Tag: brazil

Dhunë në derbi, policia përdor gaz lotsjellës ndaj tifozëve (video)

Derbi mes Cruzeiro dhe Atletico Mineiro në ligën e futbollit brazilian, përfundoi në dhunë barbare. Tifozët e të dyja ekipeve u përleshën masivisht, aq sa policia u detyrua të përdor gaz lotësjellës për t`i shpërndarë.

Dy tifozeritë, rivale të ashpra me njëra-tjetrën, nisën një sherr masiv, duke hequr vëmendjen nga fusha e lojës dhe përqëndruar në tribuna. Sipas mediave braziliane, ishin tifozët miq ata që nisën sherrin.

Kaosi ishte i madh, tifozët nisën të shkelnin njëri-tjetrin, ndërsa pamjet tregojnë se shumë stola u shkulën për tu përdorur si mjete për të gjuajtur kundërshtarin.

Stjuardët u përpoqën të parandalonin dhunën, por u desh ndërhyrja e policisë, që përdori gaz lotësjellës dhe bomba me piper për të shpërndarë tifozët. Raportohet se nga ngjarja pati të plagosur, mes të cilëve dhe vajza e mitur e një lojtari të skuadrës së Cruziero.

Zjarret në Amazonë zhysin Brazilin në errësirë në mes të ditës

Qyteti i San Paulos në Brazil ka kaluar një moment aspak të zakonshëm, kur papritur qielli i saj u errësua dhe në mes të ditës u bë natë. Kjo ndodhi si pasojë e reve të dendura të tymit të zi që vinte nga zjarret e rëna në pyllin e Amazonës. Flakët e mëdha në pyjet e Amazonës kanë shënuar një numër rekord këtë vit, plot 72.843 vatra zjarri duke u rritur me 83% në krahasim me 2018. Reja e dendur bllokoi dritën e diellit duke krijuar “natë” në qytet për të patën 1 orë deri sa u shpërndanë sërish.

Tymi erdhi si pasojë e erërave të forta duke udhëtuar 2700 km larg vatrave të zjarrit në Amazonë. Zjarret në Amazonë, e konsideruar edhe si mushkëria e botës, filluan me qëllim për të shpyllëzuar tokat në mënyrë të paligjshme për bagëtitë.

Mori peng autobusin me 37 persona, policia ekzekuton autorin

Personi që mori peng 37 persona në një autobus në Rio de Janerio u ekzekutua nga snajperët e policisë braziliane. Personi, i cili nuk është identifikuar, mori peng mëngjesin e të martës një autobus me pasagjerë dhe kërcënonte se do t’i vinte flakën mjetit me benzinë.

Ngjarja ndodh në një urë ku ndan zonën e Rio de Janerio dhe Niteroit, ndërsa policia evakuoi menjëherë zonën dhe e rrethoi atë. Gjatë negociatave për të liruar pengjet, personi i armatosur u paraqit se ishte polic ushtarak, por nuk dihet ende se pse mori peng 37 persona, të cilët i kërcënonte me vdekje.

Pas disa orëve negociatash të tij me policisë ai bëri të mundur lirimin e 6 pengjeve dhe më pas snajperët bënë të mundur ekzekutimin e tij. Sipas policisë të gjithë pengjet u liruar dhe nuk kanë pësuar lëndime.

Akuzat për përdhunim, mbyllen hetimet për Neymar

Policia braziliane ka pushuar hetimin ndaj Neymar, që akuzohej për përdhunim. Lajmin e kanë njoftuar mediat ndërkombëtare, të cilat i referohen policisë së Sao Paulos, që është shprehur se “nuk ka gjetur prova të mjaftueshme për të ngritura akuza”. Në këto kushte, organet hetimore që po hetonin yllin e PSG, kanë njoftuar se kanë mbyllur hetimin për shkak të mungesës së provave.

Një hetuese e Policisë së Sao Paulos i ka referuar çështjen prokurorëve publik, të cilët kanë 15 ditë kohë për të bërë vlerësimin dhe për të dhënë vendimin përfundimtar. “Unë përfundova hetimin dje. Nuk gjeta elemente të mjaftueshëm për të ngritur padi”, është shprehur hetuesja Juliana Lopes Bussacos në një konferencë për shtyp.

Neymar i kishte mohuar këto akuza, ku thuhej se ai “përdhunoi një vajzë në një dhomë hoteli në Paris në 15 maj të këtij viti”. Gruaja që denoncoi Neymar në polici, u shpreh se shkëmbente mesazhe vazhdimisht me viktimën, një vajzë 27-vjeçre, e cila pretendonte se ishte përdhunuar në Paris nga Neymar.

Më pas, Neymar publikoi një video në Instagram, ku pretendonte se akuzat ishin një përpjekje për shantazh ndaj tij.  Rasti doli në dritë pak para Copa America, të cilën braziliani e humbi për shkak të një dëmtimi në kyçin e këmbës.

Përleshje mes bandave në burg, shënohen 50 viktima në Brazil

Më shumë se 52 persona të burgosur në burgun e Altamira në Brazil janë vrarë, pas një përleshje masive mes të burgosurëve, që ka zgjatur për rreth pesë orë, raportojnë mediat ndërkombëtare.

Ngjarja ka ndodhur këtë të hënë, ku dy banda rivale brenda burgut  janë përplasur me njëra-tjetrë, e si pasojë e përleshjeve të dhunshme, kanë humbur jetën 52 të burgosur, raportojnë mediat lokale.

Ndërkohë, zyrtarët e burgut kanë konfirmuar vdekjen e të paktën 16 të burgosurve, të cilët nga disa raportime mësohet se janë vrarë, ndërsa pjesa tjetër kanë mbetur të asfiksuar.

Sipas mediave, në një pjesë të burgut ka pasur vatra zjarri dhe si pasojë shumë të burgosur janë asfiksuar prej tymit apo janë djegur nga flakët. Gjithashtu, raportohet se gjatë përleshjeve mes të burgosurve janë marrë peng dy gardianë, por ata më pas janë liruar.

Vetëm dy muaj më parë, në të njëjtën ditë në katër burgje të ndryshme, u vranë të paktën 40 persona.

Skip to toolbar