Tag: zef hila

Ish-bashkiaku Hila në Polici: “Shkova vetë. Jam në detyrë. Dhuna jo nga unë”

Të premten Kryeministri Edi Rama e shkarkoi nga detyra, për shkak të urdhërit për djegien e KZAZ-së nr.6 në bashkinë Vau Djeës. Të shtunën, kryebashkiaku i shkarkuar i kësaj bashkie, Zef Hila, shoqërohet në Policinë e Shkodrës, për aktin e rëndë të djegies së materialeve zgjedhore në KZAZ-në e bashksië, që drejtohej prej tij. Zef Hila është paraqitur mesditën e të shtunës rreth orës 12:00 në Komisariatin e Policisë Shkodër, ku është marrë në pyetje nga Oficerët e Policisë, rreth aktit të rëndë të djegies së materialeve zgjedhore në shkollën “Ndre Mjeda”. Ai është shprehur para policisë se “nuk kam pasur dieni për çfarë do të ndodhte në KZAZ-në e Vaut të Dejës. Dija vetëm që do të bëhej protestë paqësore.

Nuk kam dijeni për asgjë tjetër”, mësohet të jetë shprehur Zef Hila. Kështu, ai i qëndron të njëjtëtit version të deklartës së tij, që bëri dhe të premten, kur u shpreh se dhuna ishte kryer nga militantët e PD-së, dhe kishte qenë kjo parti që kishte urdhëruar dhunën, dhe jo ai, duke nxjerr blof Lulzim Bashën. Kreu i PD-së i doli në mbrojtje Zef Hilës, pas firmosje së shkresës së shkarkimit si kryetar bashkie nga Kryeministri Edi Rama, për shkak të dhunës ndaj shkollës “Ndre Mjeda”, ku u dogjën materialet zgjedhoret të KZAZ-së.

“Unë nuk jam shoqëruar në polici. Unë jam thirrur si qytetar dhe i jam përgjigjur. Ka pak minuta që kam dalë nga policia, kam bërë deklarimin si qytetar. Kam marrë përgjigjen se nuk jam person nën hetim. Unë jam në krye të detyrës, vazhdoj punën normalisht. Po ndjekim gjithë procesin. Ka zgjatur pak minuta në polici. Në momentin që ka ndodhur ngjarja kryetari i bashkisë së Vaut të Dejës nuk ka qenë në territorin e bashkisë. Faktet tregojnë se unë nuk kam qenë në protestën e organizuar. Nuk kam qenë në atë zonë fare. Unë kam qenë vetëm me avokatin në polici”, tha Zef Hila.

Më tej ai shtoi se do të ankimojë nga vendimin e Kryeministrit për ta  shkarkuar nga detyra, pas ngjarjeve të rënda në KZAZ-në e Vaut të Dejës. “Pyesni kryeministrin ju pse ka marrë vendimin. Unë po ndjek procedurat ligjore për ankimin. Unë mendoj se Edi Rama ka qenë i dezinformuar për rastin në fjalë. Unë nuk kam asnjë shkresë zyrtare për shkarkimin. Në momentin ë do marrë shkresën do vijojmë me procedurat ligjore të animimit”, u shpreh Zef Hila.

Basha mbron Hilën e shkarkuar, Hila e shet: Dhuna jo nga unë, por nga PD

Kreu i PD Lulzim Basha ka marrë në mbrojtje Kryetarin e Bashkisë së Vaut të Dejës, Zef Hila, i cili u shkarkua me vendim të Këshillit të Ministrave për incidentin e rëndë në Bushat, ku u dogjën materialet zgjedhore dhe u plagosën tre punonjës policie. Kreu i opozitës, në një deklaratë të shkurtër për shtyp deklaroi se Zef Hila nuk ka qenë as fizikisht dhe në asnjë mënyrë tjetër i përfshirë në incidentin e djeshëm në Vaun e Dejës, ndërsa vetë bashkiaku kishte deklaruar më herët se protestat janë organizuar nga PD dhe jo nga bashkia.

“Është hakmarrje personale politike, kundër një përfaqësuesi të ligjshëm, të denjë të njerëzve. Është vendim personal i Edi Ramës që përdor Këshillin e Ministrave si fasadë, dhe mercenarin Sandër Lleshi, një njeri i pa zgjedhur, i pa votuar, pa asnjë përfaqësim, për ta ndërsyer kundër njerëzve dhe opozitës. Nuk ka asnjë motiv dhe nuk ka asnjë arsye për shkarkimin e tij. Zef Hila nuk ka qenë as fizikisht dhe në asnjë mënyrë tjetër i përfshirë në incidentin e djeshëm në Vaun e Dejës. Shkarkimi është një akti kriminal i një autokrati të kriminalizuar që tani po përdor forcën e pushtetit vetëm për të mbrojtur bashkësundimin e tij me krimin”, tha Basha.

Por, e vërteta sipas urdhrit të Bashës për organizimin e punës të strukturave të opozitës, i cili u publikua të enjten në mbrëmje nga realstory.al, qëndron ndryshe, pasi bashkëkryetarë për shtabet e ngritura nga PD për periudhën 28 qershor deri më 2 korrik në bashkitë që drejtohen nga e djathta, janë kryetari i Bashkisë dhe kryetari i degës së PD. Pra, pavarësisht deklaratës së Bashës, rezulton se Hila është bashkëkryetar për shtabin e ngritur nga opozita.

Më herët kryeministri Rama ka firmosur shkarkimin e kryebashkiakut të Vaut të Dejës Zef Hila për sulmin në KZAZ-në e Bushatit, ndërsa njofton se ai do të “ndiqet penalisht, për aktin barbar të djegies së shkollës dhe djegies së materialeve zgjedhore! Kush do ta ndjekë shembullin e tij, do të ketë të njëjtin fat dhe do të përballet me drejtësinë”, shkruan Rama.

Ndërsa Hila thotë se nuk ka qenë pjesë e protestës dhe se zjarrin e ka vënë shtabi i PD-së.

Në një intervistë për Report TV, Hila tha se organizator i protestës ka qenë Aleanca Qytetare për mbrojtjen e Demokracisë, pra shtabi i ngritur nga PD.

“Unë nuk e kam dëgjuar. Unë nuk kam asnjë lloj informacion por di që protestat në Vaun e Dejës kanë qenë të qeta dhe nuk ka pasur incidente. Protesta e djeshme nuk është organizuar nga Bashkia e Vaut të Dejës, por nga Aleanca për Mbrojtjen e Demokracisë të Vaut të Dejës. Unë e them me përgjegjësi të plotë se nuk jam marrë me organizim të protestës. Porositë kanë qenë që protestat të jenë të qeta dhe paqësore. Unë jam kryetar i bashkisë, i zgjedhur. Nuk kam qenë pjesë e protestës. Të gjitha ata kanë protestuar si qytetarë të lirë. Ata kanë të drejtën e tyre. Aq më tepër kemi një dekret të presidentit dhe çdo njeri ka të drejtën e tij. Të gjitha kanë qenë jashtë orarit të punës. Ministri është dizinformuar në raport me kryetarin e bashkisë”, tha Hila.

Një ditë më herët PD dhe LSI u distancuan nga sulmet në KZAZ-në e Bushatit. Madje ata akuzuan qeverinë se e kishte organizuar sulmin për të inkriminuar opozitën. Por deklarata e sotme e Hilës rrëzon poshtë këtë qëndrim të opozitës dhe nxjerr zbuluar Bashën. Pra sipas tij sulmi në Bushat është organizuar nga shtabi i PD.

Pak më herët, ministri i brendshëm, Sandër Lleshaj njoftoi shkarkimin nga detyra të kryetarit të Bashkisë së Vaut të Dejës. Ai tha se të njëjtin fat do të kenë të gjithë kryebashkiakët të cilët do të lejojnë punonjësit e bashkisë të sillen si forca të dhunshme paramilitare për të penguar zgjedhjet e 30 qershorit.

Skip to toolbar