Bardhi: Kur të jenë zgjedhjet e ardhshme, në Elbasan do fitojmë ne

Sekretari i Përgjithshëm i Partisë Demokratike, Gazment Bardhi zhvilloi takime me strukturat e kësaj partie në qarkun e Elbasanit. Bardhi, pas takimeve që pati në disa qytete të qarkut të Elbasanit, reagoi në rrjetet sociale ku shprehet se i “gjeta demokratët të angazhuar”. Sipas tij, në zgjedhjet e ardhme Partia Demokratike do të fitojë 55% të votave në Elbasan.

“Në qarkun e Elbasanit i gjeta demokratët të angazhuar në të gjitha nivelet e partisë për të bërë për vete sa më shumë qytetarë në Elbasan, Librazhd, Prrenjas, Cërrik, Peqin, Gramsh dhe Belsh. Demokratët e këtij qarku, megjithëse nën presionin e bandave të lidhura me pushtetin e Edi Ramës, Taulant Ballës dhe Qazim Sejdinit, ia kanë dalë të rriten e të forcohen dhe në zgjedhjet më të para të lira e të ndershme, bashkë me aleatët tanë, ne të fitojmë në qark më shumë se 55% të votave.

Nënat dhe baballarët e qarkut të Elbasanit e duan ndryshimin që të mos i shohin fëmijët e tyre të ikin si refugjatë, pse bandat e pushtetit nuk i lënë të ngrenë kokën. Të rinjtë e qarkut të Elbasanit e duan ndryshimin që të ndërtojnë një jetë dinjitoze në vendin e tyre, ku vlerësohet aftësia, ndershmeria dhe jo servilizmi e hajdutëria! Nga takimet që pata në Elbasan, Librazhd, Prrenjas, Cërrik, Peqin, Gramsh dhe Belsh jam plot besim që sëbashku do t’ia dalim!”, shkruan Gazment Bardhi.

Procedimi i Kapllanajt dhe Frrokajt, Bardhi: Do të marrin statusin e “të përndjekurit politik”

Nisja e procedimit penal ndaj kryetarit të Bashkisë Lezhë Fran Frrokaj dhe atij të Mallakastrës Agron Kapllanaj, për PD-në është provokim i opozitës. Të paktën kështu u shpreh Gazment Bardhi gjatë një konference për shtyp nga Selia Blu. Madje, Bardhi shkoi më tej, duke i cilësuar veprimet e deritanishme për pengimin e zgjedhjeve, si “përgjegjshmëri” dhe “vetëpërmbajtje” e opozitës. “Partia Demokratike ka treguar deri më tani vetëpërmbajtje. Partia Demokratike ka treguar deri më tani përgjegjshmëri, për të ruajtur rendin kushtetues dhe stabilitetin demokratik të vendit”, u shpreh Gazment Bardhi.

Sipas Gaz Bardhit, opozita nuk do të trembet dhe do të jetë në këmbë për të mbrojtur, sipas Gazit, krimin elektoral të 30 qershorit. “Por ne as nuk shantazhohemi, as nuk trembemi, as nuk tolerojmë dhe as nuk harrojmë. Kryetarët e Bashkive që drejtohen nga opozita, janë në ushtrim të përgjegjësive të tyre kushtetuese dhe ligjore. Ata do të vazhdojnë t’i binden vetëm ligjit. Ne jemi në këmbë, së bashku me qytetarët, për të ndaluar krimin elektoral të Edi Ramës në 30 Qershor! Shqiptarët janë të vendosur të mbrojnë demokracinë dhe të ardhmen e fëmijëve të tyre”.

Gazmend Bardhi 30 qershorin e pranon si datë të zgjedhjeve. “Në 30 Qershor ligjërisht nuk ka zgjedhje. Në 30 Qershor qytetarët janë në të drejtën e tyre të mos pranojnë diktaturën autokratiko-kriminale të Edi Ramës. Në 30 Qershor në paligjshmëri është vetëm Edi Rama dhe banda e tij”. Në fund, Gaz Bardhi thotë se “kush procedohet penalisht për pamundësimin e zgjedhjeve, do të përfitojë statusin e të burgosurit politik”.

Një lider në rritje, Gazi shpëton protestuesit nga gazi (video)

Pasi janë zhvendosur përpara parlamentit, protestuesit kanë hedhur sërish mjete piroteknike në drejtim të godinës, duke sjellë tension në zonë. Kjo ka bërë që policia të përdorë autobotin e ujit për të bërë shpërndarjen e protestuesve.

Përveç ujit me presion, policia ka hedhur edhe gaz lotsjellës, ndërkohë që sulmi i protestuesve në drejtim të godinës së Kuvendit nuk është ndalur.

Policia ka bërë thirrje që drejtuesit e opozitës të largojnë protestuesit nga zona dhe të parandalojnë çdo akt dhune në drejtim të institucioneve.

Pas disa minutash dhunë, Sekretari i Përgjithshëm i Partisë Demokratike Gazment Bardhi i ka bërë thirrje protestuesve të mos hedhin kapsolla, duke kërkuar shpërndarjen e tyre. Por sërish, disa protestues kanë vijuar të hedhin flakadanë ndaj policisë.

Pas thirrjeve të vazhdueshme disa forca të policisë kanë dalë për të bërë largimin e protestuesve në mënyrë fizike, ndërkohë që i menjëhershëm ka qenë edhe reagimi i sekretarit të Përgjithshëm të PD, Gazment Bardhi dhe nënkryetarit të LSI, Petrit Vasili, të cilët kanë ndërhyrë duke u kërkuar protestuesve të largoheshin nga zona.

“I bëj të qartë Edi Ramës dhe të gjithë kriminelëve me uniformë. Nuk mund të nxisni qytetarët për dhunë. Qytetarët sot kanë kryer një protestë model dhe do jetë model deri në fund. I bëj thirrje të gjithë qytetarëve kaq të pakët sa janë këtu qa pavarësisht provokimeve të policisë së shtetit të tërhiqen për të mos vënë në jetë skenarin për dhunë të Edi Ramës. Ta harrojë se mund t’i provokojë më qytetarët” – tha Bardhi

Pas thirrjeve të Bardhit, protestuesit janë larguar nga Kuvendi dhe policia ka rrethuar vendin për të vijuar me hetimet mbi dëmet e shkaktuara nga protestuesit.

Gaz Bardhi shpeton protestuesit nga gazi
Gepostet von RealStory.al am Samstag, 8. Juni 2019

Gjuzi godet sërish: Bardhi i PD pro gay dhe shkatërrues familjesh

Kujtim Gjuzi, deputeti i opozitës së re, i futur në Kuvend nga listat e Partisë Demokratike, ka dhënë një intervistë të enjten për Report TV ku midis të tjerave ka akuzuar Sekretarin e Përgjithshëm të PD-së, Gazment Bardhin.

“Sekretari i përgjithshëm i PD-së çedon është mbështetës i grupeve super liberale është mbështetës i LGBTI-së, i bie me i shpërbërë të gjitha, familjen dhe gjithçka tjetër me i shkatërruar”, tha Gjuzi.

Ai gjithashtu akuzoi si të paaftë këshilltarët e Bashës të cilët, sipas tij e kanë lënë protestën ditën e dielë. Për Gjuzin dita e diel është pushim, njerëzit nuk duhet të thirren në protestë, duhet të lihen të pushojnë pranë familjeve të tyre.

Kandidatë në zgjedhje JO, anëtarë në KZAZ PO

Sekretari i Përgjithshëm i PD, Gazment Bardhi ka deklaruar se pavarësisht se nuk do hyjnë në zgjedhje, do të dërgojnë anëtarë në KZAZ me arsyetimin se po bëhen manipulime të rënda në procesin zgjedhor. Bardhi tha se do të faktojmë se Rama nuk garanton dot zgjedhje legjitime.

“Partia Demokratike dhe Lëvizja Socialiste për Integrim kanë informacion zyrtar se në KZAZ janë duke u kryer manipulime të rënda të procesit zgjedhor, që nis me regjistrim të paligjshëm të kandidatëve për kryetar bashkie. Për këtë arsye, për të dokumentuar dhe çmontuar këtë paligjshmëri, PD dhe LSI, mund të shfrytëzojnë ligjin, për të dërguar anëtarët që i takojnë në KZAZ për të provuar ligjërisht që Edi Rama nuk garanton zgjedhje legjitime, edhe kur nuk ka kundërshtarë përballë. Në ditët në vijim do të faktojmë të gjitha paligjshmëritë e kryera nga përfaqësuesit e Edi Ramës gjatë procesit.” – tha Bardhi