Kryeministri
Edi Rama ishte mbrëmjen e të premtes në Lezhë, ku pa nga afër gjendjen e
krijuar pas tërmetit. Rama dha lajmin se të shtunën do të shpallet gjendja e
jashtëzakonshme edhe në Lezhë.
“Nesër
edhe Lezhën do ta përfshijmë në perimetrin e statusit të veçantë të Gjendjes së
Jashtëzakonshme nga Emergjencat Natyrore. Përsëris lutjen për durim. Kjo që na
ka rënë në kurriz nuk është as shaka, as film, as sfidë e zakonshme e këtij
shteti me trup ende të paformuar sa duhet”.
“Kjo
është sprovë që tundi tokën shqiptare dhe na këputi në shpirt e në trup. Prandaj
gishtin kokës të gjithë së bashku dhe o i`a dalim bashkë o hajër nuk bëjmë më
kurrë”, tha Rama. Ndërkohë, gjatë takimit me banorët, Kryeministri Edi Rama u kërkoi
atyre të bënin durim për vlerësimin e situatës.
Banorët
shprehën shqetësimin se banesat e tyre kishin pësuar dëme dhe plasaritje, duke
krijuar frikë për jetesën në to. Kryeministri Rama u shpreh se banesat do të
vlerësohen nga ana e strukturës, duke u kërkuar banorëve të qetësoheshin.
Kryeministri
Edi Rama la në mes intervistën me gazetarin Sokol Balla në “Real Story” mbrëmjen
e të mërkurës në Durrës. Gazetari Balla e pyeti Kryeministrin në lidhje me përjetimin
personal dhe familjar të tërmetit, duke iu referuar një statusi të ndjerë të
djalit të Kryeministrit, Greg Rama, që shkruajti për Kristi Reçin, që humbi jetën
mes shumë viktimave.
Kësaj
pyetje Edi Rama nuk mundi t`i përgjigjet për shkak të gjendjes së rënduar
emocionale. Megjithatë, rrjeti i njohur televiziv, CNN, raporton për këtë ngjarje
në një artikull se: “Nusja e ardhshme e kryeministrit shqiptar Edi Rama ishte
mes dhjetëra viktimave të tërmetit që goditi vendin të martën”, konfirmoi zyra
e Ramës, shkruan CNN.
Ndërkohë kjo media citon dhe dedikimin e ndjerë të Greg Ramës për vajzën, që sipas CNN, ishte e fejuara e tij. “Mes shumë viktimave të kësaj tragjedie është edhe personi më i afër për mua, së bashku me vëllain, nënë dhe babain e saj”, citohet shkrimi i djalit të Kryeministrit. Twrmeti i sw martws shkaktoi tw paktwn 47 viktimatw konfirmuara, ndwrsa trupa tw tjerw njerwzisht ndodhen nwn rrwnoja.
The future daughter-in-law of Albanian Prime Minister Edi Rama was among dozens killed when an earthquake struck the country Tuesday, Rama's office confirms https://t.co/aAKssRA5wqpic.twitter.com/1eiqrdxahQ
Kryeministri
Edi Rama, zëvendësi i tij Erion Braçe dhe Imami Elvis Naçi vizituan një nga
zonat më të prekura nga tërmeti i së martës, Thumanën. Ata ndoqën nga afër punën
e kërkim-shpëtimit të personave të mbetur në rrënoja. Gjatë një prononcimi për
mediat, Kryeministri Rama u shpreh se do punohet pa pushim për të gjetur
zgjidhje për banorët, të cilët kanë humbur banesat nga tërmeti.
“Dje
ka qenë dita e shokut, por edhe që duhet të nxirreshin nga thellësia e
gërmadhave. Është bërë një punë kolosale e skuadrave tona. Në këtë jemi bashkë
të gjithë. Do të krijojmë Komunitetin Kombëtar të Ndërtimit. Po fillon
transportimi i disa familjeve nga fusha e Durrësit drejt hoteleve, sepse është
bërë marrëveshja. Po bëhen një listë tjetër që çfarë ka ndodhur në zonën e
Laçit, ku disa familje janë të rrezikuara nga lëkundjet e fundit. Po filloj
shiu do të kemi një problem më shumë, një shqetësim më shumë. Po shfrytëzojmë
çdo minutë që kemi. Shkop magjik nuk kemi, duhet të ndajmë të njomin nga i
thati. Kush ka mbetur pa çati, si rezultat i kësaj pabesie të natyrës nuk do
mbetet pas dorës”, tha Rama.
Më tej ai garantoi qytetarët të cilët janë
solidarizuar se të gjitha ndihmat e tyre do të shkojnë për personat e prekur
nga tërmeti. Ndërsa nuk munguan as mesazhet për klasën politike. “Çdo një që
vendosi gjithsecili do të shkojë tek ata që janë në nevojë, Të gjitha paratë,
edhe ato të buxheti do të jenë bashkë dhe të gjithë do të marrin përgjegjësit e
menaxhimit. Njerëzit të mos e diskutojnë faktin se po e çoj lekun, por s’di se ku
do shkojë. Po vijnë ndihmat nga katër anët. Ne do të japim një shembull e të
mësojmë prej njëri-tjetri. Me thënë të drejtën, e thashë edhe më parë: E
tundojmë perëndinë duke bërë gama gam, duke prodhuar energji negative kush më
shumë e kush më pak. Më urtë më butë, më qetë. Ka një kohë për të luftuar, ka
një kohë për të heshtur. Ka një kohë për të fjetur dhe ka një kohë për t’u
zgjuar”-tha ai.
Nga
ana tjetër, Elvis Naçi,i cili ka marrë përsipër ndërtimin e pallateve të
prishuara në Thumanë tha se nuk është koha për kritika dhe sulme politike, por
për punë e silidaritet. “Populli shqiptar ka kaluar në traumë. Të jemi më afër
se kurrë me afër me njëri tjetrin. Të jemi afër dhe të shtrijmë dorën e
solidaritetit. Pastaj kemi kohë edhe ta shajmë dhe ta kritikojmë njëri tjetrin.
Ne e kemi gjithmonë program të dhurojmë shtëpia. Jemi një situatë se sa më afër
të jemi, aq me shpejt do ta kalojmë këtë
sprovë. Kjo ishte sprovë shumë e madhe”-tha Naçi.
Kryeministri
Edi Rama ishte në Spitalin e Traumës mbrëmjen e të martës, aty ku janë shtruar qindar
persona që lënduar nga tërmeti. Gjatë një fjale për mediat, Rama i është përgjigjur
kërkesës së opozitës për të shpallur gjendjen e jashtëzakonshme. Rama tha se për
këtë gjë do të vendoset ditën e mërkurë, që është shpallur dhe ditë zie kombëtare.
“Është
e çuditshme që e dëgjoj këtë pyetje nga mëngjesi deri në darkë, nuk ka kuptim
sot, çfarë do të thotë? Akti formal i gjendjes së jashtëzakonshme nuk është se
sjell më shumë sesa ka sjellë. Natyrisht nesër është dita për të menduar të
gjitha edhe këtë që po thoni ju, nejse, ju jeni të pafajshëm, të fajshëm janë
ata që vijojnë të cysin edhe sot. Ne do i vlerësojmë të gjithë, por një gjë
është e sigurt, këta njerëz do të trajtohen në mënyrë dinjitoze nga strehimi.
Nuk kemi pasur kohë të mendojmë për aspektet formale, kemi dhënë dhe po japim
gjithçka. Ditën dhe natën nuk jemi Franca, Gjermania, as Greqia dhe Italia që
kanë eksperienca të gjata në këto sfida, por më lejoni të jem mirënjohës”,
tha Rama.
Kryeministri
u shpreh se nata që kaloi ishte më e keqe sa s`mbahet mend. Megjithatë,
Kryeministri shprehu falenderimin për vendet që u solidarizuan për të përballuar
këtë situatë të vështirë që po kalon vendi.
“Ka
kaluar nata me e keqe që s’mbahet mend për të gjithë kombin shqiptar. Fatkeqësisht
kanë humbur jetë njerëzish, por kjo ditë ka pasur lehtësimin shpirtëror nga jo
pak jetë të shpëtuara dhe kjo ditë ka qenë, dita e gjithë atyre njerëzve të
zakonshëm që me uniformën e policisë së shteti, urgjencës, zjarrfikëseve apo
edhe uniformave nga trupat e ardhura nga Kosova kanë ndihmuar. Kanë qenë të
gjithë elementë të kësaj dite. Bluzat e bardha vazhdojnë të jenë në krye të
detyrë për të shpëtuar jetë njerëzish për të lehtësuar traumën. Bilanci i
humbjeve nuk ka përfunduar. Kjo ka qenë
një ditë sa e rëndë aq e mbushur me emocione për shkak të solidaritet të të
gjithë shqiptarëve dhe të miqve të këtij
vendi që janë ngritur në këmbë, që nga Italia, Greqia , Franca, Turqia,
Gjermani, Kroacia”, tha Rama.
Rama
“thumboi” dhe Ilir Metën, i cili javët e fundit i ka vënë në fokusin e sulmeve
të tij ambasadat e huaja në Shqipëri. Rama u shpreh se pikërisht këto ambasada
që janë vënë në shënjestër, treguan gatishmërinë e tyre për të përballuar këtë
situatë.
“Ambasadat,
që në ditët e fundit i kemi në një shënjestër që na turpëruar të gjithëve, sot
që në mëngjes herët në emër të SHBA dhe BE-së na kanë shprehur gatishmërinë e
tyre. Më vjen mirë që mund ta them tani, qeveria ka bërë maksimumin, menjëherë
në terren të gjithë ministrat. Është surreale që të flasësh më presidentin e
Francës përballë një gërmadhe në Durrës, apo të Greqisë kur je përballë një
tjetre, apo Italisë. E them për të treguar gatishmërinë. Po punojmë për atë që
vjen nesër, do të jetë ditë zie kombëtare. Do të fillojmë për të realizuar të
gjithë procesin e kalimit të njerëzve pa çati dhe që refuzojnë të futen në
palestër. Sot kam punuar në këtë drejtim me kolegët për të ndërtuar një
marrëveshje me operatorët turistikë për hotelet në bregdet. Duhet të
rindërtojmë gjithcka të kthejmë njerëzit në shtëpi të reja të forta dhe koha
nuk pret” tha Rama.
Kryeministri Edi Rama njoftoi mbrëmjen e të
martës se qeveria do të bëjë marrëveshje me strukturat hoteliere, për të
strehuar familjet e mbetura pa shtëpi për shkak të tërmetit. Rama thotë se marrëveshja
do të bëhet me hotele në zonën e Durrësit, Kavajës dhe Vlorës, me qëllim
strehimin e këtyre familjeve.
“Dimri nuk kalohet dot as nën qiell të hapur
e as në tenda, prandaj qeveria do të nënshkruajë një marrëveshje me strukturat
hoteliere të Durrësit, Kavajës dhe edhe Vlorës po të jetë nevoja, që të gjitha
familjet e mbetura pa çati, të strehohen në kushte optimale, të shërbehen në
kushte optimale, t’i kalojnë edhe festat e fundvitit në kushte optimale bashkë
me fëmijët e tyre, ndërsa këta të fundit jo vetëm të mos jenë të detyruar të
braktisin shkollën asnjë ditë, po edhe të mësojnë në kushte optimale”, shkruan
Rama.
Kryeministri zhvilloi pasdite një takim në
Golem me anëtar të qeverisë dhe përfaqësues të pushtetit lokal për të diskutuar
rreth situatës së krijuar nga tërmeti i rëndë që preku vendin këtë të martë. Kujtojmë
se data 27 nëntor është shpallur ditë zie kombëtare.
Minutat
e fundit të Real Story-t të së enjtes, u karakterizuan nga një përfolje e
faktit se si ishte sjellë kryeministri Rama me ish-presidentin Nishani, duke u
fokusuar te akti i zëvëndësimit të portretit të tij në administratën
shtetërore, me atë Ismal Qemalit, njeriut të pavarësisë e njëherësh themeluesit
të shtetit të pavarur shqiptar. Dhe gati pati një dakortësi mes të gjithë
aktorëve në tryezë, përfshirë dhe moderatorin Balla, se ai paskësh qenë një
gjest arrogant i Ramës. E kjo, ndaj Nishanit.
Në
ca pak minuta sa u trajtua ai zhvillim i 6 viteve më parë, u konsiderua si një
gjest anti-president i kryeministrit të saponisur në rrugën e qeverisjes. Por
nuk ka qenë krejt kështu. Eshtë thjesht një këndvështrim i gabuar.
Vendimmarrja
e Ramës për të ndërhyrë në protokollin e shtetit me zëvëndësimin e portretit,
nuk u shoqëruar aspak me ndonjë anti-Nishanizëm në gjuhë; pra, në asnjë rast
Rama nuk tha se Nishani (pra, përmendje me emër), nuk e meriton të jetë aty.
Rama potencoi idenë, bërë fët e fët reale, se ai vend i përket Ismail Qemalit.
Sipas arsyetimit të tij, kjo jo vetëm do i jepte dinjitetin e merituar asaj
figure me peshë të madhe historike në themelimin e shtetit, por do evitonte dhe
praktikën e zëvëndësimit të qindra portreteve në zyrat e shtetit – vë e hiq –
sa herë ikte një president e vinte një tjetër.
Ndërkohë,
as para e as mbas, në asnjë rast Rama nuk është marrë më goditje deklarative
ndaj Nishanit, edhe pse ky i fundit nisi haptazi të kishte krahmbajtje politike
nga partia e tij, për aq sa mundej brenda kompetencave si kreu i shtetit. Madje
bëri bujë një thirrje drejtuar institucioneve të shtetit, që sipas tij duhet të
përballonin atë çfarë i priste me qeverinë e re, një veprim pa precedentë të
mëparshëm dhe pa asnjë arsyetim institucional, përveçse qartazi politik.
E
nga ana tjetër, duhet kujtuar një sjellje e Ramës ende pa ardhur në pushtet
karshi Nishanit. Në ceremoninë e betimit të këtij të fundit si president, i
cili u zgjodh nga PD në injorim të plotë të opozitës, e madje në një kohë
tensioni të madh politik, siç ishte 2012-ta, Rama shkoi në ceremoni duke
respektuar solemnitetin e një zhvillimi me vokacion shtetëror, pse jo dhe
politik, gjë që vështirë se do ndodhte nga kahja e kundërt. Ashtu siç nuk ka
patur gjasë të ndodhte në të kundërt ajo rrahje shpatullash që Rama i bëri
Berishës nën zjarrin e Gërdecit. Duke qëndruar te Nishani, presidenca e tij, që
me ardhjen në pushtet të PS-së qartazi u opozitizua, Rama është mjaftuar të
thotë se paçka qëndrimeve aspak jopresidenciale të Nishanit, ai nuk po quhej “horr
bulevardi” siç paraardhësi.
P.S.
Rama ka plot paudhësi për t’u vënë me shpatulla për muri, për t’ja vënë në
ballë tytën e ekzekutimit mediatik mbi llojin e qeverisjes, ku mjafton ekonomia
në zgrip e një administratë plot grykësa e tutkunë. Ose do mjaftonte Meta,
njolla më e madhe e vendimmarrjeve të tij politike. Për ca të tjetra, përfshirë
dhe sjelljen me Nishanin, jepi hakun. /tesheshi.com/
Në
sondazhet e mia periodike, përveç pyetjes se për cilën parti duan të votojnë të
anketuarit, kam përfshirë edhe një
pyetje interesante: “A mendoni se, përgjithësisht, punët në Shqipëri mund të
shkojnë më mirë duke pasur Ramën kryeministër apo Bashën? Si opsione të
ndërmjetme për këtë pyetje, kam përfshirë edhe përgjigjet “Ndoshta Ramën” ose
“Ndoshta Bashën”.
Nga
shkurti deri në nëntor (shihni grafikun shoqërues), anketuesit e vendosur për
të votuar një parti apo një tjetër, si dhe votuesit e lëkundur, kanë qënë të
ndarë si me thikë rreth kësaj pyetje: Rreth 60% (+/-1%) janë të mendimit se
punët mund të shkojnë më mirë në Shqipëri me Ramën kryeministër ose ndoshta me
Ramën (pjesa tjetër anojnë nga Basha).
Duke
ditur se PS-ja dhe disa deputetë që iu atashuan paraprakisht asaj në zgjedhjet
e 2017-ës, morën vetëm 50% të votave, duket si paradoksale që votuesit e
mundshëm aktualë (votues të vendosur e të lëkundur) kanë një raport 60% me 40%
në opinionin rreth liderit të mazhorancës dhe opozitës.
Por
një zhytje më thellë në sondazhe na tregon se kuotat personale të Bashës kanë
qenë vazhdimisht poshtë kuotave të koalicionit të tij (qysh nga viti 2015),
ndërkohë që kuotat personale të Ramës kanë qenë vazhdimisht më lart kuotave të
koalicionit të tij (qysh nga viti 2000).
Fjala
vjen, një tifoz i Tiranës, e përkrah atë pa lëkundje kur luan kundër
Partizanit. Por gjithsesi, mund të jetë i ndërgjegjshëm se Partizani ka qenë
superior ndaj Tiranës në 6 vitet e fundit. Një votues i djathtë (i vendosur apo
i lëkundur) mund të dojë që Basha të jetë kryeministri i Shqipërisë. Por
gjithsesi, mund të jetë i ndërgjegjshëm se Basha s’ka aktualisht këllqe për të
qeverisur.
Kryeministri Edi Rama vizitoi pasditen e të shtunës kombëtaren në ambientet e stadiumit “Air Albania”, ku të dielën do të luhet ndeshja zyrtare me Francën. Rama bëri batuta me lojtarët, presidentin e Federatës Armand Duka dhe trajnerin Edy Reja dhe . Rama u mbajti fjalim lojtarëve si fillim, duke u kërkuar që të japin jetën në stadium, sidomos në minutat shtesë.
Nuk munguan as batutat për tapetin e blertë të “Air Albania Stadium”, ku Kryeministri u shpreh se “ky është më i mirë se i Elbasanit, se e kam bërë unë, kurse atë e bëri Duka”. Ndërsa, gjatë diskutimit me kryeministrin, trajneri Edoardo Reja e quajti një vepër arti stadiumin e ri. “Unë e pashë dhe ju garantoj se është një emocion i bukur kur hyn këtu. Një vepër arti, sipas meje.”
Pjesë nga dialogu në stadium mes
kryeministrit, lojtarëve dhe kreut të FSHF:
Rama: Kjo fushë duhet të bëhet vatër
zjarri…
Duka: Kjo fushë është për këto që janë të
rinj…
Rama: Këtu në këtë fushë nuk ka rëndësi
rezultati, le të fitojë kush të dojë, këtu duhet të jepni jetën!
Duka: Dhe në fakt duhet të fitojmë…
Rama: Ore, këtu duhet të mësohen njerëzit që
të shohin se jepnin jetën…pastaj kush fiton, fiton! Këtu duhet të jeni zjarr
90-të minuta, e sidomos ato minutat shtesë, se aty është tmerri. Kur vjen ajo
shtesa fillon makthi, do bëhet goli, i të tjerëve kuptohet!
Bekim Balaj: Është diçka e re për ne, na
duket sikur jemi jashtë shtetit.
Rama: Po si jashtë shtetit tani…
Duka: Do fitojmë, por duhet të bëjmë
maksimumin. Me Andorrën nuk bëmë maksimumin.
Rama: Ata (për Francën) janë të gjithë, do
luajnë të gjithë. Është dhe Mbappe, ka ardhur, ka filluar të bëjë gola përsëri…
Duka: Po si ju duket fusha, është më e mirë
se Elbasanit?
Lojtarët: Duket mirë, më e mirë se e
Elbasanit…
Rama, (Dukës): Po kjo është më e mirë se këtë
fushë e kam bërë unë, atë të Elbasanit e ke bërë ti…
Duka, Berishës: Ta bën golin (Rama) ty?
Berisha: Ma ka bërë më herët….
Në fund Rama i bën gol Strakoshës
ERTV Live😊: AIR ALBANIA STADIUM – Me të zotët e Shtëpisë së Re të kuqezinjve, të cilën gazeta e njohur italiane TuttoSPORT e quajti Wembley i Ballkanit😍🇦🇱👐🏿⚽⭐
Gepostet von Edi Rama am Samstag, 16. November 2019
Kryeministri
vendosi të mos i kushtonte shumë vëmendje
atyre që i quajti “marrëzi të Ilir Metës”. Gjatë fjalës së tij në seancën e
Kuvendit për miratimin e projekt-rezolutës për Gjykatën Kushtetuese, Rama foli
për ligjin special kundër krimit të organizuar dhe gjyqtarëve apo prokurorëve të
korruptuar. E njohur ndryshe si “Fauda shqiptare”, që Realstory.al e lajmëroi
pak ditë më parë, Rama tha se platforma e këtij ligji do të bëhet publik në datën
25 nëntor.
“Beteja
jonë sot nuk është me Ilir Metën, beteja është me ata të “Kap Çfarë të Kapësh”.
Duhet vepruar një orë e më parë kundër KÇK, duke nxjerrë në pah të gjithë
përmasën e llumit që është kthyer në një shtupë që e pengon sot më shumë se
asnjëherë rrjedhjen e lirë të ujërave drejt sistemit të drejtësisë. Ky është
një tjetër motiv për ne, të shpejtojmë dhe përshkallëzimin e luftës ndaj KÇK-së
mos e lëmë thjesht dhe vetëm në radhën e
pritjes së vettingut, por ta nisim dhe ta shoqërojmë njëkohësisht me një
përshkallëzim të luftës kundër krimit të organizuar”, tha Rama.
Në
shënjestrën e “Fauda” do të jenë ata që nuk janë dënuar për krime të rënda që
kanë kryer, si dhe prokurorët apo gjyqtarët që i kanë shpëtuar kriminelët, të
cilëve do t`ju sekuestrohet pasuria. “Ata që kanë marrë dënim për krime të
rënda të lidhura me veprimtari kriminale më shumë se sa një vrasje, ata që janë
akuzuar për krim të organizuar dhe për krime të rënda të asaj natyre dhe që nuk
janë dënuar si rezultat i atyre prokurorëve e gjykatëseve që e kthyen
drejtësinë në një pazar, duhet të kthehen një orë e më parë në shënjestrën
tonë. Nuk mundet më që ata nga njëra anë, dhe këta të tjerët nga ana tjetër, KÇK
t’i gëzojnë pasuritë e tyre. Ofensiva ndaj pasurive të tyre do të jetë thelbi i
një procesi pa kthim që do duhet dhe do të nisë një orë e më parë”, tha
Kryeministri.
Kryeministri
shtoi se ky ligj është duke u diskutuar me partnerët ndërkombëtar, ndihma e të
cilëve nuk do të jetë vetëm në aspektin juridik, por i gjithanshëm theksoi
Rama. “Kam qenë këtu kur fola për rastin skandaloz të Durrësit dhe u zotova se
do t’i sjell kuvendit shumë shpejt një platformë ligjore për tu miratuar dhe
për tu kthyer në platformë lufte ndaj krimit dhe KÇK-së. më 25 nëntor unë do
t’i prezantoj publikut shqiptar këtë platformë. Do të jetë sfida e vërtetë e
këtij kuvendi, që do ndajë ata që janë gati për ta shpallur këtë luftë ose jo. Për ligjin special kundër
krimit të organizuar dhe KÇK, jemi duke diskutuar me ndërkombëtarët. Do të jetë
luftë që nuk është parë ndonjëherë. Është një luftë që do të kemi nevojë për ndërkombëtarët.
Jo vetëm mbështetje juridike, por në të gjitha anët”, tha Rama.
Kryeministri
Edi Rama njoftoi se duke nisur nga viti i ardhshëm, qytetarëve shqiptarë do t`u
lehtësohet marrja e shërbimeve. Nga takimi i përjavshëm për bashkëqeverisjen,
Rama njoftoi se vitin e ardhshëm të gjitha kërkesat e qytetarëve do të bëhen
online, duke shmangur pritjen nëpër sportele. Konkretisht, sipas kryeministrit,
kur një qytetari i duhen disa dokumente që merren në sportele të ndryshme për
një shërbim të caktuar, ato do të sigurohen nga stafi i institucionit.
“Duke
qenë se e nisëm 6 vjet më parë me vetëm tre shërbime online dhe sot kemi mbi
350 shërbime që ofrohen online nëpërmjet portali e-Albania. Ka ardhur koha që
të bëjmë një hap të madh përpara dhe të kalojmë duke filluar nga viti i
ardhshëm për një periudhë relativisht të shkurtër në heqjen e të gjitha
letrave, dosjeve, dokumenteve për kërkesat e qytetarëve në masën mbi 90%. Do të
jetë një përmbysje madhe sepse shumë shërbime nuk do të jepen më duke e kërkuar
qytetarin që të vij te sporteli, por duke i dhënë mundësinë qytetarit të
aplikojë online nga telefoni, nga kompjuteri”.
“Jo
vetëm kaq por do të heqim kërkesën për qytetarët që të sjellin dokumente
shtetërore, që do të thotë që, nëse ti bën një kërkesë dhe për këtë duhen 20
dokumente, nga këto 20 dokumente, një, dy, tre dokumente janë privat, pra,
është një vërtetim bankar, një vërtetim nga vendi i punës në privat, apo një
vërtetim nga ndonjë institucion për arsye kur ke qenë në emigracion, do t’i
gjesh vetë. Dokumentet që janë shtetërore do t’i kërkojnë dhe do t’i gjejnë për
qytetarin ata që rrinë atje te sporteli dhe janë mësuar vetëm t’i thonë
qytetarit edhe këtë. Brenda 6 mujorit të parë të vitit të ardhshëm ne do të
mbyllim të gjitha sportelet për aplikimet”, tha Rama.
