Qytetarët shqiptarë, sidomos ata në zonat më të prekura nga tërmeti, vijojnë të jenë nën panik për shkak të pasgoditjeve. Megjithatë, duket se aktivititeti sizmik ka ardhur duke pakësuar goditjet.
Qendra Sizmologjike Europiane e Mesdheut (EMSC) bëri një reagim në Twitter pasditen e të premtes, duke publikuar një grafik të aktivitetit sizmik. Sipas EMSC aktiviteti i pasgoditjeve nga tërmeti në Shqipëri është kufizuar.
“Sic pritej pas një tërmeti numri i pasgoditjeve sa vjen dhe ulet. Ende, lëkundje ndihen në zonën e prekur nga tërmeti. Por aktiviteti i pasgoditjeve nga tërmeti në Shqipëri është kufizuar. Shpresojmë që kufizimi i aktivitetit të pasgoditjeve të vijojë që miqtë tanë dhe njerëzit në Shqipëri të munden të qëndrojnë të qetë” thuhet në postimet e (EMSC).
