Tag: Julian Assange

Assange mund të vdesë në burg, mjekët letër autoriteteve britanike

60 mjekë, në një letër të hapur ndaj Sekretarit të Brendshëm të Mbretërisë së Bashkuar, kanë kërkuar trajtim urgjent mjekësor për themeluesin e “WikiLeaks”, Julian Assange, i cili ndodhet në burgun e sigurisë së lartë për spiunazh dhe publikim të dokumenteve sekrete shtetërore.

“Assange kërkon vlerësim urgjent të ekspertëve mjekësorë, si për gjendjen e tij fizike ashtu edhe atë psikologjike. Sikur të mos bëhej një vlerësim dhe trajtim i tillë urgjent, ne kemi shqetësime të vërteta, mbi provat që janë aktualisht të disponueshme, që Assange mund të vdesë në burg. Situata mjekësore është urgjente. Nuk ka kohë për të humbur”-shkruajnë mjekët në letrën dërguar autoriteteve britanike.

Assange pritet të dalë në gjyq në Britaninë e Madhe, ndërsa vijon betejën kundër ekstradimit në Amerikë.

Assange shënon fitoren e parë ligjore

Julian Assange ka shënuar fitoren e tij të parë ligjore që pas arrestimit nga policia britanike. Një gjykata në Suedi ka refuzuar një kërkesë për të arrestuar themeluesin e WikiLeaks, Julian Assange mbi një hetim për sulm seksual në 2010. Vendimi i Gjykatës së Rrethit Uppsala nuk ka pranuar të lëshojë një urdhër arresti ndërkombëtar për Assange dhe të kërkonin ekstradimin e tij nga Mbretëria e Bashkuar në Suedi. Gjykata tha se prokurorët mund të vazhdonin hetimet e tyre në lidhje me ngjarjen, por tha se paraburgimi nuk do të ishte proporcional.

Assange i mohon këto akuza dhe kaloi 7 vjet në ambasadën e Ekuadorit në Londër, për t’ju shmangur një ekstradimi të tillë. Shtetet e Bashkuara po ashtu kërkojnë ekstradimin e Assanges, nën akuzat e publikimit të informacioneve të klasifikuara.

“Torturohet psikologjikisht prej vitesh”, OKB mbron Assange

Themeluesit të Wikileaks, Julian Assange i është ushtruar torturë psikologjike për vite me radhë. Të paktën kështu është shprehur Raportuesi i posaçëm i Kombeve të Bashkuara për torturë, Nils Melzer, pas vizitës që Assange iu bë në qelinë ku ndodhet.

Julian Assange ka vuajtur “ekspozim të zgjatur ndaj torturës psikologjike” tha Melzer dhe i kërkoi Britanisë të mos e ekstradojë atë, duke paralajmëruar se të drejtat e tij njerëzore do të shkelen dhe se ai nuk është i aftë për t’u gjykuar.

Assange, 47 vjeç, po lufton kundër ekstradimit në SHBA lidhur me akuzat që lidhen me publikimin e informacione të klasifikuara. Ai kërkoi azil politik në ambasadën e Ekuadorit në Londër në vitin 2012, ku qëndroi deri në arrestimin e tij më 11 prill të 2019.

“Assange ka qenë subjekt i persekutimit të vazhdueshëm kolektiv duke përfshirë kërcënime ndaj deklaratave dhe nxitjen e dhunës kundër tij. Unë kam punuar në shumë fusha të torturës në jetën time, në situata të dhunës dhe kam biseduar me viktimat e persekutimit në mbarë botën dhe kam parë mizori shumë serioze. Por ajo që kurrë nuk kam parë është se një person i vetëm është izoluar qëllimisht dhe persekutuar nga disa shtete demokratike në një përpjekje të bashkërenduar që përfundimisht ta thyejnë vullnetin e tij” tha Melzer për BBC.

Melzer shtoi se ai beson se Assange “ka një frikë shumë të arsyeshme, që nëse ekstradohet në Shtetet e Bashkuara ai nuk ka asnjë shans për të marrë një gjykim të drejtë me nivelin e paragjykimeve publike dhe zyrtare që ekzistojnë atje për të”.

Aktualisht Assange ndodhet në një burg në Britani.

11 muaj burg për Julian Assange

Pasi u arrestua pak javë më parë në ambasadën e Ekuadorit në Londër, Julian Assange themeluesi i Wikileaks ka dalë sot para gjykatës dhe është dënuar me 11 muaj burg.

Avokati i Assange tha në gjyq se klienti i tij ishte i detyruar të fshihej në ambasadën e Ekuadorit për shkak se kishte frikë nga “rrëmbimi dhe tortura” nga SHBA kur ai u akuzua për sulme seksuale në Suedi.

Gjatë seancës gjyqësore, Assange iu drejtua gjykatës më një letër përmes të cilës kërkonte falje, por gjykatësja vendosi që ai të dënohej me 50 javë burg për shkelje të vendimit për lirimin me kusht.

Julian Assange është themelues i Wikileaks dhe është përgjegjës për publikimin e materialeve sekrete të SHBA-së. Nga frika e një dënimi ekstrem ai kërkoi azil në ambasadën e Ekuadorit në Londër, por pas 7 vitesh qëndrimi atje ai u arrestua vetëm disa javë më parë.

Lajm i fundit: Themeluesi i Wikileaks arrestohet nga Policia Londrës

Themeluesi i “Wikileaks” Julian Assange është arrestuar nga Policia e Londër, 7 vite pas qëndrimin në godinën e Ambasadës së Ekudaroit në Londër. Prej 7 vitesh, Assange ishte në pritje të miratimit të kërkesës për azil nga autoritetet ekuadoriane, por nuk arriti dot ta përfitonte atë.


Pak ditë më parë mediat britanike njoftuan se dy qeveritë, ajo Britanike dhe Ekuadoriane kanë arritur një marrëveshje për arrestimin e Assange.

Këtë enjte, policia metropolitane e Londrës ka konfirmuar arrestimin e Assange dhe se ai do të paraqitet përpara gjykatës “sa më shpejt të jetë e mundur”.

Assange përdori ambasadën e Ekuadorit për spiunazh

“Julian Assange përdori ambasadën e Ekuadorit në Londër si qendër spiunazhi”. Kështu ka deklaruar kreu i shtetit të Ekuadorit.

Lenini Moreno tha gjithashtu se asnjë komb tjetër nuk ka ndikuar në vendimin për ti revokuar azilin themeluesit të WikiLeaks, i cili u tërhoq të premten me forcë nga Ambasada dhe u arrestua nga policia britanike.

Në një intervistë për The Guardian, presidenti Moreno tha se qeveria e kaluar e Ekuadorit i siguroi Assange lehtësira brenda ambasadës për të marrë informacione si dhe për të ndërhyrë me materiale të fshehta në vendet e tjera.

“Çdo përpjekje për të destabilizuar është një veprim i dënueshëm për Ekuadorin, sepse ne jemi një komb sovran për politikën e secilit vend. Nuk mund të lejojmë shtëpinë tonë, shtëpinë që i hapi dyert, të kthehet në qendër spiunazhi”, citohet të ketë thënë presidenti.

Moreno i cili erdhi në pushtet në vitin 2017, dha vendimin për ti dhënë fund qëndrimit 7 vjeçar të Assange në ambasadë. Por kush e kërkon aq shumë Assange? Sipas BBC, sigurisht që qëndron  Amerika edhe pse presidenti Trump thotë se nuk ka gisht në dënimin e tij. Nga ana tjetër prokuroria suedeze ka ndër mend të rikthejë hetimin për çështjet e përdhunimit ku akuzohet themeluesi i ËikiLeaks edhe pse çështja u mbyll para dy vitesh.

Frika e Assange është ekstradimi i tij në Amerikë, pasi dyshohet se ai u fut në kompjuterin e Pentagonit dhe nga aty vodhi informacione sekrete shtetërore.

Arrestohet në Londër themeluesi i Wikileaks, Julian Assange

Bashkëthemeluesi i Wikileaks Julian Assange është arrestuar në ambasadën e Ekuadorit në Londër.

BBC shkruan se Assange mori statusin e refugjatit 7 vjet më parë për të shmangur ekstradimin drejt Suedisë pas akuzave për ngacmim seksual, akuza të cilat janë rrëzuar prej kohësh.

Policia metropolitane ka bërë të ditur se Assange është shoqëruar në një stacion qendror të policisë në Londër ku do të qëndrojë deri sa të paraqitet para Gjykatës së Magjistraturës së Ëestminsterit, sa më shpejt të jetë e mundur.

Skip to toolbar