Tag: zgjedhjet

Aleatët e Bashës takojnë Metën: S’ka datë pa marrëveshje politike me ne

Pas anulimit të dekretit për 30 qershorin, presidenti Ilir Meta ka nisur ditën e mërkurë konsultimet me partitë politike për caktimin e një date të re për zgjedhjet. Në takim ishin aleatët e Bashës, Vangjel Dule, Dashamir Shehi, Agron Duka, Nard Ndoka dhe përfaqësuesi i PR, Arian Madhi, por duket se diskutimet nuk kanë qenë rreth një date konkrete për zgjedhjet por arritjes së një marrëveshje politike mes palëve.

“Është bërë një hap i vogël në rrugën e duhur, por ende nuk kemi propozuar një datë, as presidenti nuk ka bërë” tha Dashamir Shehu, ku cilësoi se kërkesat e opozitës duhet të merren parasysh për arritjen e një marrëveshje. “Nuk do të ketë një datë për zgjedhjet pa u arritur një marrëveshje politike, që merr në konsideratë edhe kërkesat e opozitës. Dita e zgjedhjeve duhet të jetë derivat i një analize tjetër, çfarë duhet të bëjmë që zgjedhjet të jenë të pranueshme”

Dekreti i Metës. Çfarë është presidenti për ju?
Rezultati

Gjithashtu Shehi tha se nëse “pala tjetër vijon të jetë me qëndrimin se më 30 qershor ka zgjedhje, do të bëhemi gati për aksione të tjera opozitare”. /realstory.al

PS vijon fushatën në Divjakë, Braçe: Ta harrojnë se mund të na pengojnë

Partia Socialiste vijon fushatën elektorale për zgjedhjet e 30 qershorit duke u shprehur e vendosur se votimet do të bëhen në këtë datë. Zëvendëskryeministri Erion Braçe dhe kryeministri Rama kanë vijuar fushatën e tyre në Divjakë, pavarësisht se presidenti Meta e çdekretoi datën 30 qershorit për të mbajtur zgjedhjet.

“Të lajthiturit po i bëjnë llogaritë gabim” tha Braçe gjatë fjalës së tij, i cili konfirmoi edhe një herë se zgjedhjet do të mbahen dhe se askush nuk mund t’i pengojë. “30 Qershori është një ditë me shenjë ku duhet të ndahemi nga ata njerëz që kanë djegur breza të tërë shqiptarësh në këtë vend. Nuk mund t’ia falim Berishës, Bashës, Kryemadhit dhe Metës edhe një brez tjetër të djegur, duam të shkojmë përpara. Nuk ka Zot në këtë vend të mohojë të drejtën e votës, kush ka lajthitur i bën llogaritë gabim. Ne nuk shitemi dhe blihemi, ne vetëm fitojmë. Ta harrojmë çdokush që mund të na pengojnë, pavarësisht ofiqit.”

12 qershori është dita e themelit të Partisë Socialiste dhe nuk ka munguar as urimi i Braçes duke ia dedikuar këtë disa nga figurave më të larta dhe të vjetra të partisë, mes tyre edhe ish kreun e saj Fatos Nano. “Sot është 12 Qershori, dita e lindjes së Partisë Socialiste të Shqipërisë. Do të doja t’u uroja ditën e lindjes së PS-së dhe t’i shprehja mirënjohje socialistëve nga kjo zonë në partinë më të madhe dhe demokratike që ka njohur ky vend. Dua t’ia uroj ditën e lindjes së PS-së, Fatos Nanos, Gramoz Rucit, Dades, Meksit, Moikom Zeqos dhe çdo socialisti të ndershëm.” /realstory.al

Sulmohet KZAZ-ja në Rrogozhinë, s`dihen shkaqet dhe autorët

Një prej dyerve të godinës ku është ngritur KZAZ-ja e Rrogozhinës, është dëmtuar, raporton “Report Tv”, që ka publikuar edhe një foto.

Sipas këtij informacioni, ende të pakonfirmuar nga organet e rendit dhe ato hetimore, mësohet se është sulmuar fisheku i derës së KAZAZ-së, duke bërë që dera të jetë lehtësisht e kapshme. Policia ka shkuar në vendin e ngjarjes dhe ka bërë rrethimin e zonës.

Deri më tani, nuk ka informacion zyrtar për ngjarjen, por ajo ndodh vetëm një ditë pas mbledhjes së Këshillit Kombëtar të PD-së, ku vendosi ngritjen e grupeve për moslejimin e votimeve flase, siç i ka quajtur selia blu.

Në fakt, nuk dihet nëse kjo ngjarje ka lidhje pikërisht me këtë gjë, ndaj pritet hetimi dhe dhënia e informacioneve zyrtare për të kuptuar atë që ka ndodhur.

Garda i merr në mbrojtje, KQZ miraton vëzhguesit amerikanë për 30 qershorin

Situata politike në vend është futur në një labirint të errët, megjithëse kjo është vetëm për njërën palë, opozitën dhe Presidentin, që tashmë e kanë konfirmuar zyrtarisht se nuk do të shkojnë në zgjedhje. Megjithatë, Qeveria dhe Komisioni Qendror i Zgjedhjeve, me mbështjen e ndërkombëtarëve, janë duke punuar për përmbushjen e detyrimit kushtetues, për mbajtjen e zgjedhjeve më 30 qershor.

Ndërkohë, një ditë pasi KQZ vendosi të mos njihte dekretin e Ilir Metës për shfuqizimin e dekretit që caktonte datën e zgjedhjeve, organi administrues i votimeve në Shqipëri, ka vijuar punën normalisht.

Këtë të mërkurë është zhvilluar mbledhja e radhës e KQZ, për të miratuar disa pika të rendit të ditës. Por, ajo që ka rënë në sy, ka qenë prania e punonjësve të Gardës së Republikës, të cilët kanë marrë në mbrojtje katër anëtarët e mbetur të KQZ, Denar Biba, Bledar Skënderi, Edlira Jorgaqi dhe Rezarta Bitri, pasi kryetari i këtij institucioni, Klemenet Zguri ka bojkotuar mbledhjet.

Në mbledhjen e ditës së mërkurë, KQZ miratoi listat emërore të shtetasve të cilët mund të emërohen anëtar të KQV-ve, si dhe disa pika të tjera. Një ndër pikat, ishte dhe ajo e miratimit të vëzhguesve afatgjatë të Institutit Demokratik Amerikan, për zgjedhjet për organet e qeverisjes vendore të datës 30 qershor 2019.

Pikat e rendit të ditës të miratuara nga KQZ:

1.    “Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019”.

2.    “Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të dates 30 qershor 2019”.

3.    ‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019”.

4.    “Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019”.

5.    “Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019”.

Juncker puthje për Ramën, dru për Metën: Zgjedhjet në 30 qershor

Jo vetëm OSBE, por edhe BE shprehet qartë kundër vendimit të presidentit Meta për të shfuqizuar 30 qershorin si datën e mbajtjes së zgjedhjeve në një zë: Kjo nuk duhet të ndodh, zgjedhjet duhet të jenë më 30 qershor.

Nuk zgjati as 5 orë entuziazmi i tifozëve të Metës pas një konference të shkurtër të martën, që e nisi si kreu i shtetit i shqetësuar për situatën në vend dhe përfundoi duke i treguar muskujt Amerikës, Lajçak dhe “ndërkombëtarëve ngatërrestarëve” Rreth orës 20:00, në listën e “zezë” të Metë u shtua edhe presidenti i Komisionit Europian, Juncker. Gjermani i Europës së bashkuar u shfaq komod me kryeministrin shqiptar, të cilin dikur thoshte hapur se nuk e simpatizonte, për të thënë atë që veshët e Metës, Bashës dhe mbështetësve të tyre, nuk duan të dëgjojnë. Se zgjedhjet duhet të mbahen në datën e përcaktuar.

Dekreti i Metës. Çfarë është presidenti për ju?
Rezultati

Megjithëse iu shmang pyetjes direkte për dekretin, presidenti i KE e hodhi poshtë. Jo vetëm atë, por edhe argumentin kryesor të Metës sipas të cilit pak më herët, “zgjedhje si të 30 qershorit bllokojnë integrimin evropian të Shqipërisë”. Për Juncker ndërkohë pasqyra është e përmbysur: mosmbajtja e zgjedhjeve në 30 qershor, do të çonte në një krizë të vërtetë institucionale dhe politike Shqipërinë dhe do të vononte procesin e saj të integrimit evropian. Një referencë e qartë ndaj hapjes së negociatave që sipas Juncker duhet t’i jepen Shqipërisë do të ndodhë “në qershor, ose jo më vonë se në vjeshtë”. Jo për faj të Shqipërisë, por të ngritjes së parlamentit të ri evropian pas zgjedhjeve të Majit.

Zoti Juncker tha se “zgjedhjet lokale në Shqipëri duhet të mbahen në datën e përcaktuar. Njerëzit nuk mund të ndalohen. Këto zgjedhje duhet të mbahen nëse jo do të shtynin perspektivën Europiane të Shqipërisë”.

Juncker në fund të intervistës bëri një gjest që vuri dukshëm në siklet kryeministrin Rama, duke u zgjatur e puthur atë. Por Rama mund të skuqet, por më mirë një puthje sesa dru nga Junkcer apo jo? Për këtë, pyesni Ilir Metën.

Shfuqëzimi i 30 qershorit, dekreti i Metës publikohet në Fletoren Zyrtare

Dekreti për shfuqizimin e zgjedhjeve të 30 qershorit të firmosur ditën e hënë live në media nga Presidenti Ilir Meta është botuar edhe në Fletoren Zyrtare.

Në dekret shkruhet se në  mbështetje  të  nenit  1/3,  3,  4/2,  15,  45,  86/1, 92 shkronja “gj” dhe 93 të Kushtetutës së Republikës së Shqipërisë, presidenti shfuqizon datën 30 qershor 2019, si ditën e zhvillimit të zgjedhjeve dhe ky dekret hyn në fuqi menjëherë pas publikimit në fletoren zyrtare.

Gjithashtu neni 2 cilëson se dekreti i dërgohet për zbatimin Komisionit Qendror të Zgjedhjeve, e cila merr masat për të njoftuar këtë akt në të gjitha subjektet zgjedhore.

Vendimi i Metës, PS: Lajthitje antikushtetuese, mendon për pakicën

Menjëherë pas konferencës për shtyp të presidentit Meta, ku ky i fundit doli hapur kundër qeverisë dhe ndërkombëtarëve, ka reaguar kreu i grupit Parlamentar të PS-së, Taulant Balla dhe deputetja socialiste Blerina Gjylameti.

Balla tha se vendimi i Metës është një lajthitje antikushtetuese që do e marrë përgjigjen të enjten në parlament. “Zoti President ju nuk keni asgjë në dorë lidhur me datën e zgjedhjeve të dekretuar prej Jush. ZGJEDHJET DO Të MBAHEN MË 30 QERSHOR, në respekt të plotë të dekretit të nxjerrë prej Jush në respekt të detyrimit kushtetues që keni. Ndërsa çdekreti Juaj është një lajthitje antikushtetuese, që meriton të gjithë vëmendjen e Parlamentit, të cilën do ta keni të plotë të enjten, ku do të miratojmë edhe Rezolutën përkatëse lidhur me lajthitjen në fjalë.” – shkruan Balla

Ndërsa Gjylameti tha se Meta mendon vetëm për pakicën dhe jo për shumicën e shqiptarëve që duan të votojnë. ‘Ai mendon vetëm për pakicën e shtëpisë, jo për shumicën e shqiptarëve që duan të votojnë dhe të zgjedhin drejtuesit e tyre lokalë në të drejtën e tyre kushtetuese. Mesa duket Presidentit nuk është në terezinë e lartësisë së detyrës që përfaqëson, por më shumë tek interesat e ngushta të një pale… Ndoshta ka ardhur koha që Presidenti të reflektojë! SHBA dhe BE folën qartë, ndërsa shqiptarët dhe Shqipëria e ka bërë zgjedhjen me kohë.”

BE, “shuplakë” Metës: Të respektohet Kushtetuta, të realizohen zgjedhjet

Zëdhënësja e shefes për Politikën e Jashtme të BE-së, Maja Kocijançiç ka deklaruar të hënën se qytetarëve shqiptarë duhet t’u jepet e drejta për të votuar për të siguruar vazhdimësinë e qeverisjes lokale. Reagimi erdhi pas vendimit të presidenti Meta për dekretin e anulimit të zgjedhjeve më 30 qershor.

Kocijançiç përsëriti gjithashtu se opozita është zëvendësuar në parlament duke e bërë atë funksional, ndërsa bëri thirrje që  të gjitha palët që të angazhohen urgjentisht në një dialog konstruktiv për të kapërcyer situatën aktuale politike.

“Ne po ndjekim zhvillimet. Kjo është një çështje që institucionet shqiptare duhet ta trajtojnë në përputhje me legjislacionin dhe jurisprudencën ekzistuese, në respekt të plotë të parimeve kushtetuese dhe demokratike.

Siç është thënë tashmë, ne konsiderojmë se vendimi për heqjen dorë nga mandatet parlamentare dhe për të mos marrë pjesë në zgjedhjet lokale pengon funksionimin e demokracisë në Shqipëri. Kjo ka qenë një zgjedhje e qëllimshme e partive opozitare. Përfaqësuesit e opozitës janë zëvendësuar në Parlament, i cili funksionon plotësisht.

Tani është thelbësore që të garantohet e drejta kushtetuese e qytetarëve shqiptarë për të votuar në zgjedhjet lokale dhe për të siguruar vazhdimësinë e qeverisjes lokale. Ne përsërisim thirrjen tonë nga të gjitha palët që të angazhohen urgjentisht në një dialog konstruktiv për të kapërcyer situatën aktuale politike”. – tha Kocijançiç në një deklaratë për A2 CNN.

OSBE “masakron” Metën: Dekreti thellon krizën, zgjedhje në 30 qershor

OSBE i ka dhënë një godite të fortë Presidentit Meta për dekretin e anulimit të zgjedhjeve më 30 qershor, ku kreu i OSBE, Miroslav Lajçak ka deklaruar se vendimi i Metës thellon më tej krizën politike, duke shkaktuar ndalim të funksionimit të institucioneve shtetërore. Madje, ai nuk është ndalur vetëm me qëndrimin për veprimin e Presidentit Meta, por ka shkuar më tej, kur ka kërkuar që institucionet shqiptare të zhvillojnë zgjedhjet brenda datës 30 qershor.

Në njoftimin zyrtar, deklarohet qartazi se Kryetari i Radhës i OSBE-së, njëkohësisht Ministër i Jashtëm dhe për Çështjet Evropiane i Sllovakisë, Miroslav Lajčák, “shprehu sot shqetësimin e tij lidhur me zhvillimet më të fundit në Shqipëri, të cilat mund të thellojnë më tej krizën politike dhe të çojnë në ndalimin e funksionimit të institucioneve shtetërore”.

Kryetari i Radhës u bëri thirrje udhëheqësve politikë të tregojnë vetëpërmbajtje dhe të respektojnë legjislacionin në fuqi, si edhe rolet kushtetuese të institucioneve demokratike përkatëse. Pritshmëria jonë është që udhëheqësit do të veprojnë në përputhje me parimet demokratike dhe do të respektojnë të drejtën e qytetarëve për të votuar për përfaqësuesit e tyre, brenda kufijve kohorë të vendosur nga kuadri ligjor shqiptar”, tha Lajçak, në një kohë që sipas Kushtetutës dhe Kodit Zgjedhor 30 qershori është afati i fundit ligjor për zhvillimin e zgjedhjeve. Gjithashtu, ai shprehu besimin e tij se Shqipëria është e aftë ta trajtojë vetë situatën, brenda kornizës së saj kushtetuese dhe ligjore, dhe se do të gjejë një zgjidhje, e cila do t’i mundësojë vendit të përqendrohet në sfidat e rëndësishme për qytetarët e Shqipërisë.

Më këtë deklaratë, Lajçak konfirmoi edhe qëndrimin e ambasadorëve të huaj në takimin me kryeministrin Rama, ku burimet kishin shpjeguar për realstory.al, se ata kanë mbështetur maxhorancën për këmbënguljen e saj për të ecur përpara me zgjedhjet, pavarësisht lëvizjes së Presidentit.

Skip to toolbar