Tag: Edi Rama

I shpëtuan tërmetit në Thumanë, Rama çon Aurelin dhe Alesion në shkollë

Ashtu siç u kishte premtuar, Kryeministri Edi Rama shoqëroi mëngjesin e të hënës në ditën e parë të shkollës pas tërmetit, dy djemtë që u hodhën nga ballkoni duke i shpëtuar rrënimit të pallatit në Thumanë. Aurel Lala, 10 vjeç dhe Alesio Cakoni 7 vjeç, u rikthyen në shkollë pas tre javësh. Ata u shoqëruan nga kryeministri me makinën e tij të punës drejt shkollës “Ahmet Zogu” në Kamëz, qytet ku tashmë kanë dhe banesat e reja.

Alesio Cakoni humbi motrën dhe babain nga tërmeti i 26 nëntorit në Thumanë, ndërsa ai mbijetoi së bashku me nënën dhe gjyshen. Aurel Lala humbi gjyshen dhe motrën nga tërmeti, ndërsa tani së bashku me familjarët e tjerë janë sistemuar në Kamëz. Gjatë bisedës me fëmijët, Kryeministri Edi Rama u kërkoi atyre të jenë nxënës të mirë. Rama u premtoi fëmijëve se do t`i ndjek hap pas hapi deri në përfundim të shkollës.

“Po morët 8 me mua e keni keq punënë, 6-7 nuk bëhet llaf. Të jeni me dhjeta, unë nuk ju ndahem do t’ju ndjek hap pas hapi deri kur të mbaroni shkollën. Mos kujtoni se jam kaq i butë. Ka shumë. Në dorë e keni vetë. Çantat i keni në rregull. Erdhëm të shkolla. Emrin e Mretit ka Shkolla, Ahmet Zogu”, tha Rama.

Pasi mbërritën në shkollë, fëmijët u futën në klasat përkatëse. Ndërsa Kryeministri i prezantoi nxënësit e tjerë me dy shokët e rinj të klasës. Drejtori i shkollës u dhuroi të dy fëmijëve uniformën e ekipit kombëtar të futbollit dhe nga një top për secilin. Kujtojmë se më herët, Aureli dhe Alesio u surprizuan nga kryeministri, i cili organizoi një takim me dy futbollistët e Juventus, Cristiano Ronaldo dhe Gianluigi Buffon.

“Mungesë përgjegjësie. Do shporreni”, Rama mesazh Bashës dhe abuzuesve të fondeve

Kryeministri Edi Rama mbajti një videomesazh pasditen e të shtunës ku foli për tërmetin. Rama u shpreh se konferenca e donatorëve do të mbahet në Shqipëri në fund të janarit të vitit të ardhshëm. “Me arkitekt të huaj dhe vendas për planet e rindërtimit si dhe për ndërhyrjen tërësore në Thumanë, ku do të përqëndrohet për një model shembull rilindjeje. Konferenca e Donatorëve, me vendim të KE do ta mbajmë në Tiranë, mes fundit të janarit dhe shkurtit, në varësi të raportit përfundimtar të të dëmeve. Brenda 2020 askush të mos mbetet në preskektivën e qartë dhe konkrete”.

Duke folur për rindërtimin, Rama tha se banorët e fshatrave të prekur nga tërmeti dhe që mbetën pa shtëpi, do ta gëzojnë shtëpinë e re brenda vitit 2020. Ndërsa për banorët që jetojnë në qytete, Rama tha se ata do të kenë gati apartamentet deri në qershor të vitit 2021. “Brenda 2020 banorët e fshatit  do ta gëzojnë vitin e ri në një shtëpi të re, brenda qershorit 2021 ato të qyteteve të jenë në apartamente të reja”, tha Kryeministri. Ndërkohë, Rama tha se hetimet vazhdojnë intensivisht për të dërguara përpara drejtësisë personat që kanë abuzuar me ndërtimit. “Vazhdojnë intensivisht hetimet për të dokumentuar përgjegjësit e çdo kahu e niveli për dëmet e shkaktuara si pasojë e abuzimeve në ndërtim. Sot janë kryer arrestimet e para, mos dëgjoni ato që gam-gamosin përnatë pse nuk kanë arrestime”, tha Rama.

Gjatë videomesazhit, një moment të gjatë i kushtoi edhe liderit të opozitës Lulzim Basha. Fillimisht, Rama e përshëndeti për vetëpërmbajtjen kreun e PD, por nuk ngurroi ta kritikonte për  refuzimin e ftesës për t`u ulur së bashku në një tryezë të përbashkët. Rama tha se refuzimi që Basha i bën ftesës së tij është mungesë përgjegjësie.  “Opozita  është inekzistente në detyrën e saj, përveç daljeve sporadike. Dua ta falënderoj Lulzim Bashën për një vetëpërmbajtje në momente të vështira, u përpoq të mos bëhej i tepër me fjalorin e rëndë. E kritikoj për refuzimin e përsëritur dhe absurd që të mos ulen në tryezën e bashkëpunimit, nuk e di pse refuzon, por di që refuzimi është mungesë e plotë e përgjegjësisë”, tha kryeministri.

Gjithashtu, Rama paralajmëroi qytetarët se nuk do të merret as me akuzat që opozita mund të drejtojë ndaj qeverisë në ditëtët në vijim në lidhje me menaxhimin e situatës pas tërmetit. Rama tha se ai do të merret me sfidën e jashtëzakonshme të rindërtimit, ndërsa u shpreh se Shqipëria do të ringrihet më e fuqishme pas kësaj situate. “Opozita ka nisur të jap shenjat e para të një lufte të egër prej balte, ku dita ditës do t`u mërzisin me akuza, shpifje, gjysmë të vërteta. Kjo është puna e tyre me Bashën. Nuk merrem dhe nuk do merrem me ta. Unë dhe ne duhet të merremi me sfidën e jashtëzakonshme që na ka vënë përpara Zoti duke na goditur si s’ka më rëndë, por edhe duke na dhënë mundësinë që të ngrigemi përtej politikës, përtej vetëvetes”.

Në fund, Rama dha dhe një mesazh për qytetarët, ku i garantoi se ai vetë do të bëjë të çmos që çdo donacion i dhuruar për rindërtimin të mos shpërdorohet. Rama tha se nëse do të ketë dhe vërtetohen akuza për shpërdorime, jo vetëm që zyrtarët do të largohen nga radhët e qeverisjes, por do të dërgohen përpara drejtësisë.  “Do të bëj çmos që çdo qindarkë të shpenzohen me ndershmëri dhe zgjuarsi dhe që transparenca të jetë makimale, nëpërmjet Komitetit të Rindërtimit, pa dallim feje. Do kërkoj verifikimin dhe argumentimin e saj të çdokujt që bën një akuzë, dhe po pati bazë çdo abuzues do të shporret nga rradhët tona dhe të shkojë para drejtësisë”, tha Rama.

“Rama është njeri ‘mediokratik’. Tërmetin po e përdor në favorin e vetë”

Mbrëmjen e të enjtes në “Real Story” të gazetarit Sokol Balla u diskutua përsëri për situatën pas tërmetit dhe përdorimin e saj nga politika. Tema e emisonit ishte nëse Kryeministri Edi Rama po përfiton nga populizmi duke përdorur situatën e krijuar nga tërmeti. Për politologun Roland Lami, situata shkon në favorin e Kryeminstrit. Ai theksoi se në situatën aktuale, njerëzit janë të fokusuar te zgjidhja e problemit dhe jo te mënyra se si do të menaxhohen fondet apo tenderat për rindërtimin.

“Kjo krizë nxori në pa sistemin tonë. Në kohë krize sitemi të gropos dhe më shumë. Sot një masë e madhe njerëzisht janë në nivel mbijetese. Për ta nuk përbën shumë rëndësi se si po menaxhohet fondi për rindërtimin, tenderat për këtë qëllim. Nuk shqetësohet askush për këtë pjesë. Shqetësim është a po më zgjidhet halli që kam, strehimi, komoditeti etj etj. Kur s`ka struktura të konsoliduara, nxitet korrupsioni”.

“Kur strukturat nuk janë të konsoliduara merr rol lideri. Roli populist i lideri shtohet vetvetiu. Merr rolin e artistit, këngtarit, inxhinierit, psikologut, dhe këto i merr duke prekur emocionet dhe karakteret e njerëzve të ndryshme. Rama ka testuar që lojërat me emocionet e njerëzve, ngjit. Protagonizmi i organizimit të fushatës ka efekt pozitiv. Tendenca po i shkon në favor të Ramës”, tha Lami.

Kurse analisti Arian Vasjari u shpreh se Rama është “njeri mediokratik”, që sipas tij është gjë e gabuar. Ai tha u shpreh se shqetësohej nga dy gjëra nga aksioni politik i Kryeministrit Edi Rama gjatë ditëve të krizës. Sipas Vasjarit, Rama po përpiqet të instrumentalizojë sedimentin e situatës, ndërsa nga ana tjetër ai po përpiqet të ndërtojë aksion politik në cikël të mbyllur.

“Nuk mund të jemi dakord se si po e administron krizën. Për mua Edi Rama është njeri medikoratik. Ky është një gabim. Edi Rama beson te pushteti absolut i masmedias. Mua nuk më shqetëson populizmi i Edi Ramës. Ai është kryetari i bashkisë që doli me sëpatë në dorë. Mua më shqetësojnë dy gjëra: së pari fakti që kryeministri përpiqet që të instrumentalizojë sendimentin. Në një periudhë katastrofe është tipike e liderave autoritarë. Ana tjetër është se zoti Rama përpiqet ta ndërtojë aksionin e tij politik me cikël të mbyllur”.

“Rama kërkon një demokraci pa ndërmjetësues. Masmedia është ndërmjetësuesi më i rëndësishëm. Rama është pak “Trampian”, por në një situatë katastrofe besoj që vijimi i stilit të tij të bëri politikë është krejt i pavend. Kur ndodhi në Akuila, Berluskoni e konceptoi momentin politik vetëm fillimin, dhe më pas e bëri emergjenca civile. Ngre pikëpyetje edhe mbi stofin human të kryeministrit. Komunikimi me njerëzit që janë në zi, nuk mund të jetë komunikimi klasik i zotit Rama. Ai duhet të ndërpresë komunikimin me njerëzit që janë në zi. Kjo nuk i sjell elektorat. Unë mendoj se është një strategji për të rikuperuar vota. Rama ka instrumenta të tjerë që te tërmeti të shkojë me instrumenta të tjerë”, tha Vasjari.

Për analistin Arion Sulo, situata e krijuar pas tërmetit shkon në favorin e Kryeministrit Edi Rama. Në studion e “Real Story”, Sulo u shpreh se Rama, përpara tërmetit, ishte “pa punë”, ndërsa tërmetin po e përdor për të rindërtuar figurën e tij.  

“Nuk jam dakord me Vasjarin që nuk është produktiv. Rama vjen nga një moment kur nuk kishte asnjë punë në dorë. Rama ishte pa punë. Këtu nis gjithë cirku politik i radhës. Ajo që ai mendon është se tërmeti shkatërroi Shqipërinë, ai mendon ta rindërtojë figurën e vetë. Ai mund ta rindërtonte figurën e vetë nëse do e menaxhonte mirë. Rama deri tani nuk e ka bërë këtë gjë”, tha Sulo.

Më tej, Sulo tha se Rama është në momentin e shfaqjes. Sipas tij, ai po sulmon median nga që mungon transparenca. “Është në momentin e shfaqjes. Po bëhet qëllimisht për të fshehur fatkeqësinë njerëzore. Plani i tij dhe kryefjala do të jetë tërmeti. Do të bëj të njëjtën gjë siç ka bërë të “Lungomare”, “Stadiumi”, e të gjitha të tjerët”.

“Ai po sulmon mediat se mungon transparenca. Asaj zonjës në Laç i tha prandaj nuk je martuar se ti nuk durohesh. Atij në Kënetë i thoshte hajde këtu, atij në Laç i tha kush je ti që rri këtu, ik nga takim. Kryeministri me gjithë pushtetin ekzekutiv kërkon që të heqë lirinë e fjalës”, tha ndër të tjera Sulo.

Ndërkohë, analisti Fatos Lubonja tha se e keqja nuk vjen nga populizimi por nga demagogjia dhe për të kryeministri Rama është një demagog, pasi populisti është ai që ngrihet kundër elitave qeverisëse dhe Rama është vet në qeveri. I ftuar në “Real Story” në Neës 24, Lubonja e krahasoi kryeministrin Rama se nusen në dasmë dhe arkivolin në një mort.

 “Populizmi nuk është i keq sepse do të thotë t’i drejtohesh popullit. Populistët i drejtohet popullit, kundër elitave në pushtet. Demagogu është i keq. Rama është elita në pushtet, është në krye të elitave në pushtet. Kemi të bëjmë me një pedagog, një gënjeshtar që rri akoma në pushtet. Ajo që di të bëjë më mirë Edi Rama janë premtimet e vazhdueshme dhe shfaqja e tij e vazhdueshme me premtime”.

“Meqenëse dita ka 24 orë, unë nuk e di se kur punon seriozisht Edi Rama. Shteti ka struktura. Rama bën të gjitha. Nuk ka nevojë që të japë ERTV gjatë gjithë kohës. Rama i shton plus edhe narcizimin e tij, duke bërë rolin e nuses në dasmë dhe arkivolin në mort. Problemi është shumë i thellë, ka shumë probleme”, u shpreh Lubonja./Realstory.al/

Ligji kundër “KÇK”, Rama: Di Maio konfirmoi mbështetjen e Italisë

Kryeministri Edi Rama dhe Ministri i Jashtëm i Italisë, Luigi Di Maio, dolën në një konferencë për shtyp pas takimit që zhvilluan me dyer të mbyllura. Gjatë fjalës së tij, Rama falënderoi Ministrin e Jashtëm të Italisë për ndihmën që i dha Shqipërisë për të përballuar situatën e krijuar nga tërmeti. Rama tha se nuk do të jetë asnjëherë mjaft për të shprehur mirënjohjen e thellë ndaj Italisë dhe trupave të tyre, që vunë jetën në rrezik në operacionet e kërkim-shpëtimit në Durrës dhe Thumanë.

“Falenderoj nga zemra ministrin e Punëve të Jashtme dhe bashkëpunimin ndërkombëtar të Italisë, zoti Di Maio. Edhe pse është vizita e tij e parë në Shqipëri, një mik i Shqipërisë dhe shqiptarëve, që pavarësisht gjithë ngarkesës së punëve të përditshme gjeti kohën për të ardhur në Shqipëri dhe për të shprehur solidaritetin edhe një herë të qeverisë italiane dhe të popullit mik italian me Shqipërinë, me shqiptarët në këto momente të vështira pas katastrofës së 26 nëntorit. Pavarësisht se e kam thënë në vijimësi, nuk do jetë asnjëherë mjaft për ta përsëritur shprehjen e mirënjohjes së thellë ndaj Italisë, dhe ndaj trupave të kërkim shpëtimit dhe të emergjencave civile italiane që ishin të parat që zbarkuan në Shqipëri dhe vunë jetën e tyre në rrezik për të shpëtuar jetë njerëzish të këtij vendi”, tha Rama.

Më tej, Kryeministri foli edhe për çështje të tjera që kanë të bëjnë me bashkëpunimin mes dy vendeve. Rama tha se kishte falënderuar Di Maion për mbështetjen që Italia i jep procesit të integrimit të Ballkanit Perëndimor. “Marrëdhënia jonë me Italinë është e shkëlqyer dhe më vjen mirë që edhe me qeverinë e re italiane ne kemi një marrëdhënie të shkëlqyer në vazhdën e një tradite që asnjëherë nuk ka dhënë asnjë shenjë ndikimi të politikës së brendshme të një vendi në cilësinë e kësaj marrëdhënie. E falenderova ministrin për impenjimin konstant të Italisë, të tijin pesonalisht për të shtyrë procesin e integrimit europian të Ballkanit Perëndimor dhe Shqipërisë në mënyrë të veçantë”.

Një tjetër temë diskutimi ishte ajo e partneritetit strategjik mes Shqipërisë dhe Italisë. Rama tha se ky partneritet është më i rëndësishmi për Shqipërinë në aspektin ekonomik. “Diskutuam edhe për aspekte të partneritetit strategjik. Italia ka qenë dhe mbetet partneri ynë i parë në marrëdhëniet ekonomike, tregtare, dhe vendi që nuk është kursyer asnjëherë në përpjekjet për transformimin e Shqipërisë nga një diktaturë në demokraci funksionale”.

Ndërkohë, kreu i qeverisë shtoi se me Ministrin italian, kishte biseduar edhe për ligjin e ri kundër “KÇK”, ku sipas Ramës, Di Maio konfirmoi mbështetjen e Italisë jo vetëm me asistencë teknike por dhe me njerëz në terren.

“Nga ana tjetër, me ministrin kemi diskutuar edhe reformën e drejtësisë, legjislacionin e ri kundër KÇK-së, pra krimit të organizuar, kemi diskutuar edhe mbi njësinë speciale kundër korrupsionit. Ministri më konfirmoi gatishmërinë e Italisë për të mbështetur jo thjesht në mënyrë tradicionale me asistencë teknike por me njerëz në terren, bashkëpunim konkret dhe të përditshëm. Vitin e ardhshëm mbushen 10 vjet nga nënshkrimi i partneritetit strategjik, dhe këtë partneritet duam ta zgjerojmë”, tha Rama.

Video/ “E ngremë Shqipërinë në këmbë”, Rama publikon fjalimin e Erdogan para botës islame

Kryeministri Edi Rama publikoi në “Facebook”, fjalimin që Presidenti i Turqisë, Rexhep Erdogan mbajti përpara vendeve anëtare të Organizatës Islamike për Zhvillim. Në takimin që u mbajt të dielën në Stamboll, ku ishte i pranishëm dhe Kryeministri Edi Rama, presidenti turk u bëri thirrje vendeve islamike të mbështesin Shqipërinë për ringritjen nga tërmeti. Gjatë fjalës së tij, Erdogan u shpreh se të bashkuar 50 vendet e kësaj organizate e “ngrenë Shqipërinë në këmbë”.

“Konferenca Islamike ka 50 anëtarë. Ne po të kapemi dorë për dore, po të bashkojmë fuqitë, nuk ka rëndësi sasia, shumë apo pak, ne e ngremë Shqipërinë në këmbë. Kuptohet që dëshirat janë të mira. Por dëshirat po të mbeten vetëm fjalë fluturojnë. Mjalti po nuk hyri në gojë, nuk ëmbëlsohet goja. Ky mjaltë duhet ngrënë, ose ta ndajmë edhe me vëllezërit tanë këtë mjaltë.

Ne këtë duhet të bëjmë, të ndajmë mjaltin së bashku. Bota Islamike është ajo që do ta hedhë hapin më të rëndësishëm. Ne si Turqi po punojmë, por e dimë që nuk është e mjaftueshme. Ne do punojmë, do të vazhdojmë. Zoti Kryeministër i ka dërguar letra dhe kërkesa shumë vendeve. Shpresojmë të marrin përgjigje pozitive këto kërkesa, sepse ne e kemi ndjerë dhimbjen e këtij tërmeti vite më parë në Turqi”, thotë mes të tjerash Erdogan.

#TiNukdojeshKurrëVetëm 😢👐🇦🇱Stamboll, apeli Presidentit Erdogan për Shqipërinë në Konferencën Ndërkombëtare të Nivelit të Lartë mbi investimet publike e private🇹🇷🤝🇦🇱https://e-albania.al/dhuro/

Gepostet von Edi Rama am Sonntag, 8. Dezember 2019

Humbi jetën nga tërmeti, Bruno Vespa pyet Ramën për Kristi Reçin, të fejuarën e djalit

I ftuar në emisionin “Porta a Porta” të Bruno Vespës, kryeministri Rama ka folur për dëmet që la pas tërmeti dhe ka kërkuar mbështetje dhe donacione për ringritjen e vendit. Gjatë intervistës, Bruno Vespa e ka pyetur Ramën edhe për Kristi Reçin, të fejuarën e djalit të tij Greg Rama, e cila bashkë me familjen e saj humbën jetën nën rrënojat që la pas tërmeti tragjik i 26 nëntorit. Kryeministri Rama e konfirmoi që Kristi ishte e fejuara e Gregut, por shtoi se nuk dëshiron të flasë për këtë gjë sepse tërmeti nuk ka prekur vetëm atë dhe familjen e tij, por të gjithë vendin.

“Po është e vërtet. Duke u ndodhur në këtë situatë të veçantë kam detyrimin të bëj kryeministrin e një vendi që vuan tragjedinë, ndaj nuk doja të flisja për këtë ngjarje sepse nuk është diçka që më përket vetëm mua dhe familjes sime, por i përket të gjithëve. Kjo humbje vetëm sa e shtoi detyrimin tim të brendshëm për të bërë gjithçka, sepse nuk shoh ndryshim nga gjithë të tjerët që humbën jetën”, ka thënë Rama.

Edhe gjatë një interviste për “Real Story”, kur u pyet nga gazetari Sokol Balla në lidhje me Kristi Reçin, Rama u përlot dhe u largua nga intervista duke mos i mbajtur dot emocionet. Para se të largohet, Rama tha shkurt “sot i kam të gjithë si Gregu…”

Kristi Reçi, ishte studente në Fakultetin e Mjekësisë, por jeta e saj u mbyll përgjithmonë  bashkë me familjen e saj pas tërmetit të 26 nëntor. Nga rrënojat e pallatit ku ata jetonin u nxorën të pajetë babai i saj Eduard Reçi, nëna Dolora Reçi dhe vëllai Klaus Reçi.

“Të ringriheni më të fortë e të bukur”, Bruno Vespa e Vittorio Sgarbi solidarizohen me shqiptarët

Kryeministri Edi Rama është i ftuar mbrëmjen e 4 dhjetorit në emisionin e Bruno Vespës “Porta a Porta” në përpjekje edhe për të siguruar më shumë kontribute për vendin pas katastrofës që la pas tërmeti i 26 nëntorit. Para nisjes së emisionit “Porta a Porta”, Rama ka shpërndarë një video ku ndodhet se bashku me Bruno Vespën dhe historianin e politikanin Vittorio Sgarbi, të cilët kanë dhënë një mesazh solidariteti për shqiptarët e prekur nga tërmeti. Sgarbi thotë se shpreson që kur të rikthehet në Shqipëri dhe ta shoh atë edhe më të bukur dhe të ringritur pas tërmeti katastrofik.

“Shpresoj të rikthehem në Shqipëri dhe ta shoh edhe më të bukur edhe pas goditjes që pësoi nga tërmeti dhe pasi të jetë rindërtuar në mënyrë e duhur dhe si një vend më i bukur”, u shpreh Sgarbi.

Ndërsa Bruno Vespa shprehu ngushëllimet për të prekurit nga tërmeti, ndërsa bën thirrje që shqiptarët të ringrihen edhe më të fortë dhe të bukur pas kësaj katastrofe natyrore.

 “Unë ju kuptoj me gjithë zemër, pasi edhe këtu tek ne përjetuam një tërmet edhe më katastrofik, kështu që ju dërgojmë një përqafim të gjithë të prekurve. Pas këtij tërmeti të ringriheni edhe më të bukur dhe të fortë“, tha Vespa.

Rama, “skeç” me Fugën dhe kamarierin shqiptar: Morëm 15 milionë eurot e para

Pas Londrës, kryeministri Edi Rama ndodhet në Itali ku njofton se do të flasë në emisionin e gazetarit Bruno Vespa “Porta a Porta” për situatën pas tërmetit që po kalon Shqipëria, në përpjekje edhe për të siguruar më shumë kontribute për vendin. Në një video postuar në Facebook, Rama shihet duke biseduar me këshilltarin e tij për mediat Endri Fuga për fondet prej 15 milionë euro që BE vendosi të jap për Shqipërinë për rindërtimin e zonave të prekura nga tërmeti.

“15 milionëshi i parë është me një fond që e kanë nxjerrë me urgjencë nga portofoli i komisionierit që ka zëvendësuar Hahn. Ajo që është e rëndësishme, konfirmohet konferenca e donatorëve që do të bëjë që të jetë mundësia për të bërë një kontribut përtej kontributit të BE-së. Datën nuk di ta them, por unë u thashë që duhet patjetër të bëhet brenda janarit.  Ndërkohë që më thanë që po punojnë dhe për kërkesën tonë që gjithë fondet IPA të Shqipërisë të mblidhen në një paketë. Kështu që e gjitha duket goxha mirë”, thotë Rama, ndërsa Fuga konfirmon: “Super” . Më pas kreu i qeverisë porosit një kafe në italisht, por kamerieri i përgjigjet shqip.

Ndiqni videon:

#TiNukDoJeshKurrëVetëm😢👐🏿🇦🇱Pak përpara regjistrimit në “Porta a Porta”, në panelin e organizuar nga i mirënjohuri Bruno Vespa, për informimin dhe sensibilizimin e publikut italian mbi pasojat e fatkeqësisë natyrore të 26 nëntorit🙏 Emisioni do të transmetohet sonte në 23:24, RAI UNO🇮🇹https://e-albania.al/dhuro/

Gepostet von Edi Rama am Mittwoch, 4. Dezember 2019

“S`ka lekë për makina”, Rama, bashkiakëve: Lëvizni me kalë!

Gjatë mbledhjes së jashtëzakonshme të Këshillit të Ministrave është diskutuar edhe për  ndryshimet në buxhetin e vitit të ardhshëm, që tashmë do të jenë të detyruara për shkak të dëmeve të tërmetit. Kryeministri Edi Rama paralajmëroi kryebashkikat se gjatë vitit të ardhshëm nuk do të ketë shpenzime luksi nga bashkitë. Ai tha se nuk do të blihen makina apo shpenzime për mobilim zyrash.

 “Ne do të kalojmë si fazë të parë nga buxheti i 2020, 0.4% të PBB duke u siguruar që defiçiti primar pozitiv të mbetet pozitiv, asnjë ndryshim parametrash që mund të kërcënojë qëndrueshmërinë e gjithë sistemit makroekonomik. Po studiohet edhe cilat fonde mund të transferohen”.

“Ka një zë që lidhet me të gjitha shpenzimet, në vitin e ardhshëm nuk do të blihet asnjë makinë, nuk do të pajisjet asnjë zyrë, nga ato që kanë qenë rutina dhe do të bllokohen blerjet e makinave, dollapëve, kolltuqeve, TV-ve në të gjithë bashkitë e vendit”.

“Kush do të jetë keq për makinë të gjejë një kalë edhe nuk ka problem, kryetar bashkish me kuaj do të ishin një inovacion ekologjik. Edhe sidomos kryetarët e njëzive administrative do të ishin të mirëseardhur në komunitet, që të mos levizin me vetura nëpër qendrat e qyteteve”, tha Rama.

Macron, ndihmë Shqipërisë, krijohet Agjencia Franceze e Zhvillimit

Franca do të ndihmojë Shqipërinë për të përballuar situatën e krijuar pas tërmetit, duke krijuar Agjencinë Franceze të Zhvillimit në Shqipëri. Gjatë mbledhjes së jashtëzakonshme të qeverisë, Kryeministri Edi Rama u shpreh se Presidenti i Francës ishte angazhuar për t`i dhënë kësaj agjencie një shtysë. Për këtë arsye, gjatë mbledhjes së jashtëzakonshme të Qeverisë, u miratua edhe marrëveshje me Francën për ngritjen e kësaj agjencie.

 “Kemi kërkuar nga qeveria e Francës një ndryshim të adresimit të marrëdhënieve me Agjencinë Franceze të Zhvillimit dhe për këtë arsye duhet të miratojmë sot një marrëveshje, që Këshilli i Ministrave të nënshkruajë me qeverinë e Francës në mënyrë që në Shqipëri të ushtrojë punën Agjencia Franceze e Zhvillimit. Presidenti i Francës është angazhuar për t’i dhënë  një shtysë kësaj agjencie në funksion të programeve të investimeve, por tani me fokus dhe me prioritet për situatën post-katastrofë. Kam marrë disa nga reagime të para nga letrat e dërguara në të gjithë botën. Reagime inkurajuese”, tha kreu i ekzekutivit. 

Ndërkohë, ministres së shëndetësisë dhe asaj të arsimit u kërkoi që të komunikonin me kolegët e tyre në vende të tjera, për të raportuar dëmet që ka shkaktuar tërmeti në godinat shkollore dhe ato shëndetësore.

“Ministria e Arsimit sot duhet t’u drejtohet homologëve europianë me një informacion të përmbledhur mbi goditjet që ka lënë tërmeti në infrastrukturën shkollore dhe për një kërkesë të përulur për ndihmë. E njëjta gjë edhe për ministrinë e Shëndetësisë.Nuk kemi dëmtime serioze. E treta në nivelin e përmirësimit të të gjithë sistemit të koordinimit për të shmangur paqrtësitë. Në të gjitha kontaktet që unë kam pasur, edhe me disa nga grupet inxinierike, masat në skuadrat tona janë jashtëzakonisht pozitive”-tha Rama.

Skip to toolbar