Ajo që Peter Tiede e quan “skandal” në Shqipëri, në Gjermani është e ligjshme!

Në përgjimet e publikuara ditën e sotme, gazetari nxjerr një fakt që sipas saj provon një skandal të përmasave të gjera në Shqipëri. Kjo ka të bëjë mbi organizimin e transportit falas të një furgoni, për të cilën supozohet se është kapur duke folur Gjiknuri.

Megjithatë, ajo që për Peter Tiede është një skandal në Shqipëri, në Gjermani, si dhe në shumë vende të tjera të BE-së apo vende të tjera të përparuara si SHBA apo Kanada, është e rregulluar dhe e lejuar me ligj.

Kodi Elektoral Gjerman, shprehimisht lejon organizimin e autobuzëve apo mjeteve të tjera të transportit falas, nga ana e partive politike, në ditën e votimit.

Në Britaninë e Madhe, Kodi Elektoral si dhe Ligji mbi Procedurat Elektorale, shprehet gjithashtu se partitë politike apo kandidatët kanë të drejtë të organizojnë transportin e zgjedhësve të tyre, përsa kohë ky transport ofrohet falas.

Kodi Elektoral në Britani shkon deri aty sa përcakton që kandidatit i lejohet gjithashtu të transportojë persona me automjetin e tij personal apo përmes vullnetarëve të tjerë, në qendrat e votimit.

Në Kanada, neni 802 i Kodit Elektoral përcakton të njëjtën gjë. Madje, në nenin 804, pika 8, theksohet se transporti i zgjedhësve nuk përbën një shpenzim elektoral, e si i tillë nuk është as i deklarueshëm dhe as i tatueshëm.

Në Shtetet e Bashkuara të Amerikës vlen e njëjta gjë. Ndonëse kjo rregullohet jo me ligj federal, por me kodet elektorale të shteteve të Unionit, shumica dërrmuese e shteteve lejon shprehimisht organizimin partiak të zgjedhësve. Në shtetet ku kjo nuk përcaktohet me ligj, përsëri nuk ka asnjë sanksion që e kufizon, ndaj nga praktika diçka e tillë ndodh në të gjithë SHBA-të.

Në zgjedhjet e fundit presidenciale, madje disa shtete vendosën që të shpallin transportin tërësisht falas, për të gjithë qytetarët në ditën e zgjedhjeve, me qëllim që të reduktojnë kostot për partitë politike, duke rritur njekohesisht pjesemarrjen.

Ndërkohë, në zgjedhjet e fundit europiane, ato të 23-26 majit 2019, në 17 prej 28 shteteve të BE-së u praktikua edhe një formë e re votimi, ajo e qendrave të lëvizshme të votimit.

Votuesit u njoftuan që më përpara se kur kutia e votimit do të vinte pranë banesës së tyre, duke i lejuar që të votonin nga shtëpia apo pranë saj. Një masë e tillë u mbështet nga partitë politike, si një masë efikase që rrit pjesëmarrjen, duke reduktuar kostot e tyre për transportin e zgjedhësve.

Ndërkohë, dy standartet e “BILD” thellohen edhe më tej. Ndërsa veçohet rasti i Gjiknurit, anashkalohet ai i kryebashkiakut të PD, Xhelal Mziu, që sipas pergjimeve transportoi 500 zgjedhës, me shpenzime të padeklaruara që besohet se janë ato të taksapaguesve të Kamzës, për në qendrat e tyre të votimit në Lurë. /Lexo.al

Vret gruan me thikë në Gjermani, arrestohet shqiptari

Një ngjarje e rëndë ka ndodhur në Gjermani, ku protagonistë është bërë një shtetas nga Kosova. 55-vjeçari nga Kosova, identitet i të cilit nuk bëhet i ditur, ka vrarë gruan e tij duke e goditur disa herë me thikë.

Krimi ka ndodhur në një parking të qytezës Kunzell në Gjermani. Gruaja u dërgua menjëherë në spital, por nuk ka mundur dot t’i rezistojë plagëve të marra.

55- vjeçari u gjet nga policia pranë trupit të gruas, ndërsa u arrestua pa bërë rezistencë.

Gjendet i vrarë me plumb në kokë politikani i partisë së Merkelit

Një politikan i njohur në Gjermani është gjetur vdekur në kopshtin e tij, ndërsa dyshohet se është vrarë nga një plumb në kokë, i qëlluar në një distancë të afërt.

Hetuesit kanë nisur një hetim penal për vdekjen e Walter Lübcke, 65-vjeç kryetar i këshillit të qarkut në qytetin e Kassel.

Vetëvrasja është përjashtuar si mundësi pasi policia thotë se nuk ka asnjë motiv.

“Ne jemi thellësisht të tronditur nga vdekja e papritur e mikut tonë”, tha kryeministri i shtetit Hesse Volker Bouffier.

Trupi i Lübcke u gjet në orën 00:30 të dielën në mëngjes në tarracën e shtëpisë së tij në fshatin Istha, zbuloi policia. Ai u shpall i vdekur dy orë më vonë. Ai lë pas gruan dhe dy fëmijë të rritur.

Lübcke ishte një anëtar lokal, udhëheqës i CDU-së së Merkelit në tri rajone të Hessenit.

Ai fitoi famë dhe rëndësi në tetor të 2015, kur foli në favor të ofrimit të strehimit për refugjatët.

Kriza politike në vend, Basha e Meta nisen bashkë drejt Gjermanisë

Në një artikull për Shqipërinë, Deutsche-Welle raporton se javën e ardhshme drejt Gjermanisë do të shkojnë si kryetari i PD-së, Lulzim Basha, ashtu edhe presidenti Ilir Meta. Deutsche Welle shkruan se vizitat e tyre janë jo zyrtare, por nuk përjashtohet mundësia të zhvillojnë takime për situatën politike në vend dhe zgjidhjen e krizës.

“Javën e ardhshme në Gjermani pritet të vijnë një sërë politikanësh nga Ballkani Perëndimor, ndër ta edhe kreu i opozitës së Shqipërisë, Lulzim Basha, dhe presidenti i Republikës, Ilir Meta. Vizitat e tyre janë jozyrtare, por nuk përjashtohet mundësia që të flitet për mundësitë e ndihmesës gjermane për kapërcimin e krizës në Shqipëri”, shkruan Deutsche Welle.

Basha pritet të zhvillojë takime me përfaqësues të CDU-së. Zëvendës kryetari i CDU-së, Johann David Wadephul u shpreh negativisht për Shqipërinë dhe vendimin e KE-së për çeljen e negociatave.

“Grupi parlamentar CDU/CSU do të shqyrtojë me kujdes raportet e progresit mbi Shqipërinë dhe Maqedoninë e Veriut dhe do ta krahasojë atë me analizat e tjera që ka në dispozicion. Vetëm në këtë mënyrë mund të marrim një vendim të përgjegjshëm nëse janë plotësuar me të vërtetë kushtet e fillimit të negociatave për anëtarësim të këtyre dy vendeve në BE”, pohon Wadephur, duke shtuar se “një shqyrtim i këtillë nuk mund të bëhet me nxitim”. Sipas tij, kjo as nuk do të justifikohej dot para popullsisë gjermane, e as nuk do të ishte e drejtë ndaj vendeve në fjalë. “Ndaj Bundestagu gjerman do të mund të vendosë vetëm në fund të shtatorit për çeljen e negociatave të anëtarësimit, sikurse është rënë dakord me kolegët e grupit parlamentar socialdemokrat”, tha Johann David Wadephul.

Edhe Basha dhe partia që ai drejton ka qenë në të njejtën linjë mendimi.

Nënkryetari i CDU: Do analizojmë me kujdes raportin për Shqipërinë. Asnjë vendim deri në shtator

Komisioni Europian vendosi të rekomandojë nisjen e negociatave për anëtarësim me Shqipërinë, pasi ka konstatuar progresin e bërë, por kjo nuk e ka bindur nënkryetarin e CDU-së, Johann David Wadephul.

Në një deklaratë të postuar në faqen zyrtare të CDU-së Wadephul shpehet se Shqipëria nuk i ka plotësuar kruhet që i janë lënë në 26 qershor të vitit 2018 dhe se i duhet ende kohë. Ai gjithashtu sqaron se Bundestagu gjerman nuk do të jetë në gjendje të vendosë për hapjen e negociatave deri në fund të shtatorit.

Kujtojmë se Johann David Wadephul është përfaqësues i partive të djathta simotra të PD-së së Bashës.

“Grupi parlamentar i CDU / CSU do të analizojë me kujdes raportet e progresit mbi Shqipërinë dhe Maqedoninë e Veriut dhe do ta krahasojë atë me analizat e tjera në dispozicion të tij. Vetëm në këtë mënyrë mund të marrim një vendim të përgjegjshëm nëse kushtet e fillimit të bisedimeve të pranimit me të dy vendet janë realizuar.

Megjithatë, një ekzaminim i tillë nuk mund të bëhet me ngut. Kjo nuk do të ishte e pranueshme për popullin gjerman dhe as nuk do të bënte drejtësi ndaj vendeve në fjalë. Në këtë drejtim, Bundestagu gjerman nuk do të jetë në gjendje të vendosë për hapjen e negociatave të pranimit deri në fund të shtatorit – siç u pajtua me kolegët e grupit parlamentar të SPD-së.

Një analizë fillestare tregon se Shqipëria deri më tani nuk ka arritur të përmbushë asnjë nga kushtet për hapjen e negociatave për anëtarësim siç u la porosi nga ministrat e jashtëm të BE më 26 qershor 2018.

Ende nuk ka sistem gjyqësor funksional.

As Gjykata Kushtetuese as Gjykata e Lartë nuk punojnë. As SPAK dhe as BKH-ja nuk u krijuan ashtu sic u premtua. Ka përparime në nivelet e ulëta dhe të mesme në luftën kundër korrupsionit. Por ka shumë pak raste të hetimit të korrupsioni në nivelet e larta. Megjithatë, ministrat e jashtëm të BE e kërkuar me force këtë gje në qershor të vitit 2018. Janë të dobëta përpjekjet për të luftuar krimin e organizuar.

Përveç kësaj, nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave. Në fund të fundit, ligji i ri zgjedhor i kërkuar nga Ministrat e Jashtëm nuk është miratuar akoma. Në fund të fundit, Kodi i ri zgjedhor i kërkuar nga Ministrat e Jashtëm ende nuk është vendosur.

Në këtë drejtim, Shqipëria ka nevojë për më shumë kohë për t’u përgatitur për negociatat e pranimit. Vendi duhet të bëjë çdo përpjekje për të përmirësuar kushtet për një vendim pozitiv të BE në shtator. Kjo përfshin një dialog të vërtetë midis qeverisë dhe opozitës për të kapërcyer krizën politike.

Grupi parlamentar i CDU/ CSU është ende i gatshëm të ndihmojë. Të dyja palët duhet, megjithatë, të përgatiten për një dialog të tillë pa parakushte. Asnjë temë nuk mund të përjashtohet që nga fillimi”,thuhet në deklaratën e Johann David Wadephul. Ende nuk dihet nëse ky është një qëndrim personal i tij, apo i gjithë grupit të CDU-së.

Deutsche Welle: periudha Merkel drejt fundit

Deutsche Welle ka publikuar sot një artikull në të cilin komenton rezultatin e zgjedhjeve europiane dhe shkruan se shumë shpejt periudhës së Merkelit në Gjermani pritet t’i vijë fundi.

“Rezultati i zgjedhjeve në BE tregon për të ardhmen e pasigurt të qeverisë gjermane. Partitë pro-europiane morrën shumicën e votave, por rënia e SPD mund të rrezikojë koalicionin qeverisës”, shkruhet në artikullin e Deutsche-Welles.

Artikulli i plotë:

Frika që ekzistonte ishte se partitë antieuropiane të krahut të djathtë do të fitonin në zgjedhjet europiane. Në Gjermani, Austri dhe Hollandë, kjo nuk ndodhi.

Ky është rezultati pozitiv i zgjedhjeve të fundjavës.

Polarizimi midis nacionalistëve dhe pro-europianëve i motivoi me sa duket njerëzit, që të merrnin pjesë në votime dhe shumë vende kanë raportuar për pjesëmarrje në votime më të madhe se zakonisht. Shumë më tepër votues të moshës nën 30 vjeçare, votuan kësaj herë në krahasim me herën e kaluar, një tregues tjetër që thotë se njerëzit janë të interesuar në temën e Europës dhe në çështjen se si duam të bashkëjetojmë.

Në këtë grupmoshë fituesit janë Të gjelbërit, të cilët ishin në gjendje të përvetësonin çështjen kyçe të së ardhmes, mbrojtjen e klimës.

Humbje për socialdemokratët e Gjermanisë

Për socialdemokratët gjermanë, kjo e dielë ka qenë shkatërrimtare. Partia më e vjetër demokratike gjermane ra nën nivelin europian, duke marrë nën 16 përqind të votave. Dhe sikur kjo të mos mjaftonte: Në Bremen, një shtet federal gjerman ku socialdemokratët kanë kryesuar prej 73 vjetësh, u mbajtën të dielën edhe zgjedhjet lokale. Ato i fituan kristiandemokratët për herë të parë në histori.

Kjo humbje e dyfishtë nuk do të mbesë pa pasoja. Humbjet tregojnë se partia ndodhet në gjendje të vështirë dhe se riorientimi i përgjithshëm është e vetmja rrugë për vazhdimësinë e saj dhe shancin për të pasur të ardhme.

Zgjedhjet e parakoshme të mundshme

Në Bruksel do të flitet ditët e ardhshme se cilat parti do të marrin postet drejtuese. Në Gjermani ky diskutim do të jetë fundamental. Pyetja kryesore është: Sa kohë do të vazhdojë koalicioni qeverisës të torturojë veten dhe gjithë vendin?

Duke pasur parasysh rezultatet e zgjedhjeve të fundjavës është shumë e mundshme që pas 14 vjetësh, periudhës së Merkelit t’i vijë fundi prej partnerit në koalicion, socialdemokratëve. Nëse ndodh kjo, atëherë do të duhet të zhvillohen zgjedhje të parakohshme në fund të këtij viti. Ato do të jenë zgjedhje me shumë pyetje të hapura dhe me një gjë shumë të sigurt, se Angela Merkel nuk do të jetë më në gjendje të marrë sërish postin./DW

Fundjavë e çmendur në Gjermani, Bayern apo Dortmund, kush e fiton Bundesligën?!

Gara për titullin në Premierligë u mbyll një javë më parë, teksa mes dy ekipeve pretendente, në fund triumfi shkoi për Manchester Cityn. Megjithatë, këtë fundjavë do të luhet java më dramatike e luftës për titull, në një nga kampionatet më të mëdha në Europë, Gjermani. Bayern Munich dhe Borussia Dortmund, do të luajnë aktin final të “dramës” së titullit kampion në Bundesliga. Ndryshe nga Prmier League, ku Manchester City dhe Liverpooli kishin grumbulluar pikë të mëdha në ndjekjen e vazhdueshme të titullit, ka qenë histori tjetër ajo mes Bayern Munich dhe Borussia Dortmund.

“Bundesliga perfekte në një finale perfekte”, është titulli i lajmit të Deutsche Welles, rrjeti televiziv gjerman, që komenton pikërisht javën e fundit të kampionatit në Bundesliga, ku do të vendoset dhe se kush do të jetë Kampion i Gjermanisë këtë sezon. Gjatë gjysmës së parë të sezonit, Dortmundi u duk se ishte në rrugë të mbarë për të fituar titullin e dytë të kësaj dekade, që prej sezonit 2011/12, kur në atë kohë drejtohej nga Jurgen Klopp. Ata grumbulluan pikët e dyta më të mëdha në historinë e klubit deri në mesin e sezonit, aq sa në dhjetor ishin nëntë pikë para Bayern Munich.

Megjithatë, gjatë gjysmës së dytë të sezonit, Dortmundi ka bërë “çmenduri” në Bundesliga. Skuadra mori një fitore 3-0 në fillim të këtij viti, para se të shkonte në një barazim 3-3 me Hoffenheim në muajin shkurt, ndërsa më pas erdhi dhe humbja 3-0 me Tottenham në Ligën e Kampionëve. Më pas një barazim ndaj Nurembergut dhe goditja e madhe nga Bayern, që fitoi sfidën direkte me rezultatin 5-0.

Por nuk mbeti me kaq, pasi Dortmund pësoi një tjetër humbje dramatike me Schalken që fitoi 4-2, dhe pastaj Werder Bremen 2-0, rrënuan gjithçka për Borussian. “Një ditë mund të jemi trishtuar për shkak të gabimeve që kemi bërë, ndërsa ditën tjetër mund të jemi të lumtur, sepse kemi ende mundësi për të qenë kampionë. Bundesliga është e çmendur”, tha Axel Witsel pasi Dortmund mbeti në garë për titull kur fitoi ndaj Fortuna Dusseldorf fundjavën e kaluar.

Bayerni ka rikuperuar shumë nga një fillim i ngadalshëm me një nga finalet e tyre më të mira në vitet e fundit. Ata kanë humbur vetëm një herë në 2019 në Bundesliga dhe kanë marrë 39 pikë nga 48-të të mundura. Skuadra e Kovaç mund të kishte fituar titullin e tyre të shtatë fundjavën e shkuar, por u ndalën në barazim pa gola nga Leipzig, teksa Goretzka-s iu anulua një gol për pozicion jashtë loje, që në fakt ishte i dyshimtë.

Nëse Bayerni fiton titullin nesër, do të jetë i pari që fiton në shtëpi, që prej sezonit 1999/2000. “Tani kemi mundësi për të fituar titullin në ndeshjen e fundit, përpara tifozëve tanë. Nuk mendoj se ka gjë më emocionuese se kaq,” tha Goretzka. Bayern Munich pret Eintracht Frankfurt në ditën e fundit ndërsa Dortmund udhëton në Borussia Monchengladbach. Skenari i vetëm, që Bayern të humb titullin dhe të triumfojë Borussia Dortmund, është që këto të fundit të fitojnë ndeshjen në transfertë, ndërsa Bayern të mundet. Në të kundërt, Barazimi apo fitorja e Bayern-it i shpall këta të fundit kampion pasi kanë golavarazh më të mirë se Dortmund.

Kush është Dhuarata, shqiptarja që kandidon në zgjedhjet në Gjermani

Ajo quhet Dhurata Çaushaj dhe kandidon për postin e këshilltares bashkiake në Bashkinë e qytetit të Freiburg në Gjermani. Pandeli Majko, ministri i Shtetit për Diasporën e ka postuar këtë lajm në faqen e tij në facebook. Majko bën me dije se Çaushaj veç angazhimit në Shkencat informatike është edhe aktiviste për të drejtat e grave dhe emigrantëve në komunitetin gjerman.

Kandidimi i Dhurata Çaushajt është bërë publike dhe nga partia Unabhängige Frauen Freiburg, apo ndryshe e njohur si partia e Grave të Pavarura në Freiburg.

Gent Cakaj në Gjermani merr mbështetje për çeljen e negociatave

Ministria e Jashtme e Shqipërisë ka shpërndarë një informacion të zgjeruar në lidhje me vizitën zyrtare që është duke zhvilluar në Gjermani, ministri i Jashtëm në detyrë, Gent Cakaj. Ai është takuar me disa deputetë gjermanë, prej të cilëve ka marrë mbështetje për çeljen e negociatave me Shqipërinë.

Konkretisht, Ministri në Detyrë Cakaj u takua me Norbert Röttgen, Kryetari i Komitetit Parlamentar për Politikën e Jashtme në Bundestag, me Katrin Staffler, Reportere për Shqipërinë në Komitetin për Çështjet Evropiane, me Thomas Hacker nga Demokratët e Lirë (FDP), njëkohësisht dhe Raporter i FDP për Shqipërinë, me Patrick Sensburg, Kryetar i Komitetit të Shqyrtimit të Zgjedhjeve, Imunitetit dhe Procedurave ligjore, në Bundestag dhe me Manuel Sarrazin, Reporter për Shqipërinë, Përfaqësues i të Gjelbërve në Komitetin e Çështjeve Evropiane në Bundestagun gjerman.

Ministri në Detyrë Cakaj shprehu vlerësimet maksimale për angazhimin e Gjermanisë dhe vëmendjen e kushtuar ndaj Shqipërisë, çka demonstrohet nga fokusi i shtuar i Bundestagut dhe numri i lartë i vizitave të parlamentarëve gjermanë në vendin tonë.

Ministri në Detyrë Cakaj u paraqiti përfaqësuesve të Bundestagut, një tablo të detajuar të ecurisë së deritanishme të procesit të vetingut dhe reformës në drejtësi, rezultatet e arritura në luftën kundër krimit të organizuar, korrupsionit, si dhe bashkëpunimit të ngushtë me agjencitë ligj zbatuese të vendeve partnere.

Ministri në Detyrë Cakaj u kërkoi përfaqësuesve të Bundestag-ut vazhdimin e mbështetjes ndaj Shqipërisë në rrugëtimin e procesit të saj transformues, në kuadër të çeljes së negociatave për anëtarësim, bazuar në meritë dhe në përmbushje të procesit të reformave.

Në takimin me Norbert Rottgen, ky i fundit rikonfirmoi idenë dhe bindjen e tij se BE-ja nuk është e plotësuar pa Ballkanin Perëndimor, duke siguruar mbështetjen për negociatat dhe nxitjen e procesit.

Gjatë takimit me Hacker, bashkëbiseduesit ndanë mendimin se koncepti dhe interesi i përbashkët evropian nënkupton një rajon të integruar, të qëndrueshëm dhe të sigurt, por në këtë drejtim perspektiva e integrimit në BE, është një promotor i shkëlqyeshëm për kapërcimin e nacionalizmave dhe konflikteve të së shkuarës në Ballkan.

Ndërkohe që Patrick Sensburg, shprehu vlerësimin e tij për ecurinë e proceseve integruese dhe theksoi rëndësinë e promovimit të arritjeve të Shqipërisë jo vetëm me zyrtarët publikë në Gjermani por edhe me qytetarët gjermanë, për të kuptuar proceset e rëndësishme që po ndërmerr Shqipëria, si dhe efektet që kanë këto procese edhe në vendet e tjera të Bashkimit Evropian.

Në takimin e Ministrit në Detyrë Cakaj me Manuel Sarrazin, ky i fundit u shpreh se Komisioni Evropian dhe politika gjermane duhet të marrin sa më parë një vendim pozitiv për Shqipërinë, për t’i mundësuar asaj një perspektivë të qartë e të besueshme evropiane, si e vetmja alternativë e qenësishme për vendin.

Deputeti e njëkohësisht reporteri për Shqipërinë, Sarrazin, vlerësoi shkëmbimin e informacionit konkret dhe të detajuar sa i takon reformave të ndërmarra në Shqipëri dhe u shpreh se jo vetëm personalisht, por edhe në emër të së Gjelbërve, e mbështet hapjen e negociatave për Shqipërinë.

Në përgjigje të kësaj fryme pozitive dhe tejet inkurajuese të përfaqësuesve të Bundestagut gjerman, Ministri në Detyrë Cakaj vlerësoi Gjermaninë si një partnere kryesore që ka qenë dhe mbetet luajale ndaj zhvillimeve politike dhe ekonomike në rajonin e Ballkanit, pa mbështetjen e së cilës, procesi i integrimit nuk do të ishte i mundur për asnjë nga vendet e rajonit tonë.

Ministri Cakaj u rikonfirmoi të gjithë përfaqësuesve të Bundestagut, vendosmërinë e qeverisë shqiptare për të vijuar me ritmet e duhura për konsolidimin e reformave kyçe dhe përgatitjet për hapjen e negociatave me Bashkimin Evropian.

Gjermania ndihmë 200 mijë euro policisë, Lleshaj: Të luftojmë grupet kriminale

Qeveria gjermane i dhuroi Policisë së Shtetit automjete e pajisje të sofistikuara me vlerë rreth 200 mijë euro, në kuadër të forcimit të kapaciteteve për luftën kundër paligjshmërisë dhe krimit të organizuar në veçanti.

Drejtori i Përgjithshëm i Policisë së Shtetit Ardi Veliu dhe Ambasadorja e Gjermanisë në Tiranë, Suzan Schutz nënshkruan protokollin e dhurimit të tyre, në prani të ministrit të Brendshëm Sandër Lleshaj.

Gjatë takimit të zhvilluar në ambientet e Task Forcës Speciale Qendrore u theksua edhe njëherë bashkëpunimi mjaft i mirë që ekziston mes dy vendeve në fushën e shkëmbimeve policore. Këto mjete do të përdoren kryesisht nga Policia Kriminale dhe Task Forca Speciale, e cila është ngritur për të luftuar grupet kriminale në Shqipëri ose jashtë vendit.

“Kam kënaqësinë që pata mundësinë të pres Ambasadoren e Republikës Federale të Gjermanisë, me të cilën takohem në harkun e pak javëve, për herë të dytë në mjediset e Policisë së Shtetit. Sot jemi tek Task Forca Speciale ku sapo nënshkruam një protokoll për marrjen e një ndihme të konsiderueshme, e cila i adresohet Task Forcës “Forca e Ligjit”, pra i adresohet luftës kundër krimit të organizuar. Ndërkohë që para pak javësh, ne patëm mundësinë që të mirëpresim një paketë tjetër të rëndësishme ndihme që i adresohej kufirit.” – tha ministri Lleshaj në një deklaratë për mediat pas takimit.

Ndërsa ambasadorja e Gjermanisë Suzan Schutz tha se ndihma prej 200 mijë euro tregon edhe një herë bashkëpunimin mjaft të mirë që ekziston mes dy vendeve.

Qeveria gjermane i dhuroi Policisë së Shtetit automjete e pajisje të sofistikuara
Qeveria gjermane i dhuroi Policisë së Shtetit automjete e pajisje të sofistikuara me vlerë rreth 200 mijë euro, në kuadër të forcimit të kapaciteteve për luftën kundër paligjshmërisë dhe krimit të organizuar në veçanti. Drejtori i Përgjithshëm i Policisë së Shtetit Ardi Veliu dhe Ambasadorja e Gjermanisë në Tiranë, Suzan Schutz nënshkruan protokollin e dhurimit të tyre, në prani të ministrit të Brendshëm Sandër Lleshaj. Gjatë takimit të zhvilluar në ambientet e Task Forcës Speciale Qendrore u theksua edhe njëherë bashkëpunimi mjaft i mirë që ekziston mes dy vendeve në fushën e shkëmbimeve policore. Këto mjete do të përdoren kryesisht nga Policia Kriminale dhe Task Forca Speciale, e cila është ngritur për të luftuar grupet kriminale në Shqipëri ose jashtë vendit.Ministri Lleshaj: Kam kënaqësinë që pata mundësinë të pres Ambasadoren e Republikës Federale të Gjermanisë, me të cilën takohem në harkun e pak javëve, për herë të dytë në mjediset e Policisë së Shtetit. Sot jemi tek Task Forca Speciale ku sapo nënshkruam një protokoll për marrjen e një ndihme të konsiderueshme, e cila i adresohet Task Forcës “Forca e Ligjit”, pra i adresohet luftës kundër krimit të organizuar. Ndërkohë që para pak javësh, ne patëm mundësinë që të mirëpresim një paketë tjetër të rëndësishme ndihme që i adresohej kufirit.Me këtë rast falënderoj Ambasadoren, falënderoj Policinë gjermane, Qeverinë gjermane për mbështetjen e vazhdueshme, një mbështetje, e cila i adresohet forcimit të parametrave të luftës kundër krimit të organizuar, i cili është parakusht i rëndësishëm për të përshpejtuar ecjen e Shqipërisë drejt hapjes së negociatave me BE.Ambasadorja e Gjermanisë Suzan Schutz: Më lejoni dhe mua të shpreh kënaqësinë time, për të theksuar atë çka sapo tha z. Ministër. Sot patëm mundësinë për të dhënë një ndihmë në pajisje, me vlerë të përgjithshme prej 200 mijë eurosh, e cila tregon edhe njëherë në mënyrë simbolike, bashkëpunimin mjaft të mirë që ekziston mes dy vendeve tona, e që në të ardhmen do të konsolidohet edhe më tej.
Publiée par Ministria e Brendshme sur Mardi 16 avril 2019