Tag: france

Vret në Francë dhe strehohet në mes të Tiranës, arrestohet francezi

Një 27-vjeçar francez është arrestuar, pasi akuzohet se ka vrarë një person në Francë. I riu me iniciale T.Q., në Nantes të Francës ka vrarë me pistoletë një shtetas dhe më pas është larguar në drejtim të Shqipërisë, ku ka hyrë me dokumentacion të rregullt para se të shpallej në kërkim ndërkombëtar.

Pas vrasjes, gjykata e Nantes në Francë e dënoi atë më 23 tetor 2019 me burgim të përjetshëm për veprat penale “Vrasja”, “Grup i strukturuar kriminal” dhe “Armëmbajtja pa leje”.  Menjëherë pas krimit, 27-vjeçari është futur në territorin shqiptar dhe jetonte në Tiranë në një shtëpi me qira te “Rruga e Barrikadave”.

Arrestimi i tij u bë pas aksionit të koduar “Barrikada” të policisë për kapjen e personave me rrezikshmëri të lartë shoqërore, të shpallur në kërkim ndërkombëtar. Arrestimi i tij u bë me qëllim ekstradimin drejt Francës, ku do të vuaj dhe dënimin.

Lihet në burg “Escobari” turk, që do të ekstradohet në Francë

Shtetasi turk Faruk Baybasin, i konsideruar si “Escobari” turk i drogës, doli të martën përpara trupës gjykese në Tiranë, ditën kur përfundonte afati 40 ditor i masës “arrest me burg”. Ai u arrestua në vendin tonë për llogari të drejtësisë franceze. Ndaj tij ishte dhënë masa “arrest me burg për 40 ditë”, me qëllim ekstradimin drejt Francës. Baybesin rezulton të jetë i dënuar në Francë me 30 vite burg, pasi akuzohet për trafikun e lëndëve narkotike nga Turqia përmes Spanjës.

Megjithatë, Baybesin kërkoi nga drejtësia shqiptare të lihej i lirë, në bazë të ligjit për drejtat e njeriut. “Kam 40 ditë këtu, duhet të isha liruar në bazë të të drejtave të njeriut”, është shprehur  përpara gjykatës Baybesin. Megjithatë, kërkesës së tij i është përgjigjur gjytari Gert Hoxha, i cili është shprehur se ligji ekziston, madje sipas tij ekzistojnë edhe ligje që nuk janë në Turqi. Po përtej replikave, gjyqtari u shpreh se “ndryshimi i masës nuk mund të bëhet në Shqipëri”, ndërsa i sygjeroi të akuzuarit që këtë kërkesë ta bënte “në Francë”.

Ndërkohë, Prokurori i çështjes kërkoi  vazhdimin e masës së sigurisë “arrest me burg” pasi ajo e caktuar më parë me 40 ditë mbaron sot. Avokati mbrojtës kërkon shuarjen e masës së sigurisë. Gjykata vendos caktimin e masës së sigurisë “arrest me burg” pa afat. Gjithashtu Gjykata do i vërë në dispozicion të gjitha aktet e vendimit të dënimit në Francë, të cilat do përkthehen me afat dy javor. Seanca e radhës u caktua në datën 04 shkurt, ora 10:00. Faruk Baybesin, i dënuar me 30 vite burgim për çështje të trafikut të heroinës kërkohet nga gjykata e Loire Atlantique, që e ka shpallur fajtor për pjesëtar të organizatës kriminale që trafikonte ne Evropë heroinë.

“Një femër vritet çdo tre ditë”, në Francë nisin protesta masive

Në disa qytete franceze nisën të dielën protesta masive kundër dhunës në familje, përpara se të prezantohen masat për trajtuar këtë fenomen. Franca ka një nga nga nivelet më të larta të vrasjeve të lidhura me dhunën në familje në Evropën Perëndimore, me të paktën 115 gra të vrara vetëm nga partnerët ose ish-partnerët e tyre këtë vit, thonë mediat lokale.  

Rreth 30 marshime në rrugë u organizuan nga sindikatat dhe shoqatat e grave në të gjithë Francën. Protestuesit mbanin në dorë pankarata me mesazhe kundër dhunës në familje, ndërsa dominonte ngjyra e purpurt në këto tubime. Në qytetin e Marsejës, demonstruesit mbanin pankrata me emrat e disa prej viktimave të dhunës në familje.

Një femër vritet në Francë çdo tre ditë nga partneri apo ish-partneri, sipas AFP.  Eurostat, agjensia e statistikave të Bashkimit Evropian, thotë se kishte 123 vrasje të grave të kryera nga një partner në Francë në vitin 2017.

Foto/ “Arena Kombëtare” drejt fundit. Dy inspektorë të UEFA të dielën në Tiranë

Ditët e fundit është folur shumë nëse “Arena Kombëtare” do të liçensohet nga UEFA për të zhvilluar ndeshjen Shqipëri-Francë, e cila përmbyll turneun eleminator të Euro 2020. Realstory.al pyeti UEFA-n nëse ka marrë një vendim apo jo për të lejuar Shqipërinë të luajë në “Arena Kombëtare”. Në përgjigjen e saj, UEFA shprehet: “Ne po monitorojmë nga afër punën në stadium, i cili është në fazën e tij të fundit. Miratimi përfundimtar pritet në kohën e duhur”, tha qeveria europiane e futbollit. Në fakt, duket se për vendimin zyrtar do të duhet të presim edhe disa ditë.

Dy inspektorë të UEFA-s do të jenë të dielën në Tiranë, për të ndjekur ndeshjen testuese në stadiumin e ri kombëtar. Realstory.al mësoi ekskluzivisht se inspektorët e UEFA-s do të jenë ata që do të thonë fjalën e fundit nëse në “Arenën Kombëtare” do të luhet në 17 nëntor. Anëtari i Komitetit Ekzekutiv të FSHF-s, Arben Dervishaj, që është marrë drejtpërdrejt me mbikëqyrjen e punimeve për ndërtimin e stadiumit të ri kombëtar, i tha Realstory.al se nga pala shqiptare janë përmbushur të gjitha kërkesa e lëna nga UEFA. Ai konfirmoi se të dielën dy inspektorët do të ndjekin ndeshjen Apolonia-Vllaznia për femra, e cila do të shërbejë për testimin e stadiumit.  

“Do vijnë dy inspektorë të UEFA-s të dielën në ndeshjen testuese. Ata do vijnë të shohin për veten e tyre. Ne e konsiderojmë të marrë sepse detyrat që ka lënë UEFA janë plotësuar. UEFA kishte: kamerat i kemi rregulluar, problemin e gazetarëve e kemi zgjidhur. Problemin e kalimit të kabullave e kemi zgjidhur. UEFA thoshte që nuk është gati dhoma e kontrollit, tashmë ajo është gati. Ne në këtë fazë jemi duke bërë mobiluar dhe pastrojmë stadiumin. Do zhvillojmë ndeshjen. Deri te kuzhina jemi marrë. Sheshi është duke përfunduar”, tha ai.

Më tej, Arben Dervishaj tregoi edhe një detaj, që sipas tij, UEFA parimisht ka konfirmuar se ndeshja do të luhet në “Arena Kombëtare”. “UEFA nuk ka thënë që nuk do luhet ndeshja. Ajo ka thënë që ndeshja do luhet në Tiranë. Por ato nuk  e bëjnë publike që ne të jemi në presion për ta mbyllur sa më shpejt. Ne i kemi çuar foto, video. Kemi bërë testin e dritave, të zjarrit, të energjisë. Është 99.9% që do luhet”, tha Dervishaj.

Ai që duket se ishte një nga problemet kryesore për UEFA-n, pozicionimi i kamerave dhe krijimi i fushëpamjes për të kapur gjithçka nga ndeshja, sipas Arben Dervishajt është përmbushur. Ai shprehet se për këtë janë krijuar platforma të veçanta, ndërsa janë bërë dhe prova filmike të cilat i janë dërguar UEFA-s, dhe ajo i ka miratuar.

“Jemi në fazën e mbylljes të të gjitha gjërave që të zhvillohet ndeshja me Francën. Të dielën është ndeshja testuese, ndërsa të dielën tjetër ëshë ndeshja me Francën. Jemi duke diskutuar me UEFA. Ne kemi aprovuar nga UEFA pozicionin e kamerave, janë në L2. Ne bëmë provë me një nga kompanit që ka të drejtën e transmetimit në Shqipëri. Erdhi këtu solli kameran, filmoi ia dërguam UEFA-s dhe është aprovuar. Është mbyllur problemi i pozicionit të kamerave në L2. Janë bërë dhe platformat e kamerave. Jo vetëm kornen, por sheh gjithçka”, shtoi Arben Dervishaj për Realstory.al.

Kërkuan azil, Franca e Belgjika kthejnë 31 shqiptarë

Pasditen e të martës janë riatdhesuar 31 shtetas shqiptarë, të cilët kishin kërkuar azil në Francë dhe Belgjikë. Lajmin e ka bërë të ditur Policia e Shtetit me anë të një komunikate për mediat, ku shkruar se operacioni për riatdhesimin, u zhvillua në bashkëpunim me policitë homologe ne Francë dhe Belgjikë.

Gjatë fluturimit të përbashkët mes Francës e Belgjikës u kthyen 31 shtetas shqiptarë, që iu ishte refuzuar kërkesa për qëndrim, ndër ta 27 shtetas nga Franca dhe 4 nga Belgjika.

Këtyre shtetasve u ishte refuzuar azili në këto vende, ndërkohë që Policia e Shtetit apelon për të gjithë shtetasit shqiptarë që të respektojnë rregullat e lëvizjes dhe të qëndrimit në hapësirën Schengen, pasi shanset për të fituar azil në vendet e BE-së janë zero.

Policia Kufitare ka forcuar masat në kontrollin e dokumentacionit në dalje në të gjitha pikat e kalimit si dhe ka shtuar patrullimet në kufirin e gjelbër. Në kufirin me Greqinë është duke u zhvilluar operacioni i përbashkët me FRONTEX.

L`Equipe zbulon skandalin tjetër në Francë-Shqipëri

Ndeshja mes Francës dhe Shqipërisë e vlefshme për kualifikueset e Euro 2020, nisi me një skandal. Regjia e stadiumit “Stade de France”, bëri një gabim të rëndë. Në vend që të vendoste himnin tonë kombëtar, luajti atë të Andorrës, ekip me të cilin Franca do të përballet pak ditë më pas po në shtëpi.

Ndeshja nuk nisi pasi futbollistët e kombëtares tonë refuzuan të luanin pa kënduar më parë himnin. Ndërkohë, gjatë kohës që po kërkohej himni ynë kombëar, një zëdhënës i stadiumit foli në mikrofon, duke bërë një tjetër gafë të rëndë.

“Himni i Armenisë do të vihet së shpejti”, tha zëdhënësi i stadiumit në mikrofon, duke shkaktuar përsëri rritim të tifozëve shqiptar, shkruan prestigjiozja franceze L`Equipe.

Ndërkohë, pak para se të këndohej himni, është kërkuar falje për gabimin e bërë nga Federata Franceze e Futbollit. Megjithatë, kjo nuk e shpëton Francën nga të paktën një gjobë nga UEFA për dështim të përmbushjes së organizimit të ndeshjes.

Franca gafë me himnin tonë, lojtarët refuzojnë të luajnë

Ka nisur me një skandal ndeshja Francë-Shqipëri. Ashtu siç e do tradita, pas daljes në fushën e lojës, këndohet himni i vendit mik. Por organizatorët e ndeshjes kanë gabuar rëndë, pasi në momentin që u dëgjua muzika, ajo nuk kishte asnjë lidhje me himnin tonë kombëtar.

Menjëherë në shkallët e stadiumit ka pasur fishkëllima nga tifozët shqiptarë, por dhe nga ata francez. Megjithatë, edhe pse pati një reagim të menjëhershëm, askush nuk e ndaloi muzikën e himnit.

Ndërkohë, pas përfundimit të himnit të panjohur, ka nisur himni i Francës. Pas përfundimit të himnit të vendasve, skuadra jonë nuk ka lëvizur nga pozicioni duke pritur këndimin e himnit. Futbollistët tanë kanë protestuar te arbitri i ndeshjes dhe te delegati, se pa u dëgjuar himni nuk do të nisnin loja.

Ndeshja ka nisur vetëm pasi regjia e stadiumit ka gjetur himnin dhe është kënduar nga lojtarët e kombëtares tonë.

Dy ndeshje dy të kuq ndaj Shqipërisë, njihuni me arbitrin që gjykon ndaj Islandës

Pas ndeshjes me Francën, që kuqezinjtë do të luajnë të shtunën, në datën 10 shtator në “Elbasan Arena”, skuadra jonë kombëtare do të përballet me Islandën. Këtë të premte, UEFA ka publikuar emrat e gjyqtarëve që do të gjykojnë takimin e së martës, ku kryesor do të jetë sllovaku Ivan Kruzliak. Arbitri me stemën e FIFA-së, është në moshën 35-vjeçare i lindur në Bratislava.

Ai është arbitër ndërkombëtar prej vitit 2011, ndërsa kuqezinjtë i ka drejtuar njëherë të vetme gjatë karrierës së tij. Bëhet fjalë për ndeshjen miqësore mes Shqipërisë dhe Austrisë në vitin 2016, e cila u fitua nga austriakët. Në këtë ndeshje, arbitri Ivan Kruzliak ka nxjerr një karton të kuq për futbollistin tonë Ergys Kaçe. Gjithashtu, arbitri sllovak ka gjykuar kuqezinjtë e vegjël, kombëtaren U-21 në një takim kundër Portugalisë që përfundoi me rezultatin 2-2.

Edhe në këtë takim, ky arbitër ka dhënë një karton të kuq ndaj futbollistit Eni Imami. Ndihmësit e Kruzliak do të jenë po nga Sllovakia. Bëhet fjalë për asistentët Tomas Somolani dhe Milan Shtrabo, ndërsa arbitër i katërt është Peter Kraloviç. Vëzhgues në këtë ndeshje do të jetë spanjolli Huan Antonio Fernandez Marin.

Bare: Nuk stërvitem për Xhakën e Abrashin, barazim në Francë

Mesfushori Keidi Bare ka dalë në konferencën e zakonshme për shtyp, nga resorti ku është grumbulluar ekipi kombëtar për ndeshjen ndaj Francës. Mesfushori që aktivizohet te Malaga në Spanjë, është  shprehur i lumtur për ftesën nga trajneri Edy Reja. Ai është shprehur se besimin që i ka dhënë trajneri, do ia kthejë në fushë.

 “Të them të drejtën e prisja shumë këtë ftesë dhe jam shumë i lumtur që jam këtu. Shpresoj të jap maksimumin për kombëtaren. Para dy ditësh bëmë një bidesë të shkurtër me trajnerin dhe foli fjalë shumë të mira. Besimin që më dha do ia kthejë në fushë. Për formacionin vendos trajneri, duhet të bëjmë sa më mirë të dalim me rezultat pozitiv. Unë nuk stërvitem për Xhakën apo Abrashin, por stërvitem për veten dhe për të dhënë 100% . Shpersoj të dalim sa më mirë dhe nuk ka rëndësi kush do të luajë”, ka thënë Bare.

Më tej, mesfushori kuqezi ka folur për aventurën në Spanjë, duke treguar se dëshira e tij është që të bëj sa më mirë në aspektin personal, ndërsa ka folur dhe për Sadikun, që tashmë do e ketë shok skuadre.  “Është vetëm fillimi. Nuk duhet të bësh vetëm një sezon dhe ta mbyllësh. Shpresoj të bëjë më të mirën time dhe besoj se do arrij në këto hapa që jam tani. Kjo është një gjë e mire, jo vetëm për mua dhe për ekipin. Fola me të dhe më tha që ndihet shumë mirë. Njerëzit në Malaga janë shumë mikpritës. Besoj se do të japë maksimumin e tij për të bërë më të mirën aty”, ka thënë Bare.

Në fund, mesfushori ka treguar se ndaj Francës skuadra jonë kombëtare shkon për pikë, duke treguar se me një barazim ndaj “gjelave” të gjithë do të ishin të kënaqur. “Franca është ekip i madh. Pavarësisht se ka lojtarët të dëmtuar, ata kanë një stol luksi. Unë besoj se mund të arrihet çdo gjë në futbooll, pavarësisht me ekipin që luan, Duhet të japim më të mirën. Të them 6 pikë, bëhem egoist sepse Franca ka një skuadër shumë të mirë. Por, të them të drejtën edhe me një barazim jam i kënaqur”, ka përfunduar Bare.

Balaj: Pikë në Francë. Reja? I rreptë

Bekim Balaj vetëm një natë më parë ishte protagonist absolut në Austri. Sulmuesi shtatlart shënoi dygolësh duke i dhënë skuadrës së tij fitoren në kampionat, ndërsa pas saj, shkodrani ka mbrritur në Shqipëri. Mesditën e të hënës, ai ka dalë së bashku me Thomas Strakoshën në konferencë për shtyp, ku ka folur për dy ndeshjet e kombëtares, ndaj Francës të shtunën dhe Islandës tre ditë më pas. Balaj është shprehur fillimisht se skuadra është përqëndruar maksimalisht, ndërsa në Francë shkon me synimin për të marrë pikë.

“Përqendrimi dhe vlerësimi është maksimal. Dihet forca e kundërshtarëve. Shpresoj që grupi të jetë gati dhe t’i përballojmë. Do të pretendojmë të marrim pikë edhe në Francë. Me Francën kemi eksperiencë deri diku pozitive. Jemi të detyruar të pretendojmë për pikë. Do jetë një ndeshje ku do të kërkojmë vlerësim dhe përqendrim maksimal”, tha Balaj.

Më tej, sulmuesi kuqezi është shprehur i kënaqur me paraqitjen e tij në kampionatin austriak, ndërsa shpreson që këtë ecuri pozitive ta reflektojë dhe në kombëtare. “Më vjen mirë që vij në ekip kombëtar me gola. Forma dhe minutazhi ndikojnë. Vij nga një moment i mirë. Ndeshjet i kam luajtur të plotat. Shpresoj që ecuria pozitive të vazhdojë edhe në ndeshjet e ekipit Kombëtar. Në mëngjes jam bërë pjesë e grumbullimit. Pata një bisedë të shkurtër me trajnerin. Më përgëzoi për golat dhe aktivizimin”, ka thënë Balaj.

Nëse do të luajë apo jo, kjo është zgjedhje e trajnerit, thotë Balaja, ndërsa shton se trajneri nuk mund të plotësojë dëshirat e çdo lojtari. “Në ekipin Kombëtar dëshira është e të gjithëve për të luajtur. Në fund është trajneri që bën zgjedhjen. Normalisht që ai do të bëjë zgjedhjen e duhur. Të shohim. Nuk është momenti që të plotësojnë tekat apo dëshirat tona. Misteri e ka përgatitur maksimalisht ndeshjen dhe e di mënyrën si do të luajë ekipi”, u shpreh Balaj.

Skip to toolbar