Raportohet se sherri mes viktimës dhe autorit të dyshuar të krimit, 18-vjeçarit Florjan Muka ka ndodhur rreth orës 11:30, në bulevardin “Jakov Xoxa”, për motive të dobta.
Gjatë sherrit, i riu ka nxjerrë thikën duke goditur 19-vjeçarin i cili ka humbur jetën në spital si pasojë e plagëve të marra.
Gjithashtu është plagosur edhe një 20-vjeçar, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën.
Pas ngjarjes policia ka arrestuar 18-vjeçarin Florjan Muka dhe po kryhen veprimet e mëtejshme procedurale.
Njoftimi i policisë:
Fier/Informacion paraprak
Rreth orës 11:30, në bulevardin “Jakov Xoxa”, shtetasi F. M., 18 vjeç, gjatë një konflikti për motive të dobëta ka plagosur me mjet prerës (thikë), shtetasin G. B., 19 vjeç, i cili si pasojë e plagëve të marra ka humbur jetën në spital.
Në spitalin e Fierit është paraqitur për ndihmë mjekësore shtetasi O. S., 20 vjeç, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën.
Shërbimet e Policisë kanë kapur dhe shoqëruar në Polici shtetasin F. M, dhe po kryhen veprimet e mëtejshme procedurale.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.