Milan mund Fiorentinën dhe shpreson te hapi fals i kundërshtarëve (video)

Ashtu siç kishte premtuar trajneri Gennaro Gattuso, Milani ka dalë me tre pikë nga fusha e Fiorentinës, duke rritur shpresat për një vend në Champions sezonin e ardhshëm.

Kuqezinjtë fituan me rezultatin 1-0, me tre pikët që e ngjisin përkohësisht Milanin në vend të pestë, me vetëm një pikë më pak se Interi që mban vendin e katërt, por ka ende një ndeshje më shumë për të luajtur.

Në këtë takim Milani kishte disa mungesa si: Paqueta, Biglia, Calabria apo Caldara. Në krahun tjetër Gattuso ka sheshuar konfliktin me Bakayoko-n, i cili e nisi si titullar takimin e së dielës mbrëma.

Hakan Calhanoglu në fund të pjesës së parë shënoi golin e parë dhe të vetëm të takimit, duke i dhë tre pikët skuadrës së tij.

Fiorentina, që ende nuk ka asnjë fiotre nën drejtimin e trajnerit Montella, u mundua të bënte diçka në pjesën e dytë, por nuk arriti të shfaqte rrezik, pasi Milan u mbrojt mirë dhe kontrolloi si duhet.

Përballja me ish-ekipin, Montella: Kam qenë gjithmonë tifoz i Milanit!

Fiorentina do të përballet me Milanin teksa për trajnerin Vincenzo Montella do të jetë një ndeshje e veçantë, pasi përballë do të ketë ish-ekipin. Ai ka folur në konferencë për shtyp duke u shprehur se skuadra e tij nuk do të dalë pa pikë nga ky takim.

“Na mungon një pikë për të siguruar mbijetesën? Do të bëjmë më shumë. Nuk kam humbur kurrë katër ndeshje radhazi si trajner, por edhe si lojtar”.

“Kam qenë tifoz me Milan-in në fëmijëri, më pas e mora veten… Ka qenë një ëndërr për mua të drejtoja dhe të fitoja një trofe me atë ekip”, – ka thënë Montella. – “Mbetet një kujtim i madh, por e tashmja dhe e ardhmja ime është Fiorentina dhe dua ta mund Milan-in për ekipin tim”.

“Gattuso? Kur mori drejtimin e të rinjve të Milan-it i kam thënë drejtorit Fassone se do të më vinte mirë nëse do të ishte ai që do të merrte vendin tim në rast se do të shkarkohesha. Do ta përshëndes me shumë dëshirë Gennaron, por shpresoj ta takoj me më shumë dëshirë pas ndeshjes…”.

Ekskluzive: Pas Milanit, talentit shqiptar të AEK-ut i shkon ftesa nga kombëtarja!

Gilberto Gega, talenti shqiptar i AEK-ut të Athinës, është duke kaluar një moment fantastik në karrierën e tij.

Futbollisti i të rinjëve të klubit grek, prej disa ditësh ndodhet në Akademinë e Milanit në Itali, ku është duke kryer një provë te klubi gjigantë italian, dhe nëse gjithçka shkon mirë ai mund të bashkohet me të rinjtë e kuqezinjëve.

Por ditën e sotme, një tjetër lajm i mirë ka shkuar në adresë të Gilberto Gegës, i cili ka marrë ftesë nga kombëtarja shqiptare U18, e cila do të marrë pjesë në një turne disa ditor në Kroaci, që do të mbahet nga data 26 maj deri në 3 qershorm.

RealStory.al ka mësuar ekskluzivisht se qendërmbrojtësi i talentuar ka marrë një ftesë nga Nevil Dede për këto ndeshje, teksa më herët Gilberto Gega ka refuzuar ftesën e Kombëtares U-17 të Greqisë.

Gilberto Gega, veç Milanit ku është duke zhvilluar në provë, është në fokusin e Olympique Lyon, që prej kohësh e ka vëzhguar futbollistin shqiptar, ndërsa gjatë verës, nëse nuk do të ndodhë gjë në Milano, Gega do të niset drejt Lionit për një tjetër provë.

Sherri Gattuso-Bakayoko, Leonardo: Milani mbi të gjithë, fajtori ndëshkohet!

Drejtori Sportiv i Milanit, Leonardo ka folur për mikronin e Skay Sport, pas fitores së ekipit të tij ndaj Bologna. Ai ka komentuar disa çështje, teksa vëmendja kryesore është përqëndruar te incidenti ndodhur në stolin e Milanit mes Bakayoks dhe trajnerit Gattuso.

“Episodet pas derbit dhe mosmarrëveshjet Gattuso-Bakayoko? Ne flasim pak, besojmë se nuk mund të jemi gjithmonë gjyqtarë në çdo situatë. Kanë ndodhur shumë gjëra, që janë zgjidhur brenda familjes nga Gazidisi, unë, Maldini dhe Gattuso. Këto janë gjëra që zgjidhen brenda klubit pa u bërë publike”, ka thënë fillimisht Leonardo.

“Konfirmimi Gattusos? Nuk e ka thënë askush që ai nuk do të jetë trajner. Kemi qenë gjithmonë shumë të qartë me të. Lodhja vjen për të gjithë. Ajo që ka përjetuar Rino nuk ka qenë e kehtë: ai ka përjetuar ndryshimin e pronësisë së klubit dhe ndryshimin e ideve. Ai duhet të përshtatej. Ka pasur momente të lumtura dhe jo të lumtura, por që priteshin”, është shprehur drejtori sportiv i Milanit.

“Gazidisi na qëndron afër, por ai erdhi në nëntor. Milani ka marrë shumë pikë nga janari deri në mars, pastaj kanë ardhur problemet dhe rastet Kessie-Biglia, Bakayoko etj. Ne kemi qenë shumë të qartë me ta, madje edhe rasti i sotëm është diskutuar dhe do të arrijmë ta zgjidhim brenda për brenda. Sjelljet e Bakayoko-s? Nuk duam të bëjmë një gjykim publik”.

“Bakayoko ka shumë gjëra pozitive si djalë. Por nëse ai bën një gabim, paguan si gjithë të tjerët. Këto janë situata të sqaruara; ata e dinë se çfarë mendojmë, sepse Milani nuk mund të preket. Ne si njerëz kalojmë por Milani mbetet, klubi duhet të mbrohet, sepse gjithmonë do të jetë këtu”, ka përfunduar Leonardo.

Milan fiton me vuajtje, ka shpresë për Champions-in (video)

Rikthehet shpresa për arritjen e vendit të katërt në Serinë A nga Milan. Skuadra e Genaro Gattusos ka mundur në shtëpi Bologna-n me rezultatin 2-1, duke rimarrë vendin e pestë në renditje.

Një takim dinamik dhe plot tension, me arbitrin që dha tre kartona të kuq gjatë ndeshjes dhe tensionit të pakutpimtë mes trajnerit të Milanit dhe futbollistit Bakayoko.

Ky i fundit refuzoi të futej në fushën e lojës, duke i thënë Gattusos se nuk ishte gati, ndërsa tekniku i “Rosonerëve”, përdori dhe fjalë të rënda për lojtarin.

Goli i parë i takimit erdhi në minutën e 37′ me Suson që kaloi të tijët në avantazh. Ndërsa Borini dk të realizonte në minutën e 37′, duke dyfishuar rezultatin për kuqezinjtë.

Bologna rifutet në lojë me golin e Destro-s, i cili ka luajtur te Milan para disa sezoneve. Minutat e fundit ishin me emocione, pasi Milan po luante me një lojtar më pak pas të kuqit të Paqueta, por rezultati mbeti i pandryshuar.

Edhe Bologna e mbylli ndeshjen me dy lojtarë më pak pas të kuqëve të Sansone dhe Dijks në kohën shtesë.

Ekskluzive, pas Lyon, gjigantët e Milanit shfaqin interes për talentin shqiptar!

Veç Olympique Lyon, që ka shfaqur interes dhe ka nisur tratativat për të blerë talentin shqiptar, Gliberto Gega, që luan me të rinjtë e AEK-ut, janë dhe dy klube të tjera që duket se do të futen në garë për 17-vjeçarin shqiptar.

“RealStory.al” ka mësuar ekskluzivisht se gjigantët italian, Milan, është klubi tjetër që kërkon të vëzhgojë nga afër Gilberto Gegën. Agjenti i futbollistit shqiptar, Stelios Greg dhe agjenti italian, Luca Grippo, janë duke punuar për një transferim të mundshën.

Kështu, Milan pritet të dërgojë një kërkesë zyrtare drejt AEK-ut javën e ardhshme, ku do t’i kërkojë skuadrës greke që talenti shqiptar të bëjë një periudhë prove në Milano, për ta parë nga afër drejtuesit e klubit kuqezi.

Atalanta mund të jetë një tjetër klub ku 17-vjeçari shqiptar mund të shkojë për provë. Megjithatë, Gilberto Gega është vëzhguar më herët edhe nga Lyon në Francë, me këto të fundit që e kërkojnë qendërmbrojtësin, me orgjinë nga Lezha, për ekipin U-19.

Por deri më tani, ndonëse Lyon ka marrë të gjithë informacionim e nevojshëm përfshi dhe dokumentat e lojtarit nga Federata Greke e Futbollit, ende nuk i ka dërguar kërkesën zyrtare AEK-ut për transferimin e talentit shqiptar. Arsyeja është sepse Lyon kërkon që Gilberto Gega të shkojë gjatë verës në Francë për një periudhë prove.

Atalanta mund Udinesen dhe kap Championsin (video)

Atalanta është duke bërë një sezon fantastik, teksa mbrëmjen e së hënës fitoi ndaj Udineses 2-0 dhe ka marrë vendin e katërt në Serinë A, çka do të thotë një vend në Champions Sezonin e ardhshëm.

Skuadra e Gasperinit bëri një ndeshje të mirë, me pjesën e parë që u mbyll pa gola. Këta të fundit erdhën pasi qendërmbrojtësi shqiptar, Berat Gjimshiti, u fut në fushë si zëvendësues në minutën e 78′.

Kështu Atalanta brenda tre minutash, 82′ dhe 85′, realizon dy herë me De Roon dhe Pasalic, duke vulosur rezultatin dhe njëkohësisht duke u ngjitur në renditje.

Një fitore e madhe e Atalantës, ndërsa Milan ka zbritur në vend të shtatë. Tashmë gjithçka është komplikuar për kuqezinjtë.

Pasalic’in attığı gol. Atalanta 2 – 0 Udinese. #AtalantaUdinese #GoAtalantaGo pic.twitter.com/vcJtUzkRf0
— Atalanta Türkiye (@AtalantaTurkeyy) April 29, 2019

Roma i rrëmben vendin e katërt Milanit në Serinë A (video)

Roma ka hedhur një hap të rëndësishëm në luftën për një vend në Champions League sezonin e ardhshëm, pasi këtë pasdite ka mundur Kaliarin në shtëpi me rezultatin e pastër 3-0.

Fazios ka zhbllokuar rezultatin pas vetëm pesë minutash lojë, ndërsa Pastore dyfishon për Romën tre minuta pas golit të parë.

Kur duheshin dhe katër minuta të mbyllej koha e rregullt, Kolarov ka vulosur shifrat në 3-0 për Romën.

Me fitoren e sotme skuadra e Romës shkon në kuotën e 58 pikëve duke i rrëmbyer përkohësisht Milanit vendin e katërt në renditje, që luan nesër.

Dy klube angleze shfaqin interes për mesfushorin e Milanit!

Pas interesit të Leipzig në Gjermani, dy klube të Premier League kanë shfaqur interes për mesfushorin e Milanit, Hakan Çalhanoglu.

Ky i fundit duket se do të jetë nga lojtarët e parë që do të largohet nga “Rosoneret”, pasi jo vetëm që nuk ka bindur, por ardhja e Lucas Paqueta i ka kufizuar hapësirat në formacion.

Çalhanoglu ka shënuar 1 gol në 31 ndeshje me Milanin këtë sezon në Serinë A, ndërsa prej kohësh ka qenë në qendër të kritikave për performancën e tij.

Kështu, e ardhmja e turkut është larg Milanit, ku tani veç Leipzig, në garë janë futur edhe dy klube të Premier League. West Ham dhe Leicester kanë vënë kontaktet me drejtuesit e Milani dhe kanë kryer disa takime sipas raportimeve të medies së njohur turke “Fanatik”.

Të dy klubet angleze janë gati të paguajnë deri në 30 milionë euro për Calhanoglu, ndërsa “Çekiçët” duket se janë më shumë të interesuar për të marrë shërbimet e tij.

Milani në “ferr”, Strakosha e Lacio në finalen e Kupës së Italisë (video)

Lacio ka dërguar në ferr “Djallin”. Skuadra e Inzaghit ka mundur Milanin në shtëpinë e këtyre të fundit dhe ka siguruar një vend në finalen e Kupës së Italisë, që do të luhet më 15 maj në Romë.

Ndonëse ishte menduar ndryshe, skuadra e Lacios arriti të merrte një fitore minimale 0-1, që i jep të drejtën të shkojë në finale, pasi në ndeshjen e parë rezultati ishte 0-0.

Takimi është vendosur nga një gol i Correa-s në minutën e 58-të, që ka ardhur pas një kundërsulmi të shpejtë të nisur nga një goditje këndi për Milanin.

Cutrone ka barazuar për vendasit në minutën e 76-të, por goli është anuluar për një pozicion jashtë loje.

Ndërkohë, kualifikimi.i Lacios në finalen e Kupës së Italisë është dhe meritë e portierit shqiptar, Thomas Strakosha, që sot ishte vigjilentë dhe nuk gaboi në lojën e tij.

Kështu, pas humbjes 1-0 të pësuar në kampionat, që është pasuar me shumë polemika, Lazio është hakmarrë ndaj kuqezinjve dhe në finale do të përballet me njërën mes Atalantës dhe Fiorentinës, që do të përballen nesër në Bergamo.