Një mjet u shkrumbua nga flakët të enjten në rrugën nacionale Gjirokastër-Tepelenë. Ngjarja ndodhi në afërsi të vendit të quajtur “Ura e Kardhiqit”.
Mjeti i djegur është një “Hundai”, i cili është përfshirë nga flakët për shkaqe ende të panjohura.
Mjeti që u dogj ishte pa targan. Forcat zjarrfikëse shkuan në vendin e ngjarjes duke shuar flakët, ndërsa mjeti u shkrumbua.
Gjithashtu, edhe forcat e policisë shkuan në vendin e ngjarjes dhe po punojnë për zbardhjen e shkaqeve të djegies së mjetit.
Vrasja e njërit prej vëllezërve dhe plagosje e tjetrit në orët e mbrëmjes së 4 dhjetorit në Tepelenë, ende nuk ka sjellë persona të shoqëruar në polici. Sipas hetimeve paraprake dyshohet se ngjarja mund të jetë e lidhur me hakmarrjen apo larje hesapesh, pasi vëllai i mbetur i plagosur Artan Bresha, 43 vjeç, është një person me precedent penal. Ai është dënuar para 8 vitesh për trafikimin e 820 kilogramëve drogë me maune. Ndërsa vëllai tjetër, i cili mbeti i vdekur, Artur Bresha, 47 vjeç, punonte si roje në një kompani inertesh në Tepelenë. Atentati, dy vëllezërve, iu bë në banesën e tyre, ku dy persona të armatosur plagosen Artanin në këmbë dhe rrëmbyen vëllain e tij Arturin.
Arturi u vra rrugës dhe më pas trupi i tij u hodh pranë kompanisë ku punonte si roje. Viktima është qëlluar me automatik model ”56” nga dy persona, gjë që konfirmohet nga gjurmët e gjendura në vendngjarje.
I plagosuri Artan Bresha ndodhet në spital, jashtë rrezikut për jetën, ndërsa ende nuk ka dijeni se i vëllai ka ndërruar jetë. Deri në këto momente nuk ka asnjë person të shoqëruar në lidhje me atentatin.
Mbrëmjen e të mërkurës një person mbeti i vdekur në Tepelenë, pasi iu bë atentat me armë zjarri. Mësohet se viktima është shtetasi Artur Bresha. Praprakisht raportohet se viktima ishte punonjës roje i një kompanie intertesh në Tepelenë. Ndërkohë, pas atentatit ndaj Breshës, mbeti i plagosur dhe vëllai i tij.
Vëllai i viktimës ishte duke qëndruar në një dyqan, në çastin që është plagosur. Policia shkoi në vendin e ngjarjes dhe po punon për zbardhjen e rrethanave të këtij atentati. Ndërkohë, ende nuk ka të dhëna rreth autorëve dhe shkaqeve të këtij atentati.
“Në dalje të qytetit të Tepelenës, në rrethana ende të paqarta është vrarë me armë zjarri shtetasi A.B., rreth 47 vjeç, si dhe është plagosur në këmbë vëllai i tij, shtetasi A.B., rreth 43 vjeç, i cili ndodhet në spital jashtë rrezikut për jetën. Menjëherë është ngritur një grup i posaçëm hetimor nga DVP Gjirokastër dhe nën drejtimin e Prokurorisë po vijojnë punën për zbardhjen e rrethanave të ngjarjes, identifikimin dhe kapjen ne autorëve”.
“Në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit. Në akset rrugore nacionale dhe ato rurale që lidhen ne qytetin e Tepelenës Policia ka ngritur menjëherë pika kontrolli. Forca të shumta të Policisë Tepelenë dhe të D.V.P. Gjirokastër po bëjnë krehjen e zonës me qëllim kapjen e autorit/ve”, thuhet ndërkohë në komunikatën e policisë.
Policia e Durrësit ka arrestuar një 25-vjeçar, me inicialet K.Ç., nga fshati Toç i Tepelenës, i cili është kapur duke transportuar lëndë narkotike Cannabis. Sipas policisë, mësohet se mëngjesin e të mërkurës shtetasi i mësipërm është arrestuar në flagrancë te “Mbikalimi i Shkozetit” në Durrës.
Sipas polcisë, në bazë të informacioneve të marra në rrugë operative, kishte dyshime se shtetasi K.Ç., ishte duke transportuar me mjetin etij lëndë narkotike Marjuanë në drejtim të tiranës.
Nga kontrolli i ushtruar në automjetin e tij u gjetën rreth 42 kg e 260 gr lëndë narkotike e dyshuar Marjuanë, e cila u sekuestrua në cilësinë e provës materiale. Gjithashtu nga kontrolli i dokumentacionit rezultoi ky shtetas nuk dispononte leje drejtimi.
Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm për veprat penale “Prodhimi dhe shitja e lëndëve narkotike” dhe ” Drejtimi i automjetit në mënyrë të parregullt”.
Një tërmet 3.4 ballë është regjistruar paraditen e së martës në Tepelenë.
Lëkundjet e tërmetit janë ndjerë rreth orës 8:30. Sipas IGJEUM, epiqendra ka qenë në fshatin Krahes, Tepelenë, më magnitudë 3.4 ballë dhe thellësi 12 km.
Kujtojmë se javët e fundit, një nga qytetet e vendit që është prekur dhe dëmtuar nga tërmetet ka qenë fshati Floq në Korçë, ku ka pasur dëmtime serioze të dhjetëra banesave.
Një aksident me makinë ka përfunduar në plagosjen e një personi në aksin rrugor Tepelenë-Memaliaj.
Një makinë tip “Lancia” me targa AA 873 HS është përplasur me një mjet tip Jeep të forcave ushtarake me targa MM 017 PU. Nga përplasja ka mbetur i plagosur drejtuesi i mjetit “Lancia”, shtetasi Tritan Kondi, i cili është dërguar në spitalin e Tepelenës.
Policia ka nisur hetime në vendngjarje për zbardhjen e plotë të shkaqeve të aksidentit .
Policia e Tepelenës ka arrestuar në flagrancë një shtetas i cili posedonte 35 kiligramë lëndë narkotike Cannabis Sativa. Sipas një njoftimi të Policisë së Shtetit, 46-vjeçari me inicialet K.M., banues në Tiranë është arrestuar pasi dispononte një sasi lënde narkotike Cannabis Sativa, të cilën ishte duke e përpunuar dhe bërë gati për shitje, në formën e çokollatës.
“Si rezultat i operacionit u bë arrestimi në flagrancë i shtetasit: K.M., 46 vjeç, banues në Tiranë. Nga kontrolli i ushtruar në banesën e tij në fshatin Turan, u gjetën dhe u sekuestruan në cilësinë e provës materiale rreth 35 kg lëndë narkotike Cannabis Sativa (ku 1.6 kilogramë ishte në formë çokollate), si dhe 14 kubikë ku ishin kultivuar fara kanabis. Materialet i kaluan Prokurorisë për hetime të mëtejshme”, shkruan Policia e Shtetit.
Njoftimi i plotë i Policisë:
Tepelenë
Goditet një tjetër rast i veprimtarisë kriminale në fushën e narkotikëve.
Finalizohet operacioni i koduar “Përpunimi”.
Operacioni nga Komisariati i Policisë Tepelenë në bashkëpunim me Specialistët e Seksionit për Hetimin e Narkotikëve në D.V.P. Gjirokastër.
Sekuestrohet rreth 35 kilogramë lëndë narkotike Cannabis Sativa, një pjesë në formë çokollate si dhe kubikë të kultivuara me fara kanabis
Arrestohet në flagrancë poseduesi i tyre.
Në kuadër të luftës për parandalimin, evidentimin dhe goditjen e veprimtarisë kriminale në fushën e narkotikëve,në vijim të kontrollit të pandërprerë të territorit, si dhe mbi bazën e informacioneve të siguruara në rrugë operative se shtetasi K.M dispononte lëndë narkotike të cilën po e përpunonte në formë çokollate, nga ana e Komisariatit të Policisë Tepelenë në bashkëpunim me specialistët e Seksionit për Hetimin e Narkotikëve në D.V.P. Gjirokastër është organizuar dhe finalizuar operacioni “Përpunimi”
Si rezultat i operacionit u bë arrestimi në flagrancë i shtetasit: K.M., 46 vjeç, banues në Tiranë.
Nga kontrolli i ushtruar në banesën e tij në fshatin Turan, u gjetën dhe u sekuestruan në cilësinë e provës materiale rreth 35 kg lëndë narkotike Cannabis Sativa (ku 1.6 kilogramë ishte në formë çokollate), si dhe 14 kubikë ku ishin kultivuar fara kanabis
Materialet i kaluan Prokurorisë për hetime të mëtejshme.
Mëngjesin e kësaj të hëne në fshatin Turan të Tepelenës ka ndodhur një atentat me armë zjarri, ku si pasojë mësohet të jetë plagosur shtetasi S.Gj., 30 vjeç.
Sipas njoftimit të policisë, ngjarja ka ndodhur në orët e para të mëngjesit, ndërsa ende nuk dihet autori/autorët e kësaj ngjarje si dhe motivet e saj. Policia ka nisur hetimet për zbardhjen e ngjarjes.
Informacion paraprak
Tepelenë, rreth orëve të para të mengjesit në hyrje të fshatit Turan, shtetasi S.Gj., 30 vjeç, është qelluar me armë zjarri. Për pasojë është plagosur lehtë në krah. Në vendngjarje ndodhet grupi hetimor dhe po punohet për zbardhjen e plotë të ngjarjes.
Një aksident i rëndë me pasojë vdekje ka ndodhur në orët e para të mëngjesit të sotëm në Bypassin e Tepelenës.
Automjeti i tipit Benz ka dalë nga rruga duke shkaktuar vdekjen e drejtuesit, 50 vjeçarit me inicialet Y.R.
Sipas policisë viktima e këtij aksidenti është banues në Memaliaj. Ndërkohë uniformat blu po punojnë për zbardhjen e plotë të ngjarjes.
Informacioni nga policia
Në orën 06:20, në segmentin rrugor ku punohet për Bypas-in e Tepelenës, ka dalë nga rruga mjeti tip “Benz”, që drejtohej nga shtetasi Y.R, rreth 50 vjeç, banues në Memaliaj.
Për pasojë ka gjetur vdekjen drejtuesi i mjetit, shtetasi Y.R
Në vendngjarje ndodhet grupi hetimor dhe po punojnë për zbardhjen e shkaqeve të aksidentit.
Në orët e para të mëngjesit të sotëm ka marrë flakë dhe është djegur një automjet në qytetin e Tepelenës. Makina i përket shtetasit Gentian Shehu që është edhe Shefi i Seksionit të Krimeve në Komisariatin e Tepelenës.
Policia bën të ditur se mjeti është djegur rreth orës 5 të mëngjesit të sotëm, ndërkohë që ishte i parkuar poshtë pallatit në lagjen “15 Shtatori”. Por sipas policisë mjeti është djegur për shkak të një defekti teknik.
Njoftimi i policisë:
Në datën 11.04.2019, rreth orës 5:00, në lagjen “15 shtatori”, Tepelene, ka marr flakë dhe është djegur në pjesën e përparme mjeti tip “Ford”, (mjeti ka qenë i parkuar para pallatit), në përdorim të shtetasit G.Sh.
Në vendngjarje shkoi grupi hetimor dhe nga hetimet e para proceduriale rezultoi se shkaku i djegies së mjetit është aksidental (difekt elektrik).