4 kandidatët për postin e Kryeprokurorit, KLP nis intervistat në shtator

Këshilli i Lartë i Prokurorisë do të nisë në ditët e para të muajit shtator intervistat me kandidatët për postin e prokurorit të përgjithshëm të Shqipërisë.

Aktualisht ky post është mbajtur nga prokurorja e përgjithshme e përkohshme, Arta Marku, por me përfundimin e procesit të vettingut në shtator do të zgjidhet prokurori i përgjithshëm me mandat të plotë.

Në garë për këtë post të rëndësishëm në sistemin e drejtësisë janë 4 kandidatë: Arta Marku, Olsian Çela, Lulzim Alushaj dhe Fatjona Memçaj, që të katërt kanë kaluar me suksesh procesin e vettingut.

Katër kandidatët për karrigen e kreut të Prokurorisë së Përgjithshme pritet të dalin në një intervistë pikëzimi dhe përzgjedhje nga Këshilli i Lartë i Prokurorisë dhe sipas burimeve pritet që kjo të ndodhë maksimumi deri në javën e parë të shtatorit.

Arta Marku rikandidon për Prokurore e Përgjithshme. Ajo ka kaluar edhe procesin e vettingut. Olsian Çela është një tjetër kandidat që konkurron përkrah Alushajt dhe Markut.

Me një eksperiencë të gjatë pune dhe përvoje në prokurori, Olsian Çela mbahet mend si prokurori që çoi në qeli dy kolumbianë dhe ish-nipin e diktatorit Enver Hoxha, në atë që njihet si dosja “Xibraka”. Çështja përfshiu edhe shumë emra të tjerë si të përfshirë në përpunimin dhe trafikimin e heroinës në territorin shqiptar. Çela u vlerësua me notën maksimale nga komisioni i vetting-ut në dy shkallët e tij.

Fatjona Memçaj përfundoi shkollën e Magjistraturës në vitin 2002. Gjithashtu ka mbaruar studimet për doktoraturë në universitetin Middlesex Londër. Njihet si prokurorja që dënoi në Apel Kastriot Ismailin. Gjithashtu, ajo njihet dhe si një nga prokuroret e përkrahura nga ish-kryeprokurori Adriatik Llalla. Lektorja i kaloi dy shkallët e vetting-ut me sukses, pa u kapur në shkelje pas hetimit të 5 çështjeve dhe pasurisë së vënë ndër vite.

Emri i avokatit Lulzim Alushaj është një prej atyre që lakohet fort në qarqe të Drejtësisë. Alushaj 14 vite më parë arriti të marrë titullin profesional “Avokat” nga Dhoma Kombëtare e Avokatisë në Itali, ndërsa mban edhe gradën doktor i shkencave juridike, kualifikim të cilin e përfundoi me rezultate të shkëlqyera në Napoli të Italisë.

Alushaj përfundoi në 2005 masterin për jurist ndërkombëtar në Universitetin e Bolonjës në Itali, ndërsa gjatë periudhës 2000-2004 është diplomuar në Jurisprudencë në Universitetin e Bolonjës.

Siç shihet që të 4 kandidatët për postin e kryeprokurorit janë të mirëkualifikuar, por pritet vlerësimi nga KLP, i cili në javën në parë të shtatorit do të bëjë pikëzimin e tyre dhe më pas kandidatët do të kalojnë për miratim në Kuvend.

**4 kandidatet per postin e Kryeprokurori**t

Gjykata e Lartë, KLGJ përcakton kriteret: Kandidatët, jo me poste politike

Pas letrës së dërguar nga presidenti Meta, Këshilli i Lartë Gjyqësor është mbledhur të premten për të përcaktuar kriteret e përzgjedhjes së kandidatëve jo gjyqtarë për vendet vakante në Gjykatën e Lartë.

Anëtarët jo gjyqtarë përbejnë 1/5 e totalit të numrit të anëtarëve në këtë gjykatë. Kriteri kryesor është që kandidatët të mos ketë mbajtur poste politike në 10 vitet e fundit. Kandidatët duhet të jenë juristë me së paku 15 vjet eksperiencë.

“Do të përcaktojmë rregullat për anëtaret jo gjyqtarë të cilët do t’ia propozojmë Presidentit për gjyqtarë të Lartë. Nga kjo 1/5 nga juristët me përvojë me 15 vite eksperiencë që nuk kanë pasur funksione politike 10 vitet e fundit”, tha kryetarja e KLGJ, Naureda Llagami.

“Ky projekt akt për mënyrën e renditjes së kandidatëve jo gjyqtarë për gjykatën e lartë është nga më të rëndësishmit dhe ka impaktin e zbatimit të kësaj reforme. Jemi koshient se si janë emëruar më parë në këto gjykata”, tha anëtari Dritan Hallunaj.

Ndërsa Medi Bici, anëtar i KLGJ-së, ish-gjyqtar i gjykatës së Lartë tha se “kemi futur risi pikëzimim sipas rezultateve të vlerësimit për çdo garues. Ligji aktual për gjykatën e lartë nuk përcakton kush i ndan kolegjet sikur më parë e ka pasur detyrë kryetari gjykatës. Kjo mund të krijojë vështirësi në të ardhmen kush do i ndaj kolegjet”, tha ai.

Gjykata e Lartë do të ketë 19 anëtarë, ndërsa anëtarët jo-gjyqtarë do të përbëjnë vetëm 1/5 të trupës. Aktualisht, Gjykata e Lartë ka mbetur me vetëm dy anëtarë Xhezair Zaganjorin që ende nuk ka vendosur Kolegji i Posaçëm i Apelimit dhe Ardian Dvoranin, që kaloi vettingun.

Pas miratimit të kritereve KLGJ kap garën për kandidatët jo gjyqtarë që mund të jenë juristë, pedagogë, prokurorë, ish prokurorë. Më pas bëhet vlerësimi i tyre, ose pikëzimi dhe lista i dërgohet presidentit për dekretim. Nga kjo listë dalin 4 anëtarë për Gjykatën e Lartë.

Vetëm dy ditë më herët Presidenti Meta i dërgoi një letër Kryetares së Këshillit të Lartë Gjyqësor, Naureda Llagami, (për dijeni edhe ambasadorit të BE-së Soreca, ambsadorëve të vendeve evropiane dhe të ngarkuarës me punë në ambasadën e SHBA, Leyla Moses-Ones), të cilës i kërkon llogari për tejkalimin e afateve dhe për mos dërgimin në presidencë të propozimeve për anëtarë të Gjykatës së Lartë. Në bazë të Kushtetutës anëtarët e Gjykatës së Lartë emërohen nga presidenti me propozim të KLGJ. Por deri tani KLGJ ende nuk i ka çuar listën me kandidatë presidentit dhe ky i fundit thotë se edhe pas kërkesës së tij për informacion të hollësishëm për etapat në të cilat ndodhet procesi, KLGJ nuk i ka dërguar një informacion shterues.

Ai vëren se KLGJ është në shkelje të ligjit dhe kërkon informacion për shkaqet që e kanë çuar këtë institucion të shkelë ligjin.

Sipas Metës bashkëpunimi mes KLGJ dhe Presidentit është detyrim kushtetues. Në përfundim ai kërkon që KLGJ të përfundojë sa më parë përzgjedhjen e kandidatëve dhe vendosjen e listës në dispozicion të tij.

META NË ALARM. KËRKON TË VENDOSË GJYKATËS TË LARTË, PARA SHKARKIMIT

Dako dhe Sejdini largohen pa qejfmbetje

Në konferencën e sotme për shtyp Rama ka folur edhe për listën e kandidatëve të PS-së në zgjedhjet e 30 qershorit duke theksuar se PS ka zgjedhur një ekip fituesish. Ai gjithashtu ka komentuar edhe moskandidimin e dy kryetarëve më jetëgjatë të bashkive në vend, siç është Vangjush Dako në Durrës dhe Qazim Sejdini në Elbasan. Kreu i qeverisë tha se ka qenë kërkesë e tyre për t’u larguar nga gara.

“Jeni të lirë ta besoni ose jo, është kërkesë e tyre, prej kohësh, tre mandate, 12 vjet në krye të dy qyteteve të rëndësishme, janë shumë. Janë jashtëzakonisht shumë. Janë konsum i madh, dhe nevoja për të sjellë energji të reja dhe për të shtyrë më tutje punën e nisur, është evidente”, tha Rama.

Kryeministri tha se ambicia e tij është që të fitohen të gjitha bashkitë në të 61 qarqet, pë rsa kohë në garë hyhet për fitore.

“Unë bëj debat me njerëzit e lidershipit të partisë sa herë që them, jo i duam të 61 bashkitë. janë 61 gara pavarësisht se nuk ka garë në të 61-a, në garë shkon për të fituar. Kush është më i mirë se ne, në këtë fushë? Më të mirët nuk jemi, por kush është më i mirë se ne? Kujt t’ja besosh Shkodrën, atyre që e patën aty dhe që e qeverisin prej çerekshekulli, dhe bëni vetëm krahasimin. Gjatë qeverisjes së çerekshekulli, nuk është se Shkodra nuk ka pasur mbështetje, bëni krahasimin mes Shkodrës dhe Vlorës. I synojmë të gjitha bashkitë. Në këtë pikë e kam bindje që më e mira është për çdo komunitet që të votojë kandidatët tanë. Më e mira është për çdo demokrat në Shkodër që nuk punon në bashki dhe që nuk ka interes personal, se atyre nuk kam çfarë t’i them, se ata do ikin që aty, por të votojnë kandidatin tonë”, tha shefi i mazhorancës.

59 kandidatët e PS-së për bashkitë. Largohet Dako, një grua për Durrësin

Mësohet se nga 61 bashki, Partia Socialiste ka vendosur zyrtarisht për 59 emrat e kandidatëve që do të garojnë në zgjedhjet e 30 qershorit, ndërsa deri në mbrëmje do të vendosë edhe për dy bashkitë që mbeten ende pezull, që janë Peqini dhe Hasi.

Po kështu mësohet se Rama pas 12 vitesh ka vendosur të mos rikandidojë më kryebashkiakun e Durrësit, Vangjush Dakon, por në vend të tij në Durrës do të kandidojë një grua, Valbona Sako. Ajo mban postin e Drejtoreshës së Tatimeve. Emrat u vulosën në mbledhjen e sotme të Kryesisë së socialistëve pas takimit me drejtuesit politikë të çdo qarku.

LISTA E PLOTE E KANDIDATEVE PER CDO QARK

Qarku ELBASAN

1. Elbasan Gledian Llatja

2. Belsh Arif Tafani

3. Cërrik Andi Salla

4. Gramsh Klodian Taçe

5. Librazhd Kastriot Gurra

6. Peqin Saimir Hasalla?

7. Përrenjas Nuri Belba

Qarku FIER

1. Fier Armando Subashi

2. Lushnjë Fatos Tushe?

3. Divjakë Fredi Kokoneshi

4. Patos Rajmonda Balilaj

5. Mallakastër Qerim Ismaili

6. Roskovec Majlinda Bufi

Qarku GJIROKASTËR

1. Gjirokastër Flamur Golemi

2. Tepelenë Tërmet Peçi

3. Këlcyrë Klemend Ndoni

4. Libohovë Luiza Mandi

5. Memaliaj E papërcaktuar

6. Përmet Alma Hoxha

7. Dropull Dhimitër Tola

Qarku SHKODËR

1. Shkodër Valdrin Pjetri

2. Fushë-Arrëz Fran Tuçi

3. Malësi e Madhe Tonin Marinaj

4. Pukë Gjon Gjoni

5. Vau i Dejës Mark Babani

Qarku DURRËS

1. Durrës Valbona Sako

2. Krujë Artur Bushi

3. Shijak Elton Arbana

Qarku LEZHË

1. Lezhë Pjerin Ndreu

2. Kurbin Majlinda Cara

3. Mirditë Ndrec Deda

Qarku BERAT

1. Berat Ervin Demo

2. Kuçovë Sybi Shehu

3. Poliçan Adriatik Zotkaj

4. Skrapar Adriatik Mema

5. Ura Vajgurore Juliana Memaj

Qarku TIRANË

1. Tiranë Erjon Veliaj

2. Vorë Agim Kajmaku

3. Kamëz Rakip Suli

4. Kavajë Redi Kraja

5. Rrogozhinë Haxhi Molla

Qarku KORCË

1. Korçë Sotiraq Filo

2. Devoll E papërcaktuar

3. Kolonjë Erjon Isai

4. Maliq Gëzim Topçiu

5. Pogradec Ilir Xhakolli

6. Pustec Pali Kolevski

Qarku KUKËS

1. Has Adem Lala ose Liman Morina?

2. Kukës Safet Gjici

3. Tropojë Rexhë Biberaj

Qarku DIBËR

1. Bulqizë Lefter Alla

2. Dibër Dionis Imeraj

3. Klos llmi Hoxha

4. Mat Agron Malaj

Qarku VLORË

1. Vlorë Dritan Leli

2. Konispol Shuaip Beqiri

3. Sarandë Ardian Gurma

4. Selenicë Simbol Preza

5. Delvinë Majlinda Qilimi

6. Himarë Jorgo Goro

7. Finiq Kristo Kiço

“I keqardhur që Basha nuk është, të shtunën listat e zgjedhjeve”

Pas përfundimit të mbledhje së kryesisë së Partisë Socialiste, Rama tha se ditën e shtunë do të vendosen emrat e kryetarëve që do të garojnë për 61 bashkitë e vendit.

“Kemi bërë një diskutim paraprak për t’i paraprirë vendimmarrjes së ditës së shtunë ku do të konsolidojmë të gjithë listën e kandidatëve për kryetarë të bashkive si dhe për këshillat bashkiakë. Për kryetarët e bashkive do vendosim emër për emër ditën e shtunë, për këshillat bashkiakë do konsolidojmë të gjitha kriteret dhe pastaj do të mandatojmë të deleguarit sipas qarqeve që t’i depozitojnë sipas afatit listën e kandidatëve për këshillat e bashkive për zgjedhjet e 30 qershorit. Në 30 qershor ne do të kërkojmë votën e qytetarëve në të 61 bashkitë e vendit për të marrë një mandat për 4 vitet e ardhshme në drejtimin e 61 bashkive.”- tha Rama

Rama tha se ndihet i keqardhur që PD dhe LSI nuk do të marrin pjesë në zgjedhje për të përfaqësuar qytetarët që u besojnë dhe se i kanë hyrë një rrugë pa krye.

“A jam i mërzitur që s’do ta kem përballë? Duhen gjëra shumë më të mëdha që unë të mërzitem. Unë jam sigurisht i keqardhur, patjetër që opozita e Partisë Demokratike dhe e simotrës së saj LSI ka vendosur të shkojë në një rrugë pa krye. Unë uroj që të jetë një rrugë me kthim për ta, por nuk kam ndërmend të bëj asnjë përpjekje që ata të kthehen nga ajo rrugë. Sepse në fund të ditës, ajo që është më e rëndësishmja është që sistemi të garantojë pjesëmarrjen e gjithsecilit. Por në një sistem demokratik, askush nuk është i detyruar të marri pjesë me zor në një proces zgjedhor. Dhe në momentin kur nuk ndjen detyrim ndaj atyre që përfaqëson ka marrë fund. S’ka asgjë që e detyron palën tjetër në këtë rast shumicën qeverisëse që të tërheqë mezon në procesin zgjedhor ata që nuk duan të marrin pjesë në zgjedhje. Është një situatë e pazakontë, por ka të gjithë potencialin e vet për të krijuar një situatë të re politike.”- tha Rama

Betohen 3 deputetë të rinj. Ja sa shkon numri i tyre

Përveç Indrit Hoxhës që refuzoi të marrë mandatin e deputetit, 3 opozitarët e tjerë të listës u betuan në seancën e sotme parlamentare. Ata që pranuan mandatin e deputetit, pavarësisht vendimit të PD-së dhe LSI-së, janë Klajdi Qama nga LSI, Kujtim Gjuzi dhe Koço Tahiri nga PD-ja.

Deri tani, numri i deputetëve shkon në 115 në Kuvend, 79 nga shumica dhe 36 nga opozita (14 LSI+22 PD) ndërkohë që duhen edhe 25 deputetë për të plotësuar numrin 140.

Mbyllet gara, 4 kandidatë për Prokurorin e Përgjithshëm

Ka përfunduar afati i aplikimeve për postin e Prokurorit të Përgjithshëm të vendit. Janë 4 kandidatë zyrtarë që do të garojnë për këtë post. Konkretisht Fatjona Memçaj, Lulzim Allushaj, Olsian Cela dhe Arta Marku janë kandidatët zyrtarë, aplikimet e të cilëve kanë mbërritur në Këshillin e Lartë të Prokurorisë për postin e Prokurorit të Përgjithshëm.

Do të jetë pikërisht ky institucion që do të bëjë vlerësimin e emrave dhe më pas 3 nga më të vlerësuarit do t’i kalojnë Parlamentit për shqyrtim dhe miratim.

Rregullorja parashikon 4 kritere kryesore për vlerësimin e kandidatëve për Prokurorit të Përgjithshëm: Kriteri profesional, kriteri moral dhe të integritetit, vlerësimi organizativ dhe drejtues dhe elemente shtesë për vlerësim (përvojë në jetën akademike, tituj shkencorë) dhe përgjegjësia për të zgjedhur Prokurorin e ri i i takon parlamentit. Sigurisht që prokurori i ri i Përgjithshëm duhet të ketë kaluar me sukses edhe procesin e vettingut.