Analisti Arian Vasjari u shpreh në “Real Story”
të gazetarit Sokol Balla, se e vetmja mënyrë për të korrektuar sistemin demokratik
është drejtësia. Duke diskutuar rreth videos së kokainës së kryebashkiakut të
Bulqizës, Vasjari tha gjithashtu se ashtu siç dikur thuhej se PD ishte e
kriminalizuar në mandatin e dytë qeverisës, po thuhet e njëjta gjë dhe tani për
PS.
“Unë mendoj se edhe në kohën e qeverisjes së
PD edhe të PS ka pasur element pozitivë. Por negativja lë më shumë përshtypje.
Politika kështu është. PS dhe PD kanë ligjet e veta dhe nëse hyn në politikë do
përshtatesh çfarë thonë ata.
Ne po ia besojmë drejtësisë atë që duhet të
ndodhë. Ne mund të dyshojmë tek reforma në drejtësi, por reforma në të gjitha
rastet është i vetmi sistem që mund të na ndihmojë sa të mundemi të korrektojmë
demokracinë. Ne duhet t’i besojmë të drejtës për të korrektuar sistemin. Sot
thuhet se Partia Socialiste është e parti e kriminalizuar, ndërsa ne thoshim
për PD se ishte e kriminalizuar në mandatin e dytë. Filizat e drejtësisë kanë
filluar të japin fryte”, tha Vasjari. /Realstory.al/
Kryeministri Rama tha se Gjykata e Lartë dhe ajo Kushtetuese do të jenë funksionale brenda vitit. Këtë deklaratë Rama e bëri nga studio e emisionit ‘Real Story”, ku theksoi se brenda 2019, këto dy gjykata do të jenë funksionale, të cila prej kohësh janë bllokuar për shkak të vettingut dhe askujt tjetër. Pra kjo është një sukses për reformën në drejtësi dhe pastrimin e gjyqësorit theksoi Rama dhe jo dështim i sistemit.
“Gjykata
e Lartë dhe Kushtetuesja do bëhen funksionale brenda viti. Sigurisht që nuk do
të jenë të plota me të gjithë anëtarët, por do të kenë kuorumin e nevojshëm të anëtarëve
për të marrë vendime. Ikën gjyqtarët nga vettingu dhe prandaj s’ka Gjykatë të
Lartë e këtu nuk është faji i askujt. Duhet ndarë nëse kjo është një sukses i gjyqësorit
dhe pastrimit të tij apo dështim i sistemit.” tha Rama
Në lidhje me reformën në drejtësi, kryeministri
Rama tha se vettingu i plotë i gjyqtarëve dhe prokurorëve është edhe një kërkesë
dhe vlerësim i bërë edhe nga vete Merkel në sy të të gjithë grupit parlamentar
në Poznan. Rama tha se arritja më e madhe e reformën në drejtësi do të ishte
edhe dënimi prapa hekurave i gjithë gjyqtarëve dhe prokurorëve që iu shmangën
vettingut duke dhënë dorëheqjen.
“Merkel
ka thënë në Poznan dhe ka artikuluar në sy të të gjithë grupit të saj
parlamentar se i kemi kërkuar Shqipërisë pastrim të gjyqtarëve me vetting.
Merkel e ka thënë, pra një njeri më i madh, në aftësinë për t’i thënë gjërat. Dështimi
im do ishte nëse Komisioni Europian do thoshte që Shqipëria s’ka bërë detyrat,
por kjo nuk ka ndodhur. Gjyqtarët dhe prokurorët që iu shmangën vettigut,
shpresoj ti shohim pas hekurave vitin e ardhshëm” tha Rama në Real Story.
Ministri i Brendshëm, Sandër Lleshaj ka bërë një paralajmërim të fortë duke deklaruar se Reforma në Drejtësi do të hapë dosjet e vjetra. Lleshaj tha se për reformën në drejtësi nuk ka dosje të vjetra dhe çdo çështje do të kalojë në sitën e saj.
“Disa dosje nuk quhen asnjëherë të vjetra. Reforma në Drejtësi do të bëjë të mundur zbardhjen e ngjarjeve kriminale”, tha Lleshaj, deklaratë të cilën e bëri gjatë një vizite në familjen e ish-efektivit të policisë Kolë Ndreshaj, i vrarë në krye të detyrës në vitin 2010. Lleshaj tha se kjo është një ngjarje delikate për t’u zbardhur, ndërsa shtoi se Reforma në Drejtësi do të bëjë të mundur zbardhjen e ngjarjeve të tilla kriminale. Lleshaj tha më tej se janë ende edhe shumë dosje të policëve të vrarë që ende nuk janë zbardhur, ndërsa shtoi se nuk janë harruar dhe se do të zbardhen.
Ky paralajmërim i ministrit të Brendshëm vjen pas sulmeve të vazhdueshme, jo vetëm të opozitës por edhe kreut të shtetit Ilir Meta, që kanë bërë ndaj Reformës në Drejtësi. Një reformë që është nën kujdesin special të SHBA-ve e ndërkombëtarëve dhe pritet të gjejë një zbatim sa më të thellë dhe të luftojë korrupsionin në të gjitha nivelet vendimmarrëse të institucioneve shqiptare. Po dosjet e vjetra apo të mëdha për drejtësinë shqiptare si vjedhja e parave në rrugën Durrës-Kukës, Gërdeci apo 21 Janarit, a do të hapet hetimi? Kjo mbetet për t’u parë, por Ministri Lleshaj e bëri të qartë se me Reformën në Drejtësi nuk do të ketë më dosje të mbyllura apo të fjetura në sirtarët e prokurorëve. / Realstory
Pavarësisht se ndërkombëtarët janë sulmuar nga
përfaqësuesit e opozitës dhe nga presidenti Meta lidhur me reformën në drejtësi,
shqiptarët mendojnë se fakti se ata qëndrojnë pas kësaj reforme do të thotë
sukses për të.
Deutsche Welle ka përgatitur një video për
këtë reformë, duke marrë mendimet e qytetarëve në Tiranë, lidhur me atë që
pritet të sjellë Reforma në Drejtësi.
Një pjesë e qytetarëve shqiptarë janë optimistë
se reforma do të ketë sukses duke u nisur nga fakti se SPAK do të drejtohet nga
SHBA dhe BE.
“Shpresojmë, që nëse drejtohet nga
ndërkombëtarët SPAK-u, gjithçka do të lëvizë në drejtësinë shqiptare”, është shprehur
një qytetar në Tiranë.
“Drejtësia është një nga ligjet kryesore për
zhvillimin e ligjeve demokratike, për ekonominë, për njerëzit që të mos kenë
kontradikta dhe që Shqipëria të futet në BE. Kjo reformë do të funksionojë,
sepse është me ndihmë nga SHBA”, është shprehur një tjetër.
Ajo që i bashkon opinionet e shqiptarëve është
kërkesa e përbashkët që reforma në drejtësi të shkojë deri në fund dhe të nisë
e të japë frute, pasi ndryshe, siç thotë njëri prej tyre “nëse nuk bëhet kjo
reformë, këtu nuk ka shtet”.
Reforma në Drejtësi në Shqipëri është një ndër çështjet kryesore që tërheq vëmendjen e ndërkombëtarëve të cilët janë investuar fuqishëm në realizimin e saj, veçanërisht SHBA-të. Më poshtë keni videon e plotë të përgatitur nga Deutsche Welle, me opinionet e qytetarëve shqiptarë lidhur me këtë reformë./realstory.al
Të martën më 27 gusht, Ambasada e Shteteve të Bashkuara në Tiranë, publikoi videon e radhës në kuadër të procesit informues për qytetarët shqiptarë të nisur më 22 korrik, “Çfarë është Reforma në Drejtësi”. E fundit, nga pesë videot që ka publikuar deri më tani ambasada e SHBA për Reformën në Drejtësi, ishte një video informuese për Byronë Kombëtare të Hetimit. Ambsada sqaronte se “Byroja Kombëtare e Hetimit shkurt ‘BKH’, është njësia hetimore e SPAK (Prokurorisë Speciale anti Krimit të Organizuar dhe Korrupsioni). Sipas SHBA, Byroja Kombëtare e Hetimit, do të jetë njësi hetimore e ngjashme si FBI në Amerikë. Kjo është në mënyrë të përmbledhur, në videon shpjeguese të BKH-së që publikoi Ambasada e SHBA.
Më 20 gusht, ambasada e Shteteve të Bashkuara të Amerikës, publikoi videon e katërt në radhë, ku shpjegonte funksionimin dhe rëndësinë e Strukturës së Posaçme Anti-Korrupsion dhe Anti-Krim i Organizuar, ose shkurt SPAK. Duke shpjeguar këtë strukturë, ambasada tregonte se ‘SPAK do të jetë njësia që do të hetojë krimin dhe korrupsionin e kryer nga zyrtarët e lartë”, duke shpjeguar gjithashtu se kësaj strukture nuk do t`i shpëtojë askush, përfshirë “presidentin, kryeministrin, ministra” e të tjerë zyrtarë të lartë.
Më 13 gusht, në videon e tretë në radhë, ku këtë herë në kuadër të procesit informues “Çfarë është Reforma në Drejtësi”, Ambasada e SHBA, shpjegonte Gjykatën Kushtetuese, ku ndër të tjera shkruante “Shqipëria do të ketë një Gjykatë Kushtetuese funksionale, me gjykatës të kualifikuar, të paanshëm dhe apolitikë”. Gjykata Kushtetuese, është një nga institucionet më të rëndësishme të sistemit të drejtësisë, e cila është e vetmja që ka tagrin që gjykon dhe interpreton Kushtetutën, duke u dhënë zgjidhje shumë problemeve në vendin tonë. SHBA ka qenë promovuese e fortë e krijimit të Gjykatës Kushtetuese sa më shpejt të jetë e mundur, si institucioni i vetëm legjitim që mund të gjykojë ligjshmërinë ose jo të dekreteve të Ilir Metës për anulimin e zgjedhjeve të 30 qershorit dhe dekretimin e 13 tetorit, por edhe vetë procesin e zgjedhjeve lokale të mbajtura dy muaj më parë në vendin tonë.
Në videon e datës 6 gusht, ambasada e SHBA, njihte dhe informonte qytetarët shqiptarë për Procesin e Vettingut në sistemin e drejtësisë. Një nga proceset më të rëndësishme që deri tani ka larguar nga sistemi i drejtësisë mbi 60 gjykatës dhe prokurorë që dyshohet se kanë pasur lidhje me krimin, apo kanë pasur pasuri të pajustifikuar.
Në videon e datës 22 korrik, e para në radhë nga pesë videot e shpërndara në më shumë se një muaj nga ambasada e SHBA, ajo informonte qytetarët shqiptarë për Reformën në Drejtësi, duke shpjeguar në mënyrë të hollësishme se “çfarë është kjo reformë dhe çfarë ndikimi do të ketë ajo në jetën e shqiptarëve?”. Në këtë video tregoheshin pikërisht institucionet e reja të drejtësisë, të cilat sipas SHBA, do të bëjnë të mundur që “të gjithë të jenë të barabartë përpara ligjit”.
Po përse SHBA ka vendosur që gjatë verës të
shpërndajë këto video mesazhe ku informon “çfarë është Reforma në Drejtësi?”.
Pse nisi më 22 korrik dhe jo më herët shpërndarja e këtyre videove? A janë këto
video një përgjigje dhe mesazh vetëm për qytetarët shqiptarë, që kërkojnë të
njihen me Reformën në Drejtësi, apo ka arsye të tjera?
Realstory.al ka bërë një kontroll të fakteve, duke u munduar t`i japë përgjigje pyetjeve të mësipërme. Publikimi i videove ku shpjegohet Reforma në Drejtësi nga SHBA erdhi fill pas një serie sulmesh të Ilir Metës kundër kësaj reforme. Më 3 korrik, Ilir Meta nisi disa sulmes të paprecedenta, ku sipas tij akuzonte se qeveria po kap sistemin gjyqësor, ndërsa Reforma në Drejtësi është ‘deformuar’. Meta e quajti Reformën në Drejtësi si “Ramaformë”. Kreu i shtetit, sipas mesazheve të publikuara në llogarinë e tij në Facebook, rriti dozën e sulmeve, duke e nisur më 3 korrik me sulmin ndaj Prokurorisë së Përgjithshme, ku akuzonte qeverinë se ka ‘kapur Prokurorinë e Përgjithshme”, dhe më pas vijoi me sulmin ndaj Gjykatës Kushtetuese në 5 korrik, sulm të cilin e vijoi me një tjetër publikim në datën 16 korrik, ku shkruante ‘ja si Ramaforma e la vendin pa Gjykatë Kushtetuese’.
Brenda shkrimeve të tij të gjata, Meta
akuzonte dhe ndërkombëtarët për atë që e ai e quan ‘kapje të sistemit të drejtësisë’.
Por, sulmet e Ilir Metës ndaj Reformës në Drejtësi, nuk ishin thjesht sulme
ndaj Kryeministrit Edi Rama. Ato, sulmet, indirekt ishin për Shtetet e
Bashkuara të Amerikës, Partnerin Strategjik të Shqipërisë, që “Reformën në
Drejtësi”, e ka një nga investimet më të rëndësishme diplomatike në vendin tonë
gjatë pluralizmit politik.
Ndaj, SHBA iu përgjigj në mënyrë origjinale këtyre sulmeve, duke marrë përsipër një proces informimi ndaj qytetarëve shqiptarë, duke i shpjeguar “Reformën në Drejtësi”, që Meta e quante “Ramaformë”. Dhe pikërisht, ishte video e 22 korrikut, ku ambasada shpjegonte “çfarë është Reforma në Drejtësi?”, ajo që i mbylli gojën Ilir Metës, i cili prej atij momenti heshti dhe nuk e sulmoi më Reformën në Drejtësi. SHBA, në këtë mënyrë zgjodhi t`i jepte mesazh Ilir Metës dhe gjithë klasës politike, se s`mund të njollosin një investim të sajin në Shqipëri, siç është reforma gjyqësore.
Por jo vetëm kaq, brenda videove të publikuara nga ambasada, SHBA u ka treguar politikanëve se nuk do të jenë më të paprekshëm, ndoshta duke përfshirë dhe presidentin, pas nisjes nga funksioni të SPAK-ut. Gjithashtu, fakti që SHBA është shprehur se do të trajnojë hetuesit e BKH-së, apo fakti që po udhëheq Vettingun, tregon dhe njëherë, madje konfirmon jo vetëm se Reforma në Drejtësi është investimi më i rëndësishëm i Shteteve të Bashkuara të Amerikës si ‘partner strategjik’ i vendit tonë, por se nëpërmjet kësaj reforme, Shqipëria do të futet në rrugën e integrimit evropian. Pra, me video mesazhet ‘çfarë është Reforma në Drejtësi”, që nisën në 22 korrik, SHBA ndali sulmet e Metës, që e quante “Ramaformë”, investimin amerikan, por gjithashtu, po u jep dhe mesazhin politikanëve, se Shqipëria do të bëhet, duke nisur me parimin themelor të demokracisë amerikane, “përpara ligjit janë të gjithë të barabartë”. /Realstory.al/
Reforma në Drejtësi nuk është shqiptare,
më së shumti ajo i përket BE-së dhe SHBA-së. Këtë e ka faktuar shefja e
Operacionit Ndërkombëtar të Monitorimit, Genoveva Ruiz Calavera e cila ka bërë
të ditur se Bashkimi Europian ka dhënë jo pak por 42 milionë euro për zbatimin
e Reformës në Drejtësi në Shqipëri, kështu që sulmet e Metës, të Bashës dhe të
Berishës në drejtim të kësaj reforme nuk pijnë ujë aspak.
Të gjithë janë të rreshtuar dhe s’duhet
të bëjnë gjë tjetër veçse ta pranojnë, sepse këtu s’ka gisht Rama dhe akuzat
ndaj tij, por BE dhe SHBA, të cilët kërkojnë llogari një më një për çdo euro të
hedhur për këtë reformë dhe për rezultatet konkrete që presin prej saj.
“Ne kemi dhënë kohët e fundit 42 milion
€ nga fondet e BE-së në një program të ri drejtësie që do të ndihmojë në
konsolidimin e reformës. Ne gjithashtu do të vazhdojmë të raportojmë në detaje
për situatën e Shqipërisë në raportet e Komisionit. Siç e shihni, angazhimi i
BE-së në Shqipëri është i shumëanshëm dhe shumëdimensional sepse ne duam të
shohim rezultate konkrete dhe të matshme për realizimin e shtetit të së
drejtës. Kjo është jetike për të mbrojtur qytetarët dhe për të nxitur
zhvillimin ekonomik, aq shumë të nevojshëm për të siguruar që brezat e rinj të
qëndrojnë në këtë vend të bukur ku kanë lindur pa pasur nevojë të kërkojnë një
të ardhme më të mirë jashtë vendit”, nënvizoi shefja e ONM, Genoveva Ruiz
Shefja e ONM-së ndër të tjera ka bërë të
ditur se janë angazhuar 6 agjenci ndërkombëtare të cilat po punojnë fort për të
ngritur sa më parë SPAK.
“Në këtë fazë, ne nuk konsiderojmë se vendosja
e një misioni tjetër të ngjashëm me ONM-në është e nevojshme, por mbështetja e
BE-së për reformën gjyqësore do të vazhdojë, me të gjitha instrumentet në
dispozicionin tonë. Për shembull, misioni ynë EURALIUS ka luajtur dhe do të
vazhdojë të luajë një rol të rëndësishëm në afrimin e sistemit shqiptar të
drejtësisë me standardet evropiane, duke siguruar një mbështetje dhe ekspertizë
të vlefshme teknike. Misioni ynë PAMECA është mbështetja e agjencive të
zbatimit të ligjit në luftën kundër krimeve të rënda dhe korrupsionit. Këto
misione të asistencës së BE-së janë duke punuar ngushtë me agjencitë tona
ligjore të BE-së: Eurojust, Frontex, Europol, Cepol për të zhvilluar
kapacitetet e autoriteteve shqiptare në përputhje me praktikën më të mirë
evropiane”, deklaroi ajo.
Kujtojmë se Calavera kohët e fundi ka qenë në qendër të sulmeve dhe akuzave të presidentit Meta për kapje të reformës në drejtësi dhe shtrembërim të saj./Realstory.al
“Shumë njerëz do ndëshkohen nga reforma në drejtësi”.
Kështu deklaroi të premten deputeti i Partisë Socialiste, Ervin Bushati, i cili tha se të gjithë i tremben kësaj reforme
dhe jo vetëm opozita. Bushati tha se në vjeshtë, Gjykata Kushtetuese, SPAK dhe
BKH do të jenë funksionale dhe këtë nuk mund ta ndal askush, as vetë qeveria.
“Nga
Reforma në Drejtësi do ketë njerëz që do ndëshkohen. Të gjithë kanë frikë nga
kjo reformë, kush të tha që ka frikë vetëm opozita. Ka njerëz që duhen të
tremben. Organet e drejtësisë kanë filluar të jenë funksionale. Gjykata
Kushtetuese fillon brenda shtatorit, e njëjta gjë mund të ndodhë edhe me SPAK e
BKH. Është një proces jashtë ndërhyrjes dhe vullnetit tonë politik për të
ndërhyrë. Në vjeshtë dhe dimër do shohim se do avancojë me shpejtësi reforma”,
tha Bushati
Deputeti socialist akuzoi presidentin Meta se
ka harruar rolin e tij dhe po kthehet në një opozitë-bërës që të shpëtojë opozitën
nga kriza. Për sa i përket 13 tetorit, Bushati e quajti një ditë pa vlerë dhe
një nga vendimet e gabuara që presidenti Meta ka ndërmarra në gjithë këto kohë.
“Nuk ka
krizë politike në Shqipëri, por krizë të opozitës. Presidenti ka marrë rolin e
opozitës. Në momentin që opozita s’po e nxjerr dot veten
nga balta, dalin Berisha dhe Meta. Presidenti e ka zhveshur kostumin e kreut të
shtetit dhe ka marrë mbi vete petkun e opozitë-bërësit. Patjetër që do gabojë,
siç gaboi me 30 qershor. Në mënyrë të paligjshme dhe antikushtetuese Presidenti
anuloi zgjedhjet. Presidenti ka dekretuar një datë tjetër për zgjedhjet. 13
tetori s’ka vlerë fare. Nuk mund të ndodhë që të futemi në një rreth vicioz e
të bëjmë zgjedhje çdo dy vjet, çdo një vit e çdo muaj.” – tha Bushati gjatë
një emisioni televiziv
Tani që Shqipëria dhe shqiptarët janë mu në
prag të shpëtimit të tyre historik, është mirë të kujtojmë historinë.
l.
Kemi bërë luftë historike kundër hordhive
osmane, kur kemi qenë në këto troje 4 milionë shqiptarë në luftërat
kastriotiane, me Gjergj Kastriot Skënderbeun në krye, tani një hero kombëtar
dhe një figurë e madhe e historisë botërore…
Pastaj? Na kanë pushtuar… dhe përsëri
gjallë mbetëm, sepse kishin shqiptarë të mëdhenj që na kanë mbrojtur, por…
Na kanë luftuar me tmerr në 200 vjetët e
fundit. Na kanë genociduar dhe na kanë shpërngulur nga trojet tona në favor të
të ashtuquajturve grekë që kanë ardhur nga Anadolli e janë vendosur në trojet
tona; dhe sllavëve të jugut. Na kanë marrë 100 mijë km2 territor me zjarr dhe
krim sllavët e jugut dhe grekët, në aleancë me Rusinë dhe Francën. Kemi
mbijetuar në 28 mijë km2, dhe me këtë shtet kemi shpëtuar gjuhën. Por, kemi
marrë para 20 vjetësh edhe një shtet tjetër shqiptar. Kemi sot përkrahjen e
superfuqisë unike në këtë rruzull dhe dy shtete shqiptarë në Ballkan.
Ndërkohë gjithçka e kemi në favor për të
rimarrë historinë tonë të humbur. Por tani shqiptarët i kanë pushtuar
shqiptarët që i drejtojnë dhe po i sundojnë me paratë që iu kanë grabitur. Këta
grabitës kuptohet se nuk duan të tërhiqen, duke luftuar kundër politikës së
madhë perëndimore që po kërkon të rikthejë Arbërinë. Por, çfarë na duhet të
bëjmë?
ll.
Na i ka thënë poeti kombëtar shumë saktë:
Asnji punë s’na shkon për s’marit.
Se, sa nisim nji pune t’re,
Të parët që e prishim, jemi ne!
Gjergj Fishta
Më saktë nuk ka ku shkon.
Ja pra, tani kemi “nis nji punë të
re”, një inisiativë perëndimore për ribashkimin historik të Arbërisë, që
po duan të na i prishin ata që e kanë prishur ngaherë: sunduesit e korruptuar
dhe të shiturit në Shqipëri.
Por e kanë kot. Reforma e nisur tani ka marrë
karakter të plotë perëndimor, dhe drejtohet nga forca e politikës amerikane.
Dhe shqiptarët duhet të kujtohen, se, kur kemi humbur territoret e Arbërisë,
2/3 e politikës perëndimore i kemi pasur kundër. Sot, në mbështetje të politikës
amerikane dhe asaj gjermane, njëqind përqind e politikës perëndimore janë me
shqiptarët në Ballkanin Perëndimor, dhe rikthimi i Arbërisë është çështje kohe.
Dhe Kjo politikë amerikane do të shkojë deri në fund, dhe shumë shpejt. Pse,
pasioni i kancelares gjermane Merkel për mosprekjen e territoreve të Kosovës,
ishte një kërkesë e izoluar? Jo, ajo ka të bëjë më bashkimin e Arbërisë.
E shikoni sesa histori të hidhur kemi? Ka tre
vjet që krerët e Shqipërisë nuk lejojnë zhvillimin për bashkimin e Arbërisë
historike, dhe po luftojnë me çdo mjet kundër Shqipërisë, pasi e kanë vjedhur
dhe e kanë zhveshur atë.
Por, tani, është krimi i tyre korruptiv që po
iu sillet netëve si hija e Bankos.
lll.
Jam i sigurt kur them se individëve të
korrupsionit shqiptar ka një vit që iu shfaqet netëve hija e Bankos. E ndiejnë
që janë të pashpresë. Dhe kjo i hodhi në sulm për të destabilizuar Shqipërinë.
Por dështuan si pasojë e forcës që politika amerikane ushtroi kundër tyre.
Prandaj tani gjithçka po shkon sipas skemës së
politikës amerikane. Ajo që bie në sy është fakti që politika amerikane dhe
politika gjermane janë në unison për qëndrimin kundrejt botës shqiptare në
Ballkanin Perëndimor. Por, deri tani, të dyja këto politika kanë gjetur pengesë
te lidërshipi politik shqiptar, të të gjithë të korruptuarit të cilët do të
jenë objekt i reformës antikorrupsion në Shqipëri.
Por një gjë është e sigurt: shumë shpejt këta
do të ikin nëpër proceset e tyre penale. Nuk kanë më asnjë shpresë. Rreptësia
me të cilën i goditi dhe po i godet politika amerikane të korruotuarit e
Shqipërisë tregon hapur që Reforma në Drejtësi në Shqipëri do të jetë drastike.
Reforma antikorrupsion, që e ka qëndrën e vet
të Reforma në Drejtësi, tani është e strukturuar plotësisht. Sot u mbyll i
gjithë kuadri ligjor, dhe ajo që do të kërkohet, sigurisht duhet të jetë
vëmëndje e plotë e opinionit publik ndaj kësaj Reforme, sepse te kjo Reformë
është mbështjellë dhe jeton e gjithë e ardhmja moderne dhe në zhvillim e
Shqipërisë. Të kjo reformë e përfunduar me sukses qëndron vetë ngritja e
personalitetit të shtetit shqiptar dhe e dinjitetit kombëtar, i cili tani është
krejt e krejt i nëpërkëmbur, nëpërkëmbje kjo që iu ka bërë shumë dëm
shqiptarëve.
Avokat Spartak Ngjela ka bërë të ditur se për
2 vite me rradhë Reforma në Drejtësi u bllokua nga PD, por falë ndërhyrjes së
ndërkombëtarëve dhe veçanërisht amerikanëve gjërat lëvizën dhe tani me ngritjen
e SPAK dhe BKH-së në shtator pritet të ketë rezultate konkrete. Sipas Ngjelës
reforma në drejtësi po ecën përpara dhe shumë shpejt do të japë rezultatet e
para.
“Reforma në drejtësi ka qenë për dy vjet rresht
e bllokuar. Reforma ka qenë dy vjet e bllokuar nga Partia Demokratike. PD e
kapi marrëzia dhe doli nga Parlamenti për të bërë revolucion duke dështuar në
planet e saj. Kjo pasi në Kuvend hynë deputetët normalë të një opozite
konstruktive dhe të mençur dhe po bëjnë reformën. Reforma në Drejtësi tani
është drejt fundit. Edhe “Poli i drejtësisë” u inaugurua, edhe ndërkombëtarët
ishin atje. Kështu që, nisur nga këto nuk ka më dyshim që reforma në drejtësi
po ecën përpara, pasi edhe Parlamentin e ka marrë Reforma në Drejtësi”,
deklaroi Ngjela për gazetën Sot.
Avokat Spartak Ngjela paralajmëroi më tej se
të gjithë të korruptuarit do të dalin para drejtësisë, ndërsa theksoi se lufta
kundër korrupsionit sapo ka nisur. Sipas tij, politikanët e korruptuar nuk do
të livadhisin dot më, pasi SPAK do të prekë të gjithë krahët. “Kushdo që ka
ardhur me sandale dhe ka bërë pallate duke iu futur dorën në xhep shqiptarëve
do të dalin para drejtësisë. Reforma në Drejtësi ka filluar me luftën ndaj të
korruptuarve, ku të parët që kanë rënë në rrjetën e saj janë njerëzit e
drejtësisë. Në gjykatë dhe në prokurori Reforma në Drejtësi ditët për ditë
eksludon të korruptuarit, duke i flakur nga sistemi. Kështu që, ka filluar
reforma në drejtësi që të japë efekte e saj. Tani lind pyetja se a do të
fillojë apo jo në politikë? Për këtë kategori e ka në dorë SPAK dhe BKH, që të
dy këto institucione janë drejt formulimit, pastaj keni për të parë se që të
gjithë këta që janë bërë milionerë me paratë e popullit do të kalojnë në dorë
të SPAK dhe BKH. Patjetër! Nuk mund t’i lëmë politikanët dhe pushtetarët e
korruptuar që të livadhisin. O do të mbretërojnë të korruptuarit ose do të
fitojë populli”, u shpreh Ngjela.
Duke i bërë një analizë historisë 3 vjeçare të
Reformës në Drejtësi, avokat Spartak Ngjela shprehu bindjen se pa ndihmën e
Shteteve të Bashkuar të Amerikës dhe Bashkimit Europian, kjo reformë nuk mund
të ecte përpara. “Neve vetëm nuk e bënin dot Reformën në Drejtësi, pasi të
gjithë të korruptuarit ishin bashkë të gjithë. Por falë ndërhyrjes së politikës
së Shteteve të Bashkuara të Amerikës dhe asaj europiane, pra të Bashkimit
Europian reforma po shkon drejt përfundimit. Kështu që, Shqipëria është në një
moment shumë të rëndësishëm pasi do të çlirohet nga të korruptuarit.
Korrupsioni në Shqipëri është një “zgjedhë” e plotë. Por duke parë zhvillimet e
fundit di të them se jam shumë optimist që Reforma në Drejtësi do të jetë e
suksesshme. Besoj se në shtator do të kemi përplasjen e Reformës në Drejtësi me
korrupsionin e lartë shtetëror”, nënvizoi avokat Spartak Ngjela për gazetën
“Sot”.
Kryeministri Rama ka bërë sërish ftesën e tij drejtuar
opozitës joparlamentare për të dialoguar dhe arritjen e një marrëveshje që do të
sjell paqen politike për Shqipërinë dhe jo për karriget e pushtetit. Rama, me
një ton të but dhe bashkëpunues, bëri thirrje që opozita të ulet dhe të
diskutojë për reformën zgjedhore, madje duke thënë se i japin në dorë edhe “veton”
që t’ia vendosë edhe vetë PS nëse e mendojnë të duhur, por tregon zero tolerancë
për sa i përket reformës në drejtësi. Kryeministri gjatë fjalës së tij në Asamblenë
Kombëtare të PS, tha se reforma në drejtësi nuk preket dhe nuk bëhet pjesë e asnjë
marrëveshje politike që pengon drejtësinë
të merret me këdo që mund të jetë subjekti i saj, si majtas apo djathtas
qoftë.
“Patjetër që duam paqe politike për
Shqipërinë që duhet të nisë me Shqipërinë dhe jo me karriget dhe duhet të
bitiset për Shqipërinë. Dora ime mbetet e shtrirë, gati për të shkruar prapë,
kur të vijë momenti. Reforma zgjedhore sipas rekomandimeve të OSBE-së dhe KE-së
mbetet sfidë e përbashkët me opozitën parlamentare dhe jo parlamentare e cila
ka edhe një vend të lirë bosh që e pret në komision. Është e mirëpritur, madje
ka edhe veton. Ky është ndryshimi mes nesh dhe atyre, ata me molotov ne u japim
edhe veton që të na vënë veton ne.
Ndërsa reforma në drejtësi as nuk negociohet dhe as nuk diskutohet, vetëm mbështetet. Nuk kam disponimin minimal për asnjë marrëveshje për të ndjekurat e politikanëve dhe për asnjë marrëveshje që rrezikon ose mund të rrezikojë të pengojë drejtësinë të merret me këdo që të jetë subjekt i drejtësisë qoftë djathtas, majtas, në këtë sallë apo kudo tjetër. Borxhi që na ka futur ku na ka futur populli në 30 Qershor nuk shlyhet dot. Qoftë ata që përfunduan aty ku e meritojnë. Ata që kanë hesape me drejtësinë qoftë edhe në këtë familje, i ka individuale dhe duhet ti trajtojë individualisht. Partia jonë nuk ka gatishmëri të mbrojnë, justifikojë, tolerojë askënd që mund të ketë hesape me drejtësinë”.
