Vizita e Blinken në Shqipëri/ Ish-ambasadori: Mesazh shumë i fortë për Shqipërinë dhe gjithë Ballkanin

AKTUALITET


PRISHTINË- Ish-ambasadori i Kosovës në Itali, Albert Prenkaj, komentoi vizitën e planifikuar të Sekretarit Amerikan të Shtetit Antony Blinken në Shqipëri.

Gjatë intervistës për “Ballkan Update” me gazetaren Linda Karadakun, Prenkaj tha se kjo vizitë është një mesazh se SHBA-ja e sheh Shqipërinë si aleaten më besnik të saj në Ballkanin Perëndimor.


Sipas tij, vizita e Blinken, do të jetë një mesazh si për Kosovën dhe Serbinë, të cilat do duhet që mosmarrëveshjet mes tyre duhet t’i kalojnë përmes dialogut dhe tryezës së diskutimeve.

Ai theksoi se Blinken do të japë mesazhe edhe për Maqedoninë e Veriut, e cila aktualisht drejtohet nga një qeverie tranzitore me kryeministër shqiptar, Talat Xhaferin, që vjen nga radhët e partisë Bashkimi Demokratik për Integrim.

“Ardhja e Blinken në Tiranë është një ardhje tejet e rëndësishme, e cila sipas deklaratave të DASH e fut Shqipërinë në një aleatët më të rëndësishme të SHBA në rajonin tonë, është mesazh për të gjitha palët në rajon, si për Prishtinën zyrtare ashtu dhe për Beogradin zyrtar. Është vizitë e cila, i tregon se zgjidhja e probleme mes Kosovës dhe Serbisë është dialogu dhe kjo është kërkesë e vazhdueshme. Sekretari Blinken do të japë mesazhe të qartë si për Prishtinën ashtu dhe për Beogradin zyrtar, unë besoj se do ketë mesazhe edhe për RMV, e cila tashmë është në një qeveri tranzitore”, tha ai.

Ai kritikoi tentativat e Albin Kurtit, i cili me veprimet e tij po ndërhynë qartë në skenën politikë duke përçarë shqiptarët në Maqedoninë e Veriut. Sipas tij, kjo praktikë është për t’u kritikuar pasi nuk i shërben faktorit shqiptar.

Një tentim që të luftohet një koalicion pro-perëndimor, si ai i BDI-LSDM. Është një ndërhyrje joserioze në jetën politike atje duke mos qenë të regjistruar në Komisionin Shtetëror të Zgjedhjeve. Kjo ndërhyrje nuk është për t’u përshëndetur. Po dëmtohet një lëvizje strategjike e Maqedonisë së Veriut dhe krejt rajonit”, u shpreh ai.




Skip to toolbar