Punëtori qëllohet me plumb në kokë te “Myslym Shyri”, ndodhet në gjendje kome

Një ngjarje e rëndë ka ndodhur në rrugën “Myslym Shyri” në mes të ditës, ku një 30-vjeçar është qëlluar me armë zjarri në kokë.

Ngjarja ka ndodhur rreth orës 11:30, në një ndër zonat më të popullarizuara të Tiranës. I plagosuri ndodhet në gjendje kome në spital dhe nuk është identifikuar ende.

Personi, i cili punonte si punëtor ndërtimi, është qëlluar pranë objektit që është në rikonstruksion, një ndërtesë tre katëshe në zonën e Mylsym Shyrit. Punëtori ka qenë i vetëm në momentin kur është qëlluar me plumb nga persona ende të paidentifikuar nga blutë e kryeqytetit.

Kanë nisur shoqërimet e para në polici, të personave që mund të jenë bërë dëshmitarë të kësaj ngjarje të rëndë, detajet e të cilëve mund të ndihmonin në zbardhjen e dinamikës dhe identifikimin e autorëve.

Me shpejtësi në mes të Tiranës, përplasen katër makina

Katër makina janë përplasur në një aksident të ndodhur mëngjesin e së martës në Tiranë tek Rruga e Durrësit.

Fatmirësisht aksidenti nuk shkaktoi viktima, por 4 persona kanë pësuar lëndime të lehta.

Shkak i aksidentit dyshohet të jetë bërë shpejtësia e madhe e njërit prej automjeteve që shkaktoi përplasjen me makinat e tjera.

Ndërkaq, policia po punon për zbardhjen e plotë të ngjarjes.

I shkoi në banesë në mes të natës dhe e plagosi me thikë, arrestohet 68-vjeçari

Një sherr për motive të dobëta ka çuar në plagosjen me thikë të një 57-vjeçari. Ngjarja ka ndodhur në pas mesnatës në Kodër Kamëz, ku 68-vjeçari me iniciale J.V. i ka shkuar në banesë rreth orës 01:15, 56-vjeçarit F. L. dhe pas konfliktit me të, e ka plagosur rëndë me thikë.

Menjëherë pas ngjarjes është njoftuar policia, e cila ka ndërhyrë në kohë, duke parandaluar përshkallëzimin e sherrit dhe arrestuar autorin e plagosjes. 57-vjeçari pas ndërhyrjes mjekësore ndodhet jashtë rrezikut për jetën.

Nuk duhen arsyet e konfliktit, por 68-vjeçari do të përballet me akuzat e plagosjes me dashje dhe përdorimi i armëve të ftohta.

Tiranë, arrestohen 2 persona të shumëkërkuar për drogë dhe vjedhje

Interpol Tiranë ka kryer dy arrestime të personave të shumëkërkuar nga drejtësia me qëllim ekstradimin e tyre në vendet ku pritet të vuajnë dënimin. Rasti i parë lidhet me një shtetas bleg, i cili është arrestuar me qëllim ekstradimin në Belgjikë ku akuzohet për trafikim lëndëve narkotike dhe pjesëmarrje në organizatë kriminale. 26-vjeçari me iniciale K. Q. ishte pjesëtar i një organizate kriminale në fushën e trafikimit të drogave të forta kokainë.

Gjithashtu në territorin e Shqipërisë u kap edhe një shtetas kosovar, i cili akuzohet për vjedhje në Zvicër. 24-vjeçar nga Kosova me inicialet H. B dyshohet se ka kryer 21 vjedhje banesash duke marrë shuma të mëdha parash dhe objektesh me vlerë. Ai do të gjykohet në Zvicër për veprat penale “Vjedhja”, “Dëmtim prone” dhe “Dhunim banese.

Përmbyset makina në Tiranë, shpëton gruaja shtatzënë

Një aksident ka ndodhur paditen e të mërkurës në hyrje të Tiranës, ku një makinën tip “Benz” ka humbur kontrollin dhe ka dalë jashtë rrugës.

Pas humbjes së kontrollit makina është përplasur me bordurat dhe është përmbysur. Në makinë udhëtonte një familje përkatësisht, bashkëshorti që ishte drejtuesi i mjetit, dy fëmijët dhe gruaja shtatzënë.

Policia dhe ambulanca i kanë dhënë ndihmën familjes dhe gjendja e tyre nuk paraqitet kritike, as e gruas shtatzënë.

Tiranë, përdhunoi adoleshenten, arrestohet 55-vjeçari

Një ngjarje e rëndë ka ndodhur në Tiranë, ku një adoleshente është përdhunuar nga një 55-vjeçar. Ngjarja ka ndodhur në zonën e Kombinuat ku viktimë e dhunës seksuale ra një 17-vjeçare. Ajo e denoncoi rastin në polici, duke bërë që efektivët blu të vënë në pranga 55-vjeçarin.

Nuk dihet lidhja mes të dyve apo identiteti i tyre, po agresori do të përballet me akuzën për veprën penale “Marrëdhënie seksuale ose homoseksuale me të mitur ”.

Tiranë, motoristi godet këmbësoren, plagoset dhe vetë

Një motor ka përplasur një këmbësore, e cila po tentonte të kalonte rrugën. Ngjarja ka ndodhur në rrugën “Dritan Hoxha” në Tiranë, ku nga aksidenti kanë përfunduar të plagosur jo vetëm këmbësorja por edhe drejtuesi i motorit. 30-vjeçari që drejtonte motorin ka humbur kontrollin pas përplasjes duke u plagosur edhe vetë.

Shtetasja B.P., 52 vjeçe dhe drejtuesi i motorit V.Gj., 30 vjeç, kanë marrë mjekimin e duhur në spital dhe janë jashtë rreziku për jetën.

Maskat shfaqen në Tiranë, grabisin një agjenci kredish

Një grabitje me maska ka ndodhur në mes të ditës në Tiranë, në një zonë mjaft të populluar. Gjatë mesditës së martë një person i armatosur dhe me maskë ka grabitur një zyrë financiare që shërbente për dhënie kredish në shuma të vogla. Ngjarja ka ndodhur në rrugën “Muhamet Gjollesha” në zonën e “Zogut të Zi”.

Autori ka qenë i maskuar dhe nën kërcënimin e armës tip pistoletë ka marrë një sasi të konsiderueshme parash. Pas vjedhjes ai është larguar me vrap.

Efektivët e policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë janë vënë në ndjekje të autorit.

Ndalohet i mituri në Tiranë, qarkullonte natën me pistoletë me 9 fishekë

Policia e Tiranës ka njoftuar se ka arrestuar një të mitur 16 vjeç, që qarkullonte në rrugët e kryeqytetit me armë zjarri pa leje.

I mituri, emri i të cilit jepet me inicialet F.T., banues në Tiranë, rreth orës 02:30 të mëngjesit, ëshë konstatuar nga shërbimet e Policisë të Komisariatit të Policisë Nr 4 në afërsi të një lokali, në trotuar në rrugën “Myslym Keta”.

Në momentin që ka parë Policinë është larguar me vrap, por është kapur gjatë ndjekjes nga Forca e Posaçme “Shqiponjat”, njësia Shigjetat, ku gjatë kontrollit fizik Policia i gjeti dhe sekuestroi një armë zjarri Pistoletë me 9 fishekë .

Materialet i kaluan Prokurorisë se Rrethit Gjyqësore Tirane për veprën penale “Prodhimi dhe mbajtja pa leje e armeve luftarake e municionit”.

TiranëQarkullonte me armë pa leje, tenton t'i shmanget kontrollit të policisë por vihet në pranga.Arrestohet nga shërbimet e Komisariatit të Policisë Nr 4 në bashkëpunim me Forcën e Posaçme "Shqiponja", njësia ShigjetatNë kuadër të planit masave në lidhje me identifikimin dhe kapjen e personave që qarkullojnë me armë pa leje, si rezultat i kontrolleve të shtuara dhe informacioneve të marra në rrugë operative është bërë kapja dhe arrestimi në flagrancë i 16 vjeçarit F. T., banues në Tiranë 16 vjeçari rreth orës 02.30 të mëngjesit, është konstatuar nga shërbimet e Policisë të Komisariatit të Policisë Nr 4 në afërsi të një lokali, në trotuar në rrugën “Myslym Keta”.Në momentin që ka parë Policinë është larguar me vrap, por është kapur gjatë ndjekjes nga Forca e Posaçme "Shqiponjat", njësia Shigjetat, ku gjatë kontrollit fizik Policia i gjeti dhe sekuestroi një armë zjarri Pistoletë me 9 fishekë .Materialet i kaluan Prokurorisë se Rrethit Gjyqësore Tirane për veprën penale “Prodhimi dhe mbajtja pa leje e armeve luftarake e municionit”
Gepostet von Policia e Shtetit am Samstag, 3. August 2019

Marrëdhënie seksuale dhe shantazh me video të miturit për të grabitur tezen

Filmimi i videove intime dhe kërcënimi më pas i personave përmes tyre duket se është bërë një mënyrë e re për kriminelët për të arritur atë që duan. Një ngjarje e tillë ka ndodhur në Tiranë, ku 3 persona nën presionin e videos me përmbajtje intime kërcënonin një minoren 13 vjeçar, t’i ndihmonte të kryenin një vjedhje.

Në lidhje me ngjarjen policia ka arrestuar dy persona dhe ka shpallur në kërkim një tjetër. Në prangat e policisë kanë rënë shtetasit Valter Hysja, 20 vjeç dhe Fatmir Haxhiu, 21 vjeç, ndërsa është shpallur në kërkim edhe shtetasin Bledar Matja, 46 vjeç.

Këta persona akuzohen se kanë kryer marrëdhënie seksuale me minorenin, duke e filmuar me celular dhe më pas videon e kanë përdorur për shantazh që t’i ndihmonte të vidhni shtëpinë e tezes së tij. Ngjarja u zbulua pas denoncimit që tezja e 13-vjeçarit bëri pas grabitjes së banesës. 3 personat në bashkëpunim me njëri-tjetrin vodhën në banesë bizhuteri me vlerë 5000 euro.

Nga hetimet policia zbuloi se grabitja nuk ishte bërë me dhunë dhe se dikush kishte pasur çelësin e banesës. Pas verifikimeve dhe marrjes në pyetje u zbulua se një prej çelësave të shtëpisë e mbante dhe 13-vjeçari, i cili pranoi edhe ngjarjen e rëndë.

Të arrestuarit do të përballen me veprat penale “Vjedhja, e kryer në bashkëpunim”, “Shtrëngimi me anë të kanosjes ose dhunës për dhënien e pasurisë”, “Marrëdhënie seksuale ose homoseksuale me të mitur”.