Tag: Trump

Mbyllet takimi i G-7, Trump e Macron flasin për ‘unitet’

Presidenti amerikan Donald Trump dhe ai francez Emanuel Macron thanë se në takimin e Grupit G-7 në Francë kishte pasur unitet, megjithë mosmarrëveshjet që u manifestuan gjatë takimt që u mbizotërua nga çështjet e tregëtisë, programi bërthamor i Iranit dhe zjarret që kanë përfshirë Amazonën. Ata folën në një konferencë shtypi në mbyllje të takimit.

Presidenti Trump foli për “një unitet të jashtëzakonshëm”, ndërsa zoti Macron tha se të gjitha palët “kanë arritur të gjejnë pika takimi”. Presidenti francez tha se shpresonte që të ketë një takim mes Presidentit Trump dhe atij iranian, Hasan Rouhani në javët e ardhshme.

“Ne jemi në një mendje që Irani duhet të respektojë detyrimet e veta bërthamore dhe të ketë një sjellje të përgjegjshme në Gji dhe të punojmë së bashku”. Irani nuk duhet të ketë armë bërthamore dhe gjendja atje nuk duhet të dëmtojë stabilitetin e rajonit”, tha zoti Macron.

Presidenti Trump nuk konfirmoi nëse do të ketë një takim së shpejti por tha se nëse Irani ndryshon qëndrim që takim ishte i mundur. “Ne nuk po kërkojnë ndryshim të udhëheqjes (në Iran). Një gjë e tillë nuk ka funskionuar. Ne duam që të mos kenë armë bërthamore. Dhe mund ta arrijmë në një kohë të shkurtër. Dhe vërtet besoj se Irani mund të bëhet përsëri një vend madhështor. Do të doja që kjo të ndodhte. Por nuk duhet të kenë armë bërthamore.”

Zoti Trump hodhi poshtë më herët zërat për tensione të mundshme mes tij dhe presidentit francez Emmanuel Macron, pasi udhëheqësi francez u takua të dielën me ministrin e jashtëm iranian, Mohammad Javad Zarif. Ai tha se i kishte dhënë zotit Macron miratimin për ardhjen e zotit Zarif, por në konferencë për shtyp presidenti francez tha vetëm se e kishte informuar zotin Trump.

Presidenti Trump shprehu optimizëm para gazetarëve edhe për marrëveshje të mundshme tregëtare me Kinën, megjithëse kritikoi praktikat tregëtare të Kinës. “Ndoshta duan ose ndoshta nuk duan një marrëveshje por unë mendoj se duan të arrijnë një marrëveshje. Nuk besoj se kanë rrugë tjetër. Dhe nuk e them këtë si kërcënim. Por nuk kanë alternativë”.

Udhëheqësit e G-7-ës kanë shprehur shqetësime për shkallëzimin e luftës tregëtare mes Shteteve të Bashkuara dhe Kinës. Zoti Macron tha se shpreson që udhëheqësit të tërhiqen nga një luftë tregëtare. Më herë të hënë, presidenti Trump tha se Kina kishte kontaktuar zyrtarët amerikanë të tregëtisë, duke u bërë thirrje të ktheheshin në tryezën e negociatave. “Do të fillojmë bisedime shumë serioze. Të shohim se si do të shkojë”, tha zoti Trump./VOA/

Pas Brexit, Trump premton marrëveshje tregtare me Britaninë

Presidenti Trump ka premtuar një “marrëveshje shumë të madhe tregtare” me Mbretërinë e Bashkuar, duke thënë se largimi i saj nga BE do të jetë si humbja e “një spirance rreth kyçit të këmbës”.

Trump e bëri një deklaratë të tillë pas një mëngjesi pune me Boris Johnson në samitin e G7 në Biarritz në Francë.

Por  Johnson tha që SH.B.A. duhet të bëjë kompromis nëse do të bihet dakord për një marrëveshje tregtare pas Brexit.

Takimi i mëngjesit i z. Johnson erdhi përpara një dite diskutimesh të planifikuara me liderët e tjerë botërorë në samit.

Duke folur para gazetarëve pas mëngjesit të punës, zoti Trump tha: “Ne do të bëjmë një marrëveshje shumë të madhe tregtare, më e madhe nga sa kemi pasur ndonjëherë me Mbretërinë e Bashkuar dhe tani ata nuk do të kenë më pengesa. Ata fituan”.

Trump thirrje Kinës: Hajde bëjmë marrëveshje tregtare tani

Dy ekonomitë më të mëdha të botës, janë përfshirë në një luftë të fortë tregtare duke vendosur sanksione dhe masa ndëshkuese me vlera miliarda dollarë në dëm të ekonomisë së njëra-tjetrës.

Mirëpo duket se kjo luftë ekonomike pritet të gjejë një zgjidhje, pasi presidenti i SHBA-së Donald Trump ka bërë thirrje në Twitter për arritjen e në marrëveshje sa më shpejt mes tyre.

Ndërsa bisedimet tregtare mes SHBA dhe Kinës pritet të rifillojnë, Presidenti Trump paralajmëroi Pekinin që të mos presë për të negociuar një marrëveshje pas zgjedhjeve presidenciale amerikane të 2020s. Ai tha se një marrëveshje e vonuar do të ishte më pak tërheqëse për Kinën, sesa një marrëveshje e arritur tani.

Në samitin e G20s në muajin qershor, Presidenti Trump dhe Presidenti kinez Xi Jinping ranë dakord të ringjallin përpjekjet për t’i dhënë fund luftës së kushtueshme tregtare mes tyre dhe të arrijnë një marrëveshje.

Ndërhyrja ruse, Ish-Prokurori i Posaçëm Robert Mueller dëshmon përpara Kongresit

Në një ditë dramatike në Uashington, ish-prokurori i posaçëm Robert Mueller filloi të mërkurën dëshminë e tij para Kongresit, lidhur me ndërhyrjen ruse në favor të Donald Trumpit dhe nëse presidenti më pas pengoi drejtësinë, duke u përpjekur të ndalte hetimin e prokurorit.

Në komentet e tij në fillim të seancës, zoti Mueller tha se hetimi arriti në përfundimin se qeveria ruse ndërhyri në zgjedhjet amerikane në mënyrë të gjerë dhe sistematike.

Zoti Mueller tha për një nga përfundimet më të rëndësishme dhe të debatueshme:

“Ne nuk e trajtuam bashkëpunimin me qëllim, që nuk është një term ligjor”. Mbështetur tek politikat dhe parimet e Departamentit të Drejtësisë për drejtësinë (e procesit), ne vendosëm që të mos japim një përcaktim, lidhur me faktin nëse presidenti kreu krim”, tha ai.

Zoti Mueller theksoi gjithashtu se dëshmia e tij do të ishte e kufizuar, pasi ajo mund të ndikonte në çështje që nuk janë përfundimtare dhe sepse Departamenti i Drejtësisë kishte përdorur provilegjin që të mos ta lejonte të fliste për disa tema.

Presidenti Trump kishte thënë se nuk kishte ndër mend ta shohë seancën pesë orëshe të zotit Mueller që do të transmetohet drejtpërdrejt në televizion, ose ndoshta vetëm pjesë të vogla të saj. Ai këmbëngul se seancat janë një humbje e jashtëzakonshme kohe dhe se është bërë e qartë se ai nuk ka bashkëpunuar në mënyrë të qëllimshme me rusët, dhe nuk ka ndërhyrë me hetimin e zotit Mueller.

Por miliona amerikanë që nuk e kanë lexuar raportin prej 448 faqesh të prokurorit të posaçëm, pritet t’i shohin seancat para komisioneve juridik dhe të zbulimit të Dhomës së Përfaqësuesve, që pritet të jenë të nxehta dhe interesante.

Seancat janë kritike për 235 demokratët e opozitës në Dhomën e Përfaqësuesve, një e treta prej të cilëve kanë bërë thirrje për fillimin e një procesi shkarkimi ose një hetimi për shkarkim për presidentin Trump.

Aleatët e Presidentit Trump në Kongres thonë se zoti Mueller nuk gjeti asgjë inkriminuese për zotin Trump dhe se kjo çështje duhet mbyllur. Por ata e kanë bërë gjithashtu të qartë se kanë ndër mend ta pyesin zotin Mueller për një hetim që ata thonë se është defektoz dhe me fillesa të dyshimta.

Ndërsa pritet të fillojë seanca, një gjë është e qartë: prokurori me përvojë dhe ish-drejtori i FBI-së, nuk do të thotë asgjë që nuk është pjesë e raportit përfundimtar që i dorëzoi Prokurorit të Përgjithshëm, Ëilliam Barr.

Në maj, zoti Mueller u tha gazetarëve të mos presin shumë përtej asaj që përmban raporti.

“Raporti është dëshmia ime. Nuk do të jepja para Kongresit informacion tjetër përveç asaj që është bërë tashmë publike”, tha ai.  /VOA

“Trump i paaftë”, jep dorëheqjen ambasadori i Britanisë në SHBA

Të martën Donald Trump deklaroi se “Prej sot, ne nuk do të kemi më marrëdhënie me ambasadorin britanik. Një lajm i mirë në lidhje me Britaninë e Madhe është se nuk do të ketë më Theresa May për Kryeministre. Londra do të çlirohet nga një grua që me Brexit bëri një katastrofë”. Pas kësaj deklarate, i ndodhur në kushte presioni, Ambasadori i Britanisë së Madhe në SHBA, Kim Darroch, ka dhënë dorëheqjen, raporton BBC.

Dorëheqja ka ardhur si pasojë e rredhjes të disa kabllogrameve, të publikuar nga mediat britanike, ku ambasadori i vendit ishullor, shprehej se “Trump dhe administrata e tij është e paaftë”. Pikërisht, ky informacion i një letre, që duhej të ishte sekret, është publikuar në media dhe ka shkaktuar një përplasje të fortë mes Anglisë dhe SHBA-ve.

Më herët, Donald Trump kërkoi haptazi largimin e ambasadorit të Britanisë së Madhe nga SHBA. Megjithëse, Theresa May, dha mbështetjen e saj për ambasadorin, Kim Darroch ka dhënë dorëheqjen, i gjendur përballë një presioni të tillë.

E-mail-et sekrete të ambasadorit britanik në Shtetet e Bashkuara, të botuara në prestigjozen Daily Mail, kritikonin ashpër Trump-in dhe gjithë administratën e tij duke i cilësuar “të paaftë, jofunksional, të pasigurt” kurse fjalimet e presidentit amerikan “ të mbushura plot gënjeshtra”.

I paaftë dhe i pasigurt! Trump kërcënon Londrën dhe kërkon largimin e ambasadorit

Ambasadori i Britanisë në SHBA, Kim Darroch, shkruante në një letër që duhej të ishte sekrete, se presidenti Trump ishte  ” i paaftë dhe i pasigurt”. Pikërisht kjo letër është bërë shkak që marrëdhëniet mes dy vendeve të acarohen. Presidenti i SHBA-së, Donald Trump ka reaguar ashpër në twitter ku ka kërkuar largimin e menjëhershëm të ambasadorit britanik dhe madje ka kërcënuar Londrën për rishikim të marrëdhënieve mes dy shteteve.

Në një postim në Twitter, Trump shkruan se: “Prej sot, ne nuk do të kemi më marrëdhënie me ambasadorin britanik. Një lajm i mirë në lidhje me Britaninë e Madhe është se nuk do të ketë më Theresa May për Kryeministre. Londra do të çlirohet nga një grua që me Brexit bëri një katastrofë”

Me një gjuhë aspak diplomatike Trump ka kërkuar largimin e ambasadorit Kim Darroch, duke kërcënuar se në të kundërt do të rishikojë marrëdhëniet me Britaninë, gjë që Londrës, pas braktisjes që i bëri Europës, nuk i shkon aspak për shtat.

Por kryeministrja në ikje e Britanisë, Theresa May, pavarësisht kërcënimeve të Trump, nuk është tërhequr aspak, por ka dhënë  mbështetjen e saj të plotë për ambasadorin, Darroch.

E-mail-et sekrete të ambasadorit britanik në Shtetet e Bashkuara, të botuara në prestigjozen Daily Mail, kritikonin ashpër Trump-in dhe gjithë administratën e tij duke i cilësuar “të paaftë, jofunksional, të pasigurt” kurse fjalimet e presidentit amerikan “ të mbushura plot gënjeshtra”.

“TRUMP I PAAFTË”, PUBLIKOHEN KABLLOGRAMET E AMBASADORIT BRITANIK NË SHBA

Trump merr zëdhënësen e Melanias

Pas largimit nga posti i zëdhënëses të Sara Sanders, Presidenti Trump nuk ka shkuar shumë larg për të gjetur një emër tjetër, por ka marrë zëdhënësen e bashkëshortes së tij. Bëhet fjalë për Stephanie Grisham, zëdhënësja kryesore e Zonjës së Parë të Shteteve të Bashkuara. Ajo tashmë ka marrë postin e sekretares së re të shtypit të Shtëpisë së Bardhë.

Melania Trump bëri njoftim në Twitter, duke thënë se ajo “nuk mund të mendojë për ndonjë person tjetër më të mirë për t’i shërbyer administratës dhe vendit tonë.”

Presidenti Donald Trump njoftoi në fillim të muajit se sekretarja e shtypit prej një kohe të gjatë, Sarah Sanders, po planifikonte të largohej.

“Sarah Huckabee Sanders jonë e mrekullueshme do të largohet nga Shtëpia e Bardhë në fund të muajit dhe do të kthehet në shtetin e madh të Arkansasit,” tha Presidenti Trump në Twitter. “Ajo është një person shumë i veçantë me talente të jashtëzakonshme, që ka bërë një punë të pabesueshme!”

Zonja Sanders e cilësoi detyrën e saj si Sekretare Shtypi e Shtëpisë së Bardhë, si “nderin e jetës së saj”, duke shtuar se: “E kam dashur çdo minutë të punës sime – madje edhe minutat e vështira”.

Gazetarja akuzon Trump për përdhunim

Gazetarja amerikane Elizabeth Jean Carroll ka akuzuar së fundi Presidentin amerikan Donald Trump se e ka ngacmuar seksualisht dhe më pas e ka përdhunuar në dhomën e zhveshjes së një dyqani të njohur në Nju Jork, që ndodhet vetëm pak hapa larg nga Kulla Trump. Ngjarja sipas Carroll ka ndodhur 23 vjet më parë.

Por Presidenti i SHBA Donald Trump i ka hedhur poshtë akuzat  duke thënë se është thjeshtë një “fiction”, pra një fantazi nga ana e gazetares.

Presidenti amerikan thotë se kurrë nuk e ka takuar E. Jean Carroll, ndërsa thotë se deklaratat e saj bëhen për të rritur vëmendjen në mënyrë që të shesë librin e saj.

Carroll nga ana e saj thotë se nuk e raportoi përdhunimin në atë kohë, pasi u këshillua nga një mik i cili i tha seajo nuk kishte shanse për të fituar në gjykatë.

Historia e saj u botua të premten në revistën New York.

Më shumë se një duzinë femrash kanë bërë në të kaluarëm akuza për ngacmime seksuale ndaj presidentit Trump. Akuza të cilat ai i ka mohuar.

Në një artikull të publikuar së fundi gazetarja Carroll përshkruan takimin e Z. Trump në fund të vitit 1995 ose në fillim të vitit 1996, në Bergdorf Goodman. Ajo thotë se e njohu atë si “manjatin e pasurive të patundshme” dhe se i tha asaj se po blinte një dhuratë për “një vajzë”.

Ajo thotë se të dy shkuan përreth dyqanit, duke inkurajuar njëri-tjetrin për të provuar disa të brendshme.

Ajo pretendon se ata pastaj shkuan në një dhomë të provës së veshjes, ku më pas ndodhi sipas saj përdhunimi.

Carroll thotë se i tha dy miqve rreth incidentit të dyshuar, njëri prej të cilëve e këshilloi atë të shkonte në polici.

Por  tjetra e këshilloi atë që të mos i thoshte dikujt pasi “ai ka 200 juristë dhe do të varrosë”.

Trump i ikën një tjetër bashkëpunëtore, jep dorëheqjen zëdhënësja për mediat

Presidentit të SHBA-së Donald Trump i ikën një tjetër bashkëpunëtore e afërt. Në fund të këtij muaji largohet nga detyra zëdhënësja e Shtëpisë së Bardhë Sarah Sanders. Në fakt lajmin për dorëheqjen e saj e njoftoi vetë presidenti i SHBA Donald Trump përmes një tëitteri. Ai njoftoi se Sanders do të kthehet në shtëpinë e saj në Arkansas, teksa e ka përshkruar si një grua “luftëtare”.

“Pas 3 viteve e gjysmë Sarah Sanders do të lërë shtëpinë e Bardhë në fund të muajit dhe do të kthehet në shtëpinë e saj në Arkansas. Ajo është një luftëtare, të gjithë jemi luftëtarë, të gjithë duhet të jemi luftëtarë”, shkruan Trup në një status në rrjetet sociale. 

Snaders 36-vjeç ka qenë një mbështetëse e madhe e presidentit Trump, e cila në një nga daljet e saj publike ka deklaruar se “Zoti do që Donald Trump të bëhet president”.

May dhe Macron përkujtojnë së bashku 75-vjetorin e D-Day

Pas ceremonisë përkujtimore të zhvilluar në Britani, të enjten Kryeministrja britanike Theresa May dhe presidenti francez Emmanuel Macron u janë bashkuar ceremonive që do të zhvillohen në Normandi të Francës për të kujtuar 75 vjetorin e D-Day, që quhet dita e zbarkimit të aleatëve në Normandi për të luftuar nazistët gjermanë gjatë Luftës së Dytë Botërore.

BBC raporton se kryeministrja May dhe presidenti francez po marrin pjesë në ceremoninë e inaugurimit të një përkujtimoreje për të nderuar trupat britanike që vdiqën në Betejën e Normandisë.

Më vonë, Donald Trump do të bashkohet me Macron në varrezat e luftës amerikane në Omaha Beach.

D-Day ishte fillimi i çlirimit të Evropës perëndimore të pushtuar nga nazistët.

Qindra veteranë janë mbledhur në Normandi për përvjetorin e operacionit më të madh ajror dhe detar në histori.

Aktivitetet e ditës përkujtojnë ngjarjet kyçe në operacion, i cili filloi më 6 qershor 1944.

Skip to toolbar