“Gabriel Escobar po punon në dialogun Kosovë-Serbi”. Ky ka qenë vlerësimi nga ana e Byrosë së Çështjeve Evropiane dhe Euroazisë në kuadër të Departamentit të Shtetit Amerikan, e cila ka vlerësuar të dërguarin special për Ballkanin Perëndimor.
Përmes një postimi në “Twitter”, Byroja e Departamentit të Shtetit mes tjerash ka deklaruar se Escobar është duke punuar edhe në dialogun Kosovë-Serbi.
“Urime Përfaqësuesit të ri Special në Ballkanin Perëndimor – Gabriel Escobar! Ai tashmë është duke punuar në dialogun Serbi-Kosovë të lehtësuar nga BE, sigurimin e pranimit rajonal në BE dhe presionin ndaj udhëheqësve të Bosnjës që të avancojnë reformat dhe të respektojnë sovranitetin/integritetin territorial të BiH”, thuhet në njoftim.