Përplasen dy makina, pesë të plagosur nga një familje

Një aksident i rëndë me 5 persona të plagosur ka ndodhur mesditën e së premtes në Gjirokastër si pasojë e përplasjes së dy automjeteve.

Ngjarja ka ndodhur në afërsi të varrezave publike në aksin Gjirokastër – Kakavijë, në të dalë të qytetit, midis Kordhocës dhe Gjirokastrës.

Policia ka shkuar në vendin e ngjarjes dhe bën të ditur se jane dy automjete të përfshira në aksident. Makina Audi me targa AA 151 UN është përplasur me mjetin BMË X5, me targa AA 656 LM.

Nga aksidenti janë plagosur 5 persona nga një familje. Një grua ndodhet në gjendje të rëndë dhe ëshët nisur me urgjencë drejt Tiranës për mjekim të specializuar.

Policia ndodhet në vendngjarje ndërkohë që të lënduarit janë dërguar në spital për të marrë ndihmën e parë.

Gjirokastër, jetonte e vetme në shtëpi, gjendet e vdekur nga fqinjët

Një e moshuar është gjetur e vdekur në banesën e saj, në të cilën jetonte vetëm. 85-vjeçarja me iniciale S.Zh., jetonte e vetme në shtëpinë e saj në lagjen “Palorto” në Gjirokastër. Ajo është gjetur nga fqinjët, të cilët kishin shkuar pasi ishin bërë merak që nuk e kishin parë të dilte.

Policia është njoftuar menjëherë në lidhje me ngjarjen, ndërsa nga rezultatet paraprake të hetimit dyshohet se vdekja ka qenë për shkaqe natyrore dhe se nuk kishte shenja dhune në trup. Dyshohet se sëmundja e hipertensionit mund t’i ketë marrë jetën 85-vjeçares.

Shkoi si turist në Gjirokastër, gjendet i pajetë në përrua

Një trup i pajetë është gjetur në Përroin e Dunavatit në Gjirokastër mbrëmjen e të shtunës. Kanë qenë banorët ato që e kanë parë trupin në përrua dhe kanë lajmëruar efektivët e policisë.

Policia ka mbërritur në vendin e ngjarjes dhe i është dashur mbi dy orë që të mund të nxirrte trupin e viktimës për shkak të terrenit të vështirë.

Sipas të dhënave paraprake të policisë dyshohet se viktima është rrëzuar në përrua dhe më pas është mbytur.

Viktima dyshohet se është shtetasi Bujar Gjashta, 64 vjeç, nga Tirana. Ai kishte shkuar si turist në Gjirokastër, por kishte humbur rrugën, teksa kishte dalë shëtitje në qytet. Dyshohet se rrëzimi i tij në përrua ka qene aksidental, për shkak të terrenit të vështirë.

Gjirokastër, mbolli drogë në tokën e tij, arrestohet pas denoncimit të fqinjëve

Një 40 vjeçar është arrestuar nga policia e Gjirokastrës pas denoncimit nga banorët e fshatit se kishte mbjellë drogë në tokën e tij. Pas kontrollit dhe verifikimit policia bëri asgjësimin e 60 rrënjëve kanabis sativa dhe vuri në pranga pronarin e tokës.

Droga ishte mbjellë në fshatin Doshnicë të Zagories , ndërsa në pranga ra shtetasi Sokol Dine, 40 vjeç.

Polica vijon hetimet për zbardhjen e rasteve të tjera të kultivimit të kanabisit në zonë.

Ndalohen 20 emigrantë në kufi, mes tyre 12 fëmijë

Shqipëria shërben si një rrugë transit për shumë emigrantë nga Lindja e Mesme për të kaluar drejt vendeve të BE. Policia kufitare në bashkëpunim me FRONTEX kanë bërë të mundur ndalimin e 20 emigrantëve nga Iraku, mes të cilëve 12 ishin fëmijë. Ndalimi i tyre është bërë në kufi me Greqinë, në hyrje të territorit shqiptar.

FRONTEX që prej vendosjes në kufirin shqiptar ka bërë të mundur ndalimin e shumë emigrantëve që kalojën në mënyrë të paligjshme.

U ndaluan për trafikim të emigrantëve, policia i kap me drogë në shtëpi

Policia e Gjirokastrës arrestoi një person si trafikant emigrantësh dhe ndaloi 6 shtetas sirianë, të cilët po përpiqeshin të kalonin në mënyrë ilegale nga Shqipëria drejt vendeve të BE.

Në pranga ra shqiptari 20-vjeçar nga Memaliaj si trafikant i tyre. Gjatë hetimeve, polica arrestoi dhe dy bashkëpunëtorë të tjerë, S.B. 26 vjeç dhe A.B, 21 vjeç, të cilët merreshin me trafikimin e emigrantëve.

Në vijim të hetimeve dhe kontrollit të ushtruar nga policia u gjet edhe një sasi bime narkotike e kultivuar në banesën e tyre, e cila u asgjësua nga efektivë e Gjirokastrës.

Gjatë aksioni policia arrestoi 3 persona, të cilët do të përballen me akuzat e trafikimi të qenieve njerëzore dhe atë të trafikimit dhe prodhimit të lëndëve narkotike.

Përmbyset mjeti, plagosen 6 veta, mes tyre 2 fëmijë

Një aksident i rëndë ka ndodhur mëngjesin e së hënës në Dervicjan në afërsi të Gjirokastrës, ku një mjet tip Fuoristradë është përplasur me një benz dhe si pasojë është përmbysur duke shkaktuar plagosjen e 6 personave, mes tyre dhe 2 fëmijë.

Aksident i ka ndodhur rreth orës 08:30.

Gjashtë të plagosurit, dy nga Gjirokastra dhe katër nga Elbasani janë dërguar me shpejtësi në spital për ndihmë.

Televizionet raportojnë se emrat e personave të plagosur janë: Kristaq Kola, Romina Turkaj, Renato Turkaj, Vjollca Pitja, K. T. (7 -vjeç) dhe A. T. (3-vjeç).

Si pasojë e aksidentit është bllokuar për disa minuta rruga Gjirokastër-Kakavijë, por më pas trafiku u normalizua.

Policia dhe ambulanca kanë mbërritur në vendngjarje duke bërë dhe transportin e të plagosurve drejt spitalit.

Gjirokastër, dhunon seksualisht turisten minorene, arrestohet 22-vjeçari belg

Policia e Gjirokastrës ka arrestuar një 22-vjeçar nga Belgjika, pasi akuzohet për dhunim seksual ndaj një minorene.

22-vjeçari me iniciale R. Symakani kishte ardhur për pushim në Shqipëri dhe sipas policisë ai ka abuzuar me një turiste minorene, po belge. Ka qene vajza e re ajo që ka bërë denoncimin në Policinë e Gjirokastrës, ku më pas është bërë edhe arrestimi i autorit. Ngjarja e rëndë ka ndodhur në Gjirin e Gjipesë.

Gjirokastër, kultivoi fidan kanabis, arrestohet një 59-vjeçar

Policia e Gjirokastrës ka arrestuar një person të shpallur në kërkim për trafikim të lëndëve narkotike. Në pranga ka rënë shtetas me iniciale I.M, 59 vjeç, i cili ka kultivuar lëndë narkotike kanabis sativa .

Ngjarja ka ndodhur në fshatin Picar, ku 59-vjeçari në bashkëpunim me shtetasin R.R., i cili ishte arrestuar në flagrancë më herët, kanë kultivuar disa fidanë kanabis. Materialet hetimore i kanë kaluar Prokurorisë për hetime të mëtejshme.

Vangjel Tavo: Në Gjirokastër kanë votuar 15.6%, ja skema jonë për rezultatet e sakta!

Ish-deputeti i Lëvizjes Socialiste për Integrim, ka folur në një lidhje direkte për “Real Story”, ku ka treguar për gazetarin Sokol Balla, se sipas tij, në qarkun e Gjirokastrës, në mungesë të shifrave për Tepelenën, mendohet që kanë votuar rreth 15.6% e votuesve. “Kanë votuar rreth 15.6% në rang qarku. Në rang qarku jemi diku te 29.5% më pak në krahasim me zgjedhjet lokale të 2015”, u shpreh Vangjel Tavo.

Sipas ish-deputetit të LSI-së, shifrat e opozitës janë nxjerrë pasi në çdo qendër votimi ka pasur persona të caktuar, të cilët kanë mbajtur shënim emrat e votuesve me lista emërore. Në këtë mënyrë, opozita, sipas Vangjel Tavos, pretendon se ka shifrat reale të votuesve të cilët kanë marrë pjesë këtë 30 qershor në zgjedhje.

“Ne jemi jashtë sistemit, të tjerët votojnë, duke qenë se nuk kemi anëtar në komisionet e qendrave të votimit, morëm masat si opozitë, në çdo qendër votimi kemi vendosur njerëz me lista emërore të njerëzve që votonin. Këto janë listat e bëra nga anëtarët e LSI në të gjithë qendrat e qarkut, përveç Tepelenës të cilët nuk janë lejuar. Në Goranxi personi që unë kisha vendosur është zbuar dhe dhunuar. Është dhunuar nga komisionerët e PS dhe policia nuk ka reaguar”.

Në fund, Vangjel Tavo u shpreh se nëse shifrat zyrtare që do të japë KQZ do të krenspodojnë me ato të opozitës, procesi do të quhet i rregullt, në të kundërt, Tavo shprehet se ka pasur manipulim.

“Unë them që këto janë rezultatet që duhet të jenë në procesverbalet e qendrave të votimit. Këto janë të çekuara. Kemi dhe pamje filmike të njerëzve që kanë shkuar për të votuar. Ky është rezultati real i njerëzve që kanë shkuar të votojnë. Në rast se nuk del i njëjti rezultat ka manipulim dhe jam gati të ballafaqohem. Nëse KQZ konfirmon shifrat tona, unë nuk them asnjë gjë. Përvec se komisionerët kanë punuar mirë. Nëse del kështu, do të thotë që Partia e Punës së Shqipërisë fitojë”, tha Tavo.