Foto/ Derbi, tifozët të “bashkuar”. Koreografia i dedikohet solidaritetit

Pjesa më e bukur e derbit të së premtes mes Partizanit dhe Tiranës, ishte padyshim spektakli i dhuruar në tribuna. Të dyja tifozeritë, sikur të ishin koordinuar mes tyre, mesazhet dhe koreografitë e ndeshjes ia kushtuan viktimave të tërmetit dhe solidariteti njerëzor për tragjedinë që goditi Shqipërinë. Të parët e nisën tifozët e Partizanit. Në fillim të ndeshjes, ata shpalosën një banderolë të madhe ku shkruhej:


“Muret do të ringrihen sërish, ëngjëjt do të kujtohen përgjithmonë”, ndërsa formuan edhe numrin “51”, për viktimat e tërmetit. Gjithashtu, para nisjes së ndeshjes, në fushën e “Air Albania Stadium”, u mbajt dhe një ceremoni nderimi për “heronjtë e heshtur” të kësaj tragjedie. Përfaqësues të Ushtrisë, Policisë së Shtetit dhe Shërbimit Zjarrfikës përshëndetën tifozët duke parakaluar në tapetin e blertë. Më pas, në pjesën e dytë, tifozët e Tiranës shpalosën gjithashtu disa banderola me mesazhe solidariteti.

“Tërbimi i tokës gjakun na zgjoi, lot për kë iku mes nesh më s’qëndroi. Po dhimbja e fortë na dha pakëz liri, sërish e tregoi Kosovën- Shqipni”, ishte ky mbishkrimi që ultrasit bardheblu shpalosën në stadium. Këto mesazhe morën duatrokitje nga të gjithë tifozët në stadium, duke treguar edhe njëherë mirënjohjen për të gjithë ata që iu gjendën pranë Shqipërisë në ditë të vështirë. Ndërkohë, tifozët e Partizanit shpalosën edhe një tjetër banderolë, dedikuar Kosovës dhe Iliridës (trojeve shqiptare në Maqedoninë e Veriut).


“Kufijtë janë në letër, por zemrat s’kanë kufij, Kosovë dhe Iliridë bashkë jemi 1”. Një ndeshje “Fair play”, si në fushë ashtu dhe në tribuna, që lë pas rivalitetin e një ndeshje derbi dhe shfaq anën njerëzore të mirënjohjes dhe respektit, për të gjithë ata që Shqipërisë iu gjendën në ditë të vështirë. E po ashtu, një ndeshje që duket se rikthen buzëqeshjen në kryeqytetin shqiptar, që kaloi ditë të vështira së bashku me zona të tjera të prekura nga tërmetit.


Tifozët e Partizanit koreografi prekëse për viktimat e tërmetit

Pak para nisjes së ndeshjes derbi Partizani-Tirana, tifozët e skuadrës së ‘kuqe’ i dedikuan një koreografi prekëse viktimave të tërmetit të 26 nëntorit. Tifozët ultras të Partizanit shpalosën një banderolë ku shkruhej: “Muret do të ringrihen sërish, ëngjëjt do të kujtohen përgjithmonë.


Ndërkohë, tifozët kanë formuar edhe numrin “51” që simbolizon 51 viktimat e shkaktuara nga tërmeti i 26 nëntorit. Kjo koreografi e tifozëve të partizanit është përshëndetur nga të gjithë tifozët të cilët janë ngritur për të duartrokitur.

Ndërkohë, në tapetin e blertë të “Air Albania Stadium”, parakaluan edhe forcat e Ushtrisë, zjarrfikëses dhe policisë, të cilët punuan në operacionet e kërkim-shpëtimit të trupave të mbetur nën rrënoja.


Klubi i Partizanit ka vendosur një pjesë të arkëtimit nga biletat ta dërgojë për fondin e rindërtimit të shptëpive të të prekurëve nga tërmeti. Sipas mediave sportive, mësohet se nga shitja e biletave klubi i ‘kuq’ mund të ketë arkëtuar rreth 200 milionë lekë.


Foto/ Derbi, tifozët futen në stadium, ndizet atmosfera

Në orën 19:00 luhet derbi Partizani-Tirana, i cili do të jetë historik pasi luhet për herë të parë në “Air Albania Stadium”. Klubi i Partizanit lajmëroi tre orë para nisjes së ndeshjes se janë shitur mbi 19.000 bileta për këtë sfidë. Ndërkohë, ashtu siç ishte parashikuar, tifozët kanë nisur të futen brenda stadiumit dy orë para nisjes së ndeshjes.


Tifozët e parë janë futur grupet ultras të të dyja skuadrave, që do të jenë të pozicionuar pas portave. Siç e do tradita, grupet ultras futen më herët në stadium edhe për shkak të përgatitjes së koreografive, që për hir të së vërtetës në ndeshjet derbi ato kanë qenë gjithmonë të jashtëzakonshme.

Në stadium pritet të jenë rreth 20.000 tifozë në total për të ndjekur ndeshjen më të rëndësishme të kampionatit për këtë javë. Para se të futeshin në stadium, tifozët e të dyja skuadra nisën grumbullimin në disa pika të qytetit dhe më pas marshuan drejt stadiumit.


Kujtojmë se në këtë sfidë janë angazhuar shumë forca policie për të parandaluar incidente të mundshme, siç ndodhi në sfidën derbi të fazës së parë të kampionatit.


Buffon kthehet në shtëpi, tifozët e Juves i bëjnë pritje madhështore

Legjenda kthehet në shtëpi. Gianluigi Buffon është bashkuar me skuadrën ku kaloi 17 vite të karrierës së tij, fitoi trofe, përjetoi emocione të bukura dhe trishtim (rënien në Serie B). Lajmi për rikthimin e Buffon është konfirmuar zyrtarisht nga Juventus, që ka shpërndarë gjatë të enjtes video e foto të 41-vjeçarit që ka mbrritur në Turin për të kryer vizitat mjekësore.


Buffon është pritur me entuziazëm nga tifozët ‘bardhezi’, të cilët kanë shkuar pranë qendrë stërvitore të Juventus për të marrë autografe me portierin legjendar të skuadrës së tyre të zemrës. Gjatë të enjtes Buffon ka kryer vizitat mjekësore, ndërsa më pas do të firmos kontratën e re me klubin. Ndërkohë, Juve ende nuk ka njoftuar se kur do të bëhet prezantimi zyrtar për tifozët në “Allianz”.

41-vjeçari, që ka fituar Kupën e Botës dhe luajti 17 vjet me Juven para se të transferohej te PSG vitin e kaluar, ka rënë dakord të kthehet në Torino, si ndihmës i ish-portierit të Arsenalit, Wojciech Szczency. Kontrata e re e Buffon do të jetë për një sezon, por ai pritet të marrë një rol drejtuesi në klub, pasi të lërë futbollin e luajtur.

Buffon fitoi nëntë tituj në Serie A me Juventusin, shtatë prej të cilëve i fitoi rresht, duke luajtur 656 ndeshje me skuadrën nga Torino. Me PSG-në, Buffon luajti 25 ndeshje sezonin e kaluar, duke ndihmuar klubin të fitonte kampionatin e dytë radhazi në Ligue 1. Më herët, Buffon kishte deklaruar se do të largohej nga PSG-ja, pasi kontrata e tij përfundoi të dielën më 30 qershor.


Kupa e Italisë, Roma në kaos nga tifozët

Sot mbahet Kupa e Italisë mes Lacios dhe Atalantës, por duket se tifozët kanë zhvilluar një kaos të vërtet në kryeqytet pak para fillimit të ndeshjes.


Tifozët e Lacios ka gjuajtur me gurë dhe shishe policinë italiane duke e detyruar këtë të fundit të përdor gaz lotsjellës për të shpërndarë tifozët e tërbuar.

Sot do të jetë përballja e madhe mes Lacios së Tomas Strakoshës dhe Atalantës së Berat Gjimshitit dhe Etrit Berishës në stadiumin “Olimpico” të Romës.