Tag: Milan

Ronaldo e Juve “trembin” rivalët. Milani dështon dhe me Ibrën. Shkëlqen Atalanta

Juventus vijon të tregojë se mbetet pretendent kryesor për të fituar kampionatin në Itali. Të hënën, skuadra e Sarrit mundi pastër 4-0 Cagliarin duke marrë tre pikë të rëndësishme që e mbajnë në vendin e parë në Serie A me 45 pikë. Ishte Ronaldo që hapi serinë e golave në pjesën e dytë, teksa tundi rrjetën në të 49`. Portugezi dyfishoi në të 67` nga pika e bardhë e penalltisë, duke i lënë radhën Higuain që gjeti golin e tretë për Juven nët ë 81`. Por, vetëm një minutë më ps Cristiano Ronaldo gjeti dhe golin e katërt për skuadrën e tij.

Me goleadë fitoi dhe Atalanta e Berat Gjimshtit, që mundi Parmën. Golat për skuadrën bergameze u shënuan nga Gomez, Freuler, Gosens dhe dygolëshi i Ilicic në pjesën e dytë i dha fitoren 5-0 Ataltanës ndaj Parmës. Kështu, skuadra e Gasperinit shkon 34 pikë dhe mban vendin e pestë në renditje me 1 pikë më pak se Roma,  dhe 5 më pak se Lazio e vendit të tretë, por që ka ende një ndeshje për të luajtur.

Ndërkohë, Milani nuk e nisi mbarë këtë vit as me Ibrahimovic. Kuqezinjtë barazuan 0-0 në shtëpi ndaj Sampdorias, ndërsa nënshkrimi i ri i “djallit”, Zlatan Ibrahimovic u aktivizua në pjesën dytë duke zëvendësuar Piatek. Por as hyrja e tij në fushën e lojës nuk ndryshoi asgjë. Milan mbetet në vendin e 12 me 22 pikë ndërsa Sampdoria në vendin e 16 me po kaq pikë. Në takimin tjetër, Bologna barazoi 1-1 me Fiorentinën.

“Dua të jap gjithçka”, Milani prezanton Zlatan Ibrahimovic

Milani prezantoi të premten futbollistin më të ri të skuadrës, Zlatan Ibrahimovic. Sulmuesi suedez, që rikthehet në skuadrën ku luajti dy sezone gjatë vitit 2010-2012, foli për mediat pas prezantimit të tij. Ai u shpreh fillimisht se me tifozët e Milanit ka një marrëdhënie të shkëlqyer, gjë e cila u tregua edhe gjatë mbërritjes së tij në Milano.

“Kam një marrëdhënie të shkëlqyer me fansat. E rëndësishme është që tifozët të mbështesin ekipin, pasi gjysma e punës vjen prej tyre, sepse kur keni mbështetje gjërat bëhen më të lehta”, tha Ibrahimovic. Më pas, ai tregoi edhe kur mori vendimin për tu rikthyer në Milano, teksa kishte qenë Maldini ai që e kishte telefonuar për të shkuar te Milan. Ibra tha se do të jap gjithçka për këtë skuadër.

“Pas ndeshjes së fundit me LA Galaksi, kisha një thirrje nga Maldini, për të  folur për të ardhmen. Në këtë moshë që jam tani kam pasur më shumë oferta se sa kur isha 28 vjeç. Kam qenë i sinqertë, unë kërkoja adrenalinë dhe stimulim për të bërë më të mirën. Në këtë moshë nuk mund të kërkosh para, por një sfidë. Nuk ishte e vështirë të zgjidhja për tu rikthyer, pasi në 2012 nuk doja të largohesha. U largova pa dhënë miratimin tim, situata ishte e çuditshme. Unë dua të jap gjithçka për Milanin”, tha ai.

I pyetur nëse do të mbyll karrierën te Milan, Ibrahimovic është shprehur se do të luaj deri sa të jetë e mundur. Ndërsa theksoi se vjen për të bërë ndryshim në Serie A.

“Kur u dëmtova më thanë se nuk munde të luaj, por unë ia dola. Do të vazhdoj të luaj deri sa ta shoh se mund t’ia dal. Nuk mund të luaj si atëherë kur isha 28 vjeç, por unë mund të shënoj nga 40 metra. Sfida me veten time, është të bëj një ndryshim në Serie A. Dua të bëj një ndryshim në fushë për të sjellë rezultate positive. Tani jam shumë I lumtur, pasi në moshën 38-vjeçare të nënshkruash me Milanin, nuk e bëjnë të gjitha, dhe kjo do të thotë se unë ende mund të jap diçka”, tha ndër të tjera sulmuesi 38-vjeçar.

Është 38 vjeç, por Milan rikthen në fushë Zlatan Ibrahimovic

Zlatan Ibrahimovic është zyrtarisht lojtar i Milanit. Lajmin e bëri të ditur klubi italitan, i cili publikoi në faqen zyrtare disa video promovuese “IZcoming”. Sulmuesi suedez, që aktualisht është në moshë 38-vjeçare, ka luajtur për Milanin nga viti 2010 deri në vitin 2012.

Në dy vjet ai shënoi 56 gola në 85 ndeshje, duke lënë një shenjë të pashlyeshme, e cila është dhe arsyeja pse pas shtatë vjetësh largim rikthehet përsëri. Ibra vjen pas aventurës në SHBA me Los Angeles Galaxy. Në komunikatën zyrtare të klubit italian, thuhet se lojtari do të qëndrojë deri në fund të këtij sezoni me mundësi rinovimi.

“Po kthehem në një klub që e respektoj jashtëzakonisht shumë dhe në një qytet që e dua” – tha Zlatan Ibrahimovic – “Unë do të luftoj me shokët e mi të skuadrës për të ndryshuar rrjedhën e këtij sezoni dhe do të bëj gjithçka për të arritur qëllimet tona”, tha shkurtimisht sulmuesi për kanalin zyrtar të klubit italian.

Milan-Inter, bëhet “Derbi kundër racizmit”

Skaudra e Milanit në Itali do të fillojë një fushatë kundër racizmit në futboll. Një ditë para “Derby della Madonnina”, kundër Interit, skuadra kuqezi e Milanos, ka vendosur të përshpejtojë fushatën kundër racizmit në futboll, pas disa ngjarjeve të pahijshme që kanë ndodhur kohët e fundit në stadiumet italiane.

Kështu, sfida e të shtunës, derbi i Milanos, do të quhet “Derbi Kundër Racizmit”, pasi kuqezinjtë synojnë të shfaqin solidaritetin kundër sjelljeve negative të tifozëve ndaj lojtarëve dhe jo vetëm. Ky vendim, vjen në vazhdën e përfshirjes në sulme raciste të dy lojtarëve, mesfushorit të

Milanit Farnck Kessie dhe sulmuesit të enterit Romelu Lukaku, të dy futbollistë me ngjyrë. Një ekspert i futbollit në Itali, për shkak të koreve raciste ndaj Lukakut, u pezullua nga programi televiziv Top Calcio 24.

Ndërkohë, CEO i Milanit Ivan Gazidis u shpreh se  “Futbollit italian duhet të zgjohet dhe të mbajë qëndrime të forta kundër sjelljeve raciste”, tha ai. “Milan do të mbajë qëndrim në drejtim të kësaj çështje, duke promovuar vlerat njerëzore që janë më të rëndësishme për të gjithë ne. Futbolli ofron një shembull të fuqishëm të forcës së unitetit dhe punës në grup”, ka thënë numri një i Milanit.

Ndërkohë, derbi Inter-Milan do të luhet të shtunën në mbrëmje në mitikun “San Siro”, aty ku të dyja skuadrat do të përpiqen të dalin me rezultat pozitiv. Interi e ka nisur më mirë sezonin, pasi ka marrë tre fitore deri tani, ndërsa Milani ka fituar vetëm dy ndeshje. Të dyja ekipet  janë përballur plotë 294 herë midis tyre, ku 223 takime kanë qenë ndeshje zyrtare, ndërsa 71 ndeshje jo zyrtare.

Milani vuan ndaj Brescias, Calhanoglu nderon kuqezinjtë

Milan në Itali ka marrë tre pikët e para në kampionat, duke fituar ndaj Brescias në javën e dytë të Serie A. Skuadrës kuqezi i ka mjaftuar një gol i shënuar nga Calhanoglu në minutën e 12-të të takimit për të marrë tre pikët e para në kampionat.

Ka qenë një aksion i bukur i Susos nga krahët, i cili ka dërguar një top te mesfushori turk, që ka gjetur rrjetën me kokë, duke kaluar Milanin në avantazh.

Ndryshe nga takimi i parë, Milani ka arritur të bind me lojë ndaj Brescias duke krijuar shumë raste, dhe të paktën 11 gjuajtje drejt portës. Por përsëri, sulmuesit kuqezi kanë hasur vështirësi me shënjestrën, duke mos arritur të shënojnë më shumë se një gol.

Në takimin e së shtunës, Piatek e ka nisur ndeshjen nga stoli, duke konfirmuar dhe njëherë momentin ‘jo’ që po kalon sulmuesi i kuqezinjve. Pas fitores të së shtunës, Milani shkon në vendin e 10-të të renditjes me 3 pikë, po aq sa Brescia që mban vendin e 9-të.

Milani e ‘djallos’, Udinese i jep leksion

Milan e ka nisur në mënyrën më të keqe të mundshme kampionatin e Serie A në Itali. Skuadra kuqezi është mundur në transfertë në ndeshjen e parë të kampionatit nga Udinese. Kuqezinjtë e trajnerit Giampaolo, kanë zhvilluar shumë volum loje, por me raste të pakta dhe jo të rrezikshme në portën kundërshtare. Ishin vendasit ata që kanë dominuar rastet e krijuara në portën e Donnarummas, duke goditur të paktën 11 herë përballë 6 të Milanit.

 Ndërkohë, goli për Udinesen do të shënohej pjesën e dytë në minutën e 72`. Gjuajtja nga goditja e këndit e De Paul, ka gjetur kokën e Becao, që ka realizuar një gol të bukur nga brenda zonës. Kaq ka mjaftuar për të mbyllur takimin, pasi Udinese nuk ka lejuar kuqezinjtë që të sulmojnë. Pas humbjes Milan mbetet në vendet e fundit të Serie A, pavarësisht se ky është vetëm fillimi i kampionatit.

Megjithatë, nuk është aspak në pritshmëritë e tifozëve të cilët presin një ekip rivalizues jo vetëm për një vend në kupat e europës por dhe për titullin në Itali. Kujtojmë se Milani nuk luan këtë sezon në kupat e Europës, pasi është i dënuar nga UEFA për fair-play financiar.

Milani firmos me “Lojtarin më të mirë” të Kupës së Afrikës

Milani ka transferuar nga Emoli mesfushorin Ismaël Bennacer, i cili ka firmosur një ka firmosur një kontratë deri në vitin 2024 me kuqezinjtë. Ai është lindur në Arles, Francë më 1 dhjetor të vitit 1997, duke nisur karrierën me klubet e Arles-Avigon në Ligue 2. Në verën e vitit 2015 francezi me orgjinë nga Algjeria, u transferua tek Arsenal, ku luajti gjithsej 23 ndeshje me ekipin U-23. 

Në janar të të vitit 2017, ai u transferua në huazim tek ekipi i Tours në Ligue 2, duke luajtur 16 ndeshje dhe shënuar një gol. Më pas, Bennacer u bashkua me Empolin. Mesfushori ka luajtur fillimisht me kombëtaren e Francës U-18 dhe U-19, dhe më pas ka zgjedhur të luajë për kombëtaren e vendit të tij të orgjinës, në vitin 2016.

Ai ka luajtur 16 ndeshje me ekipin kombëtar, duke përfshirë dhe 7 paraqitje në Kupën e Afrikës këtë sezon. Madje, në këtë turne, Ismaël Bennacer u shpall dhe “Lojtari i Turneut”, duke ndihmuar ekipin e tij të ngrejë trofeun e Kupës së Afrikës pas 29 vjetësh.

Gattuso largohet nga Milani

Gennaro Gattuso ka dhënë dorëheqjen nga posti i trajnerit të Milanit, pas dështimit për arritjen e Champions League. Lajmi është publikuar ditën e sotme nga mediat, ndërsa Gattuso ka folur për “La Repubblica”, duke treguar dhe arsyet e dorëheqjes.

 “Vendimi për të lënë stolin e Milanit nuk ishte i lehtë. Por është një vendim që duhet ta bëj”, ka thënë Gattuso.

Kontrata e trajnerit të kuqezinjve të Milanos ishte deri në përfundim të sezonit 2020/2021. Mirëpo Rino është shprehur se kontrata e tij me Milanin nuk të jetë kurrë një çështje financiare.

 “Po prish një kontratë dyvjeçare? Po, sepse historia ime me Milanin është e tillë, nuk mund të jetë kurrë një çështje e parave”, ka thënë ish-trajneri.

Gattuso e mori drejtimin e Milanit në një moment të vështirë, duke u përfshirë edhe në atë që quhet “tranzicioni i presidencës”, pasi klubi ndryshoi pronësi për shkak të se ish-pronarët kinez patën probleme financiare.

Problemet menaxheriale u pasqyruan jo pak dhe në merkaton e Milanit, që nuk arriti të blinte lojtarë që do të bënin diferencën për të arritur objektivat.

Gattuso drejt largimit, Milani gjen trajner në Londër!

Gennaro Gattuso nuk do të jetë sezonin e ardhshëm trajner i Milanit, të paktën kështu kanë lënë të kuptohen lëvizjet e fundit në shtëpinë e “Djallit”. Administratori i Milanit, Ivan Gazidis ka planifikuar javën e ardhshme një udhëtim drejt Londrës, ku sipas mediave qëllimi i kësaj vizite do të jetë një takim me Mauriocio Sarrin.

Trajneri aktual i Chelsea ka pasur tensione kohët e fundit me drejtuesit e klubit, pas dëmtimit të Loftus-Cheek, i cili u dëmtua në një ndeshje miqësore mes Chelsea dhe New England Revolution në SHBA. Ky mini turne e ka shqetësuar shumë Sarrin që tashmë rrezikon të humbasë një lojtar të rëndësishëm për finalen e Europa League.

Megjithatë, edhe nëse Sarri fiton finalen e trofeut europian, pozitat e tij në stolin e Chelseat nuk janë të sigurta. Ndaj në Milano kërkojnë ti paraprijnë situatës në rast të një shkarkimi të mundshëm të trajnerit të londinezëve, duke e sjellë atë përsëri në Itali.

E bujshme: Gjigantët e Serisë A duan Igli Taren drejtor!

Milan rrezikon të dështojë në përmbushjen e misionit për arritjen e zonës Champions në kampionat, çka do të ishte fatale për klubin kuqezi, që ka investuar shumë dy vitet e fundit. Nëse arritja e vendit të katërt në kampionat nuk do të kryhet, kjo do t’i kushtonte pozicionin jo vetëm trajnerit Gattuso, por edhe Drejtorit Sportiv, Leonardo.

Braziliani ka qenë arkitekti i merkatos së Milanit këtë sezon, ku veç blerjeve të mira si Paqueta apo Piatek, ka pasur dhe disa që nuk kanë sjellë rezultatet që priteshin. I larguari Higuain apo dhe Laxalt, janë dy nga dështimet e merkatos, çka ka bërë që Fondi Elliott të analizojë me kujdes veprimet e Drejtorit Sportiv.

Calciomercato, bazuar në informacione pranë “Rossonerëve”, shkruan sot se Leonardo është pranë shkarkimit, teksa mësohet se klubi ka pasur kontakte me Drejtorin Sportiv të Lille, Luis Campos, që njihet si zbulues talentesh. Ky pëlqehet shumë nga Gazidisi dhe mund të ishte pozitiv për Milanin.

Por një tjetër emër alternativë është dhe shqiptari, Igli Tare, që është Drejtor Sportiv i Lacios. Media italiane shkruan se Tare gjithashtu është në listën e drejtuesve të Milanit, por pengesat kryesore për ta sjellë atë Milano janë dy: e para, Igli Tare ka një kontratë të gjatë me Lacion dhe e dyta ka marrëdhënie të shkëlqyer me presidentin Lotito.

Skip to toolbar