Kryeministri Edi Rama ka folur në Asamblenë e Përgjithshme të Kombeve të Bashkuara për përdorimin e inteligjencës artificiale dhe eksperiencën e Shqipërisë me “Diellën”, ministren virtuale të krijuar me inteligjencë artificiale.
Rama tha se sfida nuk duhet të jetë vetëm shpejtësia me të cilën teknologjia kryen një detyrë, por edhe ajo që mëson dhe kupton njeriu nga procesi.
“Ne mund të ndërtojmë një IA që mëson dhe jo që thjesht të përgjigjet. Pyetja nuk shtrohet se sa shpejt e kreu punën makina, por se çfarë mësoi qenia njerëzore”, u shpreh Rama.
