Zgjedhjet në Greqi, shqiptarët i kthejnë kurrizin shqiptarëve

Në zgjedhjet parlamentare të parakohshme në Greqi, ku fituese doli partia “Demokracia e re” kandidonin edhe dy shqiptarë për Partinë Lëvizja për Ndryshim apo ‘Kinima Allagis’, një forcë politike e majtë në koalicion me PASOK, e cila është në opozitë. Asnjë nga dy kandidatët, Fatos Malaj dhe Eda Gemi, nuk arritën të merrnin një mandat deputeti. Të dy garonin në zona të ndryshme në Athinë.

Të drejtën për të votuar në këto zgjedhje e kishin 150 000 shqiptarë dhe me një llogaritje të thjeshtë shanset që këto dy shtetas shqiptarë që garonin në Athinë, mund të merrni lehtësisht një mandat për në parlamentin grek. Por ajo që ndodhin në fakt ishte krejt e kundërta. Shqiptarët u treguan indiferentë dhe nuk u paraqiten në votime. Vetëm një pakicë e vogël, rreth 10 % zgjodhi që të ushtrojë të drejtën e votës së tyre. Kjo përqindje e ulët tregon se shqiptarët nuk janë të interesuar për aktualitetin politik në Greqi, por as edhe për të mbështetur bashkëkombësit e tyre për t’i përfaqësuar në shtetin helen. Në këtë mënyrë Shqiptarët i kthyen kurrizin shqiptarëve.

Në zgjedhje e 7 korrikut doli fitues partia “Demokracia e re” me në krye Kyriakos Mitsotakis, i cili është zgjedhur në postin e kryeministrit të ri të Greqisë.

ZGJEDHJET NË GREQI, DY SHQIPTARË NË GARË PËR PARLAMENTIN HELEN

Kabineti Mitsotakis, publikohen emrat e ministrave të rinj në Greqi

Greqia nuk humbet kohë, pas zgjedhjeve të së dielës këtë të hënë do të bëhet betimi i Kyriakos Mitsotakis si Kryeministër i ri i vendit. Mediat greke raportojnë se kryetari i Demokracisë së Re do të betohet të hënën pak pas mesdite, në orën 13:00 me orën lokale.

Ndërkohë, një ditë më pas do të bëhet prezantimi i qeverisë së re greke. Mediat e shtetit fqinj raportojnë edhe emrat e disa prej anëtarëve të kabinetit Mitsotakis, që do të prezantohen të martën.

Kryeministri konservator i Greqisë, ka zgjedhur politikanë me përvojë, ndërsa sipas medias greke SKAI, pjesë e kabinetit do të jetë dhe një ish zyrtar i PASOK.

Përbërja e qeverisë sipas informacionit të fundit të dhënë nga SKAI, do të jetë:

Ministri i Zhvillimit: Adonis Georgiadis

Ministri i Energjisë: Kostis Hatzidakis

Ministri i Qeverisë Dixhitale: Kyriacos Pierakakis

Ministri i Rendit Publik dhe Migracionit: Michalis Chrysohoidis ose Angelos Syrigoos

Ministri i Financave: Christos Staikouras – Sekretari Shtetëror: Stelios Petsas

Sekretari i Shtetit për Marrëdhëniet Ekonomike: Giannis Kefalogiannis

Ministri i Brendshëm: Takis Theodorakos

Ministri i Turizmit: Olga Kefalogiannis

Ministri i Arsimit: Niki Kerameos Christos Tarantilis

Ministri i Punëve të Jashtme: Nikos Dendias ose Margaritis Schinas

Ministri i Mbrojtjes: Vasilis Kikilias ose Alkiviadis Stephanis

Ministri i Drejtësisë: Nikos Panagiotopulos

Ministri i Shëndetësisë: Kostas Tsiaras

Ministri i Transportit: Miltiadis Varvitsiotis ose Giannis Plakotakis

Ministri i Shëndetësisë: Kostas Tsiaras ose Vassilis Kontotsamanis

Kryetari i Dhomës: Kostas Tassoulas.

Mitsotakis fiton në Greqi, Tsipras pranon humbjen: Urova kundërshtarin

Kyriakos Mitsotakis, i partisë Demokracia e Re, ka arrtiru të sigurojë një mandat qeverisës për katër vitet e ardhshme në Greqi, pasi fitoi në zgjedhjet parlamentare të së dielës në 7 korrik. Kreu i konservatorëve grek, ka marrë 158 vende në parlamentin e ri të Greqisë, nga 300 që ka gjithsej, duke fituar kështu shumicën e nevojshme për të krijuar qeveri, pa pasur nevojë për koalicion.

Pas fitores në zgjedhjet e të dielës, afër përfundimit të nuërmimit të votave, Mitsotakis, ka bërë një reagim ku shprehet se do të jetë kryeministër i të gjithë Greqisë. “Unë do të jem kryeministër i të gjithë Greqisë dhe do të punojë shumë fort që të bind edhe qytetarët që nuk na votuan. Jam plotësisht vetëdijshëm për përgjegjësinë kombëtare, qëndroj modest ndaj vendimit të populli, por edhe marr forcë për të nesërmen”, tha Mitsotakis.

Kundërshtari i tij, kryeministri në ikje Alexis Tsipras i SYRIZA-s, ka pranuar humbjen në zgjedhje, duke deklaruar se e kishte telefonuar Mitsotakisin për fitoren, dhe se tani i mbetej vetëm të respektonte vullnetin e popullit grek. “Respektoj vendimin e popullit. Kontaktova Mitsotakis dhe e përgëzovë për fitoren e tij. Në demokraci ndryshimi i qeverisjes është thelbësore. Nuk do të bëjë atë që kanë bërë kundërshtarët e mi, por do të respektoj vullnetin e popullit”, shkruan Tsipras.

Një mesazh urimi ka ardhur edhe nga Bashkimi Europian. Ka qenë kreu në ikje i KE, Jean-Claude Juncker, ai që ka shkruar një Twitter ku uron kryeministrin e ardhshëm të Greqisë, Kyriakos Mitsotakis. “Dëshiroj t’ju përgëzoj për fitoren tuaj bindëse në zgjedhjet parlamentare. Ti e di lidhjen time personale me Greqinë dhe njerëzit e saj që kanë duruar kaq shumë gjatë dekadës së fundit. Dinjiteti, elasticiteti dhe angazhimi evropian i grekëve meritojnë respekt”, shkruan Juncker.

Zgjedhjet në Greqi, dy shqiptarë në garë për parlamentin helen

Greqia zhvillon ditën e diel më 7 korrik zgjedhjet e parakohshme parlamentare ku do të përcaktohet kryeministri i ardhshëm i vendit. Këto zgjedhje janë të rëndësishme dhe 150 000 shqiptarët me të drejtë vote në shtetin fqinj grek, pasi garojnë edhe 2 shtetas shqiptarë.

Për herë të parë do të garojnë edhe shqiptarët për të përfaqësuar bashkëkombësit e tyre në Parlamentin grek. Në garë janë dy emigrantë shqiptarë, përkatësisht Fatos Malaj dhe Eda Gemi, të cilët jetojnë në Greqi prej vitesh. Të dy garojnë në kryeqytetin grek, Athinë. Eda Gemi ishte gjithashtu kandidate në zgjedhjet europiane për eurodeputete, por nuk ja doli të fitonte. Të dy shqiptarët garojnë për Partinë Lëvizja për Ndryshim apo ‘Kinima Allagis’, një forcë politike e majtë në koalicion me PASOK, e cila është në opozitë.

Ndërkohë, në këto zgjedhje parlamentare në Greqi kanë të drejtë vote mbi 150 000 emigrantë shqiptarë dhe minoritarë grekë, që kanë marrë nënshtetësinë. Shpresat e dy kandidatëve shqiptarë për të marrin mandat në Parlamentin grek janë të mëdha.

Greqia në zgjedhje për qeverinë e re

Greqia zhvillon më 7 korrik zgjedhjet e parakohshme parlamentare, ku do të zgjidhet qeveria dhe kryeministri i ardhshëm. Që prej 2015, kryeministri aktual Alexis Tsipras, me mbështetjen e Europës, është parë si figura ideale për të nxjerrë Greqisë nga kriza.

Në këtë zgjedhje, Tsipras ka përballë ka një figurë të fortë konservatore, Kyriakos Mitsotakis, i cili favorizohet nga sondazhet paraprake. Opozita konservatore pritet të fitojë me diferencë të madhe, kurse kryeministri i majtë, Aleksis Tsipras lufton për mbijetesën politike. Dy forcat më të mëdha politike, SYRIZA dhe Nea Dimokratia pritet të kenë një garë të fortë mes tyre.

Qendrat e votimit janë hapur në orën 07:00 dhe do të mbyllen në orën 19:00. Rezultatet paraprake të zgjedhjeve do të jepen në orën 21:00, ndërsa të hënën Greqia do të gdhihet me një kryeministër të ri.

Zjarr masiv në Greqi, 4 fshatra përfshihen nga flakët

Katër fshatra të ishullit grek Evia janë përfshirë nga flakët masive duke djegur një sipërfaqe të konsiderueshme të pyjeve dhe kullotave. Në shuarjen e zjarrit janë përfshirë më shumë se 250 zjarrfikës dhe disa helikopter që po ndihmojnë duke hedhur ujë nga lart.

Policia ka arrestuar një 65-vjeçar, si shkaktar të vënies së zjarrit, ndërsa ka bërë evakuimin e banorëve për të shmangur tragjedinë e viti të kaluar. Në 2018, 101 persona humbën jetën nga një zjarr i madh jashtë Athinës, që u përhap në pak sekonda në të gjithë zonën e banuar duke bllokuar qytetarët brenda shtëpive.

Sekuestrohet 271 kg kanabis, arrestohet një shqiptar në Greqi

Një shtetas shqiptar ka përfunduar në prangat e policisë greke, pasi u kap me një sasi të madhe droge. Gjatë operacionit në fshatin Grevena, policia gjeti dhe sekuestroi 271 kilogramë kanabis sativa në një kasolle.

Pas hetimeve kasollja rezultoi të ishte e një shtetas shqiptar, 32 vjeç, ndërsa droga dyshohet se vinte nga Shqipëria. Policia sekuestroi edhe 3 celularë dhe një thikë, që ju gjetën 32-vjeçarit me vete.

Policia greke vijon hetimet për zbardhjen e personave të tjerë të përfshirë në trafikun e drogës.

Media greke: Pse Athina është e shqetësuar për krizën në Shqipëri

“Nuk është hera e parë që Shqipëria po përballet me një krizë politike dhe institucionale. Por kësaj radhe, ajo përputhet me një moment kritik për Ballkanin Perëndimor dhe për perspektivat e tyre evropiane” shkruan media greke “macropolis.gr”, e cila ka bërë një artikull të gjatë për situatën politike në Shqipëri. Sipas saj ka disa arsye pse kjo krizë shqetëson Athinën Zyrtare. E para lidhet me çështjet e lëna pezull mes dy vendeve dhe marrëveshjeve që janë arritur në parim, por ende nuk po gjejnë zbatim. Qeveria greke e konsideron Edi Ramën një njeri me të cilin mund të flasë dhe të paktën të ketë mirëkuptim për çështjet që kanë të bëjnë me marrëdhëniet dypalëshe. Dy ish-ministrat e jashtëm të vendeve, Nikos Kotzias dhe Ditmir Bushati, mundën të arrijnë një marrëveshje në parim për disa çështje të pazgjidhura. Alexis Tsipras gjithashtu ka zhvilluar bisedime të shpeshta me homologun e tij shqiptar dhe në fakt gjatë takimit të tyre të fundit në kuadër të Samitit të Dubrovnikut në prill arritën të bien dakord mbi çështjen që lidhet me pronat e pakicës greke në Shqipëri. Megjithatë, kjo çështje është ende në pritje.

Ndërsa perspektiva e BE-së dhe qëndrimi i Greqisë për çeljen e negociatave është një tjetër arsye për t’u shqetësuar shkruan media greke. Shqipëria duket të jetë e destinuar të mos marrë një datë për të çelur negociatat e anëtarësimit me BE në Këshillin e ardhshëm të Evropës, në qershor. E ardhmja e saj evropiane po bëhet gjithnjë e më e turbullt që kur qeveria e Ramës është akuzuar për korrupsion. Athina zyrtare ka shqetësimin se kriza politike në Tiranë nuk do të ndihmojë në zgjidhjen përfundimtare të kësaj çështje, e cila për Greqinë shihet si një parakusht i madh për shpresat e Shqipërisë për në BE. Më 30 maj, Athina paralajmëroi gjithashtu Tiranën duke nënvizuar se “Greqia po punon drejt përmirësimit të marrëdhënieve dypalëshe me Shqipërinë dhe mbështet kursin e saj të pranimit në Bashkimin Evropian, në kushtet e vetëkuptueshme që vlen për të gjitha vendet për anëtarësim, që ajo të plotësojë të gjitha kushtet përkatëse. Siç bëhet e qartë edhe në raportin përkatës të Komisionit Evropian, respektimi i të drejtave të minoritetit etnik grek lidhet drejtpërdrejt me perspektivën evropiane të Shqipërisë dhe përbën një pjesë integrale të 5 prioriteteve kyçe për fillimin e negociatave të pranimit me BE, përmbushjen e i cili do të shqyrtohet ekskluzivisht nga Këshilli Evropian”.

“Është e sigurtë që Këshilli i ardhshëm i Evropës nuk do të japë pëlqimin e tij, sidomos pas dështimit të Bundestagut gjerman për të marrë ndonjë vendim për të mbështetur një datë për çeljen e negociatave me këto dy vende, si dhe duke pasur parasysh skepticizmin e disa vendeve anëtare të BE, vendimi ndoshta do të merret në vjeshtë.”- shkruan macropolis.gr

Ende nuk është e sigurt nëse qeveria aktuale greke do të kishte dhënë mbështetjen e saj të plotë ndaj Shqipërisë në Këshillin e ardhshëm të BE. Por edhe pse diplomatët grekë janë pro dhe kundër çeljes së negociatave ata besojnë se një zvarritje e procesit integrues të Shqipërisë nuk është në përfitim të Greqisë, pasi do të dëmtonte “stabilitetin e vendit fqinj dhe interesat kombëtare”.

Kishin ngritur plantacione me drogë në Greqi, në pranga 5 shqiptarë

6 persona, mes të cilëve 5 shtetas shqiptar janë arrestuar në Greqi, pasi akuzohen për kultivim të lëndëve narkotike. Përmes inspektimit të zonës me helikopter autoritete greke kanë zbuluar 12,800 fidanë kanabis në zonën e Dervenohoria.

Fidanët ishin mbjellë në tre parcela të fshehura, ndërsa 6 personat u arrestuan në flagrancë, të cilët po punonin në plantacione.

Policia greke vijon hetimet për identifikimin e personave të tjerë në kultivimin e drogës.

Vidhnin banesat e futbollistëve, shkatërrohet banda e shqiptarëve

Policia greke shkatërron një grup shqiptarësh që akuzohen si autorë të disa vjedhjeve në zonë e Atikës. Në pranga kanë përfunduar një shqiptar 34 vjeç bashkë me një grua 35-vjeçare, ndërsa janë shpallur në kërkim edhe 3 shqiptarë të tjerë, të cilët dyshohen se janë pjesë e grupit.

Shqiptarët akuzohen për më shumë se 33 vjedhje, kryesisht të banesave dhe apartamenteve, ku merrni çdo gjë me vlerë. Sipas policisë edhe shtëpitë e futbollistëve dhe ish-futbollistëve të skuadrës greke “Olimpiakos’ kanë rënë pre e këtyre vjedhjeve.

Gjatë aksionit janë konfiskuar shumë sende me vlerë, euro dhe dy makina nga policia në cilësinë e provave material.