41 mijë euro janë sekuestruar nga policia kufitare e Kakavijës, ndërsa është ndaluar poseduesi i tyre. Gjatë kontrollit në vijën e dytë të automjetit që drejtohej nga shtetasi me iniciale E.B., 38 vjeç, u gjet shuma prej 41 000 euro e padeklaruar te shërbimet doganore. Sipas ligjit kur shuma që ke me vete është nga 10 mijë euro e lart, është e detyrueshme të bësh një deklaratë e ta depozitosh pranë zyrave të doganës.
Pas sekuestrimit të parave të padeklaruara, policia ka nisur procedim penal për 38-vjeçarin që posedonte këtë sasi parash, ndërsa u njoftuan specialistët për hetimin e krimit ekonomik për veprimet e mëtejshme.
Materialet do t’i përcillen Prokurorisë, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”.
