Të paktën 100 persona janë shtruar në urgjencën e spitalit të Bulqizës me simptoma helmimi. Top-Channel i referohet burimeve të saj teksa raporton se shkak për helmimin masiv të qytetarëve mund të jetë uji i pijshëm.
Stafi mjekësor i ka bërë thirrje banorëve që të mos konsumojnë ujin deri në pritje të përgjigjes së analizave.
Fluksi i pacientëve me shenja helmimi vjen nga lagjja e vjetër e qytetit të Bulqizës. Ata thonë se shumë linja të ujësjellësit në këtë zonë janë të amortizuar.
