“I larë në ar”, Briken Calja kërkon shpërblim nga shteti

Sporti në Shqipëri nuk është  në ditët më të mira të tij, por megjithatë, diçka mbetet për tu krenuar. Peshëngritja është sporti, ku së paku në dy vitet e fundit, sportistët shqiptarë janë ngjitur disa herë në podium në garat ndërkombëtare duke marrë dhe medalje. Briken Calja është peshëngritësi më i suksesshëm i dy viteve të fundit. Në më pak se 19 muaj, peshëngritësi nga Shtërmeni i Cërrikut, fitoi katër medalje të arta dhe 2 të argjendta në dy kampionate europiane dhe një medalje bronzi në Botëror. Por, nëse Brikeni është i “larë në ar”, xhepat e tij  nuk janë kështu. Me një reagim publik, Briken Calja i rikujton shtetit shqiptar se është Kampion i Evropës me katër medalje ari, 2 argjendi dhe 1 bronzi në Botëror, por ende nuk i është rezervuar së paku një pritje zyrtare.

“Përgjatë dy viteve të fundit kemi arritur rezultate historike për sportin shqiptar dhe për peshëngritjen në veçanti! Por në Shqipëri këto triumfe hostorike të hidhen në kosh sa hap e mbyll sytë. Marrim nje shembull konkret: Në Bullgari kundështarit tim në peshën 73 kg Andreev Bozhidar, pas 21 ditëve, kohë e cila është normale për sa i përket pritjes që i bëhen analizave anti-doping, ministri perkatës i sporteve i bën pritje zyrtare dhe i siguron mbështetje të mëtejshme institucionale, financiare dhe morale për garat e ardhshme. Ndërsa në një univers paralel, Briken Calja në Shqipëri, fitues i 4 medalje të arta e 2 të argjendta Evropiane dhe një bronzi Botërore, ende nuk është shpërblyer për të gjitha medaljet që i takojnë dhe është në pritje akoma pas 19 muajve për një pritje zyrtare nga ana e institucioneve përkatëse. Kjo është skandal dhe qesharake njëkohësisht”, shkruan Calja.


Ai sqaron më tej se ka plotësuar çdo dokumentacion që i është kërkuar nga ana e institucioneve shtetërore për të përfituar shpërblimin financiar që i takon sipas ligjit, por sipas Briken Cales, shtetit i ka dhënë shpërblim për vetëm një medalje.  “Unë po kërkoj zbatimin e një VKM-je, asgjë më shumë, as lëmoshë e asgjë. Për Brikenin flet rezultati dhe jo burrokracitë dhe parazitizmat e rëmdomta që gjejmë në shoqërinë tonë. Realisht ligji i sportit dhe VKM-të përkatëse janë përmirësuar ndjeshëm po problemi qëndron zbatimi i tyre. Po vuaj padrejtesisht këtë çështje dhe dispozitat ligjore te parashikuara ne V.K.M dhe ligjin shqiptar më japin plotësisht të drejtë të përfitoj shumë herë me tepër se çkam përfituar deri më sot. Konkretisht, në 2018, kam marr 3 medalje ari dhe jam shperblyer vetëm për një të tillë, shto dhe faktin që për shpërblimin e një medalje të vetme kam pritur 1 vit të plotë kalendarik, nderkohë ligji shqiptar e parashikon për 3 muaj. E njëjta gjë ndodh dhe me medaljet e 2019”, shkruan Calja.

Më tej ai ngre dhe një tjetër shqetësim, që lidhet me punësimin e tij si sportist elitar, parashikuar nga ligji. Briken Calja thotë se ai duhet të punësohej pranë Ministrisë së Brendshme ose asaj të Mbrojtjes, por deri tani nuk ka ndodhur një gjë e tillë. Ai shprehet se për këtë ka plotësuar të gjitha dokumentat e kërkuara. “Çështje tjetër është dhe punësimi i medalistëve të kampionatit Evropian dhe Botëror. Konkretisht nga ana ligjore unë përfitoj punësim pranë Ministrisë se Brendshme ose te Mbrojtjes por deri tani asgjë e tillë ska ndodhur edhe pse dokumentacionet janë plotësuar të gjitha zyrtarisht. Se kur do të plotësohen këto gjëra nuk e di, mbase pas një shekulli?! Ligji dhe VKM-ja për sportet kanë një vit që kanë hyrë në fletoren zyrtare. Jam i lodhur nga këto burokracira. Kur do të vijë dita kur do të marrim atë që meritojmë pa u bërë pjesë e këtyre dogmave skandaloze të shoqërisë sonë. Njëkohësisht nëpërmjet këtij postimi publik i drejtohem Kryeministrit dhe Ministres së Arsimit dhe Sporteve. Jam i gatshëm të bashkëpunoj për ti dhënë drejtimin e duhur zgjidhjes së kësaj situate”, përfundon Calja.


Briken Calja indinjohet me të gjithë!

Fituesi i katër medaljeve të arta dhe dy të argjendta në dy vitet e fundit ndihet i papërkrahur!

Fituesi i katër medaljeve të arta dhe dy argjendi në dy kampionatet e fundit evropiane të peshëngritjes, Briken Calja, ka bërë një reagim të shterues në faqen e tij facebook, duke rrëfyer sipas tij, disa të vërteta.

Reagimi i Briken Cales, që u shpall së fundi Kampion Europe në stilin e shkëputjes në Kampionatin Europian të Batumit, vjen si indinjatë ndaj mungesës së reagimit nga mediat dhe institucionet shtetërore.


Sipas peshëngritësit, mediat e kanë kaluar si diçka normale fitoren e tre medaljeve të radhës të Brikenit në evropianin e shtantës, ndërsa ende Ministrja e Arsimit dhe Sportit, Besa Shahini, nuk e ka telefonuar për t`a uruar. Pavarësisht indinjatës së shprehur në reagimin e bërë në Facebook, Briken Calja tregon se do të vijojë të derdh gjak e djersë për kombin.

“ÇDO TË THOTË 4 MEDALJE ARI DHE 2 ARGJENDI?!

Gjatë dy viteve, 2018 dhe 2019, u arritën rezultate historike për sportin shqiptar dhe për peshëngritjen në veçanti, që deri dje dukeshin të pamundura. Por me punë ia dolëm! 💪

Në një vend normal europian kjo do të jehonizohej e do të bënte të fliste i madh e i vogël.

Por ç’ndodh?!

Në vendin tonë kjo gjë kalohet sikur të jetë një arritje e rëndomtë dhe krejt normale.

A e do njeri fjalën sport në këtë vend? A mund të sillemi me sportistët siç ata e meritojnë? Çfarë duhet të bëjmë më shumë ne peshëngritësit që ndaj nesh të ketë një sjellje të duhur dhe dinjitoze?

Për median kjo gjë u kalua si diçka krejt standarde e normale. Më falni, duhet të jetë patjetër Brikeni nëpër studiot tuaja që të flitet për medaljet historike të sjella këto dy vite për Shqipërinë?

Për Brikenin flet vetë rezultati, por ju nuk po arrini të përmbushni atë motiv që profesioni juaj mbart, përcjelljen e lajmeve dhe opinioneve të duhura në mënyrë sinkrone, direkte dhe sigurisht të pavarura.

Në këtë vend flitet për çdo gjë, por për sportin dhe peshëngritjen në veçanti janë të gjithë neglizhentë kur ndërkohë deri tani përsa i përket rezultateve është krenaria jonë më e madhe.

Për mua rëndësia më e madhe është publiku, i cili më ka mbështetur në çdo hap timin, ata që kanë brohoritur në çdo kilogram timin të ngritur dhe që më kanë pritur ardhjen time në vendlindje me entuziazëm, duartrokitje e krenari.

Meqë përmendëm pritjen dhe përkrahjen, po ju përcjell lajmin që akoma nuk kam marrë asnjë telefonatë apo mesazh nga Ministria e Arsimit dhe Sportit apo qoftë nga ndonjë zyrtar i saj. As edhe një urim të thjeshtë! Zero!

Mua si Briken kjo gjë nuk më duket normale, dhe nuk duket normale për asnjë person mesatar në nivelin e kuptueshmërisë.

Çfarë duhet të bëj më shumë një kampion Evrope?

Ka shumë pikëpyetje për çdo gjë dhe këdo që nuk më ka dhënë mbështjetjen e duhur, gjë të cilën ia dikton detyra por do të duheshin ditë të tëra për tu shprehur.

Këto fjalë burojnë nga zemra, që edhe pse e trazuar nga mërzitja e inati për ato që shpreha më lart, prapë buzëqesh kur bëhet fjala për Shqipërinë.

Do të vazhdoj të derdh djersë e gjak për kombin tim, edhe pse i papërkrahur aq sa duhet nga disa komponentët kyç që duhet të më gjenden pranë.

Juaji,

Briken Calja.

Fitues i 4 medaljeve Ari dhe 2 Argjendi në krye të dy viteve të fundi!

Publiée par Briken Calja sur Mardi 16 avril 2019

Calja i artë, mban premtimin

Peshëngritësi nga Shtërmeni rrëmben medalje ari në shkëputje

Briken Calja është shpallur përsëri Kampion Europe në peshëngritje për stilin e shkëputjes në peshën 73kg. Peshëngritësi nga Shëtermeni, ka triumfuar pasditen e sotme në Batumi të Gjeorgjisë, aty ku po mbahet kampionati Europian i Peshëngritjes për të rritur.

Calja la pas rivalët e tjerë në stilin e shpëkutjes, pasi arriti të ngrinte 156kg në provën e dytë.


Në provën e parë, Calja realizoi me sukses 152kg, ndërkohë që shtangisti nga Shtërmeni nuk dështon edhe në provën e dytë, ku ngre lart me sukses 156kg. Në provën e tretë shtangisti kuqezi tentoi 160kg, për të vendosur rekord të ri europian, por pa sukses

Briken Calja është kampioni i trefishtë i Europës një vit më parë, pasi fitoi 3 të arta në shkëputje, shtytje dhe dygarësh. Edhe këtë vit Calja e nis mbarë këtë Europian, ndërkohë që mund të realizojë sërish të njëjtin rezultat pas pak, kur të garojë në stilin e shtytjes.


Calja mban premtimin, përsëri kampion i Europës

Shtangisti nga Shtërmeni realizon tjetër sukses në Europianin e shtangës

Briken Calja është shpallur Kampion Europe në peshëngritje në peshën 73kg, për stilin e shkëputjes, ndërsa ka rrëmbyer dy medalje të argjendta në shtytje dhe dygarësh. Kampioni në fuqi i Europës garoi sot në Europianin e shtangës që po zhvillohet në Batumi të Gjeorgjisë.

Në provën e parë, Calja realizoi me sukses 152kg, ndërkohë që shtangisti nga Shtërmeni nuk dështon edhe në provën e dytë, ku ngre lart me sukses 156kg. Në provën e tretë shtangisti kuqezi tentoi 160kg, për të vendosur rekord të ri europian, por pa sukses.


Pasi siguroi medaljen e artë në shkëputje, peshëngritësi nga Shtërmeni garoi për stilin e shtytjes, duke dështuar në dy nga tre provat, dhe për rrjedhojë doli i dyti. Gjithashtu në përfundim të konkurrimit, Briken calja u shpall nënkampion Europe në dygarësh, teksa rrëmbeu 1 medalje të artë dhe dy të argjendta.

Në stilin e shtytjes Calja e nis jo mirë garën, duke mos ngritur dot 183kg në provën e parë. Gjithsesi, këtë peshë shtangisti e realizon me sukses në provën e dytë, duke ngritur lart 183kg. Në provën e tretë, shtangisti kuqezi tentoi 188kg (rekord europian), por dështoi sërsish edhe pse iu afrua shumë pranë suksesit.

Në dygarësh, Briken Calja e mbylli garën me 339kg në total. Ai u mposht vetëm nga bullgari Bozhidar Andreev, që e mundi në stilin e shtytjes (ngriti 192kg) dhe në dygarësh (345kg, rekord europian). Gjithsesi, shtangisti kuqezi mbajti premtimin për medalje, duke i dhuruar Shqipërisë një të artë dhe dy argjendi, ndërkohë që një vit më parë fitoi 3 të arta.


Calja me shokë synojnë zonën e medaljeve

Ekipi shqiptar drejt Gjeorgjisë për Kampionatin Europian të Peshëngritjes!

Kombëtarja shqiptare e peshëngritjes do të marrë pjesë në Kampionatin Europian, që do të zhvillohet në Batumi të Gjeorgjisë. Skuadra jonë do të përfaqësohet me pesë peshëngritës.

Kampioni i Europës në fuqi, Briken Calja (73 kg), Erkand Qerimaj (81 kg), Krenar Shoraj (89 kg), Daniel Godelli (81 kg) dhe Endri Karina (102 kg).


Ekipi ynë përfaqësues është nisur ditën e sotme drejt Gjeorgjisë, aty ku në ditët në vijim peshëngritësit do të përgatiten për garat sipas kalendarit të parashikuar nga Federata Europiane e Peshëngritjes.

Kampionati ka nisur ditën e djeshme, ndërsa përfundon në datën 13 prill. Këtë herë, Shqipëria nuk do të përfaqësohet me asnjë peshëngritëse femër në këtë kampionat.

Briken Calja vjen si një ndër favoritët për të përsëritur historinë e një viti më parë, kur triumfoi në Rumani duke rrëmbyer tre medalje të arta.

Edhe peshëngritësit e tjerë të kombëtares tonë do të synojnë të arrijnë zonën e medaljes, pasi gjatë kësaj periudhe janë stërvitur në mënyrë intensive.


Skip to toolbar