Gazetari Sokol Balla ka rrëfyer përmes një postimin në instagram mbi bisedën që ka zhvilluar me gazetarin e famshëm Italian Enrico Mentana, pasi ky I fundit kishte postuar në rrjetet e tij sociale një video mbi 30 mjekët dhe infermierët që mbërriën në Itali për të ndihmuar dhe mbështetur kolegët e tyre në Bergamo dhe Breshia. Ja cfarë shkruan Balla në postimin e tij:
“Bisedova sot me mikun tim dhe burimin e frymëzimit tim profesional Enrico Mentana. AI më tha se postimi I tij në rrjetin social Facebook për lajmin e 30 mjekëve dhe infermierëve ishte ‘mbytur’ me komente dhe falenderime nga italianët. Ai dëshironte që ne këtu në Shqipëri ta dinim për këtë valë të madhe dashurie midis dy brigjeve të Adriatikut. Më pas pash videon e postuar nga Matteo Salvni. Edhe aty një valë mirënjohje e një kombi si Italia që na ka inspiruar vlerat e kulturës, civilizimit, bukurisë, lirisë dhe dashurisë. Dashuria shpesh I sfidon vështirësitë dhe padrejtësitë. Italia do ti kapërcejtë vështirësitë sepse ka shumë dashuri për Zonjën e Vjetër, nga të gjithë, shqiptarët përfshirë. Shqipëria është europiane, përpos padrejtësive që na kanë lënë jashtë familjes tonë natyrale. Koronavirusi e Provoi këtë. Dashuria egziston. Rezisto itali. Do tja dalim. #bashkë”.