Dy të plagosur, në pak minuta në Tiranë

Dy persona kanë mbetur të plagosur në dy aksidente të ndryshme, që ndodhen brenda pak minuta dhe me një distancë jo shumë të madhe mes tyre.

Një nga aksidentet ka ndodhur në sheshin “Shqiponja” dhe tjetri tek zona e njohur si “Pallati me Shigjeta”.

Në sheshin Shqiponja, një makinë përplasi një motor duke lënë të plagosur drejtuesi e tij, ndërsa në zonën e Pallatit me Shigjeta, një kamion, me drejtues shtetasin me iniciale P.N., ka përplasur një biçikletë duke plagosur drejtuesin e tij F. B., 21 vjeç.

Dy të plagosurit janë dërguan në spital dhe ndodhen jashtë rreziku për jetën, ndërsa policia ka shoqëruar drejtuesit e mjeteve për sqarimin e rrethanave të aksidentit.

Tërmeti, të hënën s`ka mësim në Tiranë, Durrës dhe Elbasan

Ministrja e Arsimit Besa Shahini ka dalë në një konferencë për shtyp, ku ka lajmëruar se dita e hënë do të jetë pushim për nxënësit e shkollave të qarkut Durrës, Tiranë dhe Elbasan. Shahini u shpreh se ky vendim është marrë pas konsultimeve me psikologë, pas gjendjes së krijuar nga tërmeti.

“Duke e marrë këtë parasysh, si dhe duke dëgjuar me shumë respekt sugjerimet e psiokologëve të ndryshëm që na kanë kontaktuar dje dhe sot, kemi vendosur që: Dita e nesërme për të gjithe nxënësit e Tiranës, Durrësit dhe Elbasanit, të jetë pushim! Ditë pushimi të jetë njëkohësisht edhe për prindërit e nxënësve të shkollave 9-vjecare, të cilët punojnë në administratë shtetërore. Fatmirësisht, situata ne terren paraqitet drejt normalizimit, por që familjet e afektuara të tejkalojnë ankthin e djeshëm, u pa e arsyeshme që nxënësit e zonave të lartpërmendura bashkë me prindërit e tyre që punojnë në administratë shtetërore, ta kalojnë ditën e nesërme të lirë e të qëndrojnë me njëri-tjetrin”, njoftoi ministrja.

Ajo ka folur edhe për dëmet e shkaktuara nga tërmeti në disa shkolla. Sipas Shahinit, në Tiranë, Durrës dhe Elbasan ka pasur dëmtime në 2 shkolla, të cilat kanë probleme serioze, ndërsa në 98 të tjera ka pasur plasaritje të mureve dhe fasadave. Ministrja u shpreh se gjithçka është nën kontroll.

“Për fatin tonë të mirë, janë vetëm dy objekte shkollore që kanë pësuar dëmtime në masën që të mos jetë e sigurt hapja e shkollës të hënën. Një nga këto shkolla është klasë vartëse e shkollës qendër “Berxullë”, me numër të vogël nxënësish të cilëve do t’i sigurohet transporti për t’i dërguar në shkollën qendër. Ndërsa shkolla tjetër, është prapë shkollë vartëse në Tiranë, por do të bëjmë njoftimin për këtë shkollë pasi të marrim konfirmimin final nga Bashkia Tiranelë për gjendjen e saj. 98 shkolla të tjera kanë pësuar dëmtime si plasaritje fasadash, në muret e brendshme të shkollave apo ato të jashtme – pjesa kryesore e të cilave janë sanuar dhe pastruar gjatë ditës së sotme nga ekipet e bashkisë. Pra, dua t’ju siguroj, se insfrastruktura shkollore është gati për të vazhduar normalisht mësimin qysh nesër”, tha Shahini.

Venecia, të mërkurën në Tiranë

Një delegacion i Komisionit të Venecias do të zhvillojë një vizitë dy ditore në Tiranë, në 18 dhe 19 shtator. Qëllimi i kësaj vizite, ndryshe nga ajo e pak ditëve më parë, nuk është shkarkimi i Ilir Metës. Delegacioni i Venecias do të zhvillojë vizitën në kuadër të përgatitjes së një tjetër opinioni në lidhje me projektligjin për pasuritë e paluajtshme.

Vizita është parashikua të zhvillohet në dy ditë, si në atë të javës së kaluar. Në axhendë janë parashikuar takime me përfaqësues të disa Ministrive (Drejtësisë, Brendshme, Financës dhe Ekonomisë, Evropës dhe Punëve të Jashtme, etj.

Takime do të ketë edhe me Avokatin e Popullit, Avokatin e Shtetit, përfaqësues të sistemit gjyqësor në vend, shoqërisë civile si dhe përfaqësues të bashkësisë ndërkombëtare të pranishëm në vend.

Edhe drafti i opinionit për ligjin e pasurive të paluajtshme është parashikuar të diskutohet në seancën plenare të tetorit 2019, ku veç të tjerash do të diskutohet dhe drafti i opinionit të kërkuar nga Parlamenti për shkeljet ose jo të Kushtetutës nga Ilir Meta.

Në mesin e javës së kaluar, një delegacion tjetër i Komisionit të Venecias, zhvilloi një vizitë në vendin tonë, pikërisht për çështjen e shkarkimit të Ilir Metës, ku patën takime të rëndësishme në dy ditë me përfaqësues të politikës shqiptare.

Autobusi i “Tiranës të Re” përplas dy këmbësore, ndalohet shoferi

Dy persona janë përplasur nga autobusi në tentativë për të kaluar rrugën. Ngjarja ka ndodhur në afërsi të bulevardit “Zogu i Parë”, ku autobusi i linjës ‘Tirana e re” ka përplasur dy femra. Ngjarja ka ndodhur rreth orës 13:32, ndërsa të plagosurat ndodhen jashtë rreziku për jetën.

Policia ka bërë shoqërimin e shoferit të autobusit, shtetasit me iniciale A. M për sqarimin e plotë të rrethanave të aksidentit.

Tiranë, digjet makina gjatë natës, dëmtohen dy të tjera

Një makinë ka marrë flakë në orët e para të mëngjesit të së hënës në rrugën “Haredin Shtino” në Tiranë. Sipas policisë zjarri ka qenë i qëllimshëm, duke dëmtuar edhe dy mjete të tjera që kanë qenë të parkuara pranë tij.

Mjeti tip Benz i përfshirë nga flakët është pronësi të shtetasit G. N., ndërsa policia po punon për zbardhjen e plotë të rrethanave të ngjarjes, identifikimin dhe kapjen e autorit.

Nuk dihet ende qëllimi i sulmit ndaj këtij shtetasi, ndërsa policia ia ka referuar rastin Prokurorisë së Gjykatës së Shkallës së parë Tiranë, për veprën penale “Shkatërrimi i pronës me zjarr”.

Vranë 26-vjeçarin për kondicionerin, policia gjen kallashnikov në familjen Kusi

Tre javë pas ngjarjes së rëndë në kryeqytet, ku mbeti i vdekur Indrit Çelaj në shtëpinë e familjes Kusi, policia ka kryer një operacion ‘blic’ në shtëpinë e vëllezërve Albano dhe Griseldo Kusi në fshatin Allgjatë. Mësohet se gjatë krehjes së shtëpisë, policia ka gjetur dhe sekuestruar një armë zjarri e llojit kallashnikov. Arma është gjetur në shtëpinë e xhaxhait të vëllëzerëve Kusi.

Sipas News 24, mësohet se antenat telefonike zbuluan tre ditë pas ngjarjes, se dy vëllezërit Kusi ndodheshin në zonën e Vorës, nga ku i shpëtuan një operacioni policor për kapjen e tyre. Ende nuk dihet se si dy vëllezërit Kusi i shpëtuan operacionit policor, ndërkohë që Blutë kishin marrë informacion në rrugë operative për vendodhjen e tyre. Tashmë dyshohet se dy vëllezërit janë arratisur në Greqi duke kaluar në kufirin e gjelbërt.

Në datën 23 gusht, një nga dy vëllezërit Kusi, dyshohet se ka qëlluar për vdekje në banesën e tij shtetasin Indrit Çelaj, i cili vdiq në spital. Viktima ishte punësuar në shtëpinë e familjes Kusi për të rregulluar kondicionerin, ku pas një konflikti të çastit me një nga vëllëzerëit Kusi, ai është qëlluar me armë në kokë. Ndërkohë, prapakisht dyshohet se autori është Griseldo Kusi ndërsa në kërkim janë shpallur të dy vëllezërit.

Pas ngjarjes, policia arrestoi babain e dy vëllëzerve Kusi, Bujar Kusin, i cili ndodhet ende në burg. Ndërkohë dy të tjerë të dënuar janë dhe Ferdinant Bakalli dhe Ali Sula, ndërsa Luan Caka është në arrest shtëpie. Të tre këta persona dyshohet se kanë fshehur ngjarjen.

Abuzim me faturat , 20 të arrestuar, mes tyre 7 biznesmenë

Me urdhër të Prokurorisë së Tiranës, një valë arrestimet kanë ndodhur gjatë mbrëmjes së mërkure, mes të cilëve edhe disa biznesmenë.

Sipas mediave televizive, janë arrestuar të paktën 20 persona, mes të cilëve 7 biznesmenë që operojnë kryesisht në biznesin e ndërtimit dhe të firmave të konstruksioneve.

Të arrestuarit janë vënë në pranga nga Drejtoria e Krimit Ekonomik në bashkëpunim me Tatimet, në kuadër të luftës kundër informalitetit.

Hetimet ndaj të arrestuarve kanë nisur disa muaj para, ku u vërtetua se i kanë shkaktuar shtetit një dëm prej miliona lekësh me faturat tatimore dhe TVSH.

Aksioni për arrestimin e tyre po vijon prej dy ditësh dhe ende po kërkohen persona të tjerë. Ky operacion vjen në kuadër të aksionit anti-informalitet që është shtrirë në të gjithë vendin dhe ka sjellë arrestime e bllokime të qindra bizneseve që janë kapur me shkelje.

Erdhi për Influencën Ruse, Kostelançik shmang Metën

Zyrtari i Lartë i Departamentit të Shtetit në Amerikë, David Kostelancik, do të zhvillojë një vizitë zyrtare në vendin tonë këtë të mërkurë. Paraditen e kësaj të marte, është zbardhur dhe axhenda e Kostelancik, i cili do t`i nisë takimet e tij në Shqipëri me kryetarin e Kuvendit, Gramoz Ruçi në orën 11:00. Drejtori për Europën Qendrore dhe Jugore në DASH, David Kostelancik, takimin e dytë do ta ketë me kryetarin e Partisë Demokratike Lulzim Basha në orën 14:00, ndërsa pas tij në orën 15:30 do të zhvillojë një takim me kryetaren e LSI, Monika Kryemadhi. Takimi i fundit i planifikuar në axhendën e zyrtarit të lartë të Departamentit Amerikan të Shtetit, është ai me Kryeministrin Edi Rama në orën 17:00 të pasdites.

Këto janë katër takimet zyrtare të planifikuara të Drejtorit për Europën Qendrore dhe Jugore në DASH, David Kostelancik. Qëllimi kryesor i vizitës së Kostelancik në Tiranë është influenca ruse në Shqipëri. SHBA ka shprehur këtë shqetësim kohët e fundit, pas publikimit të dokumenteve që implikojnë Partinë Demokratike dhe Lulzim Bashën, se kanë përdorur para ruse për të lobuar në SHBA. Për këtë çështje nga organet e drejtësisë shqiptare ka nisur një hetim. Por influenca ruse nuk lidhet vetëm me paratë e lobimit të Bashës.

Presidenti i Republikës Ilir Meta është ‘marrë’ në mbrojtje nga Ambasada e Rusisë në Tiranë pak kohë më parë, kur kreu i shtetit nisi të sulmonte reformën në drejtësi dhe filantropin George Soros. Ndërkohë, portali rusë, ‘regnum.ru’ ka pasqyruar çdo deklaratë të Ilir Metës gjatë dy muajve të fundit. Por ndryshe nga takimi i parashikuar me Bashën, Zyrtari i Lartë i DASH, të paktën nga axhenda e bërë publike, nuk ka parashikuar një takim me Ilir Metën.

Realstory.al mësoi se të paktën deri paraditen e të mërkurës, nuk është parashikuar një takim midis David Kostelancik dhe Ilir Metës. Nuk dihet ende pse Zyrtari i DASH, që ka parashikuar takime me drejtuesit kryesor politikë në vend, mazhorancës dhe opozitës, ka shmangur një takim me kreun e shtetit. Megjithatë, vlen të kujtohet, se Ilir Meta, prej muajit qershor dhe deri tani, si kreu i shtetit, ka sulmuar në mënyrë të vazhdueshme dhe të paprecedentë Shtetet e Bashkuara të Amerikës për ndikimin e tyre në vendin tonë./Realstory.al/

INFLUENCA RUSE SJELL NË TIRANË ZYRTARIN E LARTË TË DASH

PAS VIDEOS NE “REAL STORY” RUSIA MBRON ILIR METËN

PASI MBROJTI ILIR METËN, RUSIA SULMON SHBA: PO NXIT KRIJIMIN E ‘SHQIPËRISË SË MADHE’

BASHA, SOT NË PROKURORI PËR PARATË RUSE NË SHBA

Tiranë, makina merr para këmbësorin, plagoset rëndë

Një person është përplasur nga një makinë në momentin që po tentonte të kalonte rrugën. Ngjarja e rëndë ka ndodhur në rrugën “Ali Demi”, mbrëmjen e të hënës, ku drejtuesja e makinës me iniciale G.S. ka përplasur këmbësorin, i cili ndodhet në gjendje të rëndë në spital.

Nuk dihen shkaqet e aksidentit, por dyshohet se shpejtësia e lartë ka bërë që drejtuesja të humb kontrollin e mjetit, duke shkaktuar aksidentin.

Drejtuesja e automjetit është arrestuar, ndërsa grupi hetimor ndodhet në vendngjarje dhe po vijon punën për sqarimin e shkaqeve të aksidentit, si dhe identifikimin e të plagosurit

59 shoferë të arrestuar në Tiranë, drejtonin mjetin të dehur dhe pa patentë

Policia e Tiranës gjatë kontrolleve të ushtruara për respektimin e rregullave të qarkullimit rrugor dhe shmangien e aksidenteve ka arrestuar 59 drejtues mjetesh, të cilët janë kapur në gjendje të dehur, nuk dispononin lejen e drejtimit dhe disa bëni gara shpejtësie në rrugë. Kontrollet dhe masat e marra kanë për qëllim rritjen e sigurisë rrugore dhe eliminimin e aksidenteve.

Nga kontrollet e kryera gjatë javës së kaluar, 22 shoferë u arrestuan për drejtim mjeti në gjendje të dehur dhe 37 të pa pajisur me leje drejtimi (patentë). Gjithashtu i janë vënë gjoba edhe 46 drejtues mjetesh, për shkak të drejtimit me shpejtësi tej normave të lejuara.

Masat ndëshkimore nuk kanë toleruar as 657 drejtuesit e mjeteve, të cilët flisnin në telefon gjatë drejtimit të makinës, 1236 drejtues janë gjobitur për parkim të gabuar, si dhe janë vendosur 3578 masa administrative për shkelje të tjera të rregullave të qarkullimit rrugor.

Policia e Tiranës ka vepruar me “dorë të hekurt” ndaj shkelësve të rregullave të qarkullimit rrugor dhe rritjen e sigurisë për qytetarët.

TiranëPolicia Rrugore e Tiranës, gjatë javës që lamë pas, ka vënë në pranga 59 drejtues mjetesh dhe motomjetesh, për drejtim mjeti në gjendje të dehur dhe pa patentë Në funksion të kontrolleve dhe patrullimeve me përzgjedhjeve me objekt shkeljet e rregullave të qarkullimit, që cenojnë sigurinë dhe janë burim për aksidente rrugore, janë konstatuar dhe:Janë arrestuar në kushtet e flagrancës, për veprën penale “Drejtimi i mjetit në mënyrë të parregullt”, 59 drejtues mjetesh dhe motomjetesh, nga të cilët 22 në gjendje të dehur dhe 37 të papajisur me leje drejtimi.Janë proceduar administrativisht 46 drejtues mjetesh, për mosrregullim shpejtësie në qendrat e banuara dhe gara me shpejtësi.Janë proceduar administrativisht për mospërdorim të kaskës mbrojtëse 545 drejtues motomjetesh dhe ciklomotorësh.Janë proceduar administrativisht për përdorim të aparatit celular gjatë drejtimit të mjeteve 657 drejtues mjetesh të kategorive të ndryshme.Janë proceduar për mosdhënie përparësie ndaj këmbësoreve 197 drejtues mjetesh.Janë ndëshkuar 1236 drejtues mjetesh për parkim të gabuar, kryesisht në rresht të dytë dhe mbi trotuare.Si dhe janë vendosur 3578 masa administrative për shkelje të tjera të rregullave të qarkullimit rrugor.#RuajQetesinëNëTrafik#DrejtoMeKujdes#PërSigurineTuajDheTëTjerëve
Gepostet von Policia e Shtetit am Montag, 2. September 2019