Tag: hahn

Hahn: Vendimi i BE rrezikon destabilizimin e Ballkanit

Zhgënjyes, e ka cilësuar eurokomisioneri për zgjerimin në BE, Johannes Hahn vendimin e liderëve që nuk arritën të dalin me një marrëveshje pro çeljes së negociatave të pranimit për Shqipërinë dhe Maqedoninë e Veriut në samitin e Brukselit. Një vendim që nuk na bën aspak krenar, shkruan Hahn, ndërsa shton se ky vendim rrezikon ketë pasoja negative dhe destabilizim në Ballkan. Përgjegjësia jonë, shkruan Hahn është që të mbështesim fuqimisht këto shtete dhe veçanërisht qytetarët e zhgënyer me të drejtë, ndërsa premton se vetë ai do të punojë fort në mbështetjen e strategjisë së zgjerimit të BE-së.

“Udhëheqësit e BE nuk arritën të zbatojnë angazhimin e tyre për të hapur negociatat me Maqedoninë e Veriut dhe Shqipërinë. Ky është një zhgënjim ekstrem. BE tani duhet të sqarojë se sa serioz është angazhimi i tyre për integrimin e Ballkanit Perëndimor.

Përgjegjësia jonë tani është të mbështesim qytetarët e këtyre shteteve që janë të zhgënjyer deri në kockë me të drejtë dhe të vazhdojmë të bëjmë gjithçka, që unë kam fuqi të bëj për t’i mbështetur ata. Integrimi  në BE i Ballkanit është dhe mbetet një politikë e rëndësishme strategjike, në interesin tonë të ndërsjellë.

Siç u tha tashmë në Luksemburg: Ky nuk është një moment lavdie për BE. Refuzimi i njohjes së progresit të faktuar do të ketë pasoja negative, përfshirë rrezikun e destabilizimit të Ballkanit Perëndimor, që do të sjellë ndikime edhe në BE.

Falënderoj të gjithë ata që natën e kaluar vunë gjithë peshën e tyre për të arritur një vendim me rëndësi të madhe strategjike për BE dhe luftuan për dërgimin e një sinjali të  shpresës tek qytetarët e Ballkanit Perëndimor”, shkruan Hahn.

Krerët e BE po shkojnë drejt shtyrjes së çeljes së negociatave  për Shqipërinë dhe MAqedoninë e Veriut pas vetos së vendosur nga Franca e cila kërkon më parë reformimin e BE dhe më pas ecjen përpara me procesin e zgjerimit./realstory.al

Negociatat, Hahn: BE rrezikon pozitat në Ballkanin Perëndimor

Komisioneri për Zgjerim, Johannes Hahn theksoi se një tjetër shtyrje për hapjen e negociatave për të dy vendet do të dobësonte pozitat dhe besueshmërinë e Bashkimit Europian në Ballkanin Perëndimor . Hahn tha se Shqipëria dhe Maqedonia e Veriut zbatuan disa reforma të dhimbshme dhe pranimi i tyre është i bazuar në meritë. Për Hahn ky nuk është një moment lavdie për BE dhe shprehur keqardhjen e tij që ministrat e jashtëm të vendeve anëtarë nuk arritën në një vendim përfundimtar për hapjen e negociatave.

“Ndjej keqardhje që shtetet anëtare nuk mundën të merrnin një vendim për hapjen e negociatave për anëtarësimin e Shqipërisë dhe Maqedonisë së Veriut. Ky nuk është një moment lavdie për Europën, që për herë të tretë në 16  muaj po diskutojmë për këtë çështje të rëndësishme!

E rëndësishme për të theksuar se shumica e madhe e vendeve anëtare mbështeti rekomandimin e KE! Të sigurt që udhëheqësit e BE do të marrin këtë vendim në mbledhjen e KiE, pasi çdo vonesë e mëtejshme do të dëmtojë rolin tonë në Ballkanin Perëndimor dhe besueshmërinë e ambicies sonë për t’u bërë një fuqi globale më e fortë.

Ne duhet të rivendosim besueshmërinë tonë në Ballkanin Perëndimor dhe të ruajmë angazhimet tona! Maqedonia e Veriut dhe Shqipëria kanë bërë detyrat e tyre të shtëpisë dhe kanë zbatuar reforma të dhimbshme. Pranimi në BE është një proces i bazuar në meritë dhe kjo është arsyeja pse ne duhet të pranojmë përparim konkret.” shkruajti në Twitter Hahn

Në takimin e ministrave të jashtëm të Luksemburg nuk u arrit një marrëveshje për hapjen e negociatave me Shqipërinë dhe Maqedoninë e Veriut. Tashmë, vendimi përfundimtar për negociatat mbetet në dorën e liderëve të 28 vendeve anëtare të BE-së, të cilët do të takohen në datat 17 dhe 18 tetor.

Hahn: Reformat u kryen, jepni “PO” për Shqipërinë e Maqedoninë e Veriut

Për komisionerin Hahn, reformat e kërkuara nga BE janë kryer dhe kjo duhet të çojë në hapjen e negociatave. Ndërsa ditët afrohen për vendimin, komisioneri i Zgjerimit në detyrë Johanes Hahn bën apel për hapjen e negociatave për Shqipërinë dhe Maqedoninë e Veriut. Sipas tij të dy vendet i kanë përmbushur kushtet e tyre dhe thekson se ka ardhur koha që shtete e BE të flasin me një qëndrim pozitiv, ashtu si dhe drejtuesit e lartë të unionit.

 “Shqipëria dhe Maqedonia e Veriut i janë përgjigjur reformave të kërkuara, tani është koha që edhe shtetet anëtare të përgjigjen. Faleminderit drejtuesve të BE -së për qëndrimin e fortë për hapjen e negociatave të pranimit me të dy vendet në Tetor” shkruan Hahn në Tëitter.

Më 18 tetor pritet të merret një vendim përfundimtar në lidhje me hapjen apo jo të negociatave për Shqipërinë dhe Maqedoninë e Veriut, ndërsa përfaqësuesit e lartë të BE kanë dërguar një letër vendeve anëtare, ku kërkojnë dhënien e dritës jeshile për dy vendet.

Soreca me Hahn: Reformat sjellin integrimin

Ambasadori i Bashkimit Europian në Shqipëri Luigi Soreca ka zhvilluar një takim me Komisionerin Johanes Hahn. Sipas një mesazhi në Twitter të ambasadorit të BE, mësohet se qëllimi i takimit ka qenë hapja e negociatave për anëtarësim të Shqipërisë me BE. Soreca shkruan se ka informuar Komisionerin Hahn në funksion të vendimit që Këshilli i Europës do të marrë në muajin tetor për negociatat me vendin tonë.

“Jam i kënaqur që informova Komisionerin Johanes Hahn  mbi zhvillimet më të fundit të situatës politike në Shqipëri. Në funksion të tetorit, për vendimin e Këshillit të Europës për hapjen e negociatave të pranimit, është e rëndësishme që Shqipëria të vazhdojë të përqëndrohet në procesin e Reformave”, shkruan Soreca.

Shqipëria pret hapjen e negociatave për anëtarësim me BE-në në 18 tetor, kohë kur është parashikuar të mblidhet Këshilli i Europës për të marrë një vendim. Më herët, ishte Komisioni i Europës që rekomandoi hapjen e negociatave të Shqipërisë me BE, duke u shprehur se ‘të gjitha kushtet janë plotësuar’. Ndërkohë, procesi i thellimit të reformave, është një nga kushtet kryesore për integrimi, ku reforma në drejtësi dhe zbatimi i saj, shihen nga vendet e unionit si thelbësore  për të afrimin e Shqipërisë me Bashkimin Europian.

Gent Cakaj takon Hahn në Bruksel, optimist për negociatat

Ministri i Jashtëm në detyrë, Gent Cakaj ka njoftuar të premten në twitter se është takuar në Bruksel me komisionerin e zgjerimit Johannes Hahn. Cakaj shkruan se së bashku me komisionarin Hahn diskutuan mbi përgatitjet për hapjen e bisedimeve dhe se Shqipëria ka bërë përparim të dukshëm.

“Kisha një takim të madh me Johannes Hahn në Bruksel sot. Diskutuam mbi përparimin e konsiderueshëm të Shqipërisë në pikat kryesore, situatën e brendshme, si dhe përgatitjet për hapjen e negociatave të pranimit. Shqipëria meriton hapjen e negociatave të pranimit në BE tani,”-shkruan ai.

Mësohet se pas takimin me Hahn, Cakaj do të takojë edhe Federica Mogherinin.

Hahn: Rekomandimin për Shqipërinë e pres para verës

Komisioneri për Zgjerim i Bashkimit Evropian, Johannes Hahn në një intervistë për Radio Evropa e Lirë, ka shprehur besimin e tij se BE do të marrë një vendim pozitiv për Shqipërinë për hapjen e negociatave. I pyetur nëse ky vendim do të vijë në tetor, Hahn tha se ai beson se vendimi do të merret para verës.

 “Jam i fokusuar për të arritur një vendim të BE-së para verës. Sepse ky është qëllimi ynë. Ne do ta paraqesim raportin tonë pas dy javësh dhe me siguri do të japim një rekomandim pozitiv”, u shpreh Hahn.

Ndërkohe, pyetur për kërkesen e Holandës për pezullimin e liberalizimit të vizave për Shqipërinë, Hahn theksoi se nuk ka nisma nga vendet anëtarë për të ndërmarrë këtë hap.

Skip to toolbar