Tag: Formula 1

Hamilton synon rekordin e Schmuacher

Lewis Hamilton u shpall të dielën kampion bote në Formula 1 për herë të gjashtë në karrier. Piloti britanik është shumë pranë rekordit që mbahet nga Michael Schumacher, i cili koleksionon 7 tituj botëror në Formula 1. Po cilët janë pilotët që lë pas Lewis Hamilton?

Pas tij vijnë shumë legjenda, duke nisur nga Juan Manuel Fangio, që mban 5 tituj kampion bote, fituar përkatësisht në vitet 1950 deri në vitin 1958. Në vendin e tretë janë dy pilot të tjerë si Alain Prost dhe rivali aktual i Hamilton Sebastian Vettel.

Më pas, janë disa pilot që kanë fituar të paktën 3 tituj botëror në Formula 1 gjatë karrierës së tyre. Ata janë Jack Braham, Jackie Stewart, Niki Lauda, Nelson Piquet dhe Ayrton Sena. Hamilton u përshëndet nga të gjithë rivalët e tij në Formula 1, por a do të jetë në gjendje ai të kalojë rekordin e Schumacher? Përgjigjen e jep shefi i Mercedes, Toto Wolff.

“Ka një arsye pse ekziston rekordi i Schumacher, sepse është i vështirë për tu thyer. Nëse do të jemi në gjendje t`u sigurojmë pilotëve tanë një makinë të mirë dhe të vazhdojmë të punojmë me mangësitë tona, nuk ka arsye pse të mos shkojmë te titulli i shtatë”, tha shefi i Mercedes.

Ndërkohë, vetë Hamilton lë të hapur mundësinë për të thyer rekordin e kampionati gjerman. “Unë gjithmonë kam thënë që arritjet e Michael, nuk janë kurrë një objektiv për mua. Unë nuk mendoj për rekorde. Unë besoj se kam aftësinë të vazhdoj të rritem dhe të bëj më shumë me këtë ekip në Formula 1. Ky do të ishte objektivi, por koha do të tregojë”, tha Hamilton.  

Lewis Hamilton fiton botërorin e 6 në F1

Lewis Hamilton shkruan historinë, fiton titullin e 6 kampion bote në Forumla 1. Piloti britanik i shkon shumë pranë rekordit që mbahet nga Michael Schumaher, që fitoi 7 tituj në karrierën e tij si pilot i Formula 1.

Tirumfi i Hamilton ndodhi këtë të diel në Çmimin e Madh të Amerikës, pasi u rendit në vendin e dytë pas shokut të tij të skuadrës Valteri Bottas, ndërsa në vendin e tretë u rendit piloti i Red Bull Max Verstappen.

Nisja ishte shumë e mirë për dy pilotët e makinave Mecedes, ndërsa Ferrari nuk dha maksimumin në këtë garë. Në këtë mënyrë përfitoi Hamilton që siguroi titullin në Amerikë.

“Faleminderit shumë djema, ne bëjmë punë të jashtëzakonshme, nuk mund ta besoj këtë”, ishin fjalët e para të Hamilton kur kaloi vijën e finisht dhe siguroi titullin e gjashtë kampion në Formula 1.

“Babai im më ka thënë kur isha gjashtë ose shtatë vjeç ‘kurrë mos hiq dorë’. Kjo është motoja jonë familjare”, tha gjithashu piloti britanik që po shijon suksesin e tij të gjashtë në Formula 1. Urimet për Hamilton erdhën nga shoku i tij i skuadrës, që ishte bashkudhëtar në sukesin e tij.

“Është një fitore e bukur. Makina ishte shumë mirë, patëm një fundjavë të shkëlqyer. Urime të mëdha për Lewis”, tha Bottas pas përfundimit të garës. Më herët Mecedes siguroi dhe titullin kampion për Konstruktorët në Formula 1.

Më shumë parakalime, prezantohen ndryshimet në Formula 1

Formula 1  do të  ketë rregulla të reja teknike, sportive dhe financiare duke nisur nga sezoni i vitit 2021. Të enjten drejtuesit kryesor të FIA, kryesuar nga presidenti Jean Todt, prezantuan disa nga rregullat kryesore që do të aplikohen në botën e Formula 1. Rregullat e reja synojnë që makinat të jenë më të afta të luftojnë në pistë, duke pasur më shumë parakalime. Për këtë arsye, në makinat e reja do të ketë ndryshime aerodinamike në të gjithë trupin e njëvendëshes. Një tjetër rregull që pritet të aplikohet, është ai i buxhetit të kompanive që marin pjesë në kampionat.

FIA ka vendosur një tavan për një buxhet jo më të mëdha se 175 milion dollarë në sezon. FIA beson se suksesi duhet të përcatkohet më shumë nga mënyra se sa mirë i shpenzon paratë që ka një ekip, dhe jo sa harxhon. Ky rregull do të vendoset për herë të parë në botën e Formula 1, duke limituar buxhetet e kompanive që dominojnë këtë sport. Jean Todt u shpreh se rregullat ishin miratuar unanimisht me Këshillin Botëror të F1.

Megjithatë, tre skuadrat kryesore, Mercedes, Ferrari dhe Red Bull kanë kundërshtuar rregullat e reja dhe besojnë se ato kanë të meta. Regullat e reja prezantohen vetëm pak ditë përpara se Lewis Hamilton të shpallet kampion për  herë të gjashtë në Formula 1 në pistën e Austin, pasi britanikut i nevojiten vetëm katër pikë. Makinat e reja të Formula 1 do të kenë rrotat e përparme më të mëdha.

Do të zhduken shtojcat anësore shumë të komplikuara. Në pjesën e pasme gjithashtu synohet përmirësim të aerodinamikës. Nga testimet e kryera deri tani, makinat e reja që pritet të jenë gati për sezonin e vitit 2021, kanë dhënë sinjale pozitive në aspektin e aerodinamikës. Drejtuesit e FIA synojnë që të rikthejnë në botën e Formula 1 më shumë parakalime, duke u dhënë munësi dhe ekipeve të vogla të jenë konkurruese me të tjerët.

Hamilton triumfon në Meksikë, por shtyhet titulli

Lewis Hamilton arriti i pari edhe në finishin e Çmimit të Madh të Meksikës, duke marrë fitoren e dhjetë këtë sezon në Formula 1. Britaniku përfitoi nga strategjia e bokseve për të triumfuar ndaj Vettel, i cili u rendit i dyti, ndërsa pas tij mbërriti në finish Bottas.

Megjithatë, pikët e marra në këtë çmim nuk mjaftojnë për Hamilton që të siguronte matematikisht titullin e gjashtë që në këtë garë. Megjithatë, atij do t’i mjaftonte edhe një vend i nëntë në “Austin” për të rrëmbyer titullin kur kanë mbetur edhe 3 gara nga ky sezon. Piloti tjetër i Ferrarit, Leclerc u rendit në vendin e katërt.

“Kjo është për Anthoine”, Leclerc kthen Ferrarin triumfues

Charles Leclerc dhe Ferriar rikthehen pas shumë vuajtjesh. Talenti i kokëkuqes, ka arritur të mbajë pas Leëis Hamilton, duke fituar garën e Çmimit të Madh të Belgjikës. Piloti nga Monaco ia kaka dedikuar fitoren e së dielës, talentit 22-vjeçar të Formula 2, Anthoine Hubert, që humbi jetën të shtunën gjatë garës në të njëjtën pistë. “Ky është për Anthoine”, u shpreh në radio Leclerc. “Ndihem mirë, por e vështirë për t`u shijuar në një fundjavë si kjo”, shtoi më tej piloti i Ferrarit.

Kjo është gjithashtu fitorja e tij e parë  në karrierë si pilot i Formula 1, pas dy sezonesh në këtë kampionat. 21-vjeçari shkoi dy herë shumë pranë fitores në sezonin e tij të parë me Ferrarin, por ai doli i dyti, pasi makina nuk e ndihmoi. Ndërkohë, pas Leclerc u rendit Leëis Hamilton, i cili e ndoqi pilotin e Ferrarit gjatë gjithë garës, ndërsa në vijën e finishit distanca mes tyre ishte vetëm gjysmë sekondi. Në vendin e tretë u rendit piloti tjetër i Mercedes, Valtteri Bottas, i ndjekur nga Sebastian Vettel, i cili pati gjithashtu një ditë zhgënjyese.

View this post on Instagram

I can't believe it. Rest in peace.

A post shared by CHARLES LECLERC (@charles_leclerc) on

Në garën e të dielës Ferrari i Leclerc dhe strategjia e skuadrës kanë rezultuar pozitive. Megjithatë, ndonëse e nisën të dy nga vija e parë, nuk ishte të njëjtin ritëm si Leclerc shoku i tij i skuadrës Sebastian Vettel, që u parakalua me lehtësi nga Hamilton. Ndërkohë, pesë herë kampioni i botës pati vështirësi për të arritur Leclerc, pasi gomat e njëvendëshes së tij u konsumuan më shpejt se ato të Ferrarit, duke dështuar në tentativat për parakalim.

Megjithatë, shtu si në garën e fundit, Hamilton arriti të bënte një rikuperim fantastik, edhe pse me goma që rrezikonin nga momenti në moment. Pas Belgjikës, botërori i Formula 1 do të zhvendoset në Monza, aty ku Ferrari do të kërkojë fitoren e dytë radhazi në shtëpinë e tij.

Video/ Aksident i frikshëm në pistën e Belgjikës, makinat copëtohen, piloti në gjendje të rëndë

Një aksident i frikshëm ka ndodhur në Çmimin e Madh të Belgjikës në botërorin e Formula 2. Fillimisht ishte piloti Juan Manuel Correa, i cili u përplas me murin anësor të pistës, ndërsa më pas ishte Anthoine Hubert që e ka goditur nga pas me shpejtësi të madhe.

Hubert mësohet se ndodhet në gjendje të rëndë për jetën, ndërkohë që ende nuk ka detaje për shëndetin e pilotit. Pas aksidentit të dy makinave të para, është përfshirë edhe Marino Sato, por që fatmirësisht nuk ka pasur dëme të mëdha për shëndetin.

Nga pamjet duket momenti i përplasjes mes makinave, ku shihet përplasja e frikshme. Komisarët e garës kanë marrë vendimin për të mos e rifilluar garën, lajm i bër publik në faqen zyrtare të Formula 2.

Gara nisi fill pas përfundimit të provave zyrtare të Formula1 për Çmimin e Madh të Belgjikës. Sipas rregullores së FIA, në të njëjtën pistë zhvillohen njëkohësisht tre gara, ajo e F3, F2 dhe F1.

Ferrari kthehet frikshëm, Leclerc në ‘pole’, Vettel pas tij, zhgënjen Mercedes

Ferrari e ka nisur mbarë gjysmën e dytë të sezonit të botërorit të Formula 1. Piloti i kokëkuqes, Chalres Leclerc ka dominuar provat zyrtare duke vendosur kohën më të mirë me 1`42“644 të qindat, duke fituar ‘pole position’ për garën e Çmimit të Madh të Belgjikës.

Në pistën e SPA, është rikthyer në formë edhe piloti tjetër i Ferrarit, Sebastian Vettel, i cili të dielën do të niset nga krah Leclerc nga vendi i dytë në pistë. Për pilotin nga Monaco të Ferrarit, Charles Leclerc, kjo është hera e katërt që fiton një ‘pole position’.

Ndërkohë, treshja e parë e garës për të dielën plotësohet nga piloti i Mercedes, Lewis Hamilton, i cili ishte 8 të dhjetat më i avashtë se Leclerc, ndërsa pas Hamilton do të jetë shoku i tij i skuadrës Valtteri Bottas.

Makina e Mercedes nuk dha atë që prisnin këtë të shtunë në Belgjikë, ndërsa Ferrari tregoi se ka pasur ndryshime të mëdha gjatë pushimeve të verës, duke u rikthyer pretendete pas garave të para ku kokëkuqja ka pasur shumë probleme.

Hamilton fitore dhe rekord në shtëpi, Vettel përfundon jashtë luftës për titull

Lewis Hamilton fiton garën e Çmimit të Madh të Britanisë në Silverstone, duke vendosur një rekord historik në këtë cirkuit, pasi triumfon për të gjashtën herë radhazi. Piloti i Mercedes arriti të triumfonte në duelin me shokun e tij të skuadrës, Valtteri Bottas, duke i shkuar gjithnjë dhe më pranë triumfit edhe për këtë sezon, në botërorin e Formula 1. Jo vetëm kaq, pasi me fitoren e të dielës në Angli, Hamilton koleksionin fitoren e 80-të në  karrierën e tij si pilot i Formula 1. Britaniku nuk e ka pasur aspak të vështirë të triumfonte ndaj shokut të tij të skuadrës, ndonëse Bottas e nisi nga ‘pole’.

“E kam të pamundur të përshkruaj se sa krenar jam, të triumfoj përsëri në shtëpinë time përpara kaq shumë flamujve. U jam shumë mirënjohës të gjithëve, por unë do e kisha të pamundur pa ekipin”, tha Hamilton pas garës. Ndërkohë Bottas u rendit në vendin e dytë, ndërsa podiumin e plotësoi talenti i Ferrarit, Charles Leclerc, i cili përfitoi pas një gabimi të shokut të tij të skuadrës, Sebastian Vettel, që i përplas me pilotin e Red Bull, Max Verstappen.

Për shkak të kësaj përplasje, Vettel dëmtoi makinën e tij, por u ndëshkua edhe nga komisarët e garës me 10 sekonda penallti, duke bërë që piloti gjerman ta mbyllte garën në vendin e 16-të. Piloti britanik i Mercedes kryeson renditjen e Formula 1 me 223 pikë, 100 pikë më shumë se rivali i tij i Ferrarit, Sebastian Vettel, që tashmë duket se ka humbur çdo shpresë për të fituar titullin kampion këtë sezon.

Piloti shqiptar merr pikët e para në Formula 3, drejt realizimit të ëndrrës…F1

Talenti shqiptar, Lirim Zendeli, që është duke jetuar ëndrrën në botën e motorëve, duke garuar me makinat e shpejta, ka arritur suksesin e parë sezonal në Formula 3 me ekipin e Sauber Motorsport. Zendeli zuri vendin e tetë në garën e parë të për Çmimin e Madh të Austrisë në pistën e Spielberg (ku njëkohësisht është duke u zhvilluar edhe gara e Formula 1). Piloti i ri me orgjinë shqiptare nga Maqedonia, mposhti temperaturat e larta në Austri, duke arritur që pas 24 xhirosh të mbante vendin e tetë në pistën e Spielberg.

Falë kësaj fitoreje të së shtunës, Lirim Zendeli do të ketë mundësi, që ditën e dielë në garën e dytë, të niset nga vendet e kreut. Ky ishte suksesi i parë në FIA Formula 3 edhe për ekipin e Sauber Junior Team, që është pjesë e ekipit të Alafa Romeo, që këtë sezon është rikthyer edhe në garat e Formula 1. Pas garës, Lirim Zendeli është shprehur i kënaqur për suksesin në Austri.

“Kjo ishte e mahnitshme! E dija që gomat e mia ishin më të mira se të rivalëve të mi. Është mirë të mendosh se kemi mundësi për të vazhduar përpara. Mund të kishim bërë dhe më mirë, por gabova në kthesën e parë, pastaj përmirësova në kthesën e tretë, dhe mu dha mundësi për të parakaluar. Fakti që nesër do të nisem nga P1, më vë në presion, por kjo është ajo që duam. Jam në kërkim të fitores së parë”, është shprehur Zendeli.

Ferrari dhe Leclerc “Pole” në Austri, Hamilton dhe Verstappen në treshen e parë

Talenti i Ferrarit Chalres Leclerc ka regjistruar kohën më të mirë në provat zyrtare për Çmimin e Madh të Formula 1 në Austri, duke rrëmbyer ‘Pole Position’. Piloti nga Monaco i ‘kokëkuqes’ vendosi kohën më të mirë në provat e treta me 1`:03“000, duke i rrëmbyer “Polet” të pamposhturit Lewis Hamilton.

Megjithatë, piloti i Mecedes, pati një hetim për nga Komisarët e Garës, pasi në një moment pengoi Raikkonen. Pavarësisht kësaj, Hamilton do të niset nga vija e parë në pistën e Spielberg në Austri të dielën, pasi u rendit i dyti pas pilotit të Ferrarit. Vija e dytë e nisjes plotësohet nga Max Verstappen i Red Bull, që u rendit i treti në fund të provave zyrtare, ndërsa Valtteri Bottas do të niset i këtërti.

I pafat përsëri Sebastian Vettel, që nuk arriti të shkonte më shumë se sa vendi i dhjetë në provat zyrtare, pasi makina e tij Ferrari shfaqi probleme në motor, duke mos i dhënë mundësi gjermanit të jepte kohë të mirë në provat e zyrtare për Çmimin e Madh të Austrisë në Formula 1.

Mes dhjetë pilotëve që do të parë, janë dhe Kevin Magnussen me Haas, që do të niset nga vendi i pestë, Lando Norris i McLaren, Kimi Raikkonen me Alfa Romeo, Antioni Giovinazzi Alfa Rome dhe Pierre Gasly, ndërsa mbyll Vettel me vendin e dhjetë. Kjo do të jetë hera e parë që në këtë botëror të Formula 1, në tre vendet e para të nisjes nuk do të jenë së bashku dy makinat Mercedes, që kanë dominuar gjithçka këtë sezon.

Skip to toolbar