Kryeministri Edi Rama e ka kthyer në traditë të përcjellë mesazhe përmes fjalëve të shenjta. Rama zgjedh shpesh fraza nga Bibla dhe Kurani, të cilat i ndan me ndjekësit e tij në rrjetet sociale.
Mëngjesin e 2 janarit, kreu i qeverisë zgjodhi të përcjellë mesazhin e tij me fjalët e Papa Françeskut, i cili është shumë aktual sidomos në ditë festash si këto.
“Hiqni telefonat dhe komunikoni me njëri-tjetrin. Hiqini nga duart edhe kur drekoni e flisni. Ju dini vetëm të çatoni dhe keni harruar komunikimin”, është ky mesazhi i Atit të Shenjtë që Rama e ka ndarë në Facebook.
Përmes fjalëve të Papës, Rama ka dhënë dhe një mesazh mjaft domethënës për të gjithë shqiptarët në fillim të vitit 2020.