PE letër Ursula Von der Leyen: Të mbështesim nëse i thua “po” negociatave me Shqipërinë

Grupi i socialistëve dhe demokratëve në PE i kanë kërkuar Ursula von der Leyen, presidentes së ardhshme të Komisionit Europian që të mbështesë Shqipërinë dhe Maqedoninë e Veriut në hapjen e negociatave. Në një letër dërguar Ursula von der Leyen, kreu i Grupit të Socialistëve dhe Demokratëve në Parlamentin Evropian, Iratxe Garcia kërkoi ndër të tjera mbështetje për hapjen e negociatave të pranimit me Shqipërinë dhe Maqedoninë e Veriut në vitin 2019.

Votimi për kandidaturën e Ursula von der Leyen do të zhvillohet më 16 korrik që do të zgjidhet si pasardhës i Jean-Claude Juncker dhe do të ketë nevojë për mbështetjen e socialistëve dhe demokratëve dhe Renew Europe të qendrës. Grupi i socialistëve dhe demokratëve dhe Renew Europe përpara se të shprehin mbështetjen e tyre i dërgojnë Ursula von der Leyen axhendat që dëshirojnë që ajo të mbështesë si kryetarja e re e KE.

Një ndër kushtet e Grupit të socialistëve dhe demokratëve në PE është pikërisht mbështetja e integrimit të Shqipërinë dhe Maqedonisë së Veriut.

“Kandidatura juaj është rezultat i refuzimit të udhëheqësve kombëtarë për të respektuar sistemin, i cili nuk është një mesazh i mirë për t’u dërguar votuesve evropianë. Kjo vendos një detyrim edhe më të madh për ju dhe Komisionin e ri Europian për të treguar se Evropa me të vërtetë punon për njerëzit, duke dhënë një program ambicioz pune që plotëson pritjet e shprehura nga qytetarët në zgjedhjet e BE” – shkruhet në letrën e Garcia

Komisioni Evropian tashmë ka mbështetur hapjen e negociatave të pranimit me dy vendet e Ballkanit Perëndimor, që do të thotë se kjo do të ishte një vazhdim i politikës së saj. Vendimi përfundimtar për këtë çështje do të bëhet nga qeveritë kombëtare.

Tanja Fajon konfirmon karrigen e saj në Parlamentin Europian

Eurodeputetja sllovene, Tanja Fajon përmes një reagimi në Twitter ka konfirmuar ulësen e saj edhe për një tjetër 5 vjeçar në Parlamentin Europian.

“Faleminderit të gjithëve për mbështetjen dhe besimin tuaj në zgjedhjet e Parlamentit Europian 2019. Ju më keni dhënë një vlerësim të madh, jam e vetëdijshme gjithashtu për përgjegjësitë e jashtëzakonshme dhe premtoj se do të vazhdoj të punoj shumë për Slloveninë dhe për të gjithë ne për një Bashkim Europian më të mirë.” -shkruan Fajon

Eurodeputetja Fajon është edhe raportuesja për Kosovën në PE.

Berluskoni rikthehet si eurodeputet në Parlamentin Europian

Forza Italia fiton me 10 për qind në zgjedhjet për parlamentin europian dhe ish kryeministri historik i Italisë, Silvio Berluskoni rikthihet si eurodeputet në Bruksel.

Pesë vjet pas dëbimit të tij nga Parlamenti italian, në nëntor 2013, Silvio Berlusconi kthehet në Parlament Europian.

“Ne jemi ende të domosdoshëm. Pa Forza Italia qendra e djathtë humbet . Ne jemi e vetmja forcë e moderuar në një koalicion fitues . Jemi banka e vetme kundër populizmit anti-evropian. Më shumë se kjo nuk mund të bëhej, dhashë më të mirën”, ishin këto fjalitë e para të Silvio Berlusconit, tashmë 82 vjeç.

Më 1 gusht 2013, Berlusconi u dënua me katër vjet burg për mashtrim tatimor në procesin e shitjes së të drejtave televizive Mediaset dhe u dëbua nga parlamenti italian.

Shqipëria humbet një mbështetës në PE, ikën Knut Fleckenstein

Knut Fleckenstein është një emër i njohur në Shqipëri. Ai ka qenë prej disa vitesh raportues i Parlamentit Europian për vendet e Ballkanit Perëndimor ku futet dhe Shqipëria. Një zë në Parlamentin Europian në mbështetje të integrimit të Shqipërisë në BE.

Vetë, Knut Fleckenstein ka postuar në Twitter se nuk do të jetë më eurodeputet, por gjithësesi ka theksuar se do të vazhdojë të mbështesë vendet e Ballkanit.

“Sipas përllogaritjeve të para, unë nuk do të kthehem në Parlamentin Europian. Por, do të vazhdoj të jem i lidhur ngushtë me Europën dhe Ballkanin Perëndimor. Më shumë informacion, javën e ardhshme”, ka shkruar ai në Twitter.

Fleckenstein është deputet i partisë Socialdemokrate e cila në këto zgjedhje nuk pati performancën e shpresuar. Fleckenstein nuk e ka fshehur zhgënjimin e tij ndërsa pohoi se do të kishte dashur ta përfaqësonte edhe për 5 vite Hamburgun në PE.

Dear all, according to first estimates, I will not return to @Europarl_EN. I will continue to be closely connected to the #EU and the #WesternBalkans. More info next week!
— Knut Fleckenstein (@knufleckenstein) May 26, 2019

Musinen e vranë komunistët, mbesa europarlamentare

Arba Kokalari është shqiptarja e parë që fiton një karrige në Parlamentin Europian, megjithëse si përfaqësuese e Suedisë.

Arba Kokalari e ka njoftuar fitoren e saj në Facebook, ku ka postuar foto të shumta dhe ka marrë urime nga të gjithë, edhe nga miq shqiptarë që i bëjnë thirrje të ngrejë zërin për Shqipërinë në PE.

Arba Kokalari kandidoi për partinë Moderaterna në Suedi, që është pjesë e Partive Popullore Europiane, pra të spektrit të djathtë. Partia e saj fitoi 17.6% të votave, dhe do të përfaqësohet me 4 deputetë në parlamentin europian. Mes tyre dhe Arba Kokalari që është shqiptarja e parë që fiton një vend në Parlamentin europian.

Mësohet se ajo është mbesa e Musine Kokalarit e njohur si antikomuniste dhe e persekutuar nga regjimi i Enver Hoxhës.

Ndërkaq dy shqiptaret e tjera që garonin në zgjedhjet europiane nuk patën fat të fitonin. Kështu Geri Balla humbi, megjithëse Partia Demokratike në Itali doli mirë në zgjedhje. Ndërsa Eda Gemi, pati të njejtin fat si partia e saj Pasoku në Greqi e cila pësoi rënie.

JUST NU: Moderaterna tar ett fjärde mandat och jag har kommit in i Europaparlamentet! 🌟 TACK till ALLA som har kämpat för Moderaterna och mig! 🎉💙Ⓜ️ #revansch
Gepostet von Arba Kokalari am Sonntag, 26. Mai 2019

Basha bojkoton zgjedhjet në Shqipëri, por u bën apel shqiptarëve të votojnë për PE

Kryetari i Partisë Demokratike, Lulzim Basha ka postuar një video në facebook përmes të cilës i bën thirrje shqiptarëve që të votojnë për zgjedhjet që po zhvillohen në Europë për Parlamentin Europian. Ai kërkon që shqiptarët të votojnë për partitë e djathta, simotra të PD-së.

Kjo thirrje e Bashës vjen në një moment kur vetë ai dhe parti që ai drejton kanë vendosur të bojkotojnë zgjedhjet në Shqipëri. Nga njëra anë Basha thotë se në Shqipëri s’do ketë zgjedhje në 30 qershor, nga ana tjetër i nxit shqiptarët të votojnë për zgjedhjet në PE.

“Në shqipëri po zhvillohet një betejë për jetë a vdekje për zgjedhje të lira e të ndershme, të lirisë ekonomike dhe dinjitetit për një të ardhme europiane.

Por në të njëjtën kohë këto ditë po zhvillohen edhe zgjedhjet në Parlamentin Europian.

Kërkoj nga ju që të ndani pak minuta nga koha juaj dhe të zgjidhni Partinë Popullore Europiane kudo ku ndodheni në vendet e BE, të zgjidhni partitë si motra të partisë Popullore Europiane.

Votoni kandidadin tonë, Manfred Weber, tha Basha në videon e tij drejtuar shqiptarëve që jetojnë në BE”, deklaron Basha.

Gepostet von Lulzim Basha am Freitag, 24. Mai 2019

“Optimist për negociatat, opozita sinjal negativ në Bruksel”

Zëvendëspresidenti i Parlamentit Europian, Dimitris Papadimoulis e sheh me optimizëm hapjen e negociatave për Shqipërinë, por shton se largimi i opozitës nga parlamenti dhe mospjesëmarrja në zgjedhje janë një sinjal negativ në Bruksel.

Papadimoulis theksoi se palët duhet të punojnë për zgjidhjen e krizës politike në vend dhe me reformat e tjera deri në marrjen e një vendimi në qershor tha ai për Tv Klan.

Dimitris Papadimoulis, zv.president i PE: Qeveria Tsipras dhe unë personalisht, si zv/president i Parlamentit Europian, jemi pozitivë sa i përket hapjes së negociatave të anëtarësimit të Shqipërisë në BE. Por është e rëndësishme që gjatë kohës që ka mbetur (deri në fund të qershorit), të bëhen hapa për zgjidhjen e krizës politike në Shqipëri, për trajtimin e problemeve të minoritetit grek (të drejtat e pronës, etj.), dhe gjithashtu të avancojë disa reforma që përfshihen në kartën e Kopenhagës. Gjithsesi, fqinjët tanë shqiptarë mund të jenë të sigurt se Greqia, me qeverinë Tsipras është një mike dhe mbështetëse e anëtarësimit të Shqipërisë dhe gjithë Ballkanit Perëndimor në BE.

Gazetari: Ndërkaq, në Shqipëri opozita ka djegur mandatet parlamentare, refuzon pjesëmarrjen në zgjedhjet lokale, dhe në anën tjetër kryeministri Rama insiston që zgjedhjet të zhvillohen. Gjithë këto, a mund të influencojnë në vendimin e Brukselit?

Dimitris Papadimoulis, zv.president i PE: Druaj se po. Dhe përgjithësisht, refuzimi i partive të opozitës për të marrë pjesë në procesin parlamentar dhe demokratik, nuk është një shenjë e mirë, nuk interpretohet si gjë e mirë nga Brukseli. Do të thoja që vetë forcat politike në Shqipëri të gjejnë një mënyrë që ta shtensionojnë këtë krizë dhe mënyra më e mirë është pjesëmarrja në proceset demokratike.

Një shqiptare në garë, do përfaqësojë Italinë në PE

Ajo quhet Gerarta Ballo dhe është në garë për t’u bërë deputete e Italisë në Parlamentin Europian.

Zgjedhjet europiane do të zhvillohen në 26 maj të këtij viti. Ndër kandidaturat e kolegjit zgjedhor të Italisë së Jugut, është edhe emri i Gerarta Ballos, e cila do të kandidojë nën siglën e Partisë Demokratike të Italisë.

Gerarta Ballo ka kryer studimet në degën e marrëdhënieve ndërkombëtare në Torino dhe ka punuar si gazetare, duke drejtuar emisionin radiofonik “hqip in Torino”.

Ajo ka punuar për dy mandate në Ambasadën e Shqipërisë në Romë. Ballo është angazhuar konkretisht për adresimin e problemeve të komunitetit shqiptar dhe arbëresh. Gjithashtu, është marrë me krijimin e rrjeteve mes shoqatave dhe profesionistëve për promovimin e Shqipërisë.