalja e madhe e Copa America, ku Brazili dhe Peruja do të synojnë trofeun më të rëndësishëm për kombëtare në kontinentin e Amerikës Latine.

Messin e lënë nervat, godet kundërshtarin me kokë dhe del me të kuq

Ndeshja për vendin e tretë në Copa America, mes Argjentinës dhe Chilit ka prodhuar spektakkël dhe tension gjatë pjesës së parë. Argjentina, si për të shfryr për humbjen ndaj Brazilit në gjysmëfinale, ka shënuar dy gola të shpejtë në pjesën e parë.

Aguero në 12` shënoi golin e avantazhit, i asistuar nga Leo Messi, ndërsa Dybala 14 minuta më vonë dyfishoi rezultatin për skuadrën e tij. Por momentin më dramatik i ndeshjes ishte në minutën e 37`.

Leo Messi dhe kundërshtari i tij Medel përplasen me njëri-tjetrin. Ka qenë ish-futbollisti i Interit, ai që ka nisur i pari zënkën, pasi ka provokuar kapitenin e Argjentinës. Leo Messin nuk e kanë mbajtur nervat dhe në atë moment e ka gjuajtur me kokë, ndërsa Medel ka reaguar duke e sharë dhe kërcënuar.

Arbitri i ndeshjes më pas i ka ndëshkuar të dy futbollistët më kartonë të kuq, duke i nxjerr jashtë nga fusha e lojës.

Argjentina dështon përsëri, Messi(a) i mallkuar nga numri që mban!

Brazili është finalisti i parë i Copa America pasi mëngjesin e të mërkurës (me orën tonë lokale) Selecao mposhti Argjentinën në gjysmëfinale. E njohur ndryshe si Klasikja e Amerikës, përballja mes Brazilit dhe Argjentinës ishte një finale e parakohshme për shkak të pritshmërive të larta që kishte kjo ndeshje. Autorët e suksesit të Brazilit ishin Gabriel Jesus në pjesën e parë, që shënoi pasi u asistua nga Firmino, ndërsa sulmuesi i Liverpool do të shënonte në pjesën e dytë i asistuar nga Jesus. Një ndeshje emocionuese për tifozët brazilian, por jo për ata të Argjentinës, që shohin dështimin e radhës të skuadrës së tyre nën udhëheqjen e yllit të Barcelonës, Lionel Messi. U mundua shumë, vrapoi në fushë dhe tentoi portën, por nuk ishte e shkruar as këtë herë që Messi dhe Argjentina të thyenin mallkimin, që duket se i përndjek bashkërisht prej 2006 kur “Pleshti” debutoi me skuadrën e tij. Në fakt, me dështimin e radhës në Copa America për Leo Messin shënohet zhgënjimi i nëntë me ekipin kombëtar të Argjentinës. Praktikisht ky ishte dështimi i pestë në Copa America për Leo Messin, ndërsa katër disfatat e tjera me kombëtaren i ka në Kupën e Botës.

Dështimet në FIFA World Cup:

-Gjermani 2006: Messi luajti pak minuta në përzgjedhjen e drejtuar nga Néstor Pekerman. Eliminohet nga Gjermania.
-Afrika e Jugut 2010: me Maradonën në bankinë, Leo ishte kapiten, por nuk shënoii një gol të vetëm. Përsëri Gjermania i prishi ëndrrën.
-Brazil 2014: Gjermania, për herë të tretë në rresht, shkatërroi përsëri ambiciet e Messit, pasi “Pancerat” fituan finalen e madhe.
-Rusi 2018: Argjentina e udhëhequr nga Sampaoli kurrë nuk gjeti rrugën e suksesit dhe u largua pas disfatës 4-2 nga Franca në raudin e 16-ve.

Dështimet në Copa America:

-Copa América 2007: Argjentina arriti në finale, por u mund 3-0 nga Brazilit. Leo luajti një turne të madh në Peru.
-Copa América 2011: Argjentina ishte mirë, por Messi kurrë nuk ndihej rehat pasi kritikohej shumë. U eleminua nga Uruguai.
-Copa América 2015: Një tjetër finale e humbur për Leo Messin. Këtë herë ishte kundër Kilit, në atë vend.
-Copa América Centenario 2016: Shtetet e Bashkuara organizuan një turne. Ishte Kili përsëri që mori kupën ndërsa Messi u largua i turpëruar.
-Copa América 2019: Brazili mundi Argjentinën 2-0 dhe e largoi atë nga turneu në gjysmëfinale. Kjo mund të ishte ndeshja e duhur e 10 së Barcelonës, pasi shkoi shumë pranë shënimit. Por mallkimi e ndjek, Messi do të ketë dhe një shans me Argjentinën në botërorin e Katarit! Do të jetë përfaqësimi i dhjetë në kompeticione ndërkombëtare për 10 e Argjentinës! A do të jetë e dhjeta e vërteta?!

Copa America, Argjentina kualifikohet me ndihmën e Kolumbisë

Me ndihmën e Kolumbisë, Argjentina ka mundur të kalojë në turin tjetër të Copa America, pasi ka fituar ndaj Katarit me rezultatin 2-0. Argjentina rrezikonte të dështonte me turp në këtë kompeticion, pasi në dy ndeshjet e para grumbulloi vetëm një pikë. Megjithatë, në ndeshjen e kësaj të diele, Leo Messi dhe shokët e tij arritën të fitonin 2-0 ndaj Katarit, duke u kualifikuar në fazën tjetër të Copa America.

Ishte Martinez ai që ndryshoi shifrat në minutën e 4` të sfidës, duke kaluar të tijët në avantazh. Më pas ndeshja vijon në këto kushte deri tetë minuta para fundit, kkur Sergio Aguero shënoi golin e dytë për Argjentinën, duke siguruar kualifikimin për në fazën tjetër. Sakaq, Columbia fitoi 1-0 ndaj Paraguait, duke i dhënë një dorë ekipit të Argjentinës.

 Kolumbezët kryesonin Grupin B me gjashtë pikë, dhe ishin kualifikuar që në ndeshjen e dytë, ndaj kundër Paraguait kanë luajtur pothuajse me ekipin e dytë. Megjithatë, as kjo nuk ka mjaftuar që Paraguai të fitonte, pasi ishte pikërisht ekipi i Kolumbisë që shënoi vetëm një gol, duke fituar takimin, dhe për rrjedhojë duke e mbyllur grupin me pikë të plota.

Aguero përgënjeshtron veten: Messi gjithmonë zgjedhja ime për “Ballon d’Or”

Sergio Aguero ka përgënjeshtruar një intervistë të dhënë në media po prej tij, ku kishte thënë se personi që duhet të fitojë Topin e Artë, duhet të jetë patjetër në finalen e Champions League. Mirëpo ky pohim i sulmuesit te Manchester Cityt ka bërë bujë në media.

Për këtë arsye, Aguero është detyruar të bëjë një deklaratë në rrjetin social Twitter, ku shprehet se vita e tij do të jetë vetëm për Lionel Messin, bashkëkombasin e tij dhe shokun e skuadrës te Kombëtarja e Argjentinës.

“Nuk më pëlqen të sqaroj deklaratat e mia, por kur raportohen gjëra që nuk i kam thënë, më duhet ta bëj. Do ta them hapur, atëherë. Askush tjetër veç Messit nuk do jetë zgjedhja ime për Ballon d’Or, për sa kohë ai do vazhdojë të luajë futboll – sidomos nëse luan si këtë sezon”.

Ish-trajneri Argjentinës, Sampaoli: Messi vuan në Kombëtare!

Lionel Messi është lojtari më i mirë argjentinas i të gjitha kohërave, dhe pse jo më i miri në botë i brezit të tij së bashku me portugezin Cristiano Ronaldo. Megjithatë, nëse ky i fundit ka fituar një trofe të rëndësishëm me Kombëtaren, Messi ende nuk ka ngritur lart një trofe me fanellën e Argjentinës.

“Pleshti” ka dështuar në çdo kompeticion madhor që ka luajtur si futbollist i kombëtares argjentinase, pavarësisht se ka shënuar 56 gola në 129 ndeshje. Këto nuk kanë mjaftuar, ndërsa Messi ndihet keq për këtë gjë.

Ish-trajneri që udhëhoqi Argjentinën në botërorim e Rusisë, Jorge Sampaoli, ka folur në një konferencê të organizuar nga Federata Braziliane e Futbollit, ku ndër të tjera është shprehur se Messi vuan shumë kur luan me kombëtaren

“Pata fatin të stërvis lojtarin më të mirë në botë. Nuk e di nëse ai është më i miri në histori, por tani ka më shumë se 600 gola në Europë, i ka thyer të gjitha rekordet. Megjithatë, ndryshe nga pjesa tjetër e botës, në vendin e tij është kritikuar”

“Ai është një qenie njerëzore. Argjentinasit përpiqen të kënaqen me Messin, ndërsa tifozët e Barcelonës e kënaqin atë. Messi vuan shumë nga ajo që ka kaluar në kombëtare, vuan shumë nga realiteti. Ai nuk mund t’i tregojë botës gjithçka që është, kur luan për Argjentinën. Pastaj, shoqëria argjentinase gëzohet për shkatërrimin e gjërave shumë më tepër se në rast suksesesh”.

Duke folur për dështimin e Argjentinës në “Rusia 2018”, Sampaoli nënvizoi: “Të jesh trajner i një kombëtareje të Amerikës së Jugut është pothuajse e pamundur, sepse lojtarët më të mirë tanët luajnë në Europë. Ne i kemi ata vetëm për pak kohë në dispozicion, jo mjaftueshëm për t’u injektuar vlerat që duam dhe filozofinë tonë të të luajturit”.

Skip to toolbar