Author: albi

Barça e Real Madrid “skuqen” në 9 javë të La Liga

“Gjithmonë ka një herë të parë”, është një fjalë e urtë popullore që përdoret shpesh. Brcelona dhe Real Madrid mund ta kenë konsumuar shpesh këtë shprehje në historinë e tyre të futbollit deri në detaj. Por jo, për të dyja klubet, për herë të parë në historinë e La Ligas, nëntë javët e para të kampionatit kanë nisur me “skuqje”. Sipas AS, Barcelona dhe Real Madrid, për herë të parë në historinë e kampionatit spanjoll të futbollit, i kanë mbyllur nëntë javët e para të La Liga me nga tre kartonë të kuq për secilin ekip.

Skuadra e Zinedine Zidane, nuk u mjaftua me humbjen turpëruese të së shtunës në fushën e Mallorca, por në të 73` Odiozola doli më karton të kuq nga fusha e lojës. Më herët, ishte Modriç dhe Gareth Bale, që pësuan të njëjtin fat në takimet kundër Celt Vigo dhe Vollareal. Kështu ka ndodhur dhe me Barcelonën në nëntë javët e para të La Liga. Lenglet u ndëshkua në sfidën kundër Getafe, ndërsa Araujo dhe Dembele në atë kundër Sevilla të disa javëve më parë.

Kështu, të dyja ekipet që aktualisht kryesojnë La Liga, Barça me 19 pikë dhe Real me 18, për herë të parë në historinë e këtij kampionati, i mbyllin nëntë javët e para me nga 3 kartona të kuq. Gjashtë kartonë të kuq ndaj Real Madrid dhe Barcelonës në nëntë javë kampionat, tregon rritjen e konkurrencës së brendshme, por duket se edhe arbitrat kanë marrë mësim, duke mos bërë diferencime: ca të nënës e ca të njerkës.

Maqedonia e Veriut vendos sot për zgjedhjet e parakohshme

Presidenti i Maqedonisë së Veriut Stevo Pendarovski takohet të dielën me liderët e partive kryesore në vend, pas reufzimit të Këshillit Europian për hapjen e negociatave. Në takimin e së dielës, organizimi i zgjedhjeve parlamentare pritet të jetë në krye të axhendës së diskutimeve. Një ditë më parë, Zoran Zaev, kërkoi zgjedhje të parakohshme, që sipas tij, “populli të vendos për rrugën në të cilën duhet të ecë Maqedonia e Veriut”. Ndërkohë, edhe liderët e partive shqiptare, janë shprehur gati për zgjedhje të parakohshme. Kreu i BDI-së, Ali Ahmeti tha se zgjedhjet e parakohshme janë zgjidhja më e mirë e vendit.

“Mendoj që zgjidhja më e mirë për vendin është që të shkohet në zgjedhje të jashtëzakonshme. Nuk do doja që ne të vendosemi në gjahtarë të fajeve sepse është e papranueshme të pranosh faj të pabërë. Republika e Maqedonisë së Veriut është një dëm kolateral i vetë dallimeve që ka BE. Në këtë rast Franca ka shfrytëzuar të drejtën statutore të vetos, për arsye se vetë BE është në kërkim të ndërtimit të situatave të reja për zgjerim. Lideri i kësaj ideje është Franca. Me keqardhje e kanë pritur të gjitha kancelaritë e Europës”, deklaroi Ahmeti.

Ndërkohë, kreu i partisë opozitare VMRO DPMNE Hristijan Mickovski deklaroi se kërkesa e Zaev për zgjedhje, tregon se vetë kryeministri pranoi dështimin për negociatat.

“Ligji është i qartë, dihet se çfarë do të thotë zgjedhje parlamentare, çfarë nënkuptojnë ligjet në zgjedhjet parlamentare, etj. Thjesht duhet t’i respektojmë dhe menjëherë të shpallim zgjedhje dhe të formojmë qeveri teknike, kryeministër teknik dhe të shkojmë në zgjedhjet e parakohshme parlamentare”, deklaroi Mickoski.

Edhe Lëvizja Besa ka përshëndetur  propozimin e kryeministrit Zoran Zaev që vendi të shkojë në zgjedhje të parakohshme parlamentare. Nga ky subjekt politik rikonfirmojnë qëndrimin e tyre për mbajtjen e zgjedhjeve të parakohshme parlamentare në kohë sa më të shpejtë. Takimi i Pendarovskit me liderët e partive kryesore në Maqedoninë e Veriut është caktuar të mbahet në ora 17:00 në rezidencën presidenciale “Villa Vodno”.

E bujshme, Marash Kumbulla në “radarët” e Juves

“Nuk e di se si nuk e kanë parë deri më tani në Serie A”, u shpreh Edy Reja pak ditë më parë për mbrojtësin Marash Kumbulla. Dhe duket se pas fjalëve të trajnerit të kombëtares shqiptare, klubet italiane bën lëvizje të menjëhershme. Sipas “Calciomercato”, Juventus kërkon mbrojtësin e kombëtares shqiptare Marash Kumbulla. Në takimin mes Napolit dhe Veronas, ku Kumbulla luajti si titullar, skuadra nga Torino kishte dërguar përfaqësues në stadium për të ndjekur mbrojtësin e talentuar shqiptar.

“Mbrojtësi shqiptar është i mahnitshëm që prej fillimit të kampionatit, për forcën dhe personalitetin fizik. Është bërë një element kryesor, ka shënuar golin e tij të parë dhe tani nuk dëshiron të ndalet. Juventus tashmë e kanë shënuar në listë, dhe nuk janë të vetmit”, është komenti përshkrues i portalit italian të transferimeve “Calciomercato”. Ndërkohë, për Marash Kumbullën është interesuar dhe Fiorentina, ndërsa Napoli është prej kohësh pjesë e skuadrave që vëzhgojnë talentin shqiptar.

Madje të shtunën pasditen e të shtunës, Ancelotti pati shansin për të parë nga afër mbrojtësin e kombëtares shqiptare, që po shkëlqen me ekipin e sapongjitur në Serie A. Në krahun tjetër, Verona nuk dëshiron që futbollisti të largohet, para se klubet e interesuar të pagujanë të paktën 10 milion euro për shqiptarin. Aktualisht, vlera e Marash Kumbullës është 3 milion euro sipas sajtit të njohur të transferimeve, Transfermarkt. Ky është një kapërcim i jashtëzakonshëm, pasi në muajin qershor të këtij viti, Kumbulla vlerësohej me 750 mijë euro, ndërsa në pak muaj ai kushon 3 milion euro.

Dhunuan rëndë 28-vjeçarin, arrestohen tre persona në Tiranë

Policia e Tiranës arrestoi në flagrancë tre shtetas, një prej të cilëve plagosi rëndë një person, ndërsa dy të tjerët kundërshtuan forcat e policisë gjatë kohës që po arrestonin autorin e plagosjes. Konkretisht, sipas njoftimit zyrtar të Policisë së Shtetit, në pranga është vënë shtetasi me inicialet F.K., 33 vjeç, banues në Tiranë.

Ky shtetas, në vendin e quajtur “Fushë-Mëzez”, për motive të dobëta, dhunoi me grushte dhe mjete të forta një shtetas, 28-vjeçarin me inicialet A.D. Ky person mbeti i plagosur rëndë, dhe u dërgua me urgjencë në spitalin e Traumës, ku ndodhet nën kujdesin e mjekëve.

Ndërkohë, policia arrestoi në flagracë shtetasin F.K., i cili akuzohet për veprën penale “Plagosje e rëndë me dashje”. Por, policia arrestoi edhe dy shtetas të tjerë, të cilët akuzohen për “Kundërshtimi i punonjësit të policisë” dhe “Goditja për shkak të detyrës”. Konkretisht, në pranga janë vënë shtetasit me inicialet F.D., 39 vjeç dhe shtetasi me inicialet H.H., 35 vjeç, të dy banues në Tiranë.

Sipas Policisë së Shtetit, këta dy shtetas në momentin e arrestimit të shtetasit F. K., kanë ndërhyrë duke kundërshtuar dhe goditur për shkak të detyrës, punonjësit e “Forcës së Posaçme Shigjeta” të cilët do bënin shoqërimin e shtetasit F. K., për në Komisariat. Materialet procedurale iu referuan për veprime të mëtejshme Prokurorisë pranë Gjykatës së Shkallës së Parë Tiranë.

Prekja e topit me dorë nga De Ligt shkakton polemika në Itali (video)

Juventus fitoi ndaj Bologna me shumë vështirësi në Serie A të shtunën. Megjithatë, sfida mund të kishte përfunduar ndryshe, nëse nuk do të kishte qenë aftësia e Buffon për të ndalur kundërshtarët në fund. Gjithashtu, një tjetër episod krijoi polemika në takimin e të shtunës në mbrëmje.

Në minutat e fundit të takimit, mbrojtësi holandez i Juventus, De Ligt, rrëshkiti në zonë, ndërsa gjatë rënies në fushë ai preku dhe topin në dorë. Skuadra e Bologna kërkoi penallti, por arbitri nuk e akordoi 11-metërshin.

https://twitter.com/cierresettebis/status/1185665583007850496

Megjithëse reagimet ishin të shumta duke kërkuar penallti në favor të Bologna për rastin në fjalë, në fakt rregullorja “lehtëson” akuzën ndaj arbitrit. Rregullorja e thotë qartë se: “Nëse një lojtar rrëshqet dhe topi bie dorën apo krahun e tij, por dora nuk është e zgjatur dhe prekja është e pavullnetshme, atëherë nuk kemi të bëjmë me 11metërsh”.

Për episodin në fjalë, reagoi dhe ish-arbitri i Luca Marelli, i cili bën moviolën e ndeshjes. Ai i cilëson të drejta vendimet e arbitrit, duke mos akorduar penallti, ndërsa sqaron me detaje se çfarë ndodhi me prekjen e topit nga mbrojtësi i Juventus.

“De Ligt ndërhyn në mënyrë të dhe e prek ashpër me dhembrën e tij të majtë, duke e devijuar topin në krahun e tij të majtë. Topi ndryshon drejtim dhe e bën kontaktin pasues krejtësisht të rastësishëm dhe për këtë arsye nuk mund të dënohet”, shkruan arbitri i njohur italian.

Endri Çekiçi gol nga 25 metra në Slloveni

Futbollisti i kombëtares shqiptare, Endri Çekiçi realizoi golin e radhës në Slloveni me ekipin e Olimpija Ljubljana në kampionat. Sulmuesi u aktivizua titullar në takimin që skuadra e tij luajti në shtëpi dhe e fitoi 6-0 kundër Rudar. Çekiçi shënoi golin e gjashtë të sfidës në minutën e 89-të nga një goditje dënimi.

Nga rreth 25 metër distancë nga porta, sulmuesi shqiptar ekzekutoi në mënyrë përfekte me të djathtë një goditje dënimi, duke e dërguar topin në rrjetë. Me tre pikët e fituara të shtunën në mbrëmje, Ljubljana shkon në kuotën e 30 pikëve duke udhëhequr e vetme kampionatin në Slloveni.

Ndërkohë për endri Çekiçin ky ishte goli i pestë në kampionat për këtë sezon, duke u renditur afër golashënuesve më të mirë të kampionatit slloven deri më tani. Ky gol duket se do të jetë një arsye e fortë e trajnerit Edy Reja për të grumbulluar në kombëtare futbollistin pogradecar për dy ndeshjet e fundit kualifikuese, atë ndaj Andorrës dhe Francës.

https://www.facebook.com/sportalgoool/videos/2524827640941791/UzpfSTc4OTc0NDk5NzcyMjM2MjozMDExNzYzNjUyMTg3MTQx/

Lotaria, SHBA tregon si të aplikoni

Prej datës 2 tetor vijon të jetë i hapur aplikimi për Lotarinë Amerikane. Shumë shtetas shqiptarë, ashtu si miliona të tjerë në mbarë botë, provojnë fatin e tyre duke aplikuar për programin e vizave drejt SHBA, me shpresën se do të përzgjidhen për “ëndrrën amerikane”.

Ambasada e Shteteve të Bashkuara të Amerikës, publikoi një video mëngjesin e të dielës me informacione të detajuara për procedurën e aplikimit.

Ambasada tregon disa nga kriteretet kyçe të aplikimit, që nisin me arsimin, ku çdo aplikant duhet të ketë së paku arsimin e mesëm të përfunduar me kohë të rregullt, të dhënat prsonale të aplikantit dhe një përvojë pune që kualifikohet sipas O`Net OnLin.

Për më tepër ndiqni videon e ambasadës së SHBA në Tiranë, për të mësuar të gjitha procedurat e aplikimit për programin e Lotarisë Amerikane.

https://www.facebook.com/usembassytirana/videos/1207761586076872/

Aksidenti te tuneli, viktima ishte vëllai i deputetes së PS

Të tjera detaje dalin në dritë nga aksidenti tragjik që ndodhi mbrëmjen e të shtunës në tunelin e Krrabës, ku mbeti i vdekur 37-vjeçari Elton Maçolli.

Viktima e aksidentit fatal, ishte vëllai i deputetes socialiste Blerina Gjylameti.

Elton Maçolli punonte prej kohësh si “Teknik Bordi i Helikopterëve” në bazën e Farkës në kryeqytet, mësoi Realstory.al.

37-vjeçari humbi jetën në aksidentin tragjik të së shtunës në mbrëmje, kur ishe duke lëvizur në aksin rrugor Tiranë-Elbasan.

Sipas informacionit zyrtar të policisë, Maçolli humbi kontrollin e mjetit të tij tip “Seat”, brenda në tunelin e Krrabës gjatë kohës që lëvizte në drejtim të Elbasanit.

Si pasojë e humbjes së kontrollit të mjetit, i riu është përplasur me një kamion, i cili drejtohej nga shtetasi me inicialet D.Sh., 33 vjeç banues në Elbasan.

Përplasja ishte e rëndë, duke shkaktuar dëmtime të mëdha në mjetin që drejtohej nga Maçolli, ndërsa vetë ai humbi jetën tragjikisht.

Po transportonte djathë kontrabandë, pranga 32-vjeçarit në Elbasan

Policia e Elbasanit njoftoi mëngjesin e të hënës se arrestoi një shtetas me inicialet M.Z., 32 vjeç, banues në Tiranë. Ky person është arrestuar në aksin rrugor Librazhd-Elbasan, pasi gjatë kontrollit në mjetin e tij, i janë gjetur 142 koli me djathë.

Sipas Policisë së Shtetit, dyshohet se djathi është futur ilegalisht në territorin e vendit tonë nga Maqedonia e Veriut. Për këtë arsye, 32-vjeçari është ndaluar dhe më pas është arrestuar në flagrancë.

Materiale hetimore i kaluan Prokurorisë pranë Gjykatës së Shkallës Parë Elbasan, për veprat penale,  “Tregtimi dhe transportimi i mallrave që janë kontrabandë”, dhe “Fshehja e të ardhurave”.

Soros Junior mbron Shqipërinë: Europa Perëndimore është Shqiptarofobe

Alexander Soros, djali i filantropit të njohur amerikan George Soros, reagoi në Twitter ndaj refuzimit të Francës për të hapur negociatat e Shqipërisë dhe Maqedonisë së Veriut me BE. Alex Soros shpërndan një status të Komisionerit Johannes Hahn, i cili shkruan se: “Dështimi nuk është i Shqipërisë dhe Maqedonisë së Veriut. Ishe Bashkimi Europian që dështoi për shkak të çështjeve të brendshme. Kjo dëmton besueshmërinë e BE jo vetëm në Ballkanin Perëndimor por më gjerë”, shkuran Hahn.

Këtë tëitt të Komisionerit në largim të KE, Alex Soros e shoqëron me një koment të tijin, ku shkruan se në Europë ekziston një paragjykim dhe fanatizëm nënvizues ndaj shqiptarëve etnikë. Sipas Alex Soros, ky paragjykim dhe fanatizëm nuk duhet të nënvlerësohet në refuzimin ndaj Shqipërisë dhe Maqedonisë së Veriut. “Ekziston një paragjykim dhe fanatizëm ndaj shqiptarëve etnikë në Evropën Perëndimore, i cili nuk duhet të nënvlerësohet në refuzimin që iu bë Shqipërisë dhe Maqedonisë së Veriut në Këshill. Europa duhet të përballet me shqiptarofobinë e saj”, shkruan Alex Soros.

Më tej, djali i George Soros, që në Shqipëri është një prej donatorëve kryesor të shoqërisë civile nëpërmjet fonadcionit Shoqëria e Hapur, shpërndanë dhe një status të ish-Kryeministrit të Suedisë, Carl Bildt. Ish shefi i ekzekutivit në Suedi shkruan në Twitterin e tij se: “Padyshim që Franca dhe Macron i kanë dhënë një goditje të rëndë besueshmërisë së përgjithshme të BE-së, si aktor me rëndësi për stabilitetin e Evropës. Në rajonin ku Evropa do të duhet të provonte fuqitë e saj, tashmë e ka goditur me thikë pas shpine”, shkruan Bildt. Ndërkohë, Alex Soros e komenton këtë status të Bildt me një fjali, përsëri duke iu drejtuar Macron: “Presidenti Macron pret që Evropa të zgjidhë çështjet mes Serbisë dhe Kosovës, por si?”, shkruan Alex Soros.

Skip to toolbar