Suarez kthehet me dopietë, Barça shikon kreun

Barcelona ka mundur 5-2 Valencian në ndeshjen e javës së katërt të La Ligas. Katalanasit e kanë nisur me gol nga “tuneli” në Kamp Nou. Ishte Fati që realizoi një gol të bukur në minutën e 2-të takimit nga brenda zonës pas një asisti të bukur nga De Jong. 5 minuta më vonë, Fati i kthen reston mesfushorit holandez, kur i pason një top nga e majta që shndërrohet në gol nga De Jong në minutën e 7.

Ndërkohë, në të 27 Valencia ngushton shifrat në 2-1, pas një goli të shënuar nga Grameiro, i cili përfitoi ga një gabim në mbrojtjen e Barcelonës. Në të 51`, Pique gjeti rrjetën pasi përfitoi nga një kontroll i gabuar i topit nga portieri mik. I kthyer nga dëmtimi, Suarez la gjurmën e tij në ndshjen e së shtunës pasi realizoi golin e katërt për Barcelonën në minutën e 61 të sfidës, ndërsa pesëfishoi në të 82`, duke i dhënë fitoren ekipit të tij.

Megjithatë, Valencia ngushtoi shifrat në minutën e 90+2` me Gomez, me rezultatin përfundimtar 5-2. Pas fitores Barcelona ngjitet në vendin e 4 të renditjes me 7 pikë, 1 më pak se Real Madrid dhe Athletico Bilbao që ndajnë vendin e 2-të. Ndërkohë, Atletico Madrid është mundur në fushën e Real Societad me rezultatin 2-0, duke shpërdoruar një mundësi të mirë për të ruajtur distancën me ndjekësit në renditje. Pas humbjes të së shtunës, Atletico Madrid mbetet në vendin e parë me 9-të pikë, që më shumë se rivalët e Realit.

Messi tremb Barcelonën para nisjes së La Ligas, mungon në stërvitje

Gjatë kësaj fundjave do të nisin pothuajse të gjitha kampionatet kryesore në Europë, mes tyre dhe La Liga. Kampionët e spanjës, Barcelona, duket se kanë marrë një lajm të keq para nisjes së sezonit. Gjatë stërvitjes së fundit, para ndeshjes kundër Atletiko Bilbaos, ylli argjentinas i Barçës, Lionel Messi nuk ka qenë në stërvitje. Mungesa e tij në stërvitje, e bën të sigurt edhe mungesën në ndeshjen e parë që do të luhet të premten në ndeshjen hapëse të sezonit për Barcelonën.

Trajneri Ernesto Valverde është pyetur për mungesën e Messit në stërvitje, duke u shprehur se “nuk mund ta rrezikojmë”. “Ne nuk mund të marrim rreziqe me lojtarët dhe sigurisht jo me të. Ai nuk është stërvitur me ekipin pasi ka pasur disa shqetësime. Ne do të presim pak për të parë se si shkon shërimi i tij. Po shkon mirë, unë e kuptoj, por duhet të presim dhe të shohim”, ka thënë Valverde. Argjentinasi pësoi një dëmtim në 5 gusht, në të njëjtën ditë kur ai u bashkua me ekipin pas pushimeve.

Ndërkohë, duke ndierë rrezikun se nuk do ta ketë dhe për shumë kohë në skuadër dhe me të njëjtin rendiment për shkak të moshës, Barcelona po kërkon pasuesin e Messit, duke tentuar rikthimin e brazilianit Neymar në Kamp Nou. Deri më tani negociatat mes PSG dhe Barçës kanë dështuar.

Drejtonte organizatën kriminale, arrestohet ish-lojtari i Real Madird

Akuzat për “trukim ndeshjes” në La Liga dhe La Liga 2, ka bërë që të vihen në prangat e policisë spanjolle anëtarët e një grupi të strukturuar kriminal. Lajmin e kanë dhënë mediat spanjolle të parat dhe më pas ato ndërkombëtare, ndërsa ngjarjet vijojnë të jenë në zhvillim.

Sipas asaj që raporton BBC, policia spanjolle kë bërë një numër të konsiderueshëm arrestimesh, pas një hetimi të kryer për trukim ndeshjesh. “Veprimet e policisë vijnë pas ankesave për trupimin e mundshëm të ndeshjeve gjatë majit të vitit 2018”, është shprehur një zëdhënës i La Liga, citon BBC.

“Gjatë vitit 2018/19 La Liga ka raportuar tetë ankesa pranë komisionarit të përgjithshëm të policisë gjyqësore për aktet e dyshuara që lidhen me caktimin e ndeshjeve”, thuhet në një deklaratë të La Liga.

Sakq, sipas “El Periodico”, ndër personat e arrestuar janë dhe disa lojtarë të njohur. “Sipas burimeve të policisë janë arrestuar disa futbollistë në këtë operacion, duke përfshirë ish-lojtarin e Real Madridit, Raul Bravo, që mendohet se udhëhiqte organizatën”.

“Borjan Fernadez nga Real Valladolid, Carlos Aranda ish-lojtar i disa ekipeve në La Liga, Samuel Saiz Alonso lojtar i Getafe dhe Ingio Lopez Montana i Deportivo de La Coruna. Agustin Lasaosa president i Sociedad Deportivo Guesca dhe Juan Carlos Galindo Lanuza, mjeku i ekipit, gjithashtu është vënë në prangat e policisë”, shkruan media spanjolle.

Alvaro Morata: Nuk dua të largohem nga Atletico Madrid!

Alvaro Morata dëshiron largimin përfundimtar nga Chelsea dhe të vijojë të qëndrojë te Altetico Madrid. Sulmuesi erdhi në huazim nga Chelsea te Atletico në janar të këtij viti, me një afat qëndrimi deri në fund të sezonit të ardhshëm.

Megjithatë, duket se spanjolli ka gjetur një ambient të mirë në ekipin e Diego Simeones, duke luajtur në 17 ndeshje ku ka shënuar dhe gjashtë gola. Në një intervistë për mediat spanjolle, futbollisti është shprehur se dëshiron të vijojë karrierën me Atletico Madrid, edhe pas përfundimit të periudhës së huazimit.

“Është e qartë se ajo që dua është të qëndroj këtu”, tha Morata. “Unë do të bëj gjithçka që mundem për të vazhduar të luaj këtu, kam bërë gjithçka që mund të vij këtu dhe do të bëj gjithçka që mundem për të qëndruar. Nuk po mendoj të kthehem diku, vetëm të jem këtu“.

“Jam i lumtur këtu dhe dua të jem këtu për vitet që më kanë mbetur në nivelin më të lartë”, ka thënë Sulmuesi. Morata u bashkua me Chelsean për një shumë prej 70 milionë Eurosh në 2017, dhe shënoi shtatë gola në tetë ndeshjet e tij të para. Megjithatë, forma dhe besimi i tij shpejt u zhdukën, dhe ai shënoi vetëm 17 gola në 64 ndeshjet e tij të ardhshme për Blues.

Ekskluzive: Alban Bushi e injoronte, Edy Reja i dërgon ftesë talentit që aktivizohet me ekipin e La Ligas!

Të dielën kombëtarja shqiptare e futbollit do të nis grumbullimin në Durrës, ku nën drejtimin e trajnerit Edy Reja do të jenë vetëm lojtarët të cilët kanë mbyllur kampionatet me klubet e tyre.

RealStory.al ka mësuar ekskluzivisht se një nga lojtarët e grumbulluar do të jetë dhe talenti, Kleandro Lleshi, që është pjesë e skuadrës së Leganeses në La Liga, por që nē përgjithësi është aktivizuar me ekipin e dytë të Leganeses në ligat inferiore në Spanjë.

Megjithatë, futbollisti i talentuar është stërvitur gjatë gjithë kohës me ekipin e parë, duke u projektuar për sezonin e ardhshëm që të jetë pjesë e skuadrës së parë të Legannes.

Klenadro Lleshi luan në rolin e mesfushorit, por mund të aktivizohet dhe në pozicione të tjera. Pak kohë më parë, gjatë grumbullimit të muajit mars, mungesa e Kelandro Lleshit ngjalli jo pak habi në listën e Kombëtares U-21.

Alban Bushi e justifikoi këtë me faktin se lojtari luante në ligat inferiore, por nuk mori kurrë parasysh faktin se mesfushori stërvitej me ekipin e parë të Leganes. Megjkthatë, Edy Reja ka vendosur të grumbullojë talentin shqiptar, për ta pasur nën urdhëra për gati 3 javë, ku pritet të krijojë dhe një ide më të qartë rreth cilësive të tij teknike dhe fizike.

Griezmann largohet nga Atletico, rivalët e La Ligas gati të paguajnë klauzolën për francezin!

Antoine Griezmann njoftoi pak ditë më parë se në fund të këtij sezoni do të largohet nga Atletico Madrid. Sulmuesi francez ka kaluar pesë sezone në “Wanda Metropolitana”, duke arritur disa suksese me skuadrën e Diego Simeones.

Rrjeti i “Sky Sport” raporton sot se Barcelona është e gatshme të paguajë 108 milionë euro kaluzolën e zgjidhjes së kontratës me Atleticon për ta sjellë futbollistin në “Camp Nou”.

Kjo do të ishte një lëvizje e bujshme, megjithëse, ishte paralajmëruar më herët dëshira që Barcelona të bënte të vetin lojtarin që u shpall Kampion Bote me Francën vitin e kaluar.

Në mesazhin e lamtumirës, Griezman thoshte: “Kanë qenë pesë vite të pabesueshme këtu. Shumë faleminderit për gjithçka. Do t’ju kem gjithmonë në zemër”.

Zidane i zhgënjyer, paralajmërohet “tërmet” te Reali!

Real Madrid u mund nga Rayo Vallecano një ditë më parë duke pësuar humbjen e dhjetë sezonale në La Liga. Një zhgënjim i madh në kampin madrilen, por mbi të gjitha, trishtimi më i madh ishte për trajnerin Zinedine Zidane.

“Los Blancos”, kanë bërë një ndeshje aspak dinjitoze për emrin që ka, teksa kjo ishte humbja e parë e Realit ndaj Rayos në 20 vitet e fundit.

Për trajnerin Zidane, humbja e djeshme ishte e papranueshme për ekipin, teksa për mediat është shprehur se mezi pret përfundimin e sezonit, pasi s’mund të shohë më Realin në këtë gjendje.

“Ne nuk bëmë asgjë nga minuta e parë në të fundit. Ndonjëherë nuk mund të shënosh, por ke shanse, ndërsa ne nuk kemi luajtur fare. Duhet të jemi shumë të zemëruar”.

“Për vete jam shumë i mërzitur, sepse kemi lënë një imazh të keq. Edhe unë jam përgjegjës, jo vetëm lojtarët. Kërkoj falje për atë që bëmë”.

“Do të ishte më mirë që sezoni të përfundojë sa më shpejt të jetë e mundur, por kemi edhe tri ndeshje, duhet t’i luajmë ato. Duhet ta respektojmë lojën e futbollit, ta respektojmë këtë klub, të luajmë më mirë se sonte. Ajo që pamë sonte është e papranueshme”.

Atletiko bën detyrën, tani shpreson te humbja e Barcelonës (video)

Atletiko Madrid ka fituar përballjen në shtëpi kundër Valladolid, duke shpresuar ende në luftën për titullin në Spanjë. Skuadra e Simeones fitoi me rezultatin e ngushtë 1-0, me një autogol të miqve të shënuar nga Fernandez në minutën e 66`.

Edhe pse vendasit kontrolluan gjatë gjithë kohës lojën, ata patën vetëm një rast të pastër për gol, ndërsa miqtë katër të tillë. Gjithësesi ishte fati ai që i dha fitoren ekipit madrilen, duke i mbajtur ende në lojë për çështjen e titullit.

Ndonëse për këtë të fundit do duhet një mrekulli, sërish Atletiko shpreson në një hap falas mbrëmjen e sotme të Barcelonës, e cila pret në shtëpi Levanten. Skaq diferenca mes dy ekipeve, Barcelonës dhe Atletiko Madrid është 6 pikë, kur kanë mbetur dhe tre javë nga përfundimi i kampionatit.

Nëse Barcelona fiton sot ndaj Levantes, ekipi katalanas shpallet kampion, pasi shkon në +9 ndaj Atletikos, dhe nëse humb tre ndeshjet e ardhshme, Barcelona e ka të siguruar titullin për shkak të golavarazhit më të mirë.

Getafe ndal Realin, madrilenët në krizë goli!

Real Madrid vijon të zhgënjejë pasi ka barazuar përsëri në kampionat ndaj Getafes me rezultatin 0-0, në takimin e vlefshëm për javën e 34 në La Liga.

Ndonëse me një ekip sulmues, Zidane nuk ia doli të merrte tre pikë, teksa Benzema, Brahim Diaz dhe Bale e patën të pamundur të gjenin rrjetën.

Ndeshja ka qenë e gjitha në kontrollin e “Los Blancos”, mirëpo barazimi në fund i ka vlejtur shumë Getafes, që po bën një sezon të mirë dhe shpreson të kap një vend në Champions.

Me këtë barazim, vendasit janë rikthyer në vend të katërt, pas fitores së Sevillas më herët, me renditjen që është ngjeshur shumë, por Getafe është superiore ndaj Sevillas për shkak të dy fitoreve në takimet direkte.

Në fund të takmit, vendasit u treguan tepër të rrezikshëm, duke krijuar disa mundësi të mira, por Navas ishte në superformë.

Habit Zidane: Sezonin tjetër objektiv kampionati, jo Championsi!

Real Madrid nuk ka bërë një sezon pozitiv, jo vetëm se u eleminua nga Champions League, por njëkohësisht s’mundi të rivalizonte kurrë në luftën për titull në La Liga.

Rikthimi i Zidane në stolin madrilen, ka ngjallur shpresën e tifozëve, të cilët presin të përsëritet suksesi i viteve të fundit në Spanjë.

Në prag të transfertës ndaj Getafes, që Real do e luajë nesër, Zinedin Zidane, ka folur në konferencë për shtyp, duke treguar ndër të tjera se sezonin e ardhshëm, “Los Blancos”, do ta përqëndrojnë luftën e tyre në kampionat dhe jo Champions.

“Vitin tjetër ne do të përpiqemi ta nisim kampionatin në mënyrën më të mirë të mundshme. La Liga është javë pas jave dhe e rëndësishme duke filluar që nga faza përgatitore, do përpiqemi ta nisim mirë”

“Vitin tjetër La Liga do të jetë objektivi kryesor. Ne kemi 33 kampionate, Barcelona sa ka? Së fundi, ata janë duke bërë mirë dhe ne i përgëzojmë ata, por historia thotë se në Madrid ka shumë më shumë tituj”

“Dominimin e tyre në La Liga duhet ta ndryshojmë ne. Në Champions ke 12-13 ndeshje nëse fiton, ndërsa kampionati është pum pum pum çdo ditë.”