Tag: Ferrari

Siguria rrugore sjell në Shqipëri bosin e Formula 1

Bosi i Formula 1, Jean Todt, vizitoi të premten Shqipërinë në një vizitë zyrtare.  Ish-shefi i skuderisë Ferrari në Formula 1, që aktualisht është President i FIA, u prit në takim nga Kryetari i Kuvendit Gramoz Ruçi. Në Shqipëri, Jean Todt vjen si i Dërguar i Posaçëm i OKB-s për sigurinë rrugore. Gramoz Ruçi u shpreh gjatë takimit me Jean Todt se Shqipëria po punon për garantimin e lëvizjes së sigurtë.

“Qeveria dhe agjencitë e saj po punojnë për garantimin  e lëvizjen e sigurtë,  efiçencës së transportit, përgatitjen e legjislacionit dhe ofrimin e zgjidhjeve të integruara për sistemet e transportit rrugor, duke garantuar përputhshmërinë e tyre me planet e zhvillimit ekonomik të vëndit dhe me standartet më të larta ndërkombëtare, sipas parimit ‘Transport të thjeshtë dhe të sigurtë për të gjithë”.

“Kuvendi ka qenë gjithmonë aktiv në propozimin dhe miratimin e përmirësimeve në Kodin Rrugor, me qëllim të letësojmë qarkullimin, të rrisim sigurinë, të mbrojmë jetën e qytetarëve dhe të ulim kostot e aksidenteve rrugore për familjet, ekonominë dhe shoqërinë. Pa siguri rrugore nuk ka qytete inteligjente”,  tha Ruçi.

Ndërkohë, Jean Todt shprehu mirënjohjen për Kryetarin e Kuvendit të Shqipërisë, Gramoz Ruçi për angazhimin e treguar për përmirësimin e legjislacionit të sigurisë rrugore. Ai tha gjithashtu se Shqipëria i ka të gjitha mundësitë për tu bërë lider rajonal i sigurisë rrugore. “Shqipëria i ka të gjitha mundësitë që të bëhet lider rajonal në sigurinë rrugore dhe pakësimin e aksidenteve rrugore”, tha Todt.

Jean Todt është aktualisht Presidenti i FIA (Federata Ndërkombëtare e Automobilizmit). Për shumë vite ai drejtoi skuderinë e Ferrarit, duke i dhënë suksese të jashtëzakonshme skuderisë italiane. Nën drejtimin e Todt, Ferrari arriti të triumfonte pesë herë në botën e Formula 1 me pilotin Michael Schumacher. Todt dhe piloti gjerman u miqësuan shumë gjatë kësaj periudhe, miqësi që vijon edhe në ditët e sotme, kur Schumacher ndodhet në gjendje të rëndë shëndetësore pas aksidentit që pësoi disa vite më parë kur bënte ski.

Ferrari i “dhuron” fitoren Mercedes

Ferrari e Vettel i dhuruan fitoren e Çmimit të Madh të Rusisë rivalit të tyre Lewis Hamilton me Mercedes. Dy makinat kokëkuqe e nisën mirë garën, me Vettel që parakaloi që në start duke u ngjitur në krye të garës. Pas tij ishte shoku i skuadrës, Charles Leclerc, që mbajti Lewis Hamilton në vendin e tretë. Por kur Leclerc kërkoi që të parakalonte shokun e skuadrës, Vettel refuzoi.

Kjo gjë shkaktoi një rrëmujë të vërtetë në strategjinë e kokëkuqes, pasi piloti nga Monako bëri dy pitstope, në një kohë që Vettel u detyrua të tërhiqej nga gara pasi pati një problem në motor. Hamilton mori kryesimin e garës dhe pas tij doli Valtteri Bottas. Shumë i irrituar nga strategjia e ekipit është shprehur pas garës piltoi i Ferrarit Charles Leclerc, duke e cilësuar “trup” për skuadrën atë që ndodhi të dielën.

“Të paktën jemi të qëndrushëm. Është mirë të jemi përsëri në podium, por është turp për ekipin që nuk është makina e dytë këtu. Nga ana jonë çdo gjë ishte në rregull. Mercedes është akoma shumë më i shpejtë, në krahasim me kualifikimin. Duhet të flas me ekipin për të mësuar më shumë rreth asaj që ndodhi”, u shpreh në fjalët e para për mediat piloti i Ferrarit.

Leclerc “pole” në Rusi, Hamilton e Vettel e ndjekin

Charles Leclerc me Ferrari siguroi të shtunën pasdite “pole positions” në Çmimin e Madh të Rusisë, në pistën e Sochi. 21-vjeçari nga Monaco arrtiti të siguronte “polet” e katërta radhazi në botërorin e Formula 1 dhe të gjashtat për këtë sezon.

Provat e treta ishin vendimtare për pilotin e kokëkuqes, pasi vendosi kohën 1`:31“:628 të qindat, me gati një sekond më shumë se piloti i Mercedes, Lewis Hamilton, që u rendit i dyti duke regjistruar kohën 1`:32“:030 të qindat.

Në vendin e tretë u rendit piloti tjetër i Ferrarit, Sebastian Vettel, i cili regjistroi kohën 1`:32“:053 të qindat, duke e humbur vetëm për pak vendin e dytë në nisje.

 “Makina duket shkëlqyer. Ndjesh mirë të jesh në pole, por fillimi është shumë i rëndësishëm këtu, me siguri, më shumë se në çdo pistë tjetër. Unë dua të përqëndrohem për garën e të dielës, duke konfirmuar momentin e mirë”, tha pas provave piloti i Ferrarit, Charles Leclerc.

Në vendin e katërt u rendit piloti i Red Bull, Max Verstappen, megjithëse do të vuajë një penalitet me 5 pozicione për shkak të modifikimit që i ka bërë motorit të makinës së tij. Makina tjetër e Mercedes, e drejtuar nga Valtteri Bottas, do të niset nga vendi i pestë.

Vettel e Leclerc “fluturojnë” në Singapor

Një garë e çmendur në pistën e Marina Bay në Singapor, në fund triumfon Ferrari me dy pilotët e tij. Sebastian Vettel është rikthyer te triumfi në Formula 1, pasi të dielën ka arritur të rrëmbejë Çmimin e Madh të Singaporit. Piloti gjerman i kokëkuqes bëri një garë të shkëlqyer, e kordinuar në perfeksion dhe me strategjinë e skuadrës. Vettel e nisi garën i treti këtë të diel, por arriti të parakalonte rivalin e Mercedes, Lewis Hamilton dhe shokun e tij të skuadrës Charles Leclerc, pasi bëri vetëm një pitstop.

Kjo strategji rezultoi pozitive duke e rikthyer Vettel triumfues në një nga pistat e tij të preferuara në Formula 1. Ndërkohë, në vendin e dytë u rendit piloti tjetër i Ferrarit, Charles Lelclerc, i cili e nisi garën nga polet. Megjithatë, kjo është fitorja e parë e dyfishtë e Ferrarit, gjë që nuk ndodhte prej vitit 2017 në garën e Çmimit të Madh të Hungarisë. Ndërsa vendi i tretë në këtë garë shkoi për Max Verstappen me Red Bull.

Dy pilotët e Mercedes, Hamilton e Bottas, u renditën përkatësishtnë vendin e katërt e të pestë. “U befasova kur dola përpara. Isha pak i djersitur. Jam shumë i lumtur. Ishte një garë e shkëlqyer. Para së gjithash dua të falenderoj ekipin. Kemi bërë një nisje jo të mirë të sezonit, por tani jemi rikthyer. Jam shumë krenar për punën e bërë në skuadër”, ka thënë Vettel pas përfundimit të garës. Ndërkohë, kampionati vijon të udhëhiqet nga Hamilton i cili ka 296 pikë, i ndjekur në vend të dytë nga Valtteri Bottas me 231 pikë dhe në vendin e tretë Charles Leclerc me 200 pikë.

Leclerc ‘pole’ në Monza, Ferrari ‘fluturon’ në shtëpi

Pas Çmimit të Madh të Belgjikës, piloti i Ferrarit, Charles Leclerc, ka arritur të fitojë ‘pole position’ në shtëpinë e kokëkuqes, pistën e Monzas në Itali. Në provat zyrtare të zhvilluara pasditen e të shtunës, Leclerc dha kohën më të shpejtë në përfundim, me 1`19“307 të qindat.

Piloti i kokëkuqes ishte në lartësinë e duhur duke mahnitur tifozët e Ferrarit në shtëpinë e tij. Ndërkohë, pas Leclerc, u renditën dy pilotët e Mercedes, Lewis Hamilton dhe Valtteri Bottas. Ndërkohë, Sebastian vettel nuk shkoi më shumë se sa vendi i katërt me makinën tjetër Ferrari.

Në përfundim të provave zyrtare, piloti i Ferrarit, u shpreh i lumtur me fitoren e ‘poleve’, që i japin mundësinë për të përsëritur një tjetër sukses në karrierën e tij, pas fitores së një jave më parë të garës së parë në karrierë, Çmimin e Madh të Belgjikës.

Ndërkohë, Hamilto, që do të niset pas Leclerc është shprehur i pakënaqur me situatën që po kalon makina e tij, e cila në dy garat e fundit nuk ka qenë në lartësinë e duhur për të konkurruar Charles Leclerc.

“Kjo është për Anthoine”, Leclerc kthen Ferrarin triumfues

Charles Leclerc dhe Ferriar rikthehen pas shumë vuajtjesh. Talenti i kokëkuqes, ka arritur të mbajë pas Leëis Hamilton, duke fituar garën e Çmimit të Madh të Belgjikës. Piloti nga Monaco ia kaka dedikuar fitoren e së dielës, talentit 22-vjeçar të Formula 2, Anthoine Hubert, që humbi jetën të shtunën gjatë garës në të njëjtën pistë. “Ky është për Anthoine”, u shpreh në radio Leclerc. “Ndihem mirë, por e vështirë për t`u shijuar në një fundjavë si kjo”, shtoi më tej piloti i Ferrarit.

Kjo është gjithashtu fitorja e tij e parë  në karrierë si pilot i Formula 1, pas dy sezonesh në këtë kampionat. 21-vjeçari shkoi dy herë shumë pranë fitores në sezonin e tij të parë me Ferrarin, por ai doli i dyti, pasi makina nuk e ndihmoi. Ndërkohë, pas Leclerc u rendit Leëis Hamilton, i cili e ndoqi pilotin e Ferrarit gjatë gjithë garës, ndërsa në vijën e finishit distanca mes tyre ishte vetëm gjysmë sekondi. Në vendin e tretë u rendit piloti tjetër i Mercedes, Valtteri Bottas, i ndjekur nga Sebastian Vettel, i cili pati gjithashtu një ditë zhgënjyese.

View this post on Instagram

I can't believe it. Rest in peace.

A post shared by CHARLES LECLERC (@charles_leclerc) on

Në garën e të dielës Ferrari i Leclerc dhe strategjia e skuadrës kanë rezultuar pozitive. Megjithatë, ndonëse e nisën të dy nga vija e parë, nuk ishte të njëjtin ritëm si Leclerc shoku i tij i skuadrës Sebastian Vettel, që u parakalua me lehtësi nga Hamilton. Ndërkohë, pesë herë kampioni i botës pati vështirësi për të arritur Leclerc, pasi gomat e njëvendëshes së tij u konsumuan më shpejt se ato të Ferrarit, duke dështuar në tentativat për parakalim.

Megjithatë, shtu si në garën e fundit, Hamilton arriti të bënte një rikuperim fantastik, edhe pse me goma që rrezikonin nga momenti në moment. Pas Belgjikës, botërori i Formula 1 do të zhvendoset në Monza, aty ku Ferrari do të kërkojë fitoren e dytë radhazi në shtëpinë e tij.

Ferrari kthehet frikshëm, Leclerc në ‘pole’, Vettel pas tij, zhgënjen Mercedes

Ferrari e ka nisur mbarë gjysmën e dytë të sezonit të botërorit të Formula 1. Piloti i kokëkuqes, Chalres Leclerc ka dominuar provat zyrtare duke vendosur kohën më të mirë me 1`42“644 të qindat, duke fituar ‘pole position’ për garën e Çmimit të Madh të Belgjikës.

Në pistën e SPA, është rikthyer në formë edhe piloti tjetër i Ferrarit, Sebastian Vettel, i cili të dielën do të niset nga krah Leclerc nga vendi i dytë në pistë. Për pilotin nga Monaco të Ferrarit, Charles Leclerc, kjo është hera e katërt që fiton një ‘pole position’.

Ndërkohë, treshja e parë e garës për të dielën plotësohet nga piloti i Mercedes, Lewis Hamilton, i cili ishte 8 të dhjetat më i avashtë se Leclerc, ndërsa pas Hamilton do të jetë shoku i tij i skuadrës Valtteri Bottas.

Makina e Mercedes nuk dha atë që prisnin këtë të shtunë në Belgjikë, ndërsa Ferrari tregoi se ka pasur ndryshime të mëdha gjatë pushimeve të verës, duke u rikthyer pretendete pas garave të para ku kokëkuqja ka pasur shumë probleme.

Hamilton “fluturon” në Francë, Ferrari në rënie të lirë

Tetë gara të botërorit të Formula 1, gjashtë fitore për Hamilton këtë sezon. Ky është bilanci i deritanshëm në botën e F1, ku piloti britanik i Merecedes, Lewis Hamilton arriti të triumfonte edhe në garën e Çmimit të Madh të Francës. Hamilton e mbylli garën i pari duke mos e diskutuar asnjëherë fitoren, pavarësisht disa episodeve gjatë garës.

Pas tij u rendit shoku i skuadrës Valtteri Bottas, i cili arriti ti rezistonte sulmeve të vazhdueshme nga piloti i Ferrarit Charles Leclerc, që e mbylli garën në vendin e tretë. Ndërkohë, Max Verstappen dhe Sebastian Vettel e mbyllën përkatësisht në vendin e katërt dhe të pestë. Fillimisht Hamilton arrin të mbajë vendin e parë pas nisjes, megjithëse pati jo pak vështirësi për shkak të gomave që përdori.

Megjithatë me kalimin e kohës ai ruan pozicionin dhe me pistën e boshatisur thellon diferencën në kohë mes ndjekësit të tij, shokut të skuadrës, Valtteri Bottas. Ferrari ka zhgënjyer sërish, duke mos rivalizuar dot me rivalët e Mercedes, që tashmë duket se kanë marrë nën kontroll gjithçka dhe po shkojnë drejt mbrojtjes së titullit.

Hamilton kryeson renditjen e pilotëve me 187 pikë, i ndjekur nga shoku i tij i skuadrës, Bottas, me 151 pikë dhe Sebastian Vettel me 111 pikë. Gara e ardhshme do të jetë ajo për Çmimin e Madh të Austrisë, ku Ferrari, nisur nga pista e “Red Bull Ring”, mund të ketë disi avantazh ndaj Mercedes.

Kanada, Vettel i pari në pistë, Hamilton fiton në “tavolinë”

Spektakli që pritej të dhurohej në 70-të xhirot e garës së Çmimit të Madh të Kandasë, u dhurua në fund të saj, pasi gara përfundoi. Sebastian Vettel e mbylli garën i pari, ndërsa pas tij u rendit Leësi Hamilton me Mercedes, ndërsa i treti u rendit piloti tjetër i Ferrarit, Charles Leclerc. Megjithatë, ky ishte rezultati në pistë, pasi jashtë saj ai që u ngjit në podium ishte Leëis Hamilton, pasi përfioi nga një penalitet i  pilotit të Ferrarit Sebastian Vettel.

Ky i fundit u dënua me 5 sekonda nga komisarët e garës, pasi pak xhiro para përfundimit të garës bëri një lëvizje të gabuar në pistë, duke rrezikuar një përplasje me Leëis Hamilton.

Ky i fundit u ankua për këtë incident, ndërsa pas hetimit, piloti i Ferrarit u dënua me 5 sekonda në përfundim të garës, të cilat ishin të mjaftueshme për ti dhënë fitoren në “tavolinë” Hamilton, që ishte vetëm 1.5 sekonda më pak se piloti i Ferrarit në momentin që përfundoi gara.

Kështu, Hamilton u ngjit në krye të podiumit, ndërsa Vettel u largua për një moment, duke mos pranuar as të parkonte makinën në tre vendet e makinave fituese. Më pas, Vettel u kthye përsëri, duke i hequr makinës së Hamilton nr.1 dhe e vendosi atë tek vendi bosh, ku duhet të ishte makina e Ferrarit.

Ndërkohë, gara ishte e qetë, aq sa makina e sigurisë nuk u fut asnjëherë në pistë, ndërsa momenti i vetëm që u evidentua dhe që vendosi garën, ishte pikërisht ky incident, që u quajt i till nga komisarët e pistës, mes Vettel dhe Hamilton. “Ata po vjedhin garën prej nesh”, tha Vettel në radio për ekipin, të cilit iu mohua fitorja e tij e parë me Ferrarin, makinë me të cilën Vettel nuk triumfon prej gushtit të vitit 2018.

Pavarësisht fitores, Hamilton nuk u shpreh i lumtur që fitorja për të erdhi në “tavolinë” dhe jo në pistë. “Kjo natyrisht nuk është mënyra se si kam dashur të fitoj”, tha Hamilton.

Hamilton fiton në Montekarlo, Vettel i dyti, Bottas plotëson podiumin

Dominimin e nisur pak ditë më parë, vijuar me provat zyrtare, e ka përfunduar sot duke fituar garën e Çmimit të Madh të Montekarlos. Piloti anglez i Mercedes, Lewis Hamilton ka fituar në pistën qytetase, duke bërë një tjetër hap të rëndësishëm për të mbrojtur titullin kampion në Formula 1 edhe këtë sezon.

I dyti në podium u ngjit piloti i Ferrarit, Sebastian Vettel, që përfitoi pas ndëshkimit të Max Verstappen, i cili tentoi të parakalonte në xhiron e fundit Hamilton, por pati një kontakt me makinën e pilotit të Mercedes. Kështu, Verstappen u dënua me 5 sekonda nga komisarët e garës, çka bëri që Vettel që ndodhej pas tij të zinte vendin e dytë. Në vendin e tretë në garën e sotme u rendit piloti tjetër i Mercedes, Valtteri Bottas.

Hamilton u nis i pari në garën e sotme duke e ruajtur kryesimin e saj deri në fund, ndonëse në në xhirot e fundit piloti britanik pati jo pak vështirësi, pasi gomat e tij u konsumuan shumë, por teknikët e skuadrës vendosën që ai ta përfundonte garën pa i ndërruar ato.

Megjithatë, Hamilton ia doli të mbante vendin e parë deri në xhiron e fundit. Pas përfundimitë të garës, Lewis Hamilton u shpreh se fitoren e sotme ia dedikonte Niki Laudas, ish-kampionit të botës në Formula 1 që u nda nga jeta pak ditë më parë. “Kjo ishte ndoshta gara më e vështirë që unë kam pasur”, tha Hamilton.

E ka nisur në mënyrën më të mirë të mundshme garën piloti tjetër i Ferrarit, Charles Leclerc, por piloti nuk arriti ta përfundonte garën e shtëpisë së tij. Leclerc e mbylli garën shumë shpejt pasi strategjia e ekipit por dhe gabimet e tij në pistë, bën që gjithçka të shkonte keq, çka bëri që piloti i kokëkuqes të tërhiqej nga gara.

Skip to toolbar