Një person mbeti i plagosur rëndë mbrëmjen e të martës, pasi u përplas nga një makinë. Aksidenti ndodhi në aksin rrugor Gostimë-Cërrik, teksa mësohet se një burrë rreth 50 vjeç ka qenë duke kaluar rrugën në momentin që u përplas nga një makinë.
Ai është dërguar me urgjencë në spitalin e Elbasanit për të marrë ndihmë mjekësore. Ndërkohë, policia shkoi në vendin e ngjarjes dhe po kryen hetime për zbardhjen e aksidentit. Uniformat Blu shoqëruan për sqarime të rrethanave të këtij aksidenti edhe shoferin e mjetit.
Gjatë mbrëmjes të së martës dy mejete u përplasën në qytetin e Korçës. Nga përplasja e dy mjeteve mësohet se janë plagosur dy persona. Policia po heton për shkaqet e këtij aksidenti.
