“Plazh i Lirë” pastron Velipojën e Lezhën, dy drejtorë në pranga

Operacioni policor “Plazh i Lirë” ka zbarkuar në Velipojë dhe në Lezhë ku ka bërë të mundur lirimin e plazheve nga zaptuesit privatë pa leje duke arrestuar 2 drejtorë të Bashkisë Lezhë dhe 5 administratorë biznesesh.

Bëhet fjalë për shtetasin me iniciale A.N., me detyrë Drejtor i Taksave dhe Tarifave Vendore pranë Bashkisë Lezhë, dhe S.T., Drejtori i Drejtorisë së Planifikimit të Territorit pranë Bashkisë Lezhë, për lejimin dhe dhënen e lejes së ndërtimit në zonë të mbrojtur.

Gjithashtu janë proceduar edhe 5 përfaqësues ligjor subjektesh për veprat penale “Fshehja e të ardhurave” dhe “Mospagim taksash”, si dhe janë liruar rreth 8000 m2 plazh.

Policia bëri të mundur që të lirojë plazhin në Kune, Shëngjin, rreth 8000 m2 plazh i zaptuar në mënyrë të paligjshme, si dhe sekuestrohen rreth 500 çadra e shezlongë.

Ndërsa në në Velipojë u lirua rreth 2500 m2 plazh i zaptuar në mënyrë të paligjshme, si dhe sekuestrohen 235 komplete (shezlongë + çadra + karrige).

Procedohen nga Policia e Shkodrës dy pronarë subjektesh që kishin zaptuar hapësirën publike në plazh.

Operacioni vijon në gjithë vijën bregdetare të vendit.

4 zyrtarë në pranga, lirohen plazhe në Himarë, Pogradec e Durrës

Katër zyrtarë bashkiakë janë arrestuar nga policia në kuadër të operacionit Plazh i Lirë që ka liruar sërish plazhe të zaptuara në Himarë, Pogradec e Durrës.

Mësohet se janë proceduar 5 administratorë biznesesh dhe 4 zyrtarë bashkiakë për shpërdorim detyre.

Në Himarë është proceduar zyrtari me iniciale L.M, me detyrë Drejtor i Drejtorisë së Tatim Taksave pranë Bashkisë Himarë.

Ndërsa në Pogradec shtetasit me iniciale G.L, A.P, dhe E.B, banues në Pogradec, të tre me detyrë inspektorë kontrolli në Drejtorinë e Tatim Taksave.

Gjithashtu është liruar rreth 3600 m2 plazh i zaptuar në mënyrë të paligjshme.

“Policia e Vlorës liron një hapësirë zonë të mbrojtur në Plazhin e Gjipesë – Himarë, e cila shkon deri në 3000 m2, si dhe rreth 600 metra në Potam e Qeparo. Në total lirohen 3600 m2 plazh i zaptuar në mënyrë të paligjshme.

Sekuestrohen rreth 200 shezlongë dhe 100 çadra plazhi, të vendosura në mënyrë të paligjshme në hapësirat publike.

Procedohen 4 administratorë subjektesh për veprat penale “Fshehja e të ardhurave” “Moslëshimi i kuponit tatimor” dhe “Pushtimi i tokës”.

Operacioni ka vijuar edhe në Pogradec ku janë proceduar penalisht për “Shpërdorim detyre” tre inspektorë të Drejtorisë së Tatim Taksave në Pogradec, konkretisht shtetasit: G.L, A.P, dhe E.B, banues në Pogradec, (të tre me detyrë inspektorë kontrolli në Drejtorinë e Tatim Taksave në Pogradec), pasi nuk kanë ushtruar kontrollin e nevojshëm në disa subjekte private të cilat kishin lëshuar me qira më shumë shezlongë, sesa iu kishte miratuar me leje Bashkia Pogradec, duke zënë hapësira publike në zonën e plazhit.

Në vijim të operacionit, në Durrës tek shkëmbi i Kavajës, gjatë kontrollit në një plazh privat u konstatuan rreth 160 shezlongë në administrim nga shtetasja D.D., e cila nuk lëshonte kupton tatimor. U procedua penalisht shtetasja D.D për veprat penale “Fshehja e të ardhurave” dhe “Mospagimi i taksave dhe tatimeve”, njofton policia.

Operacioni po vijon çdo ditë me shtrirje në gjithë zonat bregdetare në territorin e Republikës së Shqipërisë.

Lirohen 2000 m2 plazh në Durrës e Vlorë, 12 “pronarë” nën hetim

Policia ka liruar 2000m2 plazh të zaptuar në mënyrë të paligjshme në Durrës e Vlorë dhe ka proceduar 12 pronarë subjektesh.

Konkretisht në qytetin e Durrësit 2000m2 plazh i zaptuar në mënyrë të kundërligjshme i është rikthyer pushuesve. Për këtë janë proceduar L. B., F. B., O. D., F. R., A. C., S. B., të gjithë banues në Durrës, të cilit ishin ndëshkuar me parë edhe nga Policia Bashkiake. Nga kontrolli i ushtruar rezultoi se këta pronarë kishin zënë me çadra plazhi, hapësirat publike në bregun e detit pa leje nga organet përkatëse. Mbi ta rëndon akuzë për një sërë veprash penale “Zënia e hapësirave publike”, “Fshehja e të ardhurave”, “Moslëshimi i kuponit tatimor”, “Punësimi i paligjshëm” dhe “Pushtimi i tokës”.

Ndërkohë, në qytetin e Vlorës janë proceduar penalisht 6 administratorë biznesesh në Radhimë dhe Himarë, konkretisht. D., P. K, M. K, M. Dh., S. Sh., A. Z.. Procedimi penal ka nisur ndaj tyre sepse nga kontrollet e ushtruara në plazhet e Radhimës dhe Gjipesë, është konstatuar se këto biznese kanë pasur me mungesë të theksuar dokumentacioni, nuk lëshonin kupona tatimorë dhe nuk kishin kontratë qiraje me Bashkitë përkatëse.

Kryeministri Rama ka njoftuar më herët se në shtator me ndryshimet në ligj këta zaptues plazhesh nuk do ia hedhin kollaj, pasi do të dënohem me burg. Rama ka paralajmëruar se do të ndryshohet ligji, ku vija bregdetare do të hiqet nga administrimi i pushtetit lokal dhe do t’i kalojë pushtetit qendror.

Durrës-VlorëVijon operacioni "Plazh i lirë"Policia e Shtetit vijon zbatimin e detyrave të përcaktuara në planin e posaçëm të masave për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore.Në Durrës, lirohen rreth 2000 m2plazh i zaptuar në mënyrë të kundërligjshme.Procedohen 12 pronarë subjektesh, nga këta 6 në Durrës e 6 në Vlorë, për veprat penale "Zënia e hapësirave publike", "Fshehja e të ardhurave", "Moslëshimi i kuponit tatimor", "Punësimi i paligjshëm" dhe "Pushtimi i tokës".Policia e Durrësit në bashkëpunim me Policinë Bashkiake, kanë vijuar operacionin për lirimin e hapësirave publike, duke vënë në dispozicion të pushuesve rreth 2000 m2 plazh, pronë publike e zaptuar në mënyrë të kundërligjshme.Policia ka proceduar penalisht 6 shtetas për veprën penale "Zënia e hapësirave publike", ndëshkuar me parë edhe nga Policia Bashkiake. Specialistët për Hetimin e Krimit Ekonomik e Financiar në Drejtorinë Vendore të Policisë Durrës, në bashkëpunimin me Task-Forcën e ngritur nga Prefekti i Qarkut Durrës dhe Policinë Bashkiake, në vijim të punës për monitorimin, kontrollin dhe goditjen e informalitetit, proceduan penalisht në gjendje të lirë shtetasit: L. B., F. B., O. D., F. R., A. C., S. B., të gjithë banues në Durrës.Procedimi ndaj tyre filloi pasi nga kontrolli i ushtruar, u konstatua se këta shtetas kishin zënë me çadra plazhi, hapësirat publike në bregun e detit pa leje nga organet përkatëse.- Në Vlorë në vijim të kontrolleve të subjekteve tregtare të cilat kanë zaptuar plazhet publike bregdetare në mënyrë të paligjshme, Policia ka proceduar penalisht 6 administratorë subjektesh në Radhimë dhe Himarë, konkretisht shtetasit B. D., P. K, M. K, M. Dh., S. Sh., A. Z., Policia ka nisur procedimet penale për secilin prej tyre, pasi nga kontrollet e ushtruara në subjektet tregtare në plazhet e Radhimës dhe Gjipesë, është konstatuar se këta shtetas kanë ushtruar aktivitetin "Plazh Privat" me mungesë të theksuar dokumentacioni, nuk lëshonin kupona tatimorë dhe nuk kishin kontratë qiraje me Bashkitë përkatëseOperacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin.
Gepostet von Policia e Shtetit am Mittwoch, 7. August 2019

Lëvizte në plazh me armë, arrestohet 19-vjeçari në Durrës

Një 19-vjeçar është arrestuar nga policia pasi lëvizte me pistoletë në plazhin e Durrësit. Në pranga ka rënë shtetasi me iniciale S.Xh., 19 vjeç, i cili ishte banues në Shkodër.

Arrestimi i tij u bë në flagrancë pasi gjatë kontrollit fizik, ai u kap me një pistoletë me silenciator dhe një krehër me 5 fishekë.

I riu lëvizte gjatë bregdetit por edhe në qytet me armë me vete, ndërsa u pikas nga forcat e policisë që bënë edhe arrestimin e tij.

Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm, për veprën penale “Prodhimi dhe mbajtja pa leje e armëve luftarake dhe municionit”.

Zaptuan plazhin, hetim nënkryetarit të bashkisë Sarandë dhe 6 biznesmenëve

Në kuadër të operacionit “Plazh i Lirë” policia e shtetit njofton se ka çuar për procedim penal nënkryetarin e bashkisë së Sarandës, Jorgo Mitro pasi nuk ka ekzekutuar vendimin e kryetarit të bashkisë për lirimin e një sipërfaqe plazhi publik në Ksamil që shfrytëzohej nga privati në mënyrë të paligjshme. Policia gjithashtu ka kërkuar procedim penal edhe ndaj 6 pronarëve të subjekteve të ndryshme, 5 në Qarkun Vlorë dhe një në Divjakë, nga të cilët 5 për “Fshehja e të ardhurave” dhe 1 për “Zënia e hapësirave publike”.

Gjatë këtij operacioni policia ka liruar dhe ka kthyer në dispozicion të pushuesve 10 000 m2 plazh të zaptuar në mënyrë të paligjshme në Ksamil.

Është proceduar penalisht shtetasi K. I., 35 vjeç, banues në Ksamil, pasi gjatë kontrollit të ushtruar në subjektin e tij, tek zona bregdetare e quajtur “Pema” në Ksamil, janë bllokuar dhe sekuestruar në cilësinë e provave materiale 1185 shezlongë, 351 çadra dhe një tendë dielli për mbulimin e shezlongëve rreth 40 m e gjatë, të cilat shfrytëzoheshin pa kasë fiskale dhe pa lejen përkatëse nga Bashkia e Sarandës.

Në Himarë Policia gjatë kontrollit në Jal, ka proceduar penalisht shtetasit G. S., 47 vjeç, banues në Fier (administrator subjekti) dhe Z. D., 34 vjeç, banues në Himarë (administrator subjekti), pasi gjatë kontrolleve të ushtruara në subjektet “Plazh Privat” në Jal, nën administrimin e këtyre shtetasve, Policia konstatoi se në këto subjekte nuk lëshohej kupon tatimor, kishte mungesë dokumentacioni dhe ushtronin aktivitetin pa kontratë qiraje nga Bashkia Himarë.

Operacioni ka vijuar në Vlorë ku janë proceduar penalisht shtetasit L. M., 52 vjeçe, banuese në Vlorë (administratore subjekti) dhe E. N., 38 vjeçe, banuese në Vlorë (administratore subjekti), pasi në subjektet e tyre në lagjen “Ujë i Ftohtë” kishte mungesë dokumentacioni dhe pa kasë fiskale.

Po gjatë operacionit që ka vijuar edhe në Divjakë, Policia ka proceduar penalisht shtetasen E. A., 38 vjeçe, banuese në Divjakë, (administratore) për fshehje të të ardhurave dhe mospagim të taksave dhe tatimeve. Gjatë kontrollit të ushtruar në plazhin e Divjakës, u gjetën mangësi në dokumentacion, në subjektin sezonal që ajo ka në këtë plazh, duke mos deklaruar të ardhurat e duke mos paguar sigurimet.

Operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin dhe për të ndëshkuar evazionin fiskal, në biznes, hidrokarbure, ndërtim etj.

Zjarr masiv në plazh, pushuesit futen në det për të shpëtuar

Një zjarr i fuqishëm ka shpërthyer në zonën turistike të Playa di Catania në Itali, duke rrezikuar jetën e shumë turistëve.

Flakët u përhapën me shpejtësi nga era e fortë, duke larmuar pushuesit të cilët vrapuan drejt detit. Era e ka bërë mjaft të vështirë vënien nën kontroll të zjarrit, i cili shkatërroi plotësisht plazhin.

Pushuesit, që ishin futur të gjithë në det, janë shpëtuar nga zjarrfikësit me barka dhe helikopterë. Midis tyre kishte 40 fëmijë.

Rama ‘sfidon’ Metën me foto nga plazhi

Pas një periudhe të ngarkuar politike dhe pas samitit të Poznanit në Poloni, kryeministri Rama ka vendosur të bëj pak pushim duke zgjedhur që këtë fundjavë ka kalojë me familjen në plazh.

Rama ka postuar një foto që duket se po kënaqet me Zahon në plazh. Kjo foto në fakt duket si një “sfidë” mes tij dhe presidenti Meta, i cili ditën e shtunë ka publikuar një foto duke shijuar një pushimin buzë detit si të donte të tregonte “muskujt” dy ditë para shkarkimit.

“Sfida” e tyre jashtë institucioneve, në fakt do të jetë e shkurtër pasi të hënë, si Meta ashtu dhe Rama kanë një axhendë të “nxehtë” dhe të ngjeshur pune, ku Kuvendi pritet të mblidhet në orën 17:00 për të diskutuar për shkarkimin e presidentit.

MIRËMËNGJES 😁
Gepostet von Edi Rama am Samstag, 6. Juli 2019