Tag: izrael

Netanyahu përveç Kryeministrisë, drejton edhe 4 ministri

Benjamin Netanjahu përveç postit të kryeministrit të Izraelit, mban edhe postin e ministrit edhe për 4 Ministri përkatësisht atë të Mbrojtjes, Shëndetësisë, Arsimit dhe Drejtësisë.

Pas shkarkimit të ministres së Drejtësisë, Ayelet Shaked, Netanyahu zgjodhi ta drejtojë vetë këtë ministri duke u bërë kështu imun ndaj ligjit. Kryeministri Netanjahu dyshohet të jetë i përfshirë në tre raste të ndryshme për korrupsion.

Netanyahu donte t’i jepte postin njeriut të tij të besuar, ministrit të turizmit Yariv Levin, i cili është një ish-nënkryetar i Shoqatës së Avokatëve të Izraelit. Por Levin ka thënë se nuk dëshiron portofolin gjatë një qeverie kujdestare kur ai nuk mund të bëjë reforma. Në këtë mënyrë Netanyahu e ka mbajtur për vete edhe Ministrinë e Drejtësisë.

Ligji izraelit nuk e ndalon dot një kryeministër që po largohet, që të emërojë ose të shkarkojë ministrat para zgjedhjeve që priten të zhvillohen

Hyka lider në Izrael, shënon gol me “aromë” europe për Netanya-un (video)

Jahmir Hyka po shndërrohet në lider te Maccabi Netanya në Izrael, pasi në shtatë ndeshje me fanellën e ekipit të ri, mesfushori shqiptar ka shënuar 3 gola dhe ka asituar një tjetër.

Kështu ai është duke udhëhequr Netanya drejt sigurimit të vendit të dytë në kampionat dhe promovimit sezonin e ardhshëm në Europa League.

Në ndeshjen e fundit në kampionat, Jahmir Hyka ka shënuar kundër Hapoel Hadera, duke realizuar golin e dytë të takimit.

Një sprint i bukur nga krahët i një prej lojtarëve të Netanya, e gjen Hykën brenda zonës kundërshtare dhe përballë portierit të Hadera, mesfushori kuqezi gjuan dhe realizon golin e dytë dhe të fitores për Netanya.

Më herët, goli i parë u shënua nga një tjetër shqiptar, Fatos Beqirja nga Mali i Zi, që gjithashtu realizoi nga një goditje brenda zonës, duke i dhënë suksesin Maccabi Netanya.

Me fitoren e së shtunës skuadra e Maccabi Netanya shkon në kuotën e 53 pikëve në kampionatin izraelit dhe mban vendin e dytë në renditje, kur kanë mbetur dhe tre ndeshje nga përfundimi i sezonit.

Hyka vendimtar me asist në fitoren e Netanya (video)

Jahmir Hyka po gjen ritmin dhe formën e shkëlqyer ne Izrael, teksa në dy ndeshje radhazi ai ka qenë protagonist me Maccabi Netanya.

Futbollisti i Kombëtares shqiptare, ka dhuruar asistin e golit të dytë në fitoren 0-2 të skuadrës së tij ndaj Hapoel Ber Sheva, në derbin për një vend në kupat e Europës sezonin e ardhshëm.

3 more points! Yalla Netanya 💛

Publiée par Jahmir Hyka sur Lundi 29 avril 2019

Në minutën e 50′ të takimit, mesfushori kuqezi del në sulm. Pasi kalon mbrojtësin e fundit kundërshtar, Hyka preferon të pasojë te shoku i skuadrës, që kishte pozicion më të mirë shënimi.

Barshazky gjuan direkt në shtyllën e dytë me topin që përfundon në rrjetë. Më herët u shënua dhe një tjetër gol nga Netanya, që aktualisht mban vendin e tretë në renditjen e kampionatit izraelit të futbollit.

Jahmir Hyka shënon dopietën e parë në Izrael (video)

Jahmir Hyka po gjen ritmin në kampionatin izraelit të futbollit, që pas transferimit në janar të këtij viti te skuadra e Macabi Netanya.

Mesfushori shqiptar ka gjetur rrugën e rrjetës ditën e djeshme, teksa ka shënuar një dygolësh, që i dha fitoren ekipit të tij.

Goli i parë erdhi që në fillim, kur Hyka realizoi në minutën e 6′, duke i dhënë avantazhin skuadrës së tij. Barshazky shënoi katër minuta më pas, duke dyfishuar avantazhin për vendasit.

Ndërsa Hyka shënon në minutën e 26′, duke trefishuar avantazhin e skuadrës së Netanya. Me këtë rezultat është mbyllur pjesa e parë, ndërsa në pjesën e dytë miqtë ngushtojnë diferencën në 3-2, por pa arritur të kthejnë rezultatin.

Ekipi i Jahmir Hykës ndodhet në vend të katërt në kampionatin izraelit të futbolli, me vetëm dy pikë diferencë nga vendi i tretë që të çon në kupat e europës sezonim e ardhshëm.

1 milionë dollarë për Madonnën në Eurovision

Mbretëresha e muzikës pop do të performojë në festivalin evropian të muzikës, Eurovizion që do të zhvillohet muajin e ardhshëm në Izrael. Mediat ndërkombëtare shkruajnë se Madonna do të performojë vetëm 2 këngë dhe për pjesëmarrjen e saj do të paguhet me 1 milionë dollarë.

Kjo është një shifër marramendëse për të cilën superstari 60-vjeçar ka rënë dakord për të marrë pjesë në aktivitetin e madh muzikor që do të zhvillohet në muajin maj në Tel Aviv.

Performanca në Eurovizion do të jetë shfaqja e katërt për Madonna në Izrael, pasi më parë ajo ka dhënë koncerte në vitin 1993, 2009 dhe 2012.

Valon Ahmedi kthehet me asist dhe vendos rekord në Izrael (video)

Valon Ahmedi ka realizuar asistin e radhës për ekipin e Kiryat Shmona në Izrael, në ndeshjen kundër Hapoel Tel Aviblv në fushën e kësaj të fundit.

Ndeshja e luajtur një ditë më parë përfundoi në barazim 2-2, teksa sulmuesi anësor i kombëtares shqiptare do të jepte asistin e golit të barazimit për ekipin e tij, Kiryat Shmona.

Një goditje nga këndi e fituar nga skuadra mike, i besohet Ahmedit për ta ekzekutuar. Sulmuesi shqiptar gjuan duke e dërguar topin në zonë, aty ku shoku i tij i skuadrës, Garcia, realizon me kokë.

Me asistin e ndeshjes së fundit, Valon Ahmedi shkon në kuotën e 10 shërbimeve për gol në kampionatin izraelit. Ai është aktualisht lojtari më i mirë i kampionatit në Izrael për asistet e dhënë, teksa ka shënuar dhe një gol.

Ahmedi mund të kishte statistika të tjera, nëse në fillim të këtij viti nuk do të ishte dëmtuar, çka e detyroi futbollistin të qëndronte tre muaj jashtë fushe.

Skip to toolbar