Hysaj drejt Juves, shkëmbim me De Sciglio

Merkato do dhe pak ditë të hapet zyrtarisht, por lajmet e transferimeve zënë titujt kryesor të mediave. Edhe për futbollistët e kombëtares shqiptare, kjo merkato pritet të jetë aktive. Një prej tyre është kapiteni i kuqezinjve, Elseid Hysaj, që me gjasa do të largohet nga Napoli.

Në fakt, prestigjiozja “goal.com” në versionin italian, shkruan se shkodrani mund të kalojë te Juventus. Formula e transferimit mund të jetë një shkëmbim mes De Sciglio dhe Hysajt.

Mbrojtësi i kombëtares shqiptare është një nga futbollistët e preferuar të trajnerit Maurizio Sarri. Ndërkohë, “Gazetta dello Sport” thotë se dy klubet janë duke punuar në këtë drejtim.

Mattia de Sciglio mund të shkojë në Napoli, ndërsa Hysaj në Torino. Mediat italiane e shohin një transferim të mundshëm, pasi të dy lojtarët nuk po kalojnë momente të mira te klubet përkatëse.

“Franca s`na fal”, Hysaj: Të luajmë si ndaj Turqisë

Kapiteni i kombëtares, Elseid Hysaj foli në konferencë për mediat një ditë para ndeshjes me Francën. Hysaj u shpreh fillimisht se barazimi me Andorrën është harruar, ndërsa skuadra është fokusuar te Franca. “Besoj që ne do të hyjmë sikur në ndeshjet e kaluara, jo si me Andorrën, pasi në këtë ndeshje duhet të ishim më të egër në fushë. Ne e kemi kuptuar këtë gabim dhe do të hyjmë më një mentalitet tjetër”, tha Hysaj.

Franca është padyshim ekip i vështirë, me shumë kampionë, megjithatë, Hysaj beson se nëse kombëtarja luan si ndaj Turqisë, nuk do të jetë e vështirë. “Do të jetë ndeshje me e vështirë, pasi Franca ka shumë kampionë si Grizman, Mbape. Kanë krijuar një grup më të mirë se në kualifikimet e kaluara. Ato kualifikuese kemi luajtur me zemër se sa me skema. Tashmë duhet të bëjmë një ndeshje siç bëmë me Turqinë”, tha kapiteni.

Në “Air Albania Stadium” pritet të jetë i pranishëm dhe ish-futbollisti i Romës, Francesco Totti. Hysaj e sheh këtë si vlerësim për kombëtaren. “Unë i besoj më shumë faktit se do na ndihmoje tifozeria. Pastaj që do jetë Toti apo lojtarë të Romës, më jep kënaqësi. Tani unë jam pjesë e Napolit dua të rikuperojë vendin tim aty dhe pastaj të shohim”, tha Hysaj.

Kapiteni u shpreh se nuk presin dhuratë nga Franca, por skuadra duhet të jetë e qetë dhe të ketë vetëbesim. “Nuk besoj se Franca më këta kampionë ta na falin pikë apo fitore. Profesionistët janë gati të marrin pikët dhe të fitojë, miqësore apo ndeshje zyrtare. Duhet të jemi me mentalitet më të fortë. Kemi treguar se dimë të luajmë dhe jemi të fortë. Nuk jemi si më parë që vraponim në fushë. Kemi treguar se dimë të luajmë duhet të kemi besim , ashtu si Moldavia që pati dhe rastet e veta ndaj Francës. Duhet të jemi të qetë dhe të hyjmë më besim”, shtoi kapiteni.

Sipas tij, trajneri Reja ka ndryshuar kombëtaren dhe stilin e lojës. Skuadra luan më mirë, ndërsa në takimin e së dielës duhet të bëhet diçka më shumë për të respektuar dhe stadiumin. “Ne me zemër luajmë. Me ardhjen e trajnerit, mundohemi të luajmë me skemat e duhura. Ne shqiptarët kemi zemër. Përsa i përket ndeshjes me Sebinë, kur sheh ato momente të bëhet mishi kokrra, është mirë të kujtosh ato momente sërish. Do të jetë një ndeshje e veçantë. Këtë stadium nuk e kemi pasur as në ëndërr. Është stadium për skuadra të mëdha dhe lojtarë të mëdhenj. Do mundohemi ta respektojmë këtë stadium me një ndeshje të mirë dhe me një rezultat”, shtoi ndër të tjera Hysaj.

“Andorra më e rëndësishme se Franca”, Hysaj kërkon ndihmën e tifozëve

Kapiteni i skuadrës kombëtare të futbollit, Elseid Hysaj, doli në konferencë për shtyp një ditë para ndeshjes me Andorrën. I rikthyer në kombëtare pas mungesës në ndeshjet e tetorit, Hysaj u shpreh se kuqezinjtë janë të bashkuar. “Jemi shumë të bashkuar dhe po shihet edhe nga jashtë. Jemi shumë mirë dhe me trajnerin e ri besimi është rritur më shumë për të bërë diçka të mirë”, tha mbrojtësi.

Dëmtimi kaloi, tani ndihet gati për të luajtur, ndërsa shpreson që në dy ndeshjet e mbetura në grup, skuadra kombëtare të marrë sa më shumë pikë. “Jam mirë sepse luajta në ndeshjen e fundit. Po mendojmë për Andorrën sepse është ndeshje e vështirë për ne sepse të gjithë. Gjithashtu po mendojmë për Francën dhe duam të marrim rekordin e pikëve”, tha Hysaj.

Franca është ekip i vështirë, thotë mbrojtësi i kombëtares, por jo i pamundur. “Franca është kampion bote dhe do të jetë e vështirë të marrim pikë por do të kemi një dorë nga tifozeria. Unë luaj te Napoli dhe tifozeria mund të na japë një dorë të ngrohtë për të marrë pikë në dy ndeshjet”, shprehet Hysaj.

Vëmendja është përqëndruar te Franca, por për Elseid Hysajn ndeshja më e rëndësishme është ajo kundër Andorrës. “Sigurisht që të gjithë po flasin për Francën por ne e dimë që me Andorrën është më e rëndësishme se me Francën. Pas kësaj ndeshje do të shohim për Andorrën. Do të provojmë të sulmojmë dhe për të mos pësuar gol. Mbrojtësit tonë po luajnë titullar me skuadrat e tyre”, tha Hysaj.

Hysaj s`mungon: Çunat, të motivuar, fitojmë ne

Mbrojtësi i kombëtares shqiptare, Elseid Hysaj mungon në dy ndeshjet e radhës të kuqezinjve, atë ndaj Turqisë dhe Moldavisë. Megjithatë, Hysaj nuk mungon në mbështetjen e shokëve të tij të skuadrës. Ai është i pranishëm në sfidën Turqi-Shqipëri, që luhet mbrëmjen e të premtes në Stamboll. Në një intervistë për Televizionin Shqiptar, Hysaj u shpreh se kombëtarja do fitojë kundër turqve. Sipas tij, djemtë janë të motivuar dhe kanë kuptuar rëndësinë e ndeshjes që do të luajnë.

“Më vjen shumë keq për dëmtimin, por kam ardhur për të parë ndeshjen se nuk mund të rrija larg kombëtares. Shpresoj t`i sjell fat. Unë kam shumë besim te kombëtarja. Çunat i njoh mirë, trajneri është shumë i mirë. Unë besoj se do fitojmë. I takova çunat dhe janë gati 100% për këtë ndeshje atmosfera ëshë shumë e mirë. Ajo është shumë e rëndësishme. Kjo është ndeshje deçizive. Çunat e kanë kuptuar këtë. Thjesht duhet të presim ndeshjesh”, tha Hysaj. Ndërkohë, mbrojtësi u shpreh se do të punojë që të jetë gati për ekipin kombëtar në muajin nëntor.

Veseli “mahnitet” nga lojtarët e rinj

Në prag të ndeshjes me Turqinë, mbrojtësi Frederic Veseli kërkon fitore, pasi sipas tij është një mundësi për të bërë një hap para. Në konferencën për shtyp të së mërkurës, mbrojtësi që aktivizohet me Empolin, beson se kombëtarja mund të përsërisë të njëjtën ndeshje si në Antalia, kur e mundi Turqinë me rezultatin 3-2.

“Besoj se kemi lojtarë që përshtaten me skemën me 3 por mund të kalojmë edhe me 4 pa problem. Është diçka që varet nga kundërshtari dhe nuk është fiks. Mund të kalojmë edhe me 4 apo 5 mbrojtës. Ka shumë rëndësi kjo ndeshje sepse e dimë që ka mundësi të bëjmë një hap shumë para nëse fitojmë. Synojmë fitoren dhe pse jo të vazhdojmë në këtë edicion dhe të bëjmë diçka pozitive. Besoj e shpresoj të mundim Turqinë si në miqësoren në Antalia”, tha mbrojtësi.

Më tej, Frederic Veseli u shpreh se skuadra nuk duhet të ketë presion. Sipas tij, lojtarët e rinj të grumbulluar nga Edy Reja, janë me kualitet dhe do të shtojnë konkurrencën në skuadër. “Nuk duhet të kemi presion por të bëjmë lojën tonë pasi kemi mundësi të fitojmë. Sigurisht që do të na ndihmojnë pasi kanë ardhur lojtarë me shumë kualitet dhe i kemi parë në stërvitje dhe kur kanë luajtur. Janë një shenjë me perspektivë për të ardhmen dhe kur ka lojtarë të rinj shtohet konkurrenca dhe kjo është pozitive për skuadrën. Konkurrenca është pozitive për mua sidomos në Kombëtare ku duhet dhënë maksimumi. Mund të sigurojnë vendin e tyre në Kombëtare pasi jemi gati të japim maksimumin”, tha Veseli.

Mbrojtësi i Empolit nuk i kursen elozhet për futbollistët e rinj, një prej të cilëve është Marash Kumbulla që luan në Serie A me Veronan. Sipas Veselit, ai është lojtar shumë i mirë dhe punëtor. “Kumbulla është shumë i mirë dhe shumë i ri. E ka treguar veten në Serinë A dhe si person është djalë i mirë e punëtor. Do të arrijë shumë lart nëse e mban këtë mentalitet. Është pozitive për Kombëtaren që një lojtar si ai, përparon aq shumë në një kampionat të atij niveli”, tha mbrojtësi.

Por, mungesa e Elseid Hysajt do të ndihet në skuadër. Sipas Veselit ai është lider në ekipin kombëtar, por shprehet se pozicioni i Hysajt në lojë do të mbulohet nga lojtarë të tjerë. “Hysaj mungon shumë sidomos pas ndeshjes me Islandën ku edhe shënoi. Mundem të them se është lider i ekipit dhe e vuajmë mungesën e një lideri në ekip por kemi lojtarë për të mbuluar atë pozicion. Edhe unë mundem ta bëj atë pozicion por në fund vendos trajneri”, përfundoi Frederic Veseli.

Hysaj mbetet te Napoli, agjenti konfirmon ‘dështimin’ e tij

Kur merkato po shkon drejt mbylljes, dhe pas zërave për një lëvizje të bujshme të Elseid Hysaj në merkato, agjenti i tij, ‘llafazani’, Mario Giuffredi, ka thënë se “Hysaj do të qëndrojë te Napoli”. Me këto fjalë, shuhet dhe njëherë dilema, njëherazi dhe thashethemet e merkatos rreth të ardhmes së mbrojtësit shqiptar. Javët e fundit Elseid Hysaj ka qenë në qendër të fjalëve për një largim të mundshëm nga Napoli.

Por, agjenti i 25-vjeçarit, Mario Giuffredi, duket se ka dështuar me tratativat për të gjetur një klub të ri për futbollistin shqiptar. Në fakt, me Carlo Ancelottin, Hysaj pritet të ketë përsëri një sfidë për një vend në formacion te Napoli. Megjithatë, ekspertët e merkatos së lojtarëve në Itali, kanë mendimin se Juventus mund të shfaqet për anësorin e djathtë shqiptar, pasi Maurizio Sarri e njeh mirë lojtarin, që e drejtoi për pesë vjet te Napoli dhe Empoli më herët.

Deri në fund të dritares së merkatos, mund të shfaqen oferat të tjera, megjithëse është në dorën e De Laurentisit, i cili nuk do të lejojë largimin e Hysajt pa përfituar më parë 50 milion euro. Gjatë verës, emri i Hysajt u lidh me disa klube, nga Roma dhe Inter në Serie A, te Chelsea dhe Tottenham në Premier League. Por veç thashethemeve të merkatos, asgjë tjetër nuk ka krijuar interes për lojtarin shqiptar.

Atletico Madrid zyrtarizon Trippier, zuri vendin e Hysajt

Atletico Madrid ka zyrtarizuar transferimin e mbrojtësit të djathtë, Kieran Trippier, që lë Tottenham për skuadrën madrilene. Trippier gjithashtu i zë vendin Elseid Hysajt, që ishte një nga kandidatët për të shkuar te Atletico Madrid këtë merkato. Megjithatë, ish-mbrojtësi i Tottenham ka nënshkruar një marrëveshje trevjeçare në ‘Wanda Metropolitano’, duke u bashkuar me ekipin e Diego Simeone për të zëvendësuar Juanfranin, që është duke u larguar.

Atletico fillimisht ishte i interesuar për shërbimet e Meunier nga PSG, por çmimi i lartë i kërkuar nga klubi për transferimin, e detyroi Los Colchoneros që të ndryshonte plan. Trippier është një nga lojtarët e vlerësuar më herët nga Simeone, plus transferimi i tij i ka kushtuar vetëm 22 milionë euro skuadrës së Atleticos. Gjatë kësaj merkatoje, Diego Simeones i janë larguar apo do të largohen disa lojtarë të rëndësishëm, si: Antoine Grtiezmann, Juanfran, Diego Godin, Lucas Hernandez dhe Rodi.

Ndërkohë, afrimi i Trippier i bën Los Colchoneros klubin më aktiv në merkato deri tani në Spanjë, pasi me shpenzimin për të, vlera totale e shpenzuar në merkato shkon 220 milionë euro. Mbrojtësi anglez bëhet nënshkrimi i gjashtë i klubit, pas Joao Felix (126 milion euro, Benfica), Marcos Llorente (30 milion euro, Real Madrid), Felipe (20 milion euro, Porto); Renan Lodi (20 milionë euro, Club Athletico Paranaense) dhe Héctor Herrera (pa pagesë, Porto).

https://twitter.com/Atleti/status/1151522153105436674/photo/1

Humbja me Islandën, Hysaj: Na vjen keq për trajnerin, por duhet të vazhdojmë kështu

Kapiteni i ekipit tonë kombëtar Elseid Hysaj ka folur pas ndeshjes me Islandën, duke u shprehur se ndihej i keqardhur për humbjen. Sipas tij, ekipi kishte punuar shumë dhe donte fitoren, ndërsa për rastin personal, ku pati një mundësi shënimi, Hysaj, për RTSH, tha se gjuajtja ishte me këmbën e gabuar.

Keqardhje për ndeshjen? Na vjen shumë keq, luajtëm shumë mirë, kishim rastet tona, për këtë gjë na vjen keq për trajnerin, skuadrën, sepse kemi punuar shumë këtë javë.

Rasti personal për gol? Ishte këmba e gabuar, por dhe topi po shkonte në qoshe, më ka munguar dhe fati sepse kam shumë vite që kërkoj të shënoj por s`po mundem.

Çfarë duhet të presim për të ardhmen? Besoj që duhet të vazhdojmë, të vazhdojmë kështu në ndeshjen e radhës. Llogaritë i bëjmë në vonë.

Hysaj: Jemi gati për Islandën, të ardhmen e vendos pas kombëtares

Ndaj Islandës, Elseid Hysaj do të jetë kapiten i ekipit tonë kombëtar. Mbrojtësi ka shoqëruar trajnerin Edy Reja në konferencë për shtyp këtë të premte, një ditë para ndeshjes zyrtare. Hysaj është shprehur se skuadra është gati, dhe synim është fitorja. “Besoj se jemi gati pasi kishim kohë dhe kemi bërë mirë në stërvitje. Jemi gati si skuadër për të fituar këtë ndeshje”, u shpreh mbrojtësi.

25-vjeçari foli dhe për skemën që do të përdoret ndaj Islandës, duke u shprehur se ndihet mirë me 3 mbrojtës në qendër, pasi i jep më shumë mundësi në lojën në krah. “Besoj se me këtë skemë jam mirë në krah pasi krahun e njoh më mirë se qendrën megjithatë unë do të luaj aty ku trajneri më vendos”, tha Hysaj.

Hysaj ka qenë i rezervuar i kur është pyetur për të ardhmen, duke u shprehur se për të do të mendojë pas ndeshjeve me Kombëtaren. “Kam edhe 2 vite me Napolin dhe tani për tani po mendoj për Kombëtaren dhe pas kësaj ndeshjeje të Kombëtares do të mendoj për pushimet”.

Në fund, ai ka folur dhe për kundërshtarin e të shtunës, duke u shprehur se nuk duhet nënvlerësuar.

“Islandën e njohim dhe ka bërë shumë mirë e ka lojtarë të fortë që luajnë në skuadra të mira. Nuk duhet nënvlerësuar pasi jemi mundur dhe duhet kujdes në disa lëvizje. Mendoj se do të arrijmë të bëjmë diçka të mirë në fushë. Nuk është sikur në Europian që tregoi se ka potencial por ka edhe fazën e keqe. Me ardhjen e Rejas na ka ndryshuar fryma dhe të besojmë se jemi lojtarë më të fortë se ata që ishim”, tha Hysaj.

Napoli e do si pasues të Hysajt, Interi i futet stërkëmbësh!

E ardhmja e Elseid Hysaj nuk do të jetë te Napoli. Kjo tashmë dihet, pasi jo vetëm rritja e Malkuit, por dhe nisja e kërkimeve nga Ancelotti për një mbrojtës të ri në krahun e djathtë, e bën dhe më të sigurtë largimin e mbrojtësit shqiptar.

Napoli, ashtu si dhe Juventus, prej kohësh po mbajnë në vëzhgimin mbrojtësin e Tottenham, Kieran Trippier. Sot, mediat italiane, raportohet se në këtë garë është futur dhe Inter.

Skuadra e Luciano Spalletit kërkon një mbrojtës të djathtë me përvojë ndërkombëtare, teksa prej kohësh trajneri zikalëtr pëlqen dhe Elseid Hysajn. Mirëpo, siç raportohet nga Gazetra dello Sport, mbrojtësi shqiptar do të jetë një alternativë e dytë.

Inter po interesohet dhe mban nën vëzhgim Trippier. Megjithatë, skuadra nga Milano do ta ketë të vështirë luftën me Napolin dhe Juven, kjo edhe për arsye financiare. Në këtë aspekt, Elseid Hysaj, kthehet në alternativë konkrete për Interin, që mund ta tërheqë mbrojtësin drejt Milanos për vetëm 25 milionë euro.