Një aksident i rëndë me pasojë vdekjen e një personi, ka ndodhur mbrëmjen e djeshmë në qytetin e Durrësit.
Aksidenti ka ndodhur rreth orës 22:30 në Shën Avlash të Durrësit. Viktima, një burrë 50 vjeç që nuk është identifikuar akoma nga policia, ishte duke udhëtuar me biçikletë dhe është përplasur nga një kamion.
Kamioni drejtohej nga shtetasi me inicialet D.J., i cili është shoqëruar nga policia e Durrësit.
Ndërkohë është ngritur edhe një grup hetimor për të zbardhur ngjarjen e plotë dhe shkaqet e aksidentit.
