Shkon në 34,844 numri i palestinezëve të vrarë që prej fillimit të luftës në Rripin e Gazës, sipas Ministrisë së Shëndetësisë të kontrolluar nga Hamasi.
Të paktën 78,404 persona të tjerë janë lënduar gjithashtu nga sulmi, tha ministria.
“Sulmet izraelite vranë 55 persona dhe plagosën 200 të tjerë në 24 orët e fundit. Shumë njerëz janë ende të bllokuar nën rrënoja dhe në rrugë pasi shpëtimtarët nuk janë në gjendje t’i arrijnë ata.”, tha ministria.
Të hënën, ushtria izraelite lëshoi urdhra evakuimi për palestinezët në Rafahun lindor, një lëvizje që shihet gjerësisht si një prelud i sulmit të shumëpritur të Izraelit ndaj qytetit, shtëpia e rreth 1.5 milionë palestinezëve të zhvendosur. Ndërsa të martën, ushtria mori kontrollin e anës palestineze të kalimit Rafah në kufirin me Egjiptin, një rrugë jetike për ndihmën humanitare në territorin e rrethuar.
Mbi shtatë muaj pas luftës izraelite, zona të gjera të Gazës ishin në gërmadha, duke shtyrë 85% të popullsisë së enklavës në zhvendosje të brendshme mes një bllokade gjymtuese të ushqimit, ujit të pastër dhe ilaçeve, sipas OKB-së./abcnews.al