Vdes në aksident vëllai i kreut të PD në Librazhd, tre të plagosur

Një aksident i rëndë me pasojë vdekjen e një personi dodhi pasditen e të premtes në aksin rrugor Prrenjas-Librazhd. Nga përplasja e dy mbjeteve, mbeti i vdekur një 45-vjeçar, emri i të cilit është Ardian Vreto.

Në aksident mbetën të plagosur rëndë dhe tre persona, të cilët janë dërguar në spital për ndihmë mjekësore. Sipas News 24, aksidenti ndodhi në vendin e quajtur Pishkash. Një mjet tip “Benz” dhe një “Audi” janë përplasur në aksident.

Ndërkohë, viktima mësohet se është ish-punonjës policie. Gjithashtu, personi që humbi jetën është vëllai i kryetarit të degës së Partisë Demokratike në qytetin e Librazhdit.

Dy persona të tjerë, që mbetën të plagosur mësohet se janë një çift nga Durrësi. Gjithashtu e plagosur është dhe një grua, identiteti i të cilës ende nuk bëhet i ditur. Policia shkoi në vendin e gjarjes dhe nisi hetimet për zbardhjen e shkaqeve të aksidentit.

Makina përplas motorin, dy të plagosur në Librazhd

Dy persona mbetën të plagosur rëndë të enjten në aksin rrugor Librazhd-Qafë Thanë në fshatin Qukës.

Një mjet tip benz, që drejtohej nga 33-vjeçari me inicialet T.Zh., përplasi një motoçikletë që drejtohej nga shtetasi me inicialet E.S.

Si pasojë e përplasjes, mbeti i plagosur drejtuesi i motorit dhe një këmbësor, shtetasi me inicialet K.H., 34 vjeç, banues në Librazhd.

Këmbësori i plagosur nga ky aksident është dërguar me urgjencë në Spitalin e Traumës në Tiranë, pasi gjendja e tij shëndetësore është e rënduar.

Ndërkohë, policia thotë se është duke punuar për zbardhjen e rrethanave dhe shkakun e aksidentit.

Vrasja në Librazhd, burri qëlloi gruan 15 herë me thikë, sapo u kthyen nga shëtitja

Të tjera detaje janë zbardhur nga ngjarja e rëndë e ndodhur mbrëmjen e së premtes në Librazhd ku burri masakroi me thikë gruan e tij dhe më pas vrau veten.

Ngjarja makabre ka ndodhur në orën 22.45 të darkës. Çifti Daut dhe Lule Gjokola sapo ishin kthyer në shtëpi nga shëtitja.

Daut Gjokola ka goditur rreth 15 herë me thikë bashkëshorten 49-vjeçare, ndërsa mësohet se shkak është bërë xhelozia.

Pas vrasjes së gruas, 53-vjeçari është hedhur nga ballkoni i pallatit ku jetonte dhe ka ndërruar jetë në vend. Në momentin e vrasjes në banesë ka qenë djali 26-vjeçar i viktimave, ndërsa vajza e tyre 24-vjeçare ndodhej në Tiranë.

Kanë qenë komshinjtë që kanë njoftuar policinë dhe ambulancën, teksa djalin e kanë gjetur në gjendje shoku. 49-vjeçarja është dërguar menjëherë në spital, por fatkeqësisht nuk ka mundur t’i mbijetojë plagëve të marra.

Librazhd, merr flakë në ecje kamioni i mallrave

Një kamion mallrash ka marrë flakë në aksin rrugor Librazhd – Prrenjas, duke shkaktuar dëme të mëdha materiale. Kamioni me rimorkio, me targa të huaja, që transportonte letra ambalazhi, ka marrë flakë për shkaqe ende të panjohura.

Shoferi sapo ka parë që rimorkio është përfshirë nga flakët, ka bërë shkëputjen e kokës tërheqëse duke shmangur djegien e të gjithë kamionit. Fatmirësisht nga ngjarja nuk ka asnjë të lënduar, por vetëm dëme materiale. Policia ka nisur hetimet për shkaqet e rënies së zjarrit.

Humbin kontrollin e makinës, plagosen 4 futbollistë e Librazhdit

Për shkak të lagështisë në rrugë dhe reshjeve të dendura në qarkun e Elbasanit është shënuar një aksident, që fatmirësisht nuk ka përfunduar me pasoja tragjike. Një makinë ka dalë nga rruga në aksin Librazhd-Përrenjas, në të cilën udhëtonin 4 futbollistë të Librazhdit.

Makina ka humbur kontrollit për shkak të shpejtësisë dhe lagështisë në rrugë, duke u përplasur me një mjet tjetër. Për pasojë të 4 futbollistët kanë marrë disa plagë dhe ndodhen jashtë rreziku për jetën.

4 sportistët e plagosur janë Ermir Lojku, Klajdi Hoxha, Funel Kushta, Orgest Tocka, të cilët janë transportuar në Spitalin e Librazhdit për të marrë ndihmë mjekësore.

Aksident në Librazhd, tre të plagosur dërgohen me urgjencë në spital

Përplasja e dy mjeteve në aksin rrugor Librazhd-Elbasan, ka shkaktuar të paktën tre presona të plagosur, si dhe bllokim të trafikut për rreth 30 minuta. Aksidenti ka ndodhur të enjten pasdite rreth orës 16:00, kur dy mjete në afërsi të fshatit Mirakë janë përplasur mes tyre.

Nga aksidenti kanë mbetur të plagosur tre persona, të cilët janë dërguar me urgjencë drejt spitalit për të marrë ndihmë mjekësore. Ende nuk dihen rrethanat e aksidentit, por nga sa raportohet, ai ka ndodhur në një prej zonave të cilësuar si “njollë e zezë” e aksidenteve rrugore.

Megjithatë, në vendin e ngjarjes ka shkuar policia e cila ka nisur hetimet për zbardhjen e shkaqeve të aksidentit. Ndërkohë, lidhur me gjendjen shëndetësore dhe identitetin e të plagosurve ende nuk jepen detaje.

Kapet me 35 doza kanabis, arrestohet korçari, procedohet një tjetër

Policia e Korçës ka arrestuar në flagrancë një shtetas, ndërsa ka nisur procedimin penal për një tjetër. Shtetasi me inicialet L.M., 38 vjeç banues në Korçë, i dënuar më parë për veprën penale të vjedhjes, është arrestuar në flagrancë pasi është kapur me lëndë narkotike Cannabis Sativa. Ndërkohë, policia ka nisur procedimin penal në gjendje të lirë ndaj shtetasit F.A., 35 vjeç, banues në fshatin Hotolisht të Librazhit, i dënuar më parë për veprën “Mbajtja pa leje dhe prodhimi i armëve dhe i municionit”.

Shërbimet e Policisë, nga informacione të siguruara në rrugë policore, ku dyshohej se shtetasit e mësipërm, bashkëpunonin me njëri-tjetrin dhe ushtronin aktivitetin në fushën e prodhimit dhe shitjes së narkotikëve, kanë organizuar punën dhe kanë bërë lokalizimin e tyre në lagjet nr.8 dhe nr.17 të qytetit të Korçës.

Gjatë kontrollit fizik të ushtruar ndaj shtetasit L.M, iu gjetën e sekuestruan në cilësinë e provës materiale 35 doza me lëndë të dyshuar narkotike Cannabis Sativa si dhe 17.500 lekë, ndërsa gjatë kontrollit të ushtruar në mjetin tip “Citroen” të cilin shtetasi F.A., drejtonte si edhe në banesën e tij, iu gjetën e sekuestruan disa doza të tjera me lëndë të dyshuar narkotike Cannabis Sativa. Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.

Makina përplaset me trajlerin në Librazhd, dy të plagosur

Një aksident i rëndë me pasojë plagosjen e dy personave ka ndodhur në aksin rrugor Elbasan-Librazhd, në vendin e njohur si “Kthesa e Murrashit”.

Dy automjete u përplasën kokë më kokë, një makinë “Range Rover” dhe një trajler, ku për pasojë kanë mbetur të lënduar çifti i bashkëshortëve Nikita dhe Leta Manoku, të dy nga 60-vjeç nga Tirana, të cilët po udhëtonin me makinën “Rage Rover”.

Policia ka nisur hetimet për zbardhjen e shkaqeve të aksidentit.

Fitoi gjyqin, Balla: Me lekët e dhëndrit të Berishës do ndërtoj çerdhe

Deputeti Taulant Balla ka fituar gjyqin me dhëndrin e ish-kryeministrit Sali Berisha, për një çështje që zë fill disa vite më parë. Balla dhe Malltezi patën një konflikt në Romë, në aeroport në 2016, ngjarje të cilën e denoncoi deputeti socialist. Pas një beteje të gjatë gjyqësore në Itali, Gjaykata italiane i ka dhënë të drejtë deputetit socialist, duke e detyruar Arbër Malltezin t`a dëmshpërblejë Taulant Ballën me 3000 euro.

Pas derdhjes së shumës financiare në llogari të deputetit Taulant Balla nga dhëndri i ish-kryeministrit demokrat, ka ardhur dhe reagimi i kreut të grupit Parlamentar të PS. Me një status në rrejtet sociale, ku ka publikuar dhe çekun financiar, Taulant Balla shkruan se me paratë e gjyqit me Arbër Malltezin, do të ndërtojë një institucion parashkollor në Librazhd për fëmijër romë të këtij qytetit.

“Fondi për Edukimin, përmes të cilit do investojmë në kopshte dhe çerdhe, me të ardhurat që burojnë nga gjyqet me berishët, lulezimat dhe artistat e PD u shtua sot me një “kontribut” të vlefshëm nga dhëndri i Sali Berishës prej 3000 Euro. Berishët u vetë-dorëzuan para Gjykatës italiane, duke vetë-pranur fajin dhe turpin e vet në një betejë juridike, ku isha i bindur për fitoren. Siç kam dhënë fjalën e gjithë kjo shumë do të shkojë për një institucion para-shkollor në Librazhd”.

“Në ditët në vijim ky çek do t’i kalojë fëmijëve të komunitetit të nderuar rom në Librazhd. Vazhdoni të bëheni për turp në sytë e njerëzve, sepse ne kemi gjetur tashmë instrumentin si ta bëjmë të dobishëm Lulin, Saliun dhe artistat e PD. Shpifjet që më pas frymëzojnë dhunën dhe molotovët janë fundi i asaj cfarë ka mbetur nga PD”, shkruan Taulant Balla.

Fondi për Edukimin, përmes të cilit do investojmë në kopshte dhe çerdhe, me të ardhurat që burojnë nga gjyqet me…
Gepostet von Taulant Balla – Faqja Zyrtare am Freitag, 12. Juli 2019

Librazhd, aksidentohet makina e Ambasadës ruse, tre të plagosur

Një makinë e Ambasadës ruse me tagra diplomatike është aksidentuar në aksion rrugor Elbasan-Librazhd. Ngjarja ka ndodhur në vendin e quajtur “kthesa e Murrashit”, ku makina me targa diplomatike ka humbur kontrollin dhe është përplasur me një makinë tip “Benz”.

Aksidenti ka ndodhur për shkak të lagështisë në rrugë, ndërsa 3 persona kanë mbetur të plagosur nga përplasa e mjeteve.

Të plagosur janë zyrtari i Ambasadës Ruse në Tiranë, Nikhain Kruchinina, 35 vjeç dhe bashkëshortja e tij Darja Igor Kruchinina si dhe drejtuesi i makinës tjetër, shtetasi Besnik Gora, 25 vjeç.

Fatmirësisht të tre të plagosurit kanë marrë plagë të lehta dhe nuk ndodhen në gjendje kritike për jetën.