Qytetarët injoruan protestën e PD, inatoset Paloka: Plehra që i financon Rama

Partisë Demokratike nuk i del inati me dështimin e protestës të paralajmëruar për t`u zhvilluar këtë të hënë, ku sipas planit, shoferët e mjeteve duhet të fiknin makinat për tre orë në kryqëzime të ndryshme në rrugët e vendit, si protestë ndaj asaj, që PD, e quan rritje të karburantit. Edi Paloka ka shkruar në rrjetet sociale një reagim në lidhje me dështimin e protestës së thirrur nga Agron Shehaj për këtë të hënë. Paloka u drejtohet atyre qytetarëve me një pyetje retorike, se përse nuk protestuan të hënën.

“Ku janë ata që nuk marrin pjesë në protestat e organizuara nga opozita sepse i konsiderojnë politike dhe deklarojnë se duhet dhe do protestojnë vetëm kur protestat të jenë qytetare dhe jashtë interesave politike të partive?. A ishte për interesa qytetare dhe e thirrur nga qytetarët protesta e sotme në orën 12:00? Atëherë pse nuk protestuan, apo sepse qytetarët më të varfër në Evropë ju pëlqen që edhe sot pa rritjen ende të çmimit, e paguajnë karburantin më shtrenjtë se çdo qytetar tjetër evropian?!”, shkruan Paloka.

Në fakt, protesta ishte thirrur nga PD, pra protesta ishte politike dhe këtu Paloka mjafton t`i referohet statusit të shkruar nga kolegu i tij Agron Shehaj të dielën. Interesi mund të jetë qytetar (kur bëhet fjalë për rritjen e çmimit të karburantit), por protesta ishte e organizuar politikisht. Megjithatë, më tej Paloka vijon me pyetjet e tij drejtuar grupimeve dhe organizatave, duke i cilësuar “plehurina” që financohen nga Rama.

“Ku ishin sot ato shoqata, organizata e grupime që bërtasin në çdo rast “jashtë politika nga protestat qytetare”?!. Në fakt, të gjitha janë ca plehurina që financohen nga Rama pikërisht për të shuajtur protestat qytetare dhe në ato pak raste kur qytetarët kërkojnë të organizohen”, shkruan ndër të tjera Paloka.

Paloka: Zguri u kërcënua pse kërkoi zbatimin e ligjit

Nënkryetari i Partisë Demokratike, Edi Paloka ka reaguar për kërcënimin e kreut të KQZ-së, Klement Zguri. Paloka tha se këto kërcënime ndodhin si pasojë se bashkëqeverisjes së Ramës me krimin, duke kërcënuar këdo që kërkon të zbatojë ligjin dhe të hedh dritë mbi manipulimet e numrit të votave në 30 qershor. Kërcënimet në adresë të Zgurit erdhën një ditë pas kërkesës së tij për hapjen e kutive dhe vlerësimin e numrit real të votave.

“Në Shqipërinë e Edi Ramës ku krimi i organizuar qeverisë bashkë me të, kushdo që guxon të zbatojë ligjin, kërcënohet nga bandat e Edi Ramës. Bandat prekin zgjedhjet, bandat mbushin kutitë, bandat blejnë vota dhe shantazhojnë votues, sot kanë kaluar çdo limit duke kërcënuar me jetë Kryetarin e Komisionit Qendror të Zgjedhjeve z. Klement Zguri dhe familjen e tij. Partia Demokratike kërkon menjëherë arrestimin dhe vënien përpara përgjegjësisë të banditit që, për pushtetin e Edi Ramës, kërcënon kreun e KQZ-së, për shkak të kërkesë së tij për të hedhur dritë mbi mbushjen e kutive dhe manipulimin e numrit të votuesve.” – tha Paloka

Paloka tha se Rama është përgjegjësi i vetëm për situatën e krijuar në vend dhe i bën thirrje të tërheq banditët që ka lëshuar rrugëve për të kërcënuar këdo që nuk i bindet.

“Tërhiqem nga politika nëse ka zgjedhje pa opozitën” A do mbajë Paloka premtimin?

Rreth 3 muaj më parë nënkryetari i Partisë Demokratike, Edi Paloka u shpreh me bindje të plotë, nga një studio televizive, se zgjedhje pa opozitën nuk do të ketë kurrë. Ai e shoqëroi atë me një deklaratë edhe më të fortë se nëse zgjedhjet do të mbaheshin, ai do të largohej nga skena politike.

Sot zgjedhjet u mbajtën, pa opozitën dhe në mënyrën më normale dhe demokratike të mundshme. Pjesëmarrja në zgjedhje sipas informacioneve paraprake eshte rreth 800 mijë. Zgjedhjet e 30 qershorit u kundërshtuan me forcë nga opozita se ato nuk do të zhvillohen kurrë, por sot pamë që kjo gjë ndodhi dhe ishin tepër të qeta e qytetare. Madje ishin zgjedhjet më të qeta në gjithë historinë e zgjedhjeve në Shqipëri, ku asnjëherë nuk kanë munguar incidentet. Incidentet e zgjedhjeve lokale të 30 qershorit mund t’i numërojmë me gishtat e një dore. Edhe protestat e dhunshme që mbizotëruan deri të premten në mbrëmje në disa KZAZ të vendit, ditën e diel pati protesta krejt ndryshe, molotovët u zëvendësuan nga firzamonika.

Po tani çfarë do të bëjë Edi Paloka? Do ta mbajë premtimin e tij për të ikur nga skena politike përgjithmonë?

PD dhunë në KZAZ, por Paloka thotë se fajin e ka Rama

Rama për të mbrojtur pushtetin e tij është gati të fus vendin në një konflikt civil, tha nënkryetari i Partisë Demokratike, Edi Paloka në një deklaratë për mediat. Kryeministri është i vetmi i interesuar për dhunë dhe përplasje civile, por plani i tij për konflikt civil do të dështojë tha Paloka, i cili shtoi se qytetarët po mbrojnë vetëm ligjin dhe po njohin dekretin zyrtar të Presidentit Meta për shuqëzimin e 30 qershorit.

“Edi Rama është i vetmi i interesuar për dhunë dhe përplasje civile, sepse tani ai ka dalë zbuluar përpara qytetarëve dhe gjithë botës. Por plani i tij për përplasje dhe konflikt civil në Shqipëri, do të dështojë. Edi Rama dhe banda e tij, në paligjshmëri të plotë, po arrestojnë qytetarët për arsyen e vetme se ata po zbatojnë ligjin. Ky ligj është botuar në fletoren zyrtare nga vetë qeveria dhe është akti i vetëm në fuqi për zgjedhjet.” – tha Paloka

Paloka akuzoi Ramën dhe Lleshaj se po përdorin policinë si bandë kundër popullit, në shkelje të Kushtetutës dhe të dekretit të Presidentit që ka shfuqizuar 30 Qershorin. “Krim, kryen kushdo që refuzon apo ndalon zbatimin e ligjit, në rastin konkret, Edi Rama, Sandër Lleshaj dhe policët që sillen si banditë me uniformë. Kjo i bën ata zyrtarisht dhe ligjërisht një bandë të armatosur, pa ligj e pa ligjshmëri. Qytetarët duhet ta dinë se çdo akt dhe thirrje për 30 Qershorin e Edi Ramës dhe i Sandër Lleshaj është antikushtetues dhe i paligjshëm.” – tha Paloka

Ç’taksirat kanë njerëzit që bllokohen rrugët? Ja çfarë thotë Paloka

Pyetjes që shtrohet më së shumti nga njerëzit së fundi që ç’taksirat ka populli që opozita të bllokojë rrugët, i është përgjigjur vetë nënkryetari i Partisë Demokratike, Edi Paloka. Në një postim në facebook, Paloka shkruan se për të larguar Ramën nga pushteti i lidhur me krimin duhet të bëhen edhe sakrifica siç është bllokimi i rrugëve.

“Sot rrugët do te bllokohen per te paktën dy ore ne te gjithe Shqiperine.

Kam dëgjuar keto dite dhe nga ata qe pyesin ; “cfare taksirati kane njerëzit ?” .

Kjo ne rastin me te mire është dritëshkurtësi.

Kushdo qe është i bindur se Rama duhet te ike , pasi e ka kuptuar se asnjë zgjidhje e përmirësim nuk do te ketë situata pa largimin e tij, duhet ti bashkohet protestës. Sa me shpejt , aq me pak kosto per te gjithë.

Sakrificat qe kërkohen sot , jane te vogla; nga disa ore ne rruget e bllokuara tek pjesmarrja aktive ne protestën e 11 majit. Sa me shume te zgjase kjo situate , aq me te medha do jene kostot dhe sakrificat. Por te gjitha keto “sakrifica” nuk jane asgje krahasuar me cfare na pret ne se Rama arrin te konsolidoje diktaturën e krimit ne Shqipëri. Kush e ka përjetuar nje here e di qe asnje sakrifice nuk eshte e tepert per ta ndalur.

Kush ka ulur koken perpara Rames e pranon skllaverimin , le ta mbaje koken ulur.

Sherbetoret dhe ata qe e ngrene zerin ne mbrojtje te Rames se jane te zhytur njesoj si ai, duhen trajtuar njesoj si ai.

Ne te tjeret kemi detyre te shpetojme te ardhmen e femijeve tane e mos te lejojme nje kriminel te cmendur ta shkatrroje”, shkruan Paloka.

Sot rruget do te bllokohen per te pakten dy ore ne te gjithe Shqiperine.Kam degjuar keto dite dhe nga ata qe pyesin ;…
Publiée par Edi Paloka sur Mercredi 1 mai 2019

Vendosja e vizave nga Holanda, reagon opozita

Pas votimit të mocionit për heqjen e përkohshme të vizave për shqiptarët në Zonën Shengen në Parlamentin e Holandës, kanë qenë të shumtë edhe opozitarët shqiptarë që kanë reaguar ndaj këtij lajmi aspak të mirë për Shqipërinë.

Në një deklaratë për mediat ish Ministrja e Integrimit, Klajda Gjosha kërkoi nga ministri Cakaj, ministri Lleshja dhe kryeministri Rama të bashkëpunojnë me Holandën dhe të pastrojnë imazhin e Shqipërisë.

“Ky vendim i paprecedentë, të cilin e kam paralajmëruar shumë kohë më parë, që pas konkluzioneve të Këshillit në Qershorin e kaluar, po vendos në rrezik një të drejtë të qytetarëve tanë, të fituar 10 vjet më parë për të lëvizur të lirë në hapësirën Shengen. I bëj thirrje Ministrit të Jashtëm, të komanduar në mënyrë antikushtetuese të mos merret më me targat dhe pasaportat diplomatike, por në mënyrë urgjente të kërkojë dialog me palën holandeze për të frenuar këtë fenomen, që mund të marrë përmasa të papërshkrueshme në debatin e ardhshëm të Këshillit, pra të vendeve anëtare. I bëj thirrje Ministrit të Brendshëm të ndalë menjëherë arrestimet e qytetarëve që protestojnë paqësisht në të drejtën e tyre, dhe të merret seriozisht me të gjitha instancat që ai drejton, për të luftuar krimin e organizuar që nuk ka destabilizuar tashmë jo vetëm Shqipërinë, por është prezent përtej kufijve tanë. I bëj thirrje të nisë urgjentisht bashkëpunimin me institucionet e rendit të Holandës dhe të vendeve të tjera anëtare, për të goditur në partneritet këtë fenomen që po cënon rëndë të drejtat e të gjithë qytetarëve shqiptarë. I bëj thirrje Kryeministrit të ndalë arrogancën, memet, fyerjen dhe përçmimin që po i bën në mënyrë të përditshme Shqipërisë dhe shqiptarëve, të gjejë urgjentisht një rrugëdalje dhe zgjidhje për këtë vendim, i cili do të mbajë peng të ardhmen evropiane të Shqipërisë.” – ka thënë Gjosha

Ndërkohë nënkryetari i PD-së, Edi Paloka e cilësoi ngjarjen tepër të keqe dhe u bëri thirrje shqiptarëve të ngrihen dhe të mos lejojnë të rikthehen ditët e zeza të radhëve të gjata në nëpër ambasada.

“Nuk ka kaluar shume nga koha kur në tentativë për të shkuar drejt perëndimit, qindra jetë shqiptarësh humben në ujërat e ftohta të detit apo rrëpirat e maleve. I kemi harruar! Kemi harruar radhët e gjata neper ambasada! Prindër qe prisnin me muaj për një vize sepse i kishte marre malli për fëmijët emigrant. Vize qe ne shumicën e rasteve as nuk arrinin ta merrnin ne se nuk paguanin sekserë e matrapazë jashtë e brenda ambasadave…” – shkruan Paloka

Çdo dite vetem lajme te keqija per shqiptaret, dhurate e nje qeverie dhe nje kryeministri qe jo vetem po shkatrron te…
Publiée par Edi Paloka sur Mardi 16 avril 2019

Ndërsa Petrit Vasili e konsideroi vendimin e Holandës si një tjetër ditë të zezë për shqiptarët nën qeverisjen Rama.

“Kryeministri dhe qeveria nuk e luftojnë krimin, por mbështeten tek ai dhe përdoren prej tij. Opozita po kërkon me forcë largimin e kryeministrit sepse çdo ditë që ai rri në karrige është ditë e zezë për shqiptaret. Sot shqiptaret morën lajmin më të keq qe mund te mendohej. Ka vetëm një fajtor, ai është kryeministri që po çon vendin drejt greminës. Asnjë hap pas për largimin e tij si shpëtimin e vetëm te Shqipërisë nga të tjera mënxyra dhe nga të tjera lajme të zeza”- shkruan Vasili.

Lajm shume i hidhur,Holanda,Parlamenti i saj votoi sot,qe shqiptareve tu vendosen vizat.Shqiptaret per shkak te…
Publiée par Petrit Vasili sur Mardi 16 avril 2019

Grabitja në Rinas, déjà vu

Grabitja në Rinas ka ngjallur reagimin e shumë personave publik, mes të cilëve edhe ish deputeti, Edi Paloka, që në fakt e cilësoi si një dukuri déjà vu.

“De-ja vu
Grabitën miliona euro. Në të njëjtin vend ( brenda aeroportit, Rinas) Me të njëjtën mënyrë ( grabitje me armë furgonit të blinduar nga grabitës me uniforma ushtarake dhe makinë shtetërore). Grabitësit u larguan në të njëjtin drejtim. Grabitja ndodh në të njëjtin kontekst kohor dhe politik; pak muaj përpara zgjedhjeve. Policia edhe këtë herë është e zënë duke dhunuar qytetarët e thjeshtë
A mund të jenë të gjitha rastësi ?!
P.S Harrova një “detaj”; këtë herë ka dhe të vrarë…

“Avokati i Ramës gënjeu, ja provat”

Nënkryetari i Partisë Demokratike, Edi Paloka tha se me vjedhjen e parave në Rinas nuk u cënua vetëm siguria por u dokumentua edhe përfshirja e qeverisë në të.

Paloka tha se avokati i Ramës, Eno Bushi është aksioner në kompaninë që duhet të siguronte mbrojtjen e aeroportit duke renditur disa prova gjatë fjalës së tij.

Lexoni deklaratën e plotë të nënkryetarit të PD, Edi Palokës.

“Grabitja e armatosur dhe e përsëritur në Rinas është dëshmia se qeveria jo vetëm ka dështuar për të garantuar siguri, por është përfshirë këto ditë në mbrojtjen e kompanisë, përgjegjëse për sigurinë në Rinas.

Me këtë kompani, qeverinë e Edi Ramës, e lidhin disa fije, duke nisur me avokatin e tij, Eno Bushi, i cili ka zotëruar aksione me të njëjtën kompani që paguhet për të garantuar sigurinë në aeroport.

Avokati i Edi Ramës, Eno Bushi, gënjeu dje, kur deklaroi se nuk ka asnjë lidhje me kompaninë ICTS ALBANIA, përgjegjëse për sigurinë brenda aeroportit të Rinasit. Ai tha se kishte pasur aksione në një kompani me emër të ngjashëm, ICTS ALBANIA- INTEGRATED SERVICES dhe se ngatërresa ndaj tij është e qëllimshme, e motivuar politikisht.

Të gjithë e dimë se gjysmë të vërtetat janë gënjeshtra dhe synojnë të mbulojnë të vërtetën.

E vërteta numër 1 është se kompania ICTS ALBANIA, përgjegjëse për sigurinë në Rinas dhe kompania ku avokati i Edi Ramës kishte 25% të aksioneve, janë e njëjta kompani, me dy nipte dhe emra të ndryshëm.

Të dyja kompanitë kanë një pronar ICTS EUROPE.
Të dyja kompanitë, njëra e themeluar në shkurt 2005, tjetra në Mars 2009, janë regjistruar nga i njëjti person. Panagiotis Kambouroglou. Në 2009, shtetasi grek autorizon si një nga përfaqësuesit ligjorë të shoqërisë, Eno Bushin.
Të dyja kompanitë kanë të njëjtin person që firmos për pagesa mbi 50 mijë apo luan rolin e Administratorit, Aldi Meloholli.
Të dyja kompanitë kanë të njëjtin drejtor teknik për sigurinë
Të dyja, kompanitë kanë ndryshuar adresë në të njëjtën kohë, në 2011-ën: Bulevardi “Gjergj Fishta”, pallati Edil-al, shkalla 1, ap 9.3.
Të dyja kompanitë kanë ndryshuar pronar në shkurt 2013, duke kaluar nga hollandezët tek francezët. Në këtë kohë, avokati i Edi Ramës bëhet pronar me 25 përqind të aksioneve, në kompaninë me pronare vendimmarrëse përgjegjësen për sigurinë e Rinasit.
Të dyja kompanitë, në Korrik 2014, kanë një adresë të re, të njëjtën adresë: Qendra Alpas, godina 146, hyrja 2.

Të gjitha këto janë fakte që e lidhin avokatin e Edi Ramës me kompaninë që merr rreth 2 milionë euro çdo vit për sigurinë e aeroportit të Rinasit.

E vërteta numër 2 është se qeveria hesht prej tre ditësh dhe nuk përmend si bashkë përgjegjëse për grabitjen në Rinas kompaninë, që lidhet direkt me avokatin e Edi Ramës.

E vërteta numër 3 është se kompania që duhet të siguronte Rinasin është në biznes me qeverinë e Edi Ramës dhe ka marrë tenderat e sigurisë në çdo pikë strategjike të vendit.

E vërteta numër 4 është se kompania ICTS Albania operon në Shqipëri që prej 2005-ës, por siguria kombëtare u cenua 2 herë brenda aeroportit të Rinasit gjatë qeverisjes së Edi Ramës. Një herë në 2016-ën, kur Sandër Lleshi drejtonte Bordin e Aviacionit Civil që duhet të mbikëqyrte përmbushjen e kushteve nga kompania dhe, tani, kur Sandër Lleshi është Ministër i Brendshëm.

E vërteta numër 5 është se qeveria e Edi Ramës nuk e lufton dot krimin, sepse pushteti i saj buron nga blerja e votave nëpërmjet krimit. Largimi i tij është emergjencë kombëtare!”