4500 m2 plazh i kthehet pushuesve në Shëngjin e Velipojë. 6 persona nën hetim

Në kuadër të operacionit “Plazh i lirë”, policia e shtetit ka liruar 4500 m2 plazh në zonën e Shëngjinit dhe Velipojës dhe ka çuar 6 persona në procedim penal për zaptim në mënyrë të kundraligjshme.

Nga këto janë liruar 3500 m2 plazh në Shëngjin dhe 1000m2 në Velipojë, ndërkohë që janë sekuestruar rreth 450 shezlongë dhe 250 çadra.

Procedohen penalisht 6 shtetas, nga të cilët 4 në Shëngjin dhe 2 në Velipojë.

Procedohet përsëri për “Shpërdorim detyre” shtetasi A. N., Drejtor në Drejtorinë e Taksave dhe Tarifave Vendore në Bashkinë Lezhë, për katër rastet e fundit të konstatuara në Shëngjin.

Specialistët e Hetimit të Krimit Ekonomik e Financiar në Drejtorinë Vendore të Policisë Lezhë, në bashkëpunim me Task – Forcën të ngritur nga Prefekti i Qarkut Lezhë , proceduan penalisht 4 persona për veprat penale “Fshehja e të ardhurave”, “Mospagimi i taksave dhe tatimeve”, konkretisht:

M. Gj., L. P., F. N. dhe GJ. GJ., pasi këta shtetas kishin zaptuar plazhin në Shëngjin, duke vendosur rreth 350 shezlongë dhe 150 çadra pa kontratë përdorimi (qira) me Bashkinë Lezhë.

Në Velipojë, Policia e Shkodrës e mbështetur nga FNSH, ka liruar një hapësirë publike rreth 1000 m2 të zaptuar në mënyrë të kundërligjshme nga dy shtetas, pronarë të subjekteve që ushtronin veprimtari në zonën e plazhit në fshatin Pulaj – Plazh.

Gjatë operacionit, u sekuestruan rreth 100 çadra dhe 100 shezlongë, që shtetasit XH. B. e E. S., kishin vendosur në mënyrë të kundërligjshme para lokaleve në administrim, duke zënë hapësirën publike dhe duke mos paguar taksat për to.

Policia njofton se operacioni vijon në të gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim përfitimin.

Shëngjin – VelipojëPolicia e Shtetit vijon operacionin "Plazh i lirë", për zbatimin e detyrave të përcaktuara në planin e posaçëm të masave për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore.Policia e Shtetit liron dhe vë në dispozicion të pushuesve rreth 4500 m2 plazh, pronë publike, të zaptuar në mënyrë të kundërligjshme nga 6 subjekte.Nga këto 3500 m2 në Shëngjin dhe 1000m2 në Velipojë. Sekuestrohen rreth 450 shezlongë dhe 250 çadra. Procedohen penalisht 6 shtetas, nga të cilët 4 në Shëngjin dhe 2 në Velipojë Procedohet përsëri për "Shpërdorim detyre" shtetasi A. N., me funksion Drejtor në Drejtorinë e Taksave dhe Tarifave Vendore në Bashkinë Lezhë, për katër rastet e fundit të konstatuara në Shëngjin.Specialistët e Hetimit të Krimit Ekonomik e Financiar në Drejtorinë Vendore të Policisë Lezhë, në bashkëpunim me Task – Forcën të ngritur nga Prefekti i Qarkut Lezhë , proceduan penalisht 4 persona për veprat penale "Fshehja e të ardhurave", "Mospagimi i taksave dhe tatimeve", konkretisht:-M. Gj., L. P., F. N. dhe GJ. GJ., pasi këta shtetas kishin zaptuar hapësirën publike (rërë) në Shëngjin, duke vendosur rreth 350 shezlongë dhe 150 çadra pa kontratë përdorimi (qira) me Bashkinë Lezhë.Në Velipojë, Policia e Shkodrës e mbështetur nga FNSH, ka liruar një hapësirë publike rreth 1000 m2 të zaptuar në mënyrë të kundërligjshme nga dy shtetas, pronarë të subjekteve që ushtronin veprimtari në zonën e plazhit në fshatin Pulaj – Plazh.Gjatë operacionit, u sekuestruan rreth 100 çadra dhe 100 shezlongë, që shtetasit XH. B. e E. S., kishin vendosur në mënyrë të kundërligjshme para lokaleve në administrim dhe duke mos paguar taksat për to.Në përfundim të veprimeve, Specialistët për Hetimin e Krimit Ekonomik e Financiar në Drejtorinë Vendore të Policisë Shkodër, proceduan penalisht shtetasit XH. B. e E. S., për veprat penale "Fshehja e të ardhurave", "Mospagimi i taksave dhe tatimeve". Operacioni vijon në të gjithë zonën bregdetare, për të kthyer në dispozicion të qytetarëve çdo hapësirë publike të zënë në më mënyrë të paligjshme
Gepostet von Policia e Shtetit am Dienstag, 6. August 2019

Sherr mes të rinjve në Berat, bëjnë për spital 26 vjeçarin

Një 26 vjeçar ka mbetur i plagosur pas një sherri mes të rinjve në Lapardha të Beratit.

Pas një konflikti për motive ende të paqarta, tre persona kanë plagosur një 26-vjeçar me iniciale E.B.

Raportohet se i riu është dërguar menjëherë në spital dhe fatmirësisht është jashtë rrezikut për jetën.

Ndërkohë policia ka proceduar penalisht tre autorët me iniciale M.T, 23 vjeç, R.B,28 vjeç, G.T, 19 vjeç.

Ndaj tyre rëndon akuza për veprën penale “Dëmtime të tjera me dashje, e kryer në bashkëpunim”.

Përplasja në Vlorë, vdes pronari i lokalit, shoqërohen 20 veta

Ka ndërruar jetë në spital pronari i lokalit në Vlorë, Arben Beqiraj i cili u qëllua me armë në lokalin e tij gjatë të dielës në një breshëri plumbash ku mbetën të plasur djali dhe nipi i tij.

Arben Beqiraj u plagos në lokalin e tij pasi dy persona të cilët janë identifikuar nga polica dhe janë vënë në kërkim, hapën zjarr me armë, në zonën e plazhit të vjetër. Bashkë me të u plagosën edhe Egert Beqiraj dhe Nesim Hodaj të cilët janë jashtë rrezikut për jetën.

Viktima ka ndërruar jetë rreth orës 01:00 pas mesnate në spitalin e Vlorës. Ai kishte në trup 6 plumba, në pjesën e barkut, në duar dhe në këmbë. Një prej plumbave e ka kapur Arben Beqirajn në pjesën e kraharorit duke i shkaktuar atij plagë të rënda. Kjo ka bërë që ai të humbasë jetën.

Dy autorët e identifikuar, me iniciale SH.L dhe E.XH janë konfliktuar fillimisht me fjalë me pronarin e lokalit, ndërsa më pas janë përdorur grushtet nga të dyja palët.

Pas konfliktit fizik dy autorët kanë shkuar tek makinat e tyre të parkuara jashtë lokalit nga ku kanë marrë një kallashnikov dhe një pistoletë me të cilat kanë qëlluar drejt Beqirajt, djalit dhe nipit të tij.

Dy persona të dyshuar si autorë të kësaj ngjarjeje janë larguar në drejtim të Pyllit të Sodës. Policia bën të ditur se po punohet për kapjen e dy autorëve nga policia e Vlorës dhe FNSH-ja e Fierit. Ndërkohë janë shoqëruar rreth 20 persona të cilët kanë qenë të pranishëm në vendin e ngjarjes.

Arrestohen dy persona në Rinas, në kërkim ndërkombëtar nga UNMIK dhe Interpol

Polici e Shtetit ka arrestuar dy shtetas në Rinas, të cilët ishin shpallur në kërkim ndërkombëtar. Sipas një komunikate për shtyp shpërndarë për mediat, policia njofton se Shërbimet e Policisës kufitare kanë arrestuar një shtetas me inicialet A.P., i cili ishte shpallur në kërkim ndërkombëtar.

Ky shtetas, i moshës 40-vjeç, ishte shpallur në kërkim na autoritetet italiane dhe Interpol Roma, pasi rezulton i dënuar. Gjykata e Venecias ka lëshuar një urdhër-arresti për shtetasin e sipërpërmendur, pasi ka kryer konsumimin e veprës penale “Pjesëmarrje në grup kriminal me qëllim trafikimin ndërkombëtar të lëndëve narkotike”.

Gjithashtu po në Rinas nga shërbimet e Policisë Kufitare u bë kapja dhe arrestimi provizor me qëllim ekstradimi drejt Kosvës i shtetasit kosovar R.Xh., 39 vjeç. Ky shtetas ishte i shpallur në kërkim ndërkombëtar nga UNMIK, pasi autoritetet gjyqësore kosovare, kanë lëshuar urdhër-arresti për kryerjen e veprës penale “Mashtrimi”.

Velipojë e Pogradec, policia u kthen qytetarëve plazhin, çon para drejtësisë 12 ‘zaptues’

Policia e Shtetit ka liruar 3000 m2 plazh publik në Velipojë dhe Pogradec, i zaptuar në mënyrë të paligjshme nga biznese private. Në kuadër të aksionit “Plazhi i lirë”, që nisi në Ksamil tre ditë më parë, policia e shtetit ka nisur procedimin penal për 12 pronarë subjektesh, 9 në plazhin e Velipojës dhe 3 në Pogradec, të cilët akuzohen për veprën penale “Fshehje e të ardhurave” dhe “Zënia e hapësirës publike”.

Konkretisht, Policia e Shkodrës në bashkëpunimin me FNSH Shkodër, liron dhe vë në dispozicion të pushuesve rreth 3000 m2 plazh, pronë publike, e zaptuar në mënyrë të kundërligjshme. Për këtë arsye janë proceduar penalisht 9 pronarë subjektesh në Velipojë, nga të cilët: 8 pronarë të subjekteve tregtare për veprën penale “Fshehja e të ardhurave” dhe 1 shtetas për veprën penale “Zënia e hapësirave publike”.

Velipojë-PogradecPolicia e Shtetit vijon operacionin "Plazh i lirë", për zbatimin e detyrave të përcaktuara në planin e posaçëm të masave për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore.Policia procedon penalisht 12 pronarë subjektesh, 9 në Velipojë dhe 3 në Pogradec, nga të cilët 11 për “Fshehja e të ardhurave” dhe 1 për "Zënia e hapësirave publike".Policia e Shkodrës në bashkëpunimin me FNSH Shkodër, liron dhe vë në dispozicion të pushuesve rreth 3000 m2 plazh, pronë publike, e zaptuar në mënyrë të kundërligjshme. Procedon penalisht 9 pronarë subjektesh në Velipojë, nga të cilët: 8 pronarë të subjekteve tregtare për veprën penale "Fshehja e të ardhurave" dhe 1 shtetas për veprën penale "Zënia e hapësirave publike". Specialistët për Hetimin e Krimit Ekonomik e Financiar në Drejtorinë Vendore të Policisë Shkodër proceduan penalisht për veprat penale “Fshehja e të adhurave” dhe “Mospagim i taksave dhe tatimeve” shtetasit E. E., Gj. Rr., P. N., K. M., K. Gj., N. R., N. U. dhe L. F., të cilët në plazhin publik Velipojë kryenin aktivitetin e tyre në mënyrë të paligjshme. Po në vijim të operacionit u procedua penalisht për veprën penale “Pushtimi i tokës”, shtetasi Gj. F., pasi nga kontrolli i ushtruar, u konstatua se ky shtetas kishte zënë me çadra plazhi e shezlongë hapësirat publike në bregun e detit pa leje nga organet përkatëse.Operacioni ka vijuar dhe në Pogradec, ku janë proceduar penalisht për veprën penale "Fshehja e të ardhurave", 3 shtetas, të cilët ushtronin aktivitetin privat të tyre, pa dokumentacionin përkatës. Specialistët për Hetimin e Krimit Ekonomik e Financiar në Drejtorinë Vendore të Policisë Korçë, në vijim e zbatim të planit të masave për evidentimin, ndëshkimin e paligjshmërisë dhe konkretisht goditjen e rasteve kundër informalitetit, proceduan penalisht shtetasit: E.M., 31 vjeç, A.M., 46 vjeç dhe SH.R., 22 vjeç, banues në Pogradec, pasi gjatë kontrolleve që shërbimet e Komisariatit të Policisë Pogradec kanë ushtruar në aktivitetet e shtetasve të lartpërmendur (plazhe private), në Pogradec, janë konstatuar një pjesë e shezlongëve pa dokumentacionin përkatës. Operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin dhe për të ndëshkuar evazionin fiskal, në biznes, hidrokarbure, ndërtim etj.
Gepostet von Policia e Shtetit am Sonntag, 4. August 2019

Specialistët për Hetimin e Krimit Ekonomik e Financiar në Drejtorinë Vendore të Policisë Shkodër proceduan penalisht për veprat penale “Fshehja e të adhurave” dhe “Mospagim i taksave dhe tatimeve” shtetasit me inicialet: E. E., Gj. Rr., P. N., K. M., K. Gj., N. R., N. U. dhe L. F., të cilët në plazhin publik Velipojë kryenin aktivitetin e tyre në mënyrë të paligjshme. Po në vijim të operacionit u procedua penalisht për veprën penale “Pushtimi i tokës”, shtetasi Gj. F., pasi nga kontrolli i ushtruar, u konstatua se ky shtetas kishte zënë me çadra plazhi e shezlongë hapësirat publike në bregun e detit pa leje nga organet përkatëse.

Operacioni ka vijuar dhe në Pogradec, ku janë proceduar penalisht për veprën penale “Fshehja e të ardhurave”, 3 shtetas, të cilët ushtronin aktivitetin privat të tyre, pa dokumentacionin përkatës.

Specialistët për Hetimin e Krimit Ekonomik e Financiar në Drejtorinë Vendore të Policisë Korçë, në vijim e zbatim të planit të masave për evidentimin, ndëshkimin e paligjshmërisë dhe konkretisht goditjen e rasteve kundër informalitetit, proceduan penalisht shtetasit me inicilaet: E.M., 31 vjeç, A.M., 46 vjeç dhe SH.R., 22 vjeç, banues në Pogradec, pasi gjatë kontrolleve që shërbimet e Komisariatit të Policisë Pogradec kanë ushtruar në aktivitetet e shtetasve të lartpërmendur (plazhe private), në Pogradec, janë konstatuar një pjesë e shezlongëve pa dokumentacionin përkatës.

Lirohen plazhet e zaptuara në Durrës e Lezhë, nën hetim drejtorët e Tatimeve

Policia e Shtetit ka vijuar edhe gjatë të shtunës operacionin “Plazh i lirë” duke liruar hapësirat e zaptuara nga privatët në mënyrë të paligjshme në Durrës e Lezhë ndërkohë që ka bërë padi për drejtorët e Tatimeve në Durrës e Lezhë për shpërdorim detyre.

Policia njofton se i ka kthyer pushuesve 3500 m2 plazh, pronë publike, e zaptuar në mënyrë të kundërligjshme nga disa shtetas.

Në kuadër të këtij operacioni 7 persona janë vënë në procedim penal në Durrës. 3 prej tyre janë pronarë të subjekteve tregtare dhe akuzohem për veprat penale “Fshehja e të ardhurave” dhe “Zënia e hapësirave publike”.

Në procedim penal është edhe Drejtori i Drejtorisë së Taksave dhe Tarifave Vendore në Bashkinë Durrës, për veprën penale “Shpërdorim detyre”.

Në vijim të operacionit u proceduan penalisht edhe shtetasit: Sh.T., P.Gj., banues në Tiranë dhe D.I., banues në Shijak, pasi nga kontrolli i ushtruar, u konstatua se këta shtetas kishin zënë me çadra plazhi e shezlongë hapësirat publike në bregun e detit pa leje nga organet përkatëse.

Ndërsa në Lezhë, janë proceduar penalisht tre shtetas, njëri prej tyre me detyrë Drejtor në Drejtorinë e Taksave dhe Tarifave Vendore në Bashkinë Lezhë.

Gjatë operacionit u proceduan penalisht dy shtetas P. GJ. dhe D.D., të cilët kishin zaptuar hapësirën publike para lokaleve të tyre, në mënyrë të kundërligjshme duke vendosur shezlongë dhe çadra pa kontratë përdorimi.

Policia njofton se operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin.

Akuzat e PD për tenderin e uniformave, reagon ministria: Nuk njohin ligjin

Partia Demokratike akuzoi të enjten Ministrinë e Brendshme se “tenderi prej 30 milionë eurosh për uniformat e policisë është një aferë korruptive pasi shkurtohet afati në kundërshtim me ligjin për të favorizuar klientët e qeverisë”.

Menjëherë pas kësaj deklarate ka reaguar ministria e Brendshme që i cilëson të pavërteta këto akuza të PD-së ndërsa thekson se përfaqësesit e saj nuk njohin ligjin.

Ministria e Brendshme ka deklaruar se e gjitha kjo është bërë për të përgjysmuar koston ekonomike për operatorët ekonomikë të interesuar të cilët nuk janë të detyruar të sjellin paraprakisht kampione apo monstra të mallrave.

“Duke qenë se, për këtë procedurë prokurimi janë ngritur publikisht disa pretendime të pavërteta, të cilat burojnë kryesisht nga mungesa e njohurive të legjislacionit të prokurimit publik, sqarojmë të gjithë të interesuarit, se:

Së pari, “Procedurë e kufizuar” është një prej llojeve të procedurave të parashikuara nga ligji për prokurimin publik, përmes së cilës çdo operator ekonomik mund të kërkojë të marrë pjesë (Faza e parë – Parakualifikimi), por vetëm operatorët ekonomikë të përzgjedhur në fazën e parë, mund të dorëzojnë oferta teknike dhe ekonomike (Faza e dytë – Ftesa për Ofertë).

Ndarja në dy faza paraqet kosto më të ulëta ekonomike për operatorët ekonomik të interesuar, të cilët nuk janë të detyruar të përgatisin ofertat ekonomike dhe teknike që në fazën e parë (p.sh. kampione/mostra të mallrave), si dhe kosto më të ulëta administrative për organin qendror blerës.

Së dyti, afati kohor në dispozicion të operatorëve ekonomik për paraqitjen e kërkesave për pjesëmarrje në Fazën e parë – Parakualifikimi, i përcaktuar në dokumentet e tenderit dhe njoftimin e kontratës është 25 ditë, nga 20 ditë që është afati minimal ligjor”, sqaron ministrja e Brendshme duke përgënjeshtruar akuzat e PD-së.

Ditën enjte ish deputetja e PD-së, Lealba Pelinku ndërsa denoncoi si aferë korruptive këtë procedurë të Ministrisë së Brendshme tha se PD “do ta ndjekë me vëmendje këtë tender dhe do të denoncojë çdo akt korruptiv që fut duart e Ministrit të Brendshëm apo të kujtdo tjetër në 30 milionë euro para publike”.

Refuzon testin e alkolit duke i dhënë ryshfet policit, arrestohet drejtuesi i mjetit

Policia e Tiranës ka arrestuar një drejtues mjeti në zonën e “Don Boskos”, pasi ka tentuar të korruptojë një efektiv policie. Sipas një njoftimi zyrtar të Policisë së Shtetit, mësohet se gjatë një aksioni të policisë rrugore, në zonën e “Don Boskos”, kanë ndaluar një shtetas për t`i kryer testin e alkolit.

Personi, emri i të cilit jepet me inicialet A.B., gjatë kohës që i ka dhënë dokumentacionin efektivëve Blu, ka futur mes dokumenteve një kartmonedhë me vlerë 2000 lekë të rinj, me qëllim shmangien e testit të alkolit.

Në këto kushte, efektivët e Policisë Rrugore, kanë bërë arrestimin në flagrancë të drejtuesit të mjetit, për veprën penale: “Korrupsioni aktiv ndaj personave që ushtrojnë funksione publike”. Gjatë javës që lamë pas, si rezultat i shtimit të kontrolleve janë evidentuar dhe goditur edhe dy raste të tjera të mitëdhënies.

PD bën thirrje për dhunë ndaj policisë, Paloka: Silluni me ta, si me një grabitës

Nënkryetari i PD-së, Edi Paloka ka bërë të hënën thirrje për dhunë ndaj policisë. Duke iu referuar mbrojtjes së godinës së bashkisë së Devollit nga efektivët e policisë, Paloka shkruan se ata po mbrojnë hajdutin dhe se qytetarët e Devollit duhet të sillen ndaj tyre, njëlloj siç sillen me një grabitës.

“I shihni këta me uniforme ku shkruan “Policia”? Janë në bashkinë e Devollit! Po nuk janë aty për të kapur hajdutin e Ramës që ka hyrë duke thyer derën, natën, kur të zotët e shtëpisë nuk ishin aty.

Këta edhe pse mbajnë uniforma, janë pjesë e bandës. Janë aty për të mbrojtur hajdutin me urdhër të kryehajdutit.

Grabisin prona publike, grabisin prona private dhe as nuk fshihen më! Grabisin me dhunë!

Silluni me ta siç do silleshit me një grabitës që ju ka hyrë në shtëpi po pa njoftuar “policinë që nuk duam””, shkruan Paloka në një status në rrjetet sociale që është shpërndarë për mediat nga zyra e shtypit e PD-së.

Pra ky është qëndrimi zyrtar i PD-së. Dhunë ndaj policëve. Pasi sulmuan me molotov dhe plagosën dhjetëra policë gjatë protestave të dhunshme për të penguar 30 qershorin, PD kërkon një tjetër valë dhune dhe nxit militantët të sulmojnë policinë për të mos lejuar marrjen e zyrave nga kryebashkiakët e rinj. Kujtojmë se ndërkombëtarët reaguan ashpër ndaj akteve të dhunës nga opozita para zgjedhjeve të 30 qershorit. SHBA tha se partitë që nxisin dhunën do të cilëson si organizata të dhunshme dhe do ndërpresim çdo marrëdhënie me ta. Këto thirrje të SHBA-së bënë që opozita të heqë dorë nga protestat e dhunshme para zgjedhjeve të 30 qershorit, por duket se tani pas zgjedhjeve po zbaton një skenar që përfshin akte dhune, sulm ndaj institucioneve dhe policisë.

Futen për të shuar sherrin, dhunohen dy policië në Vlorë

Në ngjarje e rëndë ka ndodhur në qytetin e Vlorës mbrëmjen e të dielës. Dy punonjës të patrullës së Policisë së Vlorës janë goditur nga 4 persona, të cilët ishin duke u konfliktuar me njëri-tjetrin.

Ngjarja ka ndodhur në qytet, teksa policia ka ndërhyrë për të shuar sherrin që kishin nisur katër personat në një lokal.

Por uniformat Blu janë gjendur përballë grushteve duke marrë disa goditje dhe për pasojë disa plagë të lehta në fytyrë. Mësohet se pas kësaj situate, dy prej personave të përfshirë në sherr dhe që kanë goditur policët, janë vënë në pranga.

Policia e Vlorës nuk ka dhënë sqarime për rrethanat e ngjarjes, ndërkohë që lajmi është publikuar nga mediat.