Gjykata e Krimeve të Rënda ka lënë në fuqi masën “arrest me burg” për Arbër Çekaj, i akuzuar për trafikun e 613 kg kokainë në Portin e Durrësit.
Gjatë seancës gjyqësore, Çekaj nuk i ka pranuar akzuat duke deklaruar se nuk ka lidhje me sasinë e drogës së gjetur në kontenierët e firmës së tij në Portin e Durrësit.
‘Nuk kam lidhje me drogën në kontenierë’ është shprehur Çekaj në seancën e gjyqit, ndërsa avokati mbrojtës i tij tha se policia duhet të kishte kontrolluar kontenierin pasi të dilte nga magazina. “Arbër Çekaj kishte porositur banane që janë certifikuar nga firma si të pastra. Kërkojmë revokimin e masës pasi nuk është e drejtë” u shpreh avokati.
Arbër Çekaj akuzohet për 613 kg kokainë të sekuestruar në portin e Durrësit vitin e kaluar, ndërsa u ekstradua dy ditë më parë nga Gjermania.
Kokaina ishte e fshehur në kontenierët me banane, ngarkesë që shoqërohej nga shoferi Armando Pezaku dhe menaxheri i “Arbri Garden”, Donaldo Lushaj, të cilat janë gjithashtu të arrestuar.
