Rreth dy të tretat e votuesve britanikë, nga të gjitha përkatësitë partiake, besojnë se vendimi i Britanisë së Madhe për t’u larguar nga Bashkimi Evropian në vitin 2016 pati një ndikim negativ në vend, sipas një sondazhi të publikuar nga Këshilli Evropian për Marrëdhëniet me Jashtë, (ECFR).
Sondazhi i këtij grupi ekspertësh, i kryer nga 7 deri më 14 maj me më shumë se 2,000 të anketuar, tregoi se dy të tretat e tyre besojnë se Brexit ka rritur koston e jetesës dhe ka ndikuar negativisht në ekonominë kombëtare.
“Një dekadë më vonë, populli britanik po e kupton se shpresat e tyre për një jetë më të mirë jashtë BE-së nuk po realizohen dhe se Brexit ka kërcënuar aftësinë e Britanisë për të menaxhuar çështjet që kanë më shumë rëndësi për votuesit”, tha kreu i ECFR-së, Mark Leonard.