Një 59-vjeçar është arrestuar pasi u kap duke kultivuar disa bimë narkotike rreth banesës së tij. Ngjarja ka ndodhur në fshatin Mallkeq të Vlorës, ndërsa zbulimi i tij u bë pas informacioneve të marra në rrugë operative se ky shtetas po kultivonte lëndë narkotike në pronën e tij.
Pas kontrollit që policia ushtroi në banesën dhe pronën rreth saj u konstatuan disa rrënjë të mbjella me kanabis sativa.
Në pranga ka përfunduar shtetasi P.M., 59 vjeç, i cili do të gjykohet për veprën penale “Kultivimi i bimëve narkotikëve”.
